२ कोरिन्‍थि 3:3 - बान्‍तावा राई

³ खानानिन ख्रिस्‍तआ आन्‍काओ काचिलाम्‍पा ऩछाप्‍तिन्‌ओ अ़चुछाप्‍लावाचिओ निओ य़ङ छेङ्‌छेङ्‌छेङ्‌वा मुयाङ। ओ छाप्‍लावा च़क्‍मावाआ माआङ, मेन अ़ह़ङ निनाम्‍हाङ्‌ओ अ़चुलावालाम्‍पा छाप्‍ताओ। लुङ्‌ओ छाप्‍खाचिदा माआङ, मेन म़नाओ अ़चुसाकोङ्‌वाचिदाओ छाप्‍खाचिदा।

२ कोरिन्‍थि 3:3 Σταυροειδείς Αναφορές

मत्‍ति 16:16

सिमोन पत्रुस्‌आ लासुलो, “खानानिन ख्रिस्‍त ओ, अ़ह़ङ निनाम्‍हाङ्‌ओ अ़चुछा ओ।”

१ कोरिन्‍थि 3:5

खोन्‍नालो अपोल्‍लोस साङ ओ? खोन्‍कि पावल साङ ओ? आन्‍कान्‍का झारा ना निनाम्‍हाङ्‌आ ऩप़न्‍काओ अ़चुकाचि कामुचि ओन्‍ङा ओ। आन्‍कान्‍कालाम्‍पा खानानिन साकोङ्‌छ़ङ त़मुम।

२ कोरिन्‍थि 3:6

अ़ऩङ्‌वा हिप्‍माय़ङ्‌दा खोक्‍कोसाआ आन्‍कान्‍का काचि मुमा काऱ काब़त्‌वा ऩमुन्‌युङ्‌सिन्‍का। छाप्‍माय़ङ य़ङ्‌हुप्‌आ माआङ, मेन सेङ्‌लावादा। देकिनालो छाप्‍माय़ङ य़ङ्‌हुप्‌आ ना म़सेत, मेन सेङ्‌लावाआ ह़ङ्‌म़ङ म़प़।

२ कोरिन्‍थि 3:7

लुङ्‌ओ छाप्‍खाचिदा छाप्‍तुओ मो य़ङ्‌हुप ओवात्‍नि साम लिसा ताकिना मो साम्‌आ निनाम्‍हाङ्‌य़ङ खाकालु मोसाओ अ़ङाइवा लेराङाओसा इस्राएलिचिआ खाङ्‌मा मान्‍ऱअ़दा। खोन्‍नुछाङ मो साम माखात्‌याङ्‌सा खाराङा। स़मा कातात य़ङ्‌हुप्‌नुछाङ ओवाको साम लिसा तानालो ना,

२ कोरिन्‍थि 6:16

सेम्‍पोक्‌एनान निनाम्‍हाङ्‌ओ अ़चुब़क्‍खाखिम देत्‍नि तोङ्‌मा? देकिनालो आन्‍कान अ़ह़ङ निनाम्‍हाङ्‌ओ अ़चुब़क्‍खाखिम ओ। निनाम्‍हाङ ओवात्‍नि म़य़ङायुङ्‌सा, “‘अ़ङ्‌का मोचिएदा याक्‍ङा, खोन्‍कि मोचिओ अ़चुरादा कोन्‍ङा, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍किना मोचि अ़ङ्‌म़ना म़लि।’

१ थेसलोनिकि 1:9

देकिनालो देत्‍नि आन्‍कान्‍का खानानिन तुप्‍निहिदा साऩङ्‌वा त़मेत्‍निओ, खोन्‍कि देत्‍नि सेम्‍पोक्‌चिदाङ्‌का अ़ह़ङ खोन्‍कि अ़छ़ङ निनाम्‍हाङ ब़त्‍सि त़लासिन्‌ओ, मोसोओ अ़तुक्‌वादा झारादात्‍निओ म़नाचिआ खाअ़लु।

हिब्रु 10:16

“मोचिएनान ओ य़ङ्‌छ़ङ अ़ङ्‌का मुङ, हाङ्‌पा निनाम्‍हाङ म़य़ङ्‌याङ, मो लेन अ़ङ्‌का मोचिओ अ़चुमिन्‍माचिदा अ़ङ्‌य़ङ्‌हुप युङ्‌सुङ, खोन्‍कि अ़चुओ साकोङ्‌वाचिदा मोचि छाप्‍तुङ्‌प़ङ्‌च़ङ।”

हिब्रु 8:10

हाङ्‌पा निनाम्‍हाङ म़य़ङ्‌याङ, मो लेन अ़ङ्‌का इस्राएल्‌दाओ म़नाचिएनान ओ य़ङ्‌छ़ङ मुङ, मोचिओ अ़चुमिन्‍माचिदा अ़ङ्‌य़ङ्‌हुप युङ्‌सुङ, खोन्‍कि अ़चुओ साकोङ्‌वाचिदा मोचि छाप्‍तुङ्‌प़ङ्‌च़ङ, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍कि मोचि अ़ङ्‌म़नाचि म़लि।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

खाङ्‌मुमा 2:1

“एफिससदाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान सात्‌कातात साङ्‌केन्‍माचि अ़चुचुप्‍ताङ्‌छुक्‌दा काक़क्‍क खोन्‍कि सात्‌कातात हाराक्‌वाओ कुपि युङ्‌खाचिओ अ़चुरादा काकोन म़य़ङ्‌याङ।

खाङ्‌मुमा 2:12

पर्गामम्‌दाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान ह्‍वालिप्‍पा अ़हा याक्‌याङ्‌ओ बान्‍छोन काखुन्‌दाङ्‌का ओ।

खाङ्‌मुमा 2:18

थिआतिरादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान निनाम्‍हाङ्‌ओ अ़चुछादाङ्‌का ओ, मोसोओ अ़म़क्‌चि मिओ अ़लाक्‌वा खोन्‍कि मोसोओ अ़लाङ्‌चि लेन्‍माय़ङ कासावा मुयाङ।

खाङ्‌मुमा 2:8

स्‍मुर्नादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। साङ सुवादा खोन्‍कि लासाह़ङा, ओ य़ङ्‌खान खोक्‍कोसोओ ओ, खोक्‍को अ़पुङ्‌चिपुक खोन्‍कि अ़लुक्‍मा म़युङ्‌याङ।

खाङ्‌मुमा 3:1

सार्दिस्‌दाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान निनाम्‍हाङ्‌ओ सात्‌कातात लावा खोन्‍कि सात्‌कातात साङ्‌केन्‍मा कातोक म़य़ङ्‌याङ। आम्‍काचिचि अ़ङ्‌का सिन्‍तुङ्‌योङ्‌च़ङ। खानानिन अ़ह़ङ त़युङियेन निकिना आम्‍नुओ ऩङ ओन्‍ङा ऱङायुङ्‌सा, मेन खानानिन त़स़न्‌वा त़लिसिन्‌युङ्‌सिन।

खाङ्‌मुमा 3:14

लाउदिकियादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। ओ य़ङ्‌खान आमेन निओदाङ्‌का ओ, साङ सोम्‍कुवा मुमा खान्‍तुओ अ़छ़ङ सालुम्‍स़ङ काप़पा खोन्‍कि निनाम्‍हाङ्‌ओ अ़चुमुन्‍माय़ङ्‌चिदाओ हाङ्‌काचि कामुदाङ्‌का ओ।

खाङ्‌मुमा 3:22

साङ्‌को अ़एन्‍खा नाबाक याक्‌याङ, मोसाआ एनुने, सेङ्‌लावाआ साम्‍भुङ्‌चि दे म़लोङुचि।

खाङ्‌मुमा 3:7

फिलादेल्‍फियादाओ साम्‍भुङ्‌ओ निनाम्‍हाङ काफा खाना ओ य़ङ छाप्‍तु। साङ सेङ्‌याङ, साङ अ़छ़ङ मुयाङ, साङ्‍एदा दाउद्‌ओ अ़हाङ्‌होन्‌ओ अ़होत्‍खा युङ्‌याङ, ओ य़ङ्‌चि खोक्‍कोएदाङ्‌का ओ। देम्‍खा खोक्‍कोसाआ लाप्‍तिखोप अ़होत, साङ्‌आछाङ मो छेक्‍मा अ़ऱन। खोन्‍कि खोक्‍कोसाआ अ़छेक्‌ओ साङ्‌आछाङ होत्‍मा अ़ऱन।