२ कोरिन्‍थि 2:3 - बान्‍तावा राई

³ मेन अ़ङ्‌का दिसु य़ङ छाप्‍तुङ, मो ओ मिन्‍माआ छाप्‍तुङ, अ़ङ्‌का बान्‍ङाहिदा साङ्‌चिलाम्‍पा अ़ङ्‌का सेवाङ्‌नि लिमा दोराङा, मोचिलाम्‍पा अ़ङ्‌राक अ़स़निन्‍ने। देकिनालो अ़ङ्‌सेवाङ्‌नि खानानिन झारासोओ सेवाङ्‌नि लि निकिना खानानिन झाराएदा अ़ङ्‌सोम्‍कुवा याआङा।

२ कोरिन्‍थि 2:3 Σταυροειδείς Αναφορές

१ कोरिन्‍थि 4:21

खानानिन दि त़छेन्‍तुम? अ़ङ्‌का खानानिन्‌एदा तोप्‍मा बात्‍ङाकि बान्‍ङा हे, सोम्‍तुक्‍मा खोन्‍कि सिम्‍मान्‍चिन लावा बात्‍ङाकि बान्‍ङा?

२ कोरिन्‍थि 1:15

ओ य़ङ्‌दा अ़ङ्‌का अ़छ़ङ मुङाङाओसा, खानानिन ह्‍वास़रो आसिखा त़तोक्‍तुम्‍ने निकिना खानानिन्‌एदा बुया बान्‍मानि अ़ङ्‌का मिनाङ।

२ कोरिन्‍थि 1:23

अ़ङ्‌सालुम्‍स़ङ्‍ओ निम्‍पाङ अ़ङ्‌का निनाम्‍हाङ्‌एदा फालुङा, खानानिन च़लोक दन्‍दा प़मा अ़दोत्‍निन्‍ने निम्‍पाङ अ़ङ्‌का कोरिन्‍थदा मान्‍लाङाबान्‍ङा।

२ कोरिन्‍थि 12:11

अ़ङ्‌का खामान्‍सिन्‍कादा लिसाङ्‌युङ्‌साङ! खानानिन्‌आ अ़ङ्‌का ओवात्‍नि च़मा राकाङ्‌थेत्‍नि त़मुवाङ्‌ऩङ, देकिनालो खानानिन्‌आ अ़ङ्‌ऩङ्‌चोन्‍मा दोराङाओ। देकिनालो अ़ङ्‌का दित्‍छाङ माआङ्‌नुछाङ “अ़धिवा छाम्‍माय़ङ्‌चि”नि काय़ङ्‌चिदाङ्‌का अ़ङ्‌का अ़चुप्‍पो अ़मुऩङ्‌ऩङ।

२ कोरिन्‍थि 12:21

अ़ङ्‌का लाङाबान्‍ङाहिदा अ़ङ्‌निनाम्‍हाङ्‌आ अ़ङ्‌का आम्‍नुओ तुक्‌वाआ लेजो ऩमुङा हे निम्‍पाङ खोन्‍कि साङ्‌चि बुया हेवा म़मुवा ओ, खोचि ब़द्‍धेकापाङ्‌आ अ़चुपोप्‍मान्‍चिन, ताङ्‌लान, हेवा खोन्‍कि राकादाङ्‌का मान्‍लाम़युक्‍नान्‍चिन्‌ओसा अ़ङ्‌का सोखा मुमादोत हे निकिना अ़ङ्‌क़माकात्‌याङ।

२ कोरिन्‍थि 13:10

खोन्‌ओसा, खानानिन्‌एदाङ्‌का अ़थाया युङ्‌ङाङाहिदा अ़ङ्‌का ओ छाप्‍तुङ्‌योङ, मोवात्‍नि खानानिन्‌एदा लाङाताङाहिदा हाङ्‌पाआ अ़ङ्‌का ऩपुवाङ्‌ओ पाङ चाअ़त्‍लो अ़ङ्‌का याङ्‌मा अ़दोत्‍निन्‍ने। ओ पाङ खोक्‍कोसाआ अ़ङ्‌का खानानिन काऱ मुमा निम्‍पाङ ऩपुवाङ ओ, भुङ्‌माखान्‍माओ निम्‍पाङ माआङ।

२ कोरिन्‍थि 2:9

खानानिन चिन्‍माखाङ्‌मा खोन्‍कि झारा य़ङ्‌दा लोमाय़ङ्‌वा त़च़न्‌येन हे माआङ्‌नि सिन्‍मा निम्‍पाङ अ़ङ्‌का खानानिन छाप्‍नानिन्‌ओ।

२ कोरिन्‍थि 7:12

अ़ङ्‌का मो छाप्‍लावा काफिचि लाहि पाक्‍माचिओ निम्‍पाङ माङ्‌लो काफिएदाङ्‌का मिन्‍मातुक्‍मा तोक्‍माओ निम्‍पाङ छाप्‍तुङ्‌ओ माआङ। खानानिन्‌आ ना निनाम्‍हाङ्‌ओ अ़चुबुदा आन्‍काओ निम्‍पाङ अ़नुछ्‍याङा देम खान्‍नुलो त़ब़त्‍निङ्‌निनिओ य़ङ नुलोक खाङ्‌मुमा छाप्‍तुङ्‌ओ।

२ कोरिन्‍थि 7:16

अ़ङ्‌को अ़ङ्‌ऩङानु, देकिनालो खानानिन्‌एदा झारा अ़ङ्‌सोम्‍कुवा याक्‌याङ।

२ कोरिन्‍थि 7:6

मेन अ़चुराक सुवाओचि सोम्‍कासेत निनाम्‍हाङ्‌आ तितस्‌ओ अ़तामालाम्‍पा आन्‍कान्‍का राक ऩप़न्‌युङ्‌सिन्‍का।

२ कोरिन्‍थि 7:8

अ़ङ्‌छाप्‍लावालाम्‍पा आम्‍नुओ मिन्‍मा तुआ, खोन्‍नुछाङ अ़ङ्‌मिन्‍मा मान्‍तुक्‌युक। बुयाना अ़ङ्‌मिन्‍मा तुआओङा ओ। मेन ओन्‍ग़रि मो अ़ङ्‌छाप्‍लावाआ अ़क्‍चित लेन्‌तारि ओन्‍ङा आम्‍नुओ मिन्‍मा तुआओ अ़ङ्‌का सिन्‍तुङ।

२ कोरिन्‍थि 8:22

मोचिएनान आन्‍काओ निछा बाइसुम्‌योम्‍का, खो आन्‍कान्‍का ब़द्‍धेकादु चिन्‍तुम्‍खोम्‍का, खोन्‍कि ब़द्‍धे य़ङ्‌चिदा अ़राक्‌एनान्‌ओ आन्‍कान्‍का खो धिरुम्‌युङ्‌सुम्‍का। खानानिन्‌एदाओ अ़धिवा अ़सोम्‍कुवाआ खो च़लोक राक्‌एनान्‌ओ लिसायुङ्‌सा।

गलाति 5:10

अ़ङ्‌का हाङ्‌पाएदा सोम्‍कुवा मुङाङा, खानानिन सोज्‍जेओ चिन्‍माय़ङ त़त़ङ्‌तिमिन। खानानिन दुखा काप़ साङ्‌आनुछाङ दन्‍दा आङ्‌मादोत।

२ थेसलोनिकि 3:4

आन्‍कान्‍का लोनिओवा खानानिन त़च़न्‌युङ्‌सिन्‌येन, खोन्‍कि त़च़न्‌युङ्‌सिन निकिना आम्‍नुओ तुक्‌वादा आन्‍कान्‍का हाङ्‌पाएदा सोम्‍कुवा मुन्‍का।

फिलेमोन 1:21

अ़ङ्‌का लोनिओ खाना त़मेत्‍निप़नि खोन्‍कि हान च़लोक्‌छाङ त़मेत्‍निप़निनि सोम्‍कुवा मुयाङ्‌सा ओ छाप्‍लावा छाप्‍तुङ्‌योङ।