२ कोरिन्‍थि 11:25 - बान्‍तावा राई

²⁵ सुम्‌कादुतारि अ़ङ्‌का रोलाआ ऩधात्‍ताङ। अ़क्‍दु अ़ङ्‌का सेत्‍मा निम्‍पाङ लुङ्‌ताक्‌आ ऩवेराङ। सुम्‌कादु अ़ङ्‌का वाङाङ्‍ओ वाप्‍तेला भुङ्‌साखारा। अ़क लेन अ़क्‍खाखुत अ़ङ्‌का धियाङ्‌वामादाङा अ़ङ्‌का क़प्‍तुङ।

२ कोरिन्‍थि 11:25 Σταυροειδείς Αναφορές

मत्‍ति 20:19

खो सुङ्‌मा, य़हुप पाक्‍मा खोन्‍कि क्रुस्‌दा ख़न्‍मा निम्‍पाङ मोचिआ खो निरावाचिओ अ़चुछुक्‌दा अ़पाक, खोन्‍कि सुम्‌कालेन्‌दा खो स़दाओदाङ्‌का लाखोन्‍लोन।”

मत्‍ति 21:35

मेन अ़व़क काचात्‌चिआ खोसोओ अ़काफाचि म़लाउचिकि अ़क्‌तात अ़ब़ङ्‌सा, नितात अ़सेरा, खोन्‍कि नितात लुङ्‌आ अ़वेरा।

छाम्‍माय़ङ 14:19

खोन्‍किना खा-खाक्‍को एन्‍तिओखिया खोन्‍कि आइकोनियन्‌याङ्‌का म़बानाओ यहुदिचिआ पावल्‌ओ अ़देङ्‌सालाप्‍पादा म़ना मुक्‍लाचि म़थेन्‍तुचि। खोचिआ पावल लुङ्‍आ अ़वेरा, खोन्‍कि खो सुवादानि अ़मित्‍ताकिना सहरादाङ्‌का बुङ्‌खाया अ़सारालोत्‍ता।

छाम्‍माय़ङ 14:5

खोन्‍किना निरावाचिकि यहुदिचि अ़क्‍नि अ़चुबुसुवाचिएनान म़तोङाकिना पावल खोन्‍कि बारनाबास म़सुङुचिकि लुङ्‍आ वेन्‍मा याम़योआ।

छाम्‍माय़ङ 16:33

खोन्‍कि मो खाखुत्‌ङा खोसाआ मोचि खात्‍तुचिकि अ़चुखोवाचि वास़त्‍तुप़चि। खोन्‍किना खोसोओ झारा अ़खिम्‌दाओचिआ मोन्‍ग़रिङा बप्‍तिस्‍मा म़लोआ।

छाम्‍माय़ङ 16:37

मेन पावल्‌आ मो रात्‍खामिचि लोचि, “आन्‍काच्‍या रोमि ताङ्‌युङ्‌नुछाङ खोचिआ छ़ङ मान्‍छेन्‍प़माङ म़नाचिओ अ़चुबुदा आन्‍काच्‍या ऩधात्‍ताच्‍या, खोन्‍कि छेक्‍खाखिम्‌दा आन्‍काच्‍या ऩछेक्‍ताचिया। खोन्‍कि ओन्‍ग़रि दि आन्‍काचिया वाइवेत लोन्‍मा ऩलाप्‍चिङ्‌च्‍या? ओवात्‍नि अ़नुनिन! हाङ्‌काचि कामुचिङा म़ताने खोन्‍कि आन्‍काच्‍या ऩलोन्‍चियाने।”

छाम्‍माय़ङ 22:24

मुकुधुम्‌आ पावल रात्‍खामि युङ्‌खा खिम्‍हुत्‌दा वाक्‍मेत्‍तुचि खोन्‍कि खोसोओ अ़देङ्‌सालाप्‍पादा यहुदिचि देकि ओवात्‍नि अ़चुमाइसुङ काराओ सिन्‍मा निकिना “य़हुप पाक्‌याङ्‌सा सेनानुम”नि लोचि।

१ तिमोथि 1:19

साकोङ्‌छ़ङ खोन्‍कि अ़नुवाक छेन्‍खाताया मान्‍लेत्‌दो। खा-खाक्‍को म़नाचिआ छेन्‍खाताया ऩङाअ़छिराकि अ़चुसाकोङ्‌छ़ङ अ़लुक्‍तायुङ्‌सा।

हिब्रु 11:37

मोचि लुङ्‌आ म़वेरुसेरुचि। मोचि आरिआ म़हेक्‍तुसेरुचि। मोचि बान्‍छोन्‌आ म़धेरुसेरुचि। भेरा खोन्‍कि मेनेत्‌चिओ अ़चुहोक्‌वाचि म़हुम्‍सा खोन्‍कि मान्‍तोक्‍कादा म़लिसा, म़ल़क्‍तुचि खोन्‍कि अ़त्‍लो म़मुचि खोन्‍कि मोचि ओह्‍यात्‍नि-मोह्‍यात्‍नि म़कोलालुक्‍ता।