१ तिमोथि 6:20 - बान्‍तावा राई

²⁰ तिमोथि, दि खाना खाङ्‌मा ऩपुवायुङ्‌सा, मो रात्‍तुयुङ्‌सु। मान्‍साम्‌योक्‍मि चेप्‍मा खोन्‍कि दुम क़प्‍माय़ङ्‌चिदाङ्‌का अ़थाया युङा। मोचिआ मो य़ङचि “ताया”नि म़य़ङ, मेन मो सोज्‍जेओ ताया ओ।

१ तिमोथि 6:20 Σταυροειδείς Αναφορές

छाम्‍माय़ङ 16:1

पावल खोन्‍कि सिलास दर्बिदा खोन्‍किना लुस्‍त्रादाछाङ खाराचि। मोदा तिमोथि अ़ऩङ मुवाङाओ अ़क्‍छा येसु काखेङ युङाङा। खो अ़क्‍छा साकोङ्‌छ़ङ कामुमा यहुदि मेत्‍छामाओ अ़दुवाछा छाओ, मेन खोसोओ अ़पा ग्रिक ओ।

छाम्‍माय़ङ 17:18

खो देम्‌कापाङ इपिक्‌युरि खोन्‍कि स्‍तोइकि तायाहाङ्‌पाचिएनान्‌छाङ दुम्‍तुसा। खोसाआ मोचि येसु म़खोन्‍तालोन्‍ताओसो अ़तुक्‌वादा खाएत्‍तुचिओसा “ओ याचेक्‌वा दे य़ङ्‌याङ?”नि अ़लोवा। निचि म़य़ङा, “खोसाआ नि म़नाचिओ अ़चुमाङ्‌चिओ अ़तुक्‌वादा आन्‍कान खाम़एत्‌याङ।”

छाम्‍माय़ङ 17:21

झारा एथेन्‍स्‌दाओ म़नाचि खोन्‍कि नि हेन्‍कोप्‌दाङ्‌का म़ताओ मोदा कायुङ म़नाचिआ अ़ऩङ्‌वा य़ङ्‌चि चेप्‌याङ्‌सा माङ्‌लो एन्‌याङ्‌सा अ़चुग़रि मोहा अ़खाइसाङा।

रोमि 1:22

मोचि “खारु तोक्‍ङाङा”नि म़य़ङानुछाङ, मोचि खामान्‍सिन म़लिसा।

रोमि 3:2

झाराकापाराआ च़लोक अ़नुवाक मुयाङ। झारादाङ्‌का बुया निनाम्‍हाङ्‌आ अ़चुओ य़ङ्‌चि यहुदिचिओ अ़चुछुक्‌दा म़पाक्‍तुचि।

१ कोरिन्‍थि 2:6

खोन्‍नुछाङ आन्‍कान्‍का कालेकासिन्‌चिओ अ़चुरादा तायाओ य़ङ खालुन्‍का, मेन ओ जुगादाओ ताया माङ्‌लो ओ जुगादा हाङ्‌काचि कामुचिओ अ़चुतायादा माआङ। मोचि ना म़माखात।

१ कोरिन्‍थि 3:19

देकिनालो हेन्‍खामाओ खारु निनाम्‍हाङ्‌ओ अ़चुबुदा खामान्‍सिन ओ। साम्‍कालिन्‌दा ओवात्‍नि छाप्‌याङ, “खोक्‍कोसाआ ताया कातोक्‌चि मोचिओ अ़चुचाप्‍चादा म़लाउचि।”

कलस्‍सि 2:18

सिम्‍सिन्‍चिन्‌वा च़सा खाङ्‌कामु म़नाचि खोन्‍कि निनाम्‍हाङ काफाचि काब़क म़नाचिआ खानानिन ऩसुङ्‌तिमिन्‍ने। मोचिआ ओचिओ सेन्‍चि खाम्‌योम्‍कानि म़य़ङ, मेन ओ झारा सोज्‍जे ओ, देकिनालो मोचिओ अ़चुमिन्‍माचि हेवामि मित्‍माआ भेप्‍तुकि ऱक्‍भाक लिसायुङ्‌सा।

कलस्‍सि 2:8

चाप्‍चेत्‍तानिन्‍चिन, साङ्‌आछाङ खानानिन म़नाचिएदाङ्‌का ताओ सोज्‍जेओ खोन्‍कि अ़होम्‍पा चिन्‍माय़ङ्‌दाङ्‌का ऩथेम्‍सिन्‍खात्‍तिमिन्‍ने। मो य़ङ्‌चि ख्रिस्‍तदाङ्‌का माआङ, मेन म़नाचिओ अ़चुच़माथाङ्‌मा खोन्‍कि हेन्‍खामादाओ तायादाङ्‌का म़ताओ य़ङ्‌चि ओ।

२ थेसलोनिकि 1:4

खोन्‌ओसा खानानिन्‌आ आङ्‌माय़ङ खोन्‍कि झारा दुखाचिदाओ सोम्‍कुवा मुमाय़ङ खोन्‍कि अ़चाअ़त्‍माचि खानानिन्‌आ त़आङ्‌तुम्‌योम्‌ओ अ़तुक्‌वादा तोक्‍पो लियाङ्‌सा निनाम्‍हाङ्‌ओ नि अ़चुसाम्‍भुङ्‌चि आन्‍कान्‍का खाएत्‍तुम्‍च़म्‍का।

२ थेसलोनिकि 2:15

खोन्‌ओसा ब़ब़, नाना खोन्‍कि निछाचि ओ, आम्‍नुओ साकोङ्‌छ़ङ्‌दा ओह्‍यात्‍नि-मोह्‍यात्‍नि मान्‍लिमाङ युङानिन, खोन्‍कि आन्‍कान्‍का लोनिओ य़ङ्‌दा माङ्‌लो आन्‍काओ छाप्‍लावादाङ्‌का खानानिन्‌आ दियाको ताया त़तोक्‍तुम्‌युङ्‌सुम, मो लावायुङ्‌सानुम।

१ तिमोथि 1:11

ओ अ़ङ्‌का ऩपुवाङ्‌ओ चिन्‍माय़ङ साम्‍स़रिओ नुय़ङ्‌खान चोन्‍मा खान्‍तुओ निनाम्‍हाङ्‌ओवात्‍निओ मुयाङ।

१ तिमोथि 1:2

ओ छाप्‍लावा साकोङ्‌छ़ङ्‌दा अ़नुछ्‍याओ अ़ङ्‌छा तिमोथिओ निम्‍पाङ ओ छाप्‍लावा छाप्‍तुङ्‌योङ। निनाम्‍हाङ पापा खोन्‍कि आन्‍ख्रिस्‍त येसुआ खाना नुलोक ऩमुने, सोमाऩतुक्‍ने खोन्‍कि सेवाङ्‌नि ऩमुने।

१ तिमोथि 1:4

खाना मोचि सोज्‍जेओ दोय़ङ्‌ला खोन्‍कि अ़चुसुन्‍तुम्‌चिओ अ़लुक्‍निन्‌ओ अ़चुसुन्‍तुम य़ङ्‌चिदा वान्‍मान्‍चिन मान्‍प़दोचि। ओसाआ निनाम्‍हाङ्‌ओ अ़चुकाचि माआङ दुम्‍तुमा य़ङ्‌चि ओन्‍ङा लोइसुचि, मोसाआ म़नाचि साकोङ्‌छ़ङ्‌दा निनाम्‍हाङ्‌ओ अ़चुमित्‍चिऩङ्‌वाको ह़ङ्‌म़ङ ह़ङ्‌मा अ़प़न्‍चिन।

१ तिमोथि 1:6

मेन खा-खाक्‍को म़नाचि ओ झारा य़ङ्‌चिदाङ्‌का म़थेमायुङ्‌सा खोन्‍कि अ़काचिमाद़ङ्‌ओ दुम्‍छ़न्‍मादा म़लासायुङ्‌सा।

१ तिमोथि 1:9

आन्‍कान ओछाङ सिन्‍तुम्‌योम, य़ङ्‌हुप साम्‌योक्‍मिचिओ निम्‍पाङ मुवाओ माआङ, मेन य़ङ्‌हुप काकाक्‌चि, लोमावा मान्‍च़कादाचिओ निम्‍पाङ, निनाम्‍हाङ साया मान्‍मेत्‍कादा खोन्‍कि हेवामि, ऩसेङ्‌निनिन्‌ओ, मान्‍साम्‌योक्‍मि खोन्‍कि अ़चुपाचि माङ्‌लो अ़चुमाचि कासेत्‌चि, म़नाकासेत्‌चिओ निम्‍पाङ,

१ तिमोथि 4:7

मान्‍साम्‌योक्‍मि खोन्‍कि अ़तुम्‍माय़ङ मात्‍द़ङ्‌ओ दोदुम्‌चिदाङ्‌का अ़थाया युङानिन। मेन, आप्‍पि साम्‌योक्‍मिओ निम्‍पाङ चिन्‍तान्‍चिन।

१ तिमोथि 6:11

मेन खाना निनाम्‍हाङ्‌ओ अ़चुम़ना, ओ झारादाङ्‌का अ़थाया युङा, खोन्‍कि साम्‌योक, निनाम्‍हाङ ब़क्‍मा, साकोङ्‌छ़ङ, सोमातुक्‍मा, हुङ्‌मा, खोन्‍कि सिम्‍मान्‍चिन्‌ओ मित्‍चिऩङ मुवा।

१ तिमोथि 6:14

आन्‍हाङ्‌पा येसु ख्रिस्‍त खाङ्‌मान्‍मुयुक्‍नान्‍चिन्‌तारि ओ लोमाय़ङ्‌वा नुलोक चुवा, खोन्‍कि थुपि माङ्‌लो लाहिदाङ्‌का अ़थादा युङ्‌सु।

२ तिमोथि 2:1

खोन्‌ओसा, अ़ङ्‌छा तिमोथि, ख्रिस्‍त येसुओ अ़चुसोम्‍तुक्‍मादा खाना काछो लिसा।

२ तिमोथि 2:16

मान्‍साम्‌योक्‍मि खोन्‍कि खामान्‍सिन दुम कालुदाङ्‌का अ़थाया युङा। देकिनालो ओसाआ म़नाचि च़लोक मान्‍साम्‌योक्‍मिदा तित्‍तुखात्‍तुचि।

तितस 1:14

खोन्‍कि यहुदिचिओ सोज्‍जेओ दोय़ङ्‌ला खोन्‍कि अ़नुछ्‍याओ य़ङ ऩङाकाछित म़नाचिओ अ़चुय़ङ्‌चि एन्‍माइ ऩएनुन्‍ने।

तितस 1:4

अ़ङ्‌काएनान अ़क्‍निवाओ साकोङ्‌छ़ङ कामु अ़ङ्‌को अ़नुछ्‍याओ अ़ङ्‌छावाको तितस ओ छाप्‍लावा छाप्‍तुङ्‌योङ। आन्‍पापा निनाम्‍हाङ खोन्‍कि आन्‍कान कालेन्‍पा ख्रिस्‍त येसुआ खाना सोमातुक्‍मा खोन्‍कि सेवाङ्‌नि ऩप़ने।

तितस 1:9

आन्‍कान्‍काआ चिन्‍तुम्‍च़म्‍काओ अ़नुछ्‍याओ तायादा युङ्‌युङ्‌ओ खोन्‍कि नि म़नाचिछाङ ओ ताया प़चिकि राक प़मा काऱ लिमादोत। ओ ताया आन्‍कान्‍काआ चिन्‍निओवात्‍नि लिमादोत। खोन्‍किना ओसोओ देङ्‌सा काच़चिओ अ़चुफिमाछाङ खाङ्‌मेत्‍मा काऱ लिमादोत।

तितस 3:9

मेन अ़काचि मात्‍द़ङ्‌ओ दुम्‍छ़न्‍मा, सुन्‍तुम्‌चिओ ओन्‍दादाभान्‍को छाप्‍माय़ङ अ़चुऩङ्‌चि खोन्‍कि मोसाओ य़ङ्‌हुप्‌ओ अ़तुक्‌वादा खिमाम्‍हुमा छिरानुम। मोचि सोज्‍जेओ खोन्‍कि अ़काचि मात्‍द़ङ्‌ओ य़ङ्‌चि ओ।

खाङ्‌मुमा 3:3

खोन्‌ओसा खानानिन दियाको चिन्‍माय़ङ त़तोक्‍तुम खोन्‍कि त़एनुम, मो मान्‍लेत्‌दानुम खोन्‍कि हेवाचिदाङ्‌का लासानिन। खानानिन त़थिन्‍तिमिन्‌नालो अ़ङ्‌का काख़पावा ताङा, खोन्‍कि खाउग़रि ताङा ओ, मोछाङ खानानिन त़सिन्‍तिमिन।