१ तिमोथि 6:18 - बान्‍तावा राई

¹⁸ मोचि अ़नुवाक काचि मुमा, खोन्‍कि अ़नुवाक काचिचिदा कातोक लिमा, फामामिन्‍माओ खोन्‍कि निचिएनान हामाचामा मिन्‍माओ लिसानिन्‌नि लोचि।

१ तिमोथि 6:18 Σταυροειδείς Αναφορές

मत्‍ति 5:42

खाना कादोत्‌चि प़चि, खोन्‍कि खानाएदा नाक कालोक्‌चि ऩङामान्‍छित्‌दोचि।

लुका 12:21

आप्‍पिओ निकि चासुम, छेन्‍बि काभुङ, मेन निनाम्‍हाङ्‌ओ अ़चुबुदा मान्‍तोक्‍कादा म़ना ओवात्‍निङा लि।”

लुका 3:11

खोसाआ मोचिओ अ़चुय़ङ लासु, “ह्‍वातात तित कातोक्‌आ मान्‍तोक्‍कादा अ़क्‌तात प़ने, खोन्‍कि चामायु कातोक्‌आ मान्‍तोक्‍कादा प़ने।”

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

छाम्‍माय़ङ 11:29

खोन्‍किना एन्‍तिओखियादाओ झारा काखेङ्‌चिआ अ़चुतोक्‍मावा यहुदियादा कायुङ साकोङ्‌छ़ङ कामुचि फामा निकिना छेन्‍बि खान्‍मा अ़छ़ङ अ़मुवा।

छाम्‍माय़ङ 9:36

योप्‍पा सहरादा तबिता अ़ऩङ मुवाङाओ अ़क्‍छा काखेङ्‌मा युङाङा। मोसोओ ग्रिक अ़ऩङ दोरकास ओ, अ़तुप्‍माय़ङ “ख़स्‍सामा”। मो अ़धुन निचिओ निकि अ़नुवाक काचि मुवाङा, खोन्‍कि मान्‍तोक्‍कादाचि फासुङुचि।

रोमि 12:13

निनाम्‍हाङ्‌ओ अ़चुम़नाचिओ अ़चुहाप्‍मादिमादा फासानुम्‍च़म खोन्‍कि तावाङ्‌चि साऩङ्‌वा मेत्‍तायुङ्‌सानुम्‍च़म।

रोमि 12:8

यायोक प़मा ओनालो मोसाआ यायोक प़चिने। साङ्‌आ मोहा हासु, मोसाआ अ़नुवाक मिन्‍माआ हासुने, खो बुसुवा ओनालो खो चाअ़त्‍लो काचि मुने, सोमातुक्‍मा खाङ्‌मुमाओनालो अ़ऩङानुयाङ्‌सा खाङ्‌मुसुने।

१ कोरिन्‍थि 16:2

झाराका साताओ बुयाओ लेन खानानिन झारासाआ आ-आप्‍पि त़दुउम्‌ओ अ़चित छेन्‍बि फेआनुम्‌कि कोवायुङ्‌सानुम। खोन्‌ओसा अ़ङ्‌का बान्‍ङाओ ग़रि कोप्‍मा अ़दोत्‍निन्‍ने।

२ कोरिन्‍थि 8:12

प़मा मिन्‍मा याक्‌याङ्‌नालो म़नाएदा युङ्‌याङ्‍ओवात्‍नि छुक्‍तुप्‍मा लोक्‍मा खान्‍तु, खोएदा मात्‍द़ङ्‍ओदाङ्‌का माआङ।

२ कोरिन्‍थि 8:9

देकिनालो आन्‍हाङ्‌पा येसु ख्रिस्‍तओ अ़चुसोमातुक्‍मा खानानिन त़सिन्‍तुम्‌योम। खोक्‍को कातोक म़मुवाङानुछाङ आम्‍नुओ निम्‍पाङ खोक्‍को मान्‍तोक्‍कादा म़लिसा, खोन्‌ओसा खोक्‍कोसोओ अ़मान्‍तोक्‍दामादाङ्‌का खानानिन कातोक लिमा रुवानिन।

गलाति 6:10

खोन्‌ओसा आन्‍कान ग़रि तोक्‍तुम्‌वा झारा म़नाचि नुलोक मुम्‍च़म्‍ने, च़लोक्‌वा आन्‍साकोङ्‌छ़ङ्‌लुम्‍पादाओचि।

एफिसि 4:28

काख़पाआ हान्‌दाङ्‌का अ़ख़निन्‍ने, मेन खो काचि मुने। खोसोओ अ़छुक्‌आ काचि मुने, खोन्‌ओसा म़हाप्‌दिओचि प़मा ऱचिने।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।

हिब्रु 13:16

नुलोक च़मा खोन्‍कि खानानिन्‌एदा युङ्‌याङ्‌ओ निचिएदा हामा मान्‍मान्‍केदानुम, देकिनालो ओवाको हेन्‍खोक्‌वाचिआ निनाम्‍हाङ्‌ओ अ़चुऩङानु।

याकुब 2:5

अ़ङ्‌का सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, एनानुम, दि निनाम्‍हाङ्‌आ हेन्‍खामादाओ मान्‍तोक्‍कादाचि साकोङ्‌छ़ङ्‌दा कातोक मुसि म़छेन्‍तुचिओ माआङ कि? खोक्‍को सोमाकातुक्‌चि निनाम्‍हाङ्‌आ म़हिप्‍तुचिओ हेन्‍कोप्‌ओ पाङ्‌यि दि मोचिआ ऩतोक्‍तुन कि?

१ पत्रुस 3:11

मो अ़अ़त्‍पादाङ्‌का लाने, खोन्‍कि अ़नुवाक काचि मुने। मोसाआ सेवाङ्‌नि लामुने खोन्‍कि मोङा त़ङ्‌तुने।

१ युहन्‍ना 3:17

मेन हेन्‍खामादाओ चासुम्‍छेन्‍बि कातोक्‌आ साकोङ्‌छ़ङ कामु हाप्‍ताओ खाकिछाङ अ़साकोङ्‌वा खोएदा छाक्‍लो मुनालो निनाम्‍हाङ्‌ओ अ़चुसोम्‍तुक्‍मा मोएदा देत्‍नि याक?

३ युहन्‍ना 1:11

सोमातुक्‍नाङ्‌नाओ यावा, अ़अ़त्‍पा य़ङ मान्‍खेङ्‌दो, मेन अ़नुवाक य़ङ ओन्‍ङा खेङ्‌सु। साङ नुलोक च़, मो निनाम्‍हाङ्‌दाङ्‌का ओ, साङ अ़त्‍लो च़, मोसाआ निनाम्‍हाङ मान्‍सिन्‌युक्‍तु।