१ तिमोथि 6:16 - बान्‍तावा राई

¹⁶ खोक्‍को ओन्‍ङा अ़धुन काह़ङ्‌युङ म़युङ्‌याङ, खोन्‍कि खोक्‍को साम्‌दा म़याक, खोक्‍कोसोओ अ़चुसाम्‌दा साङ्‌छाङ खात्‍मा अ़ऱन्‍मिन। खोक्‍को साङ्‌आछाङ देम्‍खाछाङ मान्‍खाङ्‌युक्‍तु माङ्‌लो साङ्‌आछाङ खोक्‍को खाङ्‌मा अ़ऱन। खोक्‍कोसोओ अ़चुसाऩङ्‌वा लिने खोन्‍कि खोक्‍को अ़धुन सावापोरिओ म़मुने! मोवात्‍निङा लिने।

१ तिमोथि 6:16 Σταυροειδείς Αναφορές

युहन्‍ना 1:18

निनाम्‍हाङ साङ्‌आछाङ देम्‍खाछाङ मान्‍खाङ्‌युक्‍तु। पापा निनाम्‍हाङ्‌ओ अ़चुकोङ्‌कोम च़क्‌दा कायुङ अ़क्‍छा ओन्‍ङाओ अ़चुछाआ निनाम्‍हाङ नुलोक खाङ्‌अ़मुसायुङ्‌सा।

युहन्‍ना 14:9

येसुआ अ़लासालोवा, “फिलिप, ओन्‌तारि अ़ङ्‌का खानानिन झाराएनान युङ्‌ङाङा खोन्‍नुछाङ खाना अ़ङ्‌का त़सिन्‍ऩङ? साङ्‌आ अ़ङ्‌का अ़खाङ्‌युङ्‌साङ, मोसाआ अ़ङ्‌पापा खायुङ्‌सु, मेन देकि खाना त़य़ङ्‌याङ, ‘आन्‍कान्‍का पापा निनाम्‍हाङ खाङ्‌मेत्‍नि’?

युहन्‍ना 6:46

निनाम्‍हाङ्‌एदाङ्‌का ताओदाङ्‌का नि साङ्‌आछाङ पापा निनाम्‍हाङ मान्‍खाङ्‌युक्‍तु। खोसाआ ओन्‍ङा निनाम्‍हाङ खायुङ्‌सु।

युहन्‍ना 8:58

येसुआ मोचि म़लासुलोचि, “अ़नुछ्‍या अ़ङ्‌का खानानिन लोनानिन, अब्राहाम लिमा बुयाङा अ़ङ्‌का युङाङ्‌याङ।”

एफिसि 3:21

खोक्‍कोसोओ अ़धुन-अ़धुन्‌तारि साम्‍भुङ खोन्‍कि ख्रिस्‍त येसुदा अ़धुन अ़चुऩङ्‌लोङ्‌ने! ओवात्‍निङा लिने।

फिलिप्‍पि 4:20

हान आन्‍निनाम्‍हाङ खोन्‍कि आन्‍पापाओ अ़धुन-अ़धुन्‌तारि अ़चुऩङ्‌लोङ्‌ने! मोवात्‍निङा लिने।

कलस्‍सि 1:15

ख्रिस्‍त अ़दात्‍निन्‌ओ निनाम्‍हाङ्‌ओ दात्‌ओ अ़चुकात्‍मा खोन्‍कि झारा मुन्‍माय़ङ्‌चिओदाङ्‌का बुयाङा म़युङाङा। खोन्‍कि खोक्‍को झारादाङ्‌का तोक्‍पो म़मुवाङा

१ तिमोथि 1:17

हान दुङ-दुङ्‌तारिओ हाङ, अ़लुक्‍निन्‌ओ खोन्‍कि अ़खान्‍मिन्‌ओ अ़क्‍छा ओन्‍ङा निनाम्‍हाङ्‌ओ अ़धुन-अ़धुन्‌तारि साया खोन्‍कि अ़चुऩङ लोङ्‌ने। मोवात्‍निङा लिने।

हिब्रु 13:8

येसु ख्रिस्‍त आखोमाङ, आय़ खोन्‍कि अ़धुन अ़क्‍निवा म़मुयाङ।

याकुब 1:17

झारा अ़नुवाक प़मायु खोन्‍कि अ़छ़ङ आसिखा निनाम्‍मादुङ्‌काओ, मो आसिखा निनाम्‍मादुओ साम कामुन्‍पा निनाम्‍हाङ्‌आ म़प़। खोक्‍को सोत्‍नान्‍लुक्‍नान्‍चिन्‌ओ लावाछामित्‌वात्‍नि अ़फान्‍नान्‍चिमिन।

१ युहन्‍ना 1:5

आन्‍कान्‍का निनाम्‍हाङ्‌ओ अ़चुछाएदाङ्‌का एनुम्‍काओ य़ङ्‌खान ओङा ओ, खोन्‍कि आन्‍कान्‍का खानानिन खाएत्‍निङ्‌नि, मेन निनाम्‍हाङ साम म़युङ्‌याङ खोन्‍कि खोक्‍कोएदा कुन्‌यामा मात्‍माइमात्‍द़ङ।

१ युहन्‍ना 1:7

मेन खोक्‍को साम्‌दा म़मुयाङ्‌वात्‍निङा आन्‍कान्‌छाङ साम्‌दा कोलिन्‌नालो अ़क्‍छा निएदा आन्‌यावायोक लि, खोन्‍कि निनाम्‍हाङ्‌ओ अ़चुछा येसुओ अ़चुह़आ झारा आन्‍हेवादाङ्‌का म़सेङ।

१ युहन्‍ना 4:12

साङ्‌आछाङ निनाम्‍हाङ देम्‍खाछाङ मान्‍खाङ्‌युक्‍तु। मेन आन्‍कान अ़क्‍छा निएदा सोमातुक्‍मुन्‌नालो निनाम्‍हाङ आन्‍कान्‌एदा म़युङ, खोन्‍कि खोक्‍कोसोओ अ़चुसोम्‍तुक्‍मा आन्‍कान्‌एदा ताला।

यहुदा 1:25

खोक्‍को अ़क्‍छा ओन्‍ङा निनाम्‍हाङ आन्‍कालेन्‍पा म़युङ्‌याङ, मो येसु ख्रिस्‍त आन्‍हाङ्‌पालाम्‍पा म़लेन। निनाम्‍हाङ्‌ओ अ़चुऩङ्‌लोङ्‌मा, तोक्‍पो ऩङ, सावा खोन्‍कि पाङ आराङ्‌राङ्‌दाङ्‌का ओन्‍ग़रि खोन्‍कि अ़धुन्‌तारि युङ्‌युङ्‌ने! मोवात्‍निङा लिने!

खाङ्‌मुमा 1:6

खोक्‍कोसाआ आन्‍कान अ़चुहाङ्‌होन्‌ओ म़नाचि म़मुवायुङ्‌सा, खोन्‍कि निनाम्‍हाङ खोन्‍कि अ़चुपाओ काब़क्‌चि म़मुवायुङ्‌सा। येसु ख्रिस्‍तओ झारा अ़चुऩङ्‌लोङ्‌मा खोन्‍कि सावा अ़धुन-अ़धुन्‌तारि युङ्‌युङ्‌ने! ओवात्‍निङा लिने।

खाङ्‌मुमा 1:8

“अ़पुङ्‌चिपुक खोन्‍कि अ़लुक्‍मा अ़ङ्‌काङा ओ” नि झारा सावाकातोक हाङ्‌पा निनाम्‍हाङ म़य़ङ्‌याङ। खोक्‍को म़युङ्‌याङ, खोक्‍को म़युङाङा खोन्‍कि खोक्‍को म़तायाङ।

खाङ्‌मुमा 21:3

हाङ्‌युङ्‌खादाङ्‌का ओवात्‍नि य़ङाओ अ़क्‌तात अ़धिवा य़ङ अ़ङ्‌का एनुङ, “हान, निनाम्‍हाङ्‌ओ अ़चुयुङ्‌खा म़नाचिएनान लिसायुङ्‌सा। खोक्‍को मोचिएदा म़युङ, खोन्‍कि मोचि खोक्‍कोसोओ अ़चुम़नाचि म़लि। खोन्‍कि निनाम्‍हाङ आप्‍पि मोचिएनान म़युङ, खोन्‍कि खोक्‍को मोचिओ अ़चुनिनाम्‍हाङ म़लि।

खाङ्‌मुमा 22:5

मोदा देम्‍खाछाङ खाअ़खुत्‍निन, खोन्‍कि मोचि कुपि माङ्‌लो नाम साम अ़दोत्‍निन, देकिनालो हाङ्‌पा निनाम्‍हाङ्‌ङा मोचिओ अ़चुसाम म़लि, खोन्‍कि मोचि अ़धुन-अ़धुन्‌तारि हाङ्‌म़मु।

खाङ्‌मुमा 4:11

“आन्‍काओ हाङ्‌पा खोन्‍कि निनाम्‍हाङ, खानानिन ऩङ्‌लोङ्‌मा, साया खोन्‍कि सावा लोक्‍मा त़खान्‍तिन्‌ओ त़मुन्‌येन, देकिनालो खानानिन्‌आङा झारा सामाचि त़मुयुम्‍च़मओ, खोन्‍कि आम्‍नुओ मिन्‍मावा मोचि म़लिसाओ खोन्‍कि म़मुयाओ।”

खाङ्‌मुमा 7:12

“मोवात्‍निङा लिने! चोन्‍मा, साम, खारु, आलाङ, साया, सावा खोन्‍कि छोमा अ़धुन-अ़धुन्‌तारि आन्‍निनाम्‍हाङ्‌एदा युङ्‌युङ्‌ने। मोवात्‍निङा लिने!”