१ तिमोथि 6:14 - बान्‍तावा राई

¹⁴ आन्‍हाङ्‌पा येसु ख्रिस्‍त खाङ्‌मान्‍मुयुक्‍नान्‍चिन्‌तारि ओ लोमाय़ङ्‌वा नुलोक चुवा, खोन्‍कि थुपि माङ्‌लो लाहिदाङ्‌का अ़थादा युङ्‌सु।

१ तिमोथि 6:14 Σταυροειδείς Αναφορές

१ कोरिन्‍थि 1:8

आन्‍हाङ्‌पा येसु ख्रिस्‍तओ अ़चुलामातामा लेन्‌दा खानानिन ऩङ्‌छिन मान्‍मुमाङ युङ्‌मा खोक्‍कोसाआ खानानिन आदेङ्‌तारि साकोङ्‌छ़ङ्‌दा नुलोक ऩयुङ्‌सिन।

एफिसि 5:27

खोन्‍कि खोक्‍कोसाआ थुपि मात्‍द़ङ्‌ओ खोन्‍कि मान्‍चुन्‌युक्‍तुओ माङ्‌लो दियाकोछाङ मान्‍फिकादा साम्‍स़रिओ साम्‍भुङ खोक्‍कोसाआ आप्‍पि खाङ्‌मुमा निम्‍पाङ ओ, खोन्‍किना मो सेङ्‌याङ्‌ओ खोन्‍कि थुपि मात्‍द़ङ्‌ओ लिने।

फिलिप्‍पि 1:10

खोन्‌ओसा खानानिन्‌आ अ़नुवाक य़ङ छेन्‍मा त़ऱम्‍ने। खोन्‍किना ख्रिस्‍त म़लाताओ लेन्‌दा अ़च़क़ल़क खोन्‍कि लाहि मात्‍द़ङ्‌ओ त़लिसिन्‍ने।

फिलिप्‍पि 1:6

खोन्‍कि अ़ङ्‌का सोम्‍कुवा मुङा, निनाम्‍हाङ्‌आ खानानिन्‌एदा अ़क्‌तात अ़नुवाक काचि अ़पुङ्‌साओ, खोक्‍कोसाआ येसु ख्रिस्‍त म़लाताओ लेन्‌तारि मो अ़ताला।

फिलिप्‍पि 2:15

खोन्‍किना खानानिन मान्‍फिकादा खोन्‍कि सोत्‍सोत्‌वाओ लिसानिन्‌किना ऱक्‌याङ्‌ओ खोन्‍कि वाऱनान्‍चिन्‌ओ म़नाचिओ दुङ्‌ओ अ़रादा निनाम्‍हाङ्‌ओ थुपि मात्‍द़ङ्‌ओ अ़चुछा लिसानिन। ओ दुङ्‌ओ अ़रादा हेन्‍खामादा खानानिन साङ्‌केन्‍माचिवा लेरानिन।

कलस्‍सि 1:22

मेन खोक्‍कोसोओ अ़चुछाओ अ़चुपोक्‌ओ हेन्‍खोक्‌वालाम्‍पा निनाम्‍हाङ्‌ओ अ़चुयावा ऩमुन्‌युङ्‌सिन। खोन्‌ओसा ख्रिस्‍तआ खानानिन निनाम्‍हाङ्‌ओ अ़चुबुदा ऩतारिन्‌हिदा सेङ्‌लो, थुपि मात्‍द़ङ्‌ओ खोन्‍कि मान्‍फिकादा त़लिसिन्‍ने।

कलस्‍सि 4:17

“खाना हाङ्‌पाएदाङ्‌का त़तोक्‍तुओ ब़त्‍मा काचि तासुलो”नि अर्खिप्‍पस लोवानुम।

१ थेसलोनिकि 3:13

खोन्‌ओसा खोक्‍कोसोओ झारा अ़चुसेङ्‌ताङ्‌पाचिएनान आन्‍हाङ्‌पा येसु ख्रिस्‍त म़लाय़हिदा खोक्‍कोसाआ आन्‍निनाम्‍हाङ पापाओ अ़चुबुदा सेङ्‌याङ्‌ओ खोन्‍कि लाहि मात्‍द़ङ्‌ओ लिमा आम्‍नुओ साकोङ्‌वा छोओ ऩमेत्‍तिन्‍प़न्‍ने।

१ थेसलोनिकि 5:23

सेवाङ्‌निओ निनाम्‍हाङ्‌आङा खानानिन झारा ऩसेङ्‌सिन्‍ने, खोन्‍कि झारा आम्‍नुओ लावा, साक्‍मा खोन्‍कि पोक आन्‍हाङ्‌पा येसु ख्रिस्‍त म़लाय़याङ्‌हिदा लाहि मात्‍द़ङ्‌ओ लिने।

२ थेसलोनिकि 2:1

हान ब़ब़, नाना खोन्‍कि निछाचि ओ, आन्‍हाङ्‌पा येसु ख्रिस्‍त म़य़ओ खोन्‍कि अ़क्‍नि म़कोप्‌कि खोक्‍को तुप्‍माओ अ़तुक्‌वादा आन्‍कान्‍का खानानिन लोनिङ्‌नि।

२ थेसलोनिकि 2:8

खोन्‍किना य़ङ्‌हुप काभुङ्‌खान खाङ्‌मुनान्‍चिन, खोन्‍कि हाङ्‌पा येसु साम्‌एनान म़य़याङ्‌हिदा अ़चुदोदाओ अ़चुसाक्‍माआ मो अ़लुक।

१ तिमोथि 6:20

तिमोथि, दि खाना खाङ्‌मा ऩपुवायुङ्‌सा, मो रात्‍तुयुङ्‌सु। मान्‍साम्‌योक्‍मि चेप्‍मा खोन्‍कि दुम क़प्‍माय़ङ्‌चिदाङ्‌का अ़थाया युङा। मोचिआ मो य़ङचि “ताया”नि म़य़ङ, मेन मो सोज्‍जेओ ताया ओ।

२ तिमोथि 4:1

निनाम्‍हाङ्‌ओ अ़चुबुदा खोन्‍कि अ़ह़ङ खोन्‍कि म़स़दाओचि छ़ङ्‌काछेन ख्रिस्‍त येसुओ अ़चुबुदा, खोन्‍कि खोक्‍कोसोओ अ़चुलामातामा खोन्‍कि अ़चुहाङ्‌होन मित्‌याङ्‌सा अ़ङ्‌का खाना चाप्‍चेत्‌याङ्‌सा लोना:

तितस 2:13

ओवात्‍निङा तामामित्‍मा मुन्‌येन्‌ओ य़ङ तामालामा लेन्‌ओ अ़लाम आन्‍कान खाम्‌योम। मो लेन तोक्‍पो निनाम्‍हाङ येसु ख्रिस्‍त आन्‍कालेन्‍पा अ़धिवा साम्‌दा म़य़याङ्‌ओ खाङ्‌म़मुनान्‍चिन।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

हिब्रु 9:28

मोवात्‍नि ख्रिस्‍त्‌छाङ ब़द्‍धेकापाङ्‌सोओ अ़चुहेवा चुम्‍खाइसि अ़क्‍दु हेन्‍खोक्‌वा म़लिसा, खोन्‍कि खोक्‍को ह्‍वादुओदु हेवा चुम्‍खाइसि माआङ, मेन अ़चुऩङानुयाङ्‌सा खोक्‍को काहुङ्‌चि लेइसिओ निम्‍पाङ खाङ्‌म़मुनान्‍चिन।

१ पत्रुस 1:19

मेन खेन मान्‌वान्‍माय़ङ खोन्‍कि थुपि मात्‍द़ङ्‌ओ अ़क्‌तात थुबाछावाको ख्रिस्‍तओ छ़ओ अ़चुह़आ खानानिन ऩफोङ्‌सिन्‌ओ।

१ पत्रुस 1:7

ओ चिन्‍माखाङ्‌माचिआ आम्‍नुओ साकोङ्‌छ़ङ अ़नुछयाओनि अ़छ़ङ अ़मु, खोन्‍कि मिलाम्‍पा हेङ्‌नुछाङ लुक्‍खात्‌ओ हाराक्‌वादाङ्‌काछाङ च़लोक अ़च़वाङ निकिना खाङ्‌म़मु। ओ येसु ख्रिस्‍त खाङ्‌म़मुनान्‍चिन्‌हिदा ऩङ्‌चोन्‍मा, ऩङ्‌लोङ्‌मा खोन्‍कि साया तोक्‍मा खान्‍तुओ लिने।

२ पत्रुस 2:21

देकिनालो मोचि म़प़चिओ सेङ्‌याङ्‌ओ लोमाय़ङ अ़सिन्‍ताकिछाङ देङ्‌सा लामादाङ्‌का ना मोचिआ साम्‌योक्‍मि लाम देम्‍खाछाङ मान्‍सिन्‌अ़दाओ खाङ्‌दे नुलोक लिसाओ।

२ पत्रुस 3:14

खोन्‌ओसा सोमातुक्‍नाङ्‌नानिन्‌ओ अ़ङ्‌यावाचि ओ, ओ य़ङ्‌चि काहुङ्‌चिओसा निनाम्‍हाङ्‌ओ अ़चुखाङ्‌मादा खानानिन थुपि खोन्‍कि ह़त्‍माय़ङ मात्‍द़ङ्‌ओ सेवाङ्‌निओ ह़ङ्‌म़ङ ह़ङानिन।

२ पत्रुस 3:2

बुया सेङ्‌याङ्‌ओ निनाम्‍हाङ्‌य़ङ खाकालुचिआ खोन्‍कि आम्‍नुओ छाम्‍माय़ङ्‌चिलाम्‍पा खाअ़लुसाओ आन्‍हाङ्‌पा खोन्‍कि कालेन्‍पाओ अ़चुलोमाय़ङ खानानिन्‌आ मित्‍मादोत।

१ युहन्‍ना 3:2

सोमातुक्‍नाङ्‌नानिन्‌ओ यावाचि ओ, ओन्‍ग़रि आन्‍कान निनाम्‍हाङ्‌ओ अ़चुछाचि ओ, खोन्‍कि आन्‍कान माय़ङ देलिसिन ओ, मो ओन्‍ग़रितारि मान्‍सिन्‌युक्‍तुम। मेन आन्‍कान सिन्‍तुम्‌योम, ख्रिस्‍त खाङ्‌म़मुनान्‍चिन्‌ओ ग़रि आन्‍कान्‌छाङ खोक्‍कोवाकोङा लिसिन, देकिनालो खोक्‍को देत्‍नि म़कात्‌याङ, आन्‍कान मोवात्‍निङा खोक्‍को खाम।

यहुदा 1:24

निनाम्‍हाङ्‌आ खानानिन धाम्‍मादाङ्‌का लेन्‍मा ऩऱन, खोन्‍कि खोक्‍कोसोओ अ़चुसाम्‍स़रि थुपिमात्‍द़ङ्‌ओ तोक्‍पो ऩङानुमाएनान अ़चुबुदा एप्‍ऩमेत्‍तिन।

खाङ्‌मुमा 1:7

खानुम, खोक्‍को य़वारिदा म़तायाङ! खोन्‍कि झारा म़क्‌चिआ खोक्‍को अ़खाङ, साङ्‌चिआ खोक्‍को अ़धुवायुङ्‌सा, खोचिआछाङ अ़खाङ। हेन्‍खामादाओ झारा म़नाचि खोक्‍कोसोओ अ़चुतुक्‌वाआ म़खाप। उवा, मो लिलाप! मोवात्‍निङा लिने।