१ तिमोथि 6:11 - बान्‍तावा राई

¹¹ मेन खाना निनाम्‍हाङ्‌ओ अ़चुम़ना, ओ झारादाङ्‌का अ़थाया युङा, खोन्‍कि साम्‌योक, निनाम्‍हाङ ब़क्‍मा, साकोङ्‌छ़ङ, सोमातुक्‍मा, हुङ्‌मा, खोन्‍कि सिम्‍मान्‍चिन्‌ओ मित्‍चिऩङ मुवा।

१ तिमोथि 6:11 Σταυροειδείς Αναφορές

रोमि 14:19

खोन्‌ओसा आन्‍कान दिसाआ सेवाङ्‌नि म़प़, मो य़ङ्‌चि त़ङ्‌तुम्‍च़म्‍ने खोन्‍कि मोसाआ अ़क्‍छा निएदा सोम्‍कुवा पोइसु।

१ कोरिन्‍थि 10:14

खोन्‌ओसा, सोमातुक्‍नाङ्‌नानिन्‌ओ ब़ब़, नाना खोन्‍कि निछाचि ओ, सेम्‍पोक ब़क्‍मादाङ्‌का अ़थाया युङानिन।

१ कोरिन्‍थि 14:1

सोम्‍तुक्‍मा आम्‍नुओ मित्‍चिऩङ मुवानुम। मेन लावामि सावाचिदाछाङ आम्‍नुओ मिन्‍मा पाक्‍तानुम। मोचिदाङ्‌का च़लोक अ़काचि याक्‌ओ लावामि सावा निनाम्‍हाङ्‌य़ङ खालुमाओ।

१ कोरिन्‍थि 6:18

ताङ्‌लान्‌दाङ्‌का अ़थाया युङानिन। म़नाआ खाक्‍कोछाङ हेवा मु, मोसाआ अ़पोक्‌ओ अ़देङ्‌सालाप्‍पादा हेवा अ़मुन, मेन ताङ्‌लान कामु म़नाआ आप्‍पिओ अ़पोक्‌ओ अ़देङ्‌सालाप्‍पादा हेवा मु।

१ तिमोथि 1:14

खोन्‍कि येसु ख्रिस्‍तएदाओ अ़ङ्‌साकोङ्‌छ़ङ खोन्‍कि अ़ङ्‌सोमातुक्‍माआ अ़ङ्‌को निम्‍पाङ आन्‍हाङ्‌पा येसुओ अ़चुसोम्‍तुक्‍मा च़लोक खाङ्‌ऩमेत्‍ताङ्‌युङ्‌साङ।

१ तिमोथि 4:12

सावाछा त़मुयाङ्‌ओसा साङ्‌आछाङ खाना आम्‍साया ऩपेप्‍नान्‍ने। मेन साकोङ्‌छ़ङ कामुचिएदा आम्‍हान्‍मा, च़माथाङ्‌मा खोन्‍कि सोमातुक्‍मा, साकोङ्‌छ़ङ खोन्‍कि सेङ्‌मादा खाना अ़क्‍छा अ़मात्‍ऩङ लिसा।

१ तिमोथि 5:10

मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।

१ तिमोथि 6:20

तिमोथि, दि खाना खाङ्‌मा ऩपुवायुङ्‌सा, मो रात्‍तुयुङ्‌सु। मान्‍साम्‌योक्‍मि चेप्‍मा खोन्‍कि दुम क़प्‍माय़ङ्‌चिदाङ्‌का अ़थाया युङा। मोचिआ मो य़ङचि “ताया”नि म़य़ङ, मेन मो सोज्‍जेओ ताया ओ।

२ तिमोथि 2:21

खाक्‍को साऩङ्‌वा मान्‍मेत्‌दामायु मुयाङ, साङ मोदाङ्‌का आप्‍पि सेङ्‌नान्‍चिन्‌नालो खो साऩङ्‌वा मित्‍चिऩङ्‌ओ निम्‍पाङ अ़क्‍छा खाम्‍मा लि, खोन्‍कि खिम्‌दाओ खिम्‍हाङ्‌पाओ निम्‍पाङ सेङ्‌साओ, याङ्‌मा खान्‍तुओ लि, खोन्‍कि खाक्‍कोछाङ अ़नुवाक काचिओ निम्‍पाङ चुम्‌युङ।

२ तिमोथि 2:22

खोन्‌ओसा सावाछादाओ अ़अ़त्‍पा मिन्‍माचि छिरुचि, खोन्‍कि सेङ्‌याङ्‌ओ साकोङ्‌वाआ हाङ्‌पाओ अ़चुऩङ काब़क्‌चिएनान अ़क्‍नि साम्‌योक्‍मि, साकोङ्‌छ़ङ, सोमातुक्‍मा खोन्‍कि सेवाङ्‌निओ मित्‍चिऩङ्‌दा वाङा।

२ तिमोथि 3:10

हान खाना अ़ङ्‌चिन्‍माय़ङ, अ़ङ्‌च़माथाङ्‌मा, अ़ङ्‌ह़ङ्‌म़ङ्‌ओ मित्‍चिऩङ, अ़ङ्‌साकोङ्‌छ़ङ, अ़ङ्‌आङ्‌मा, अ़ङ्‌सोम्‍तुक्‍मा, अ़ङ्‌हुङ्‌मा त़खायुङ्‌सु।

२ तिमोथि 3:17

ओसाआ निनाम्‍हाङ्‌ओ अ़चुम़नाचि झारा अ़नुवाक काचिदा नुलोक मुमाओ निम्‍पाङ म़चुम्‍सुचि।

हिब्रु 12:14

झारा म़नाचिएनान नुलोक तोङानिन्‌कि युङानिन। सेङ्‍ओ ह़ङ्‌म़ङ ह़ङानिन। सेङ्‌लो मान्‍ह़ङ्‌माङ साङ्‌आछाङ हाङ्‌पा अ़खान।

१ पत्रुस 3:11

मो अ़अ़त्‍पादाङ्‌का लाने, खोन्‍कि अ़नुवाक काचि मुने। मोसाआ सेवाङ्‌नि लामुने खोन्‍कि मोङा त़ङ्‌तुने।