१ तिमोथि 5:8 - बान्‍तावा राई

⁸ साङ्‌आ अ़म़नाचिओ खोन्‍कि च़लोक्‌वा अ़खिम्‍लुम्‍पा अ़खान्‍चिन्‌नालो मोसाआ अ़साकोङ्‌छ़ङ ऩङाछिरु, खोन्‍कि साकोङ्‌छ़ङ मान्‍मुकादादाङ्‌का अ़अ़त्‍पा लि।

१ तिमोथि 5:8 Σταυροειδείς Αναφορές

मत्‍ति 18:17

मोवात्‍नि खोसाआ खोचिओ अ़चुय़ङ्‌छाङ एन्‍मा छुन्‌नालो साम्‍भुङ्‌दा खालुसु। खोसाआ साम्‍भुङ्‌ओ अ़य़ङ्‌छाङ एन्‍मा छुन्‌नालो खो आम्‍को निम्‍पाङ निरावा खोन्‍कि अ़क्‍छा दाम्‍दुकालात्‌वा लिने।

मत्‍ति 7:11

मोवात्‍नि खानानिन अ़अ़त्‍पा त़मुन्‌येन्‌नुछाङ आम्‍नुओ छाचि अ़नुवाक सामाचि प़मा त़लेसिन्‌येन्‌नालो आम्‍नुओ निनाम्‍मादुओ पापाआ खोक्‍कोएदा कादोत्‌चि देम च़लोक अ़नुवाक सामाचि म़प़चि?

युहन्‍ना 15:22

अ़ङ्‌का मान्‍ताङाओ खोन्‍कि मोचि खामान्‌एत्‍ङाच़ङ्‍ओ दे, मोचि हेवाओ लाहि मान्‍पाक्‍चिओ, मेन हान ना अ़चुओ हेवाओ निम्‍पाङ मोचिएदा दित्‍छाङ अ़ऩङ्‌मुखा मात्‍द़ङ।

१ कोरिन्‍थि 6:6

मेन अ़क्‍छा साकोङ्‌छ़ङ कामु नि साकोङ्‌छ़ङ कामुओ अ़देङ्‌सालाप्‍पादा छ़ङ्‌छेन्‍खादा खात खोन्‍कि मोछाङ साकोङ्‌छ़ङ मान्‍मुकादाचिओ अ़चुबुदा!

२ कोरिन्‍थि 12:14

हान सुम्‌कादुओदु खानानिन्‌एदा बान्‍मा निकिना अ़ङ्‌का चुम्‍साङ्‌युङ्‌साङ्‌च़ङ। अ़ङ्‌का खानानिन दुखा अ़प़नानिमिन, देकिनालो अ़ङ्‌का आम्‍नुओ चासुम्‍छेन्‍बि माआङ, मेन अ़ङ्‌का खानानिन लाम्‍नानिन। देकिनालो अ़चुमामा-पापाचिओ निम्‍पाङ अ़चुछाचिआ च़क्‍मा अ़दोत्‍निन, मेन अ़चुछाचिओ निम्‍पाङ अ़चुमापाचिआ च़क्‍मादोत।

२ कोरिन्‍थि 6:15

ख्रिस्‍त सैतानाएनान देत्‍नि तोङ्‌मा? माङ्‌लो साकोङ्‌छ़ङ कामुओ साकोङ्‌छ़ङ मान्‍मुकादाएनान देत्‍नि होन्‍मान्‍चिन?

गलाति 6:10

खोन्‌ओसा आन्‍कान ग़रि तोक्‍तुम्‌वा झारा म़नाचि नुलोक मुम्‍च़म्‍ने, च़लोक्‌वा आन्‍साकोङ्‌छ़ङ्‌लुम्‍पादाओचि।

२ तिमोथि 2:12

आन्‍कान आङ्‌तुम्‌युङ्‌सुम्‌नालो आन्‍कान्‌छाङ खोक्‍कोएनान हाङ मुन। खोक्‍को आन्‍कान ऩङाछिरुम्‌नालो खोक्‍कोसाआछाङ आन्‍कान ऩङाम़छित।

२ तिमोथि 3:5

साम्‌योक्‍मिवात्‍नि लिमा म़लाम, मेन मोसोओ अ़सावा ऩङाअ़छित। ओवाको म़नाचिदाङ्‌का अ़थाया युङा।

तितस 1:16

मोचि “निनाम्‍हाङ सिन्‍तुङ्‌योङ”नि ना म़य़ङ, मेन मोचिओ अ़चुकाचिआ ओन निनाम्‍हाङ ऩङाअ़छित निकिना खाङ्‌मुसु। मोचि ना चिप्‍माकात्‍तुचिओ, लोमान्‍तेत खोन्‍कि खाक्‍कोछाङ अ़नुवाक काचि मुमा खान्‍तुओचि मात्‍द़ङ्‌चि।

२ पत्रुस 2:1

देत्‍नि म़नाचिओ अ़चुरादाछाङ सोज्‍जेओ निनाम्‍हाङ्‌य़ङ खाकालुचि म़युङाङा, मोवात्‍निङा आम्‍नुओ रादाछाङ सोज्‍जेओ काचिन्‍पाचि म़याक। मोचिआ मान्‍सिन्‍माङ सोज्‍जेओ लुक्‍खा ताया ऩचिन्‍तिन। ओदातारि हे तोक्‍पो अ़चुहाङ्‌पाछाङ मोचिआ ऩङाअ़छित, खोन्‍कि आप्‍पिएदा च़क्‍नि लुक्‍मा अ़तात।

यहुदा 1:4

मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा। खा-खाक्‍को म़नाचि मान्‍सिन्‍मान्‍तोक आम्‍नुओ रादा म़ताचिआयुङ्‌सा। मोचि निनाम्‍हाङ मान्‍ब़क्‍कादा म़नाचि ओ, मोचिआ आन्‍निनाम्‍हाङ्‌ओ अ़चुसोमातुक्‍मा ताङ्‌लान्‌दा अ़फान्‍तायुङ्‌सा। आन्‍को अ़क्‍छा ओन्‍ङा ओ आन्‍हाङ्‌काचि कामु खोन्‍कि हाङ्‌पा येसु ख्रिस्‍त ऩङाअ़छित। मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा।

खाङ्‌मुमा 2:13

खानानिन खादा त़युङिन्‌येन, अ़ङ्‌का सिन्‍तुङ्‌योङ। मोदा सैतानाओ अ़हाङ्‌युङ्‌खा युङ्‌याङ। खोन्‍नुछाङ अ़ङ्‌ऩङ्‌दा खानानिन नुलोक त़युङिन। सोम्‍कुवा मुमा खान्‍तुओ अ़ङ्‌सालुम्‍स़ङ काप़पा एन्‍तिपास्‌ओ अ़ग़रिदाछाङ अ़ङ्‌काएदा साकोङ्‌छ़ङ मुमा मान्‍छित्‍त़दोम, खो सैतानाओ अ़युङ्‌खादा आम्‍नुओ रादा सेरायुङ्‌सा।

खाङ्‌मुमा 3:8

अ़ङ्‌का आम्‍नुओ काचिचि सिन्‍तुङ्‌योङ्‌च़ङ। खानुम, अ़ङ्‌का आम्‍नुओ बुदा लाप्‍तिखोप होत्‍नाप़नायुङ्‌नानिन, मो साङ्‌आछाङ छेक्‍मा अ़ऱन। खानानिन्‌एदा उन्‍नि सावा याक्‌याङ, खोन्‍नुछाङ खानानिन अ़ङ्‌य़ङ त़काङ्‌सिन्‌युङ्‌सिन खोन्‍कि अ़ङ्‌ऩङ ऩङामान्‍छित्‍त़युक्‍तुम निकिना अ़ङ्‌का सिन्‍तुङ्‌योङ।