१ तिमोथि 5:10 - बान्‍तावा राई

¹⁰ मो अ़नुवाक काचि मुवाओसा झारासाआ साया अ़मेत्‍ताओ मुमादोत। अ़छाचि नुलोक पोइसुचिओ, तावाङ्‌चि साऩङ्‌वा मेत्‍तुचिओ, निनाम्‍हाङ्‌ओ अ़चुम़नाचिओ अ़चुलाङ वास़त्‍तुचिओ, दुखा कातोक्‌चि फासुचिओ खोन्‍कि झारा अ़नुवाक काचिदा अ़मिन्‍मा कापाक काइसाओ मुमादोत।

१ तिमोथि 5:10 Σταυροειδείς Αναφορές

मत्‍ति 25:17

मोवात्‍निङा ह्‍वा बेखा फेक्‌वा कातोक्‌आछाङ ह्‍वा बेखा च़लोक दुउ।

मत्‍ति 5:16

ओवात्‍निङा आम्‍नुओ साम म़नाचिओ अ़चुबुदा लेत्‍ने, खोन्‍कि मोचिआ आम्‍नुओ अ़नुवाक काचि अ़खाङ्‌ने खोन्‍कि निनाम्‍मादुओ आम्‍नुओ पापाओ अ़चुऩङ अ़लोङ्‌ने।

लुका 7:38

खोन्‍कि खो येसुओ अ़चुदेङ्‌दा अ़चुलाङ च़क्‌दा एवाकि खावा, खोन्‍किना अ़म़क्‌वाआ येसुओ अ़लाङ वापोक्‍मा पुक्‍तु। खोन्‍कि खोक्‍कोसोओ अ़चुलाङ अ़ताङ्‌मुवाआ त़क्‍तुप़किना चुप्‍मा मेत्‍तु खोन्‍कि मो नाम्‍नुवाङाओ आक्‌वा थोक्‍तु प़।

लुका 7:44

खोन्‍किना येसु मो मेत्‍छामाएह्‍यात्‍नि म़हुसान्‍चिन्‌कि सिमोन अ़लोवा, “ओ मेत्‍छामा त़खा? अ़ङ्‌का आम्‍खिम्‍हुत्‌दा वाङाङ्‌नुछाङ खाना अ़ङ्‌लाङ वास़खा चाक्‌वातारि मान्‍प़त़दाङ। मेन ओसाआ ना अ़ङ्‌लाङ अ़म़क्‌वाआ वापोक्‍तुकि अ़ताङ्‌मुवाआ त़उयुङ्‌सु।

छाम्‍माय़ङ 10:22

मो म़नाचिआ अ़लासालोवा, “रोमि रात्‍खामिचिओ अ़चुकप्‍ताना कर्नेलियस्‌आ अ़बाइसिन्‍काओ। खो साम्‌योक्‍मि म़ना खोन्‍कि निनाम्‍हाङ काकित खोन्‍कि झारा यहुदिचिआ अ़न्‍नुनु साया अ़मेत्‌याङ्‍ओ म़ना म़मुयाङ। खोसोओ अ़खिम्‌दा खानानिन ऩबुत्‍तिन्‌येन, खोन्‍कि खानानिन्‌एदाङ्‌का खोसाआ य़ङ्‌खान एन्‍मानि अ़क्‍छा निनाम्‍हाङ्‌ओ अ़चुकाफाआ लोयुङ्‌सु।”

छाम्‍माय़ङ 22:12

हननिया अ़ऩङ मुवाङाओ अ़क्‍छा म़ना मोदा युङाङा। खो निनाम्‍हाङ्‌य़ङ खाकालु मोसाओ अ़य़ङ्‌हुप्‌वा काच़ निनाम्‍हाङ कामित मुवाङा, खोन्‍कि दमस्‍कस्‌दा कायुङ झारा यहुदिचिआ अ़न्‍नुनु साया अ़मेत्‍ताङा।

छाम्‍माय़ङ 6:3

खोन्‌ओसा अ़ङब़ब़, नाना खोन्‍कि निछाचि ओ, आम्‍नुओ रादाङ्‌का सेङ्‌लावाआ भेप्‍तुचिओचिकि खारु खोन्‍कि झारासाआ साया म़मेत्‍तुचिओचि सात्‌कापाङ म़नाचि छेन्‍तानुम्‍च़म। खोन्‍कि आन्‍कान्‍का मोचि ओ काचिदा पाउम्‍च़म्‍का।

छाम्‍माय़ङ 9:36

योप्‍पा सहरादा तबिता अ़ऩङ मुवाङाओ अ़क्‍छा काखेङ्‌मा युङाङा। मोसोओ ग्रिक अ़ऩङ दोरकास ओ, अ़तुप्‍माय़ङ “ख़स्‍सामा”। मो अ़धुन निचिओ निकि अ़नुवाक काचि मुवाङा, खोन्‍कि मान्‍तोक्‍कादाचि फासुङुचि।

छाम्‍माय़ङ 9:39

खोन्‍किना पत्रुस चुम्‍सान्‍चिन्‌कि मोचिएनान खारा। मोया तालाकि म़नाचिआ खो खिम्‌ओ धाक्‍कोछान्‌दु अ़वाक्‍ता। झारा मेन्‍मित्‍माचिआ खो अ़कोम्‍ताखात्‍ताकिना दोरकास खोचिएनान युङाङाहिदा बोचिओ बोप्‍खुचि खोन्‍कि नि तित्‌चि खाप्‌याङ्‌सा खो खाङ्‌अ़मेत्‍ता।

रोमि 12:13

निनाम्‍हाङ्‌ओ अ़चुम़नाचिओ अ़चुहाप्‍मादिमादा फासानुम्‍च़म खोन्‍कि तावाङ्‌चि साऩङ्‌वा मेत्‍तायुङ्‌सानुम्‍च़म।

एफिसि 2:10

देकिनालो आन्‍कान अ़नुवाक काचिचिओ निम्‍पाङ ख्रिस्‍त येसुदा मुन्‍माय़ङ खोक्‍कोसोओ अ़चुसिकि ओ। आन्‍कान अ़नुवाक काचि मुन्‍ने निम्‍पाङ निनाम्‍हाङ्‌आ बुयाङा अ़चुम्‍सायुङ्‌सा ओ।

कलस्‍सि 1:10

खोन्‍किना खानानिन हाङ्‌पाओ अ़चुमिन्‍मावाको ह़ङ्‌म़ङ त़ह़ङिन्‌कि अ़धुन खोक्‍कोसोओ अ़चुऩङानुमा त़ऱम। मोवात्‍नि त़ह़ङिन्‌नालो आम्‍नुओ ह़ङ्‌म़ङ्‌आ झाराकापाराओ अ़नुवाक सिवा सिसु, खोन्‍कि खानानिन निनाम्‍हाङ्‌ओ अ़चुतायादा पोइसा त़खारिन।

१ तिमोथि 2:10

मेन निनाम्‍हाङ्‌ओ अ़नुवाक काचिचिलाम्‍पा म़चोङ्‌नान्‍चिन्‍ने, ओसाआ निनाम्‍हाङ काब़क मेत्‍छामाचि खान्‍तुचि।

१ तिमोथि 3:2

खोन्‌ओसा धिकाखाङ्‌पा साङ्‌आछाङ लाहि पाक्‍मा ऩऱन्‌ओ, अ़क्‍छा खिम्‍हाङ्‌माओ ओन्‍ङा अ़खिम्‍हाङ्‌पा, काक़म्‍नान्‍चिन, खारु कातोक, सायाकातोक, तावाङ साऩङ्‌वा कामेत, खोन्‍कि चिन्‍मा काऱ मुमादोत।

१ तिमोथि 3:7

साम्‍भुङ्‌दाङ्‌का बुङ्‌खादाओ म़नाचिओ अ़चुखाङ्‌मादाछाङ नुलोक सायाकातोक मुमादोत, माङ्‌नालोना खो लाहिदा खोन्‍कि सैतानाओ अ़वाय़दा छुक।

१ तिमोथि 5:16

अ़क्‍छा साकोङ्‌छ़ङ कामुमा मेत्‍छामाओ खा-खाक्‍को अ़म़नाचि मेन्‍मित्‍मा म़युङ्‌याङ्‌नालो मोसाआ मोचि फामाचिदोत। खोन्‌ओसा साम्‍भुङ्‌आ पाङ्‌खुन्‍मा अ़दोत्‍निन्‍ने, खोन्‍कि साम्‍भुङ्‌आ अ़नुछ्‍याओ मेन्‍मित्‍माचि खाङ्‌मा ऱचिने।

१ तिमोथि 5:25

मोवात्‍निङा, खा-खाक्‍को म़नाचिओ अ़नुवाक काचिचि छेङ्‌छेङ्‌छेङ्‌वा म़मु, खोन्‍कि खाक्‍कोचि छेङ्‌छेङ्‌छेङ्‌वा ऩमुनिन मोचि कुम्‍मायुङ्‌मा ऩऱनिन।

१ तिमोथि 6:18

मोचि अ़नुवाक काचि मुमा, खोन्‍कि अ़नुवाक काचिचिदा कातोक लिमा, फामामिन्‍माओ खोन्‍कि निचिएनान हामाचामा मिन्‍माओ लिसानिन्‌नि लोचि।

२ तिमोथि 1:5

अ़ङ्‌का आम्‍को अ़छ़ङ साकोङ्‌छ़ङ मित्‍तुङ। मो साकोङ्‌छ़ङ, बुया आम्‍दिमा लोइस्‌दा याआङा, खोन्‍कि आम्‍मा युनिस्‌दा, खोन्‍कि अ़ङ्‌का अ़नुछ्‍या सिन्‍तुङ्‌योङ, मो साकोङ्‌छ़ङ खानाएदाछाङ याक्‌याङ।

२ तिमोथि 2:21

खाक्‍को साऩङ्‌वा मान्‍मेत्‌दामायु मुयाङ, साङ मोदाङ्‌का आप्‍पि सेङ्‌नान्‍चिन्‌नालो खो साऩङ्‌वा मित्‍चिऩङ्‌ओ निम्‍पाङ अ़क्‍छा खाम्‍मा लि, खोन्‍कि खिम्‌दाओ खिम्‍हाङ्‌पाओ निम्‍पाङ सेङ्‌साओ, याङ्‌मा खान्‍तुओ लि, खोन्‍कि खाक्‍कोछाङ अ़नुवाक काचिओ निम्‍पाङ चुम्‌युङ।

२ तिमोथि 3:15

खाना आम्‍छायुङ्‌काङा सेङ्‌याङ्‌ओ साम्‍कालिन त़लेसुयुङ्‌सु, मोसाआ ख्रिस्‍त येसुदा त़मुओ साकोङ्‌छ़ङ्‌लाम्‍पा लेन्‍माओ निम्‍पाङ खाना ताया प़मा त़ऱ।

२ तिमोथि 3:17

ओसाआ निनाम्‍हाङ्‌ओ अ़चुम़नाचि झारा अ़नुवाक काचिदा नुलोक मुमाओ निम्‍पाङ म़चुम्‍सुचि।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

तितस 2:7

खानाङा झारा य़ङ्‌दा अ़नुवाक काचिओ अ़मात्‍ऩङ लिसाकि मोचि खाङ्‌मेत्‍तुचि खोन्‍कि सोत्‍सोत्‌वाकि ताङ्‌च़क्‍तान्‍चिन्‌ओ लिसाकि ताया प़चि।

तितस 3:1

हाङ्‌काचि कामुचि खोन्‍कि पाङ कातोक्‌चिओ अ़चुक़म्‍मादा युङ्‌मादोत निकिना मोदाओ म़नाचि मित्‍मेत्‍तुचि। मोचि लोमावा म़च़ने, खोन्‍कि झाराकापाराआ नुलोक च़सि म़चुम्‍नान्‌युङ्‌नान्‍चिन्‍ने।

तितस 3:14

आन्‍म़नाचिआ अ़नुवाक काचि मुमादा अ़चुमिन्‍मा अ़पाक्‍ने, खोन्‍किना अ़न्‍नुनु दोत्‌याङ्‌ओ सामाचि कोप्‍मा अ़ऱने। मोवात्‍नि म़च़नालो आन्‍म़नाचिआ सोज्‍जेओ ह़ङ्‌म़ङ ऩखाइसुन।

तितस 3:8

ओ अ़नुछ्‍याओ य़ङ ओ। निनाम्‍हाङ्‌एदा साकोङ्‌छ़ङ कामु झारासा अ़नुवाक काचि मुमादा मिन्‍मा अ़पाक्‍ने निकिना खाना त़छ़म्‍तुचिनेनि अ़ङ्‌का लोना। ओवाको काचिचि अ़नुवाक म़मु खोन्‍कि झारा म़नाचिओ निकि अ़नुवाक य़ङ ओ।

हिब्रु 10:24

आन्‍कान अ़क्‍छा निएदा सोमातुक्‍मा खोन्‍कि अ़नुवाक काचि मुमादा राक प़मुमाओ अ़तुक्‌वादा मिनिन्‍ने।

हिब्रु 13:2

प़न्‍था काकोत्‌चि ब़त्‍मा ऩङामान्‍छित्‌दानुम्‍च़म। ओवात्‍निङा खा-खाक्‍कोचिआ मान्‍सिन्‍माङ निनाम्‍हाङ काफाचि साऩङ्‌वा म़मेत्‍तुयुङ्‌सुचि।

हिब्रु 13:21

खोक्‍कोसोओ अ़चुमिन्‍मा तामालामा रुवानुम निकिना झारा अ़नुवाक य़ङ्‌चिआ ऩयाङ्‌सिन्‍प़न्‍ने। दिसु य़ङ्‌आ निनाम्‍हाङ्‌ओ अ़चुऩङानुयाङ, येसु ख्रिस्‍तलाम्‍पा खोक्‍कोसाआ खानानिन्‌एदा ओ अ़मुने। अ़धुन-अ़धुन्‌तारि खोक्‍कोसोओ अ़चुऩङ्‌लोङ्‌ने! मोवात्‍निङा लिने।

१ पत्रुस 2:12

निरावाचिओ अ़चुरादा आम्‍नुओ च़माथाङ्‌मा अ़नुवाक मुवानुम। मोचिआ खानानिन अ़त्‍लो काच़चिनि आम्‍नुओ देङ्‌सालाप्‍पादा म़चेप्‌नुछाङ मोचिआ आम्‍नुओ अ़नुवाक काचिचि म़खाचिकि हाङ्‌पा म़ताओ लेन मोचिआ निनाम्‍हाङ्‌ओ अ़चुओ ऩङ अ़चोन्‍ने।

१ पत्रुस 4:9

छुऩङ्‌वा मान्‍मुमाङ अ़क्‍छाआ नितावाङ्‌चि ब़रानुम्‍च़म।

३ युहन्‍ना 1:12

झारासा देमेत्रियस्‌ओ अ़तुक्‌वादा अ़सालुम्‍स़ङ अ़प़, खोन्‍कि अ़छ़ङ्‌आछाङ खाङ्‌मुसु। आन्‍कान्‍काछाङ खोसोओ अ़सालुम्‍स़ङ नुलोक प़म्‍का। खोन्‍कि खानानिन त़सिन्‍तुम्‌योम आन्‍काओ सालुम्‍स़ङ अ़छ़ङ मुयाङ।