१ तिमोथि 4:10 - बान्‍तावा राई

¹⁰ खोत्‍निओसा आन्‍कान ओ मित्‍चिऩङ्‌आ चात्‍लो काचि खोन्‍कि दुखा मुन। देकिनालो झारा म़नाचिओ अ़चुकालेन्‍पा खोन्‍कि च़लोक्‌वा खोक्‍को साकोङ्‌छ़ङ कामुचि अ़ह़ङ निनाम्‍हाङ्‌दा आन्‍कान आन्‍सोम्‍कुवा युङ्‌सुम।

१ तिमोथि 4:10 Σταυροειδείς Αναφορές

मत्‍ति 16:16

सिमोन पत्रुस्‌आ लासुलो, “खानानिन ख्रिस्‍त ओ, अ़ह़ङ निनाम्‍हाङ्‌ओ अ़चुछा ओ।”

मत्‍ति 27:43

खोक्‍को निनाम्‍हाङ्‌एदा सोम्‍कुवा मु। खोक्‍को, ‘अ़ङ्‌का निनाम्‍हाङ्‌ओ अ़चुछा ओ!’नि य़ङाङाओ। निनाम्‍हाङ्‌आ ओ लेन्‍मानि म़मिन्‌नालो खोक्‍कोसाआ ओ ओन्‍ग़रिङा लेइसुने।”

युहन्‍ना 1:29

अ़माङ्‌कोलेन युहन्‍नाआ येसु म़बानाङाओ खाकि य़ङा, “खानुम, हेन्‍खामादाओ हेवा काखुन्‍खात निनाम्‍हाङ्‌ओ अ़चुथुबाछा!

युहन्‍ना 4:42

मोचिआ मो मेत्‍छामा अ़लोवा, “ओन्‍ग़रि खाना त़य़ङाओ य़ङ्‌आ ओन्‍ङा आन्‍कान्‍का साकोङ्‌छ़ङ मुन्‍काओ माआङ, मेन आन्‍कान्‍का आप्‍पि एनुम्‍काओसाआ अ़नुछ्‍या खोक्‍को हेन्‍खामादाओ कालेन्‍पा ओ निकिना आन्‍कान्‍काआ सिन्‍तुम्‍का।”

युहन्‍ना 5:24

अ़नुछ्‍याङा अ़ङ्‌का खानानिन लोनानिन, साङ्‌आ अ़ङ्‌य़ङ एनु खोन्‍कि अ़ङ्‌का काछुत साकोङ्‌छ़ङ मु, मोएदा अ़लुक्‍निन्‌ओ ह़ङ्‌म़ङ याक्‌याङ। मो लाहि अ़पाक्‍निन, मेन मो स़मादामादाङ्‌का ह़ङ्‌म़ङ्‌दा वाङायुङ्‌सा।

१ कोरिन्‍थि 15:10

मेन अ़ङ्‌का देत्‍नि मुङाङा, मो निनाम्‍हाङ्‌ओ अ़चुसोमातुक्‍मालाम्‍पा मुङाङा, खोन्‍कि निनाम्‍हाङ्‌आ अ़ङ्‌का सोमा ऩतुक्‍ताङ्‌ओ सोज्‍जे मान्‍लि। मेन अ़ङ्‌का ना मोचि झाराएदाङ्‌का च़लोक काचि मुवाङ। खोन्‍नुछाङ ओवाको च़लोक काचि मुमा ऱङाओ ना अ़ङ्‌सावाआ माआङ, मेन अ़ङ्‌काएदा कायुङ निनाम्‍हाङ्‌ओ अ़चुसोम्‍तुक्‍माआ ओ।

२ कोरिन्‍थि 1:10

खोक्‍कोसाआ आन्‍कान्‍का ओवाको स़मादोराङाओ क़माकात्‍तुओदाङ्‌का ऩलेइसिन्‍का, खोन्‍कि खोक्‍कोसाआ आन्‍कान्‍का ऩलेइसिन्‍का। खोक्‍कोएदा आन्‍कान्‍का सोम्‍कुवा मुन्‌युङ्‌सिन्‍का, मोवात्‍नि खोक्‍कोसाआ आन्‍कान्‍का ऩलासिन्‍लेइसिन्‌युङ्‌सिन्‍का।

१ तिमोथि 2:3

आन्‍कान कालेन्‍पा निनाम्‍हाङ्‌ओ अ़चुखाङ्‌मादा ओ अ़नुवाक खोन्‍कि लोक्‍माखान्‍तुओ मुयाङ।

१ तिमोथि 2:4

झारा म़नाचि म़लेन्‍ने, खोन्‍कि मोचि अ़छ़ङ चिन्‍माय़ङ्‌दा म़तानेनि खोक्‍को म़मिन।

१ तिमोथि 2:6

झारा म़नाचि फोङ्‌माओ निम्‍पाङ खोक्‍को आप्‍पि म़पुवान्‍लावान्‍चिन, मो य़ङ्‍ओ सालुम्‍स़ङ तोङाङाओ ग़रिदा निनाम्‍हाङ्‌आ अ़पुवा।

१ तिमोथि 3:15

मेन अ़ङ्‌का बान्‍मा छ़ङानालो निनाम्‍हाङ्‌ओ अ़चुखिम्‍लुम्‍पादा देत्‍नि तुङ्‌मादोत मो खानानिन सिन्‍मादोत। ओ खिम्‍लुम्‍पा अ़ह़ङ निनाम्‍हाङ्‌ओ अ़चुसाम्‍भुङ ओ, खोन्‍कि अ़नुछ्‍याओ अ़तोम्‍खा खोन्‍कि छ़ङ ओ।

१ तिमोथि 6:17

ओ हेन्‍खामादाओ कातोक्‌चि ऱक्‍भाक मान्‍लिदानिन्‌नि लोचि। अ़छ़ङ मात्‍द़ङ्‌ओ चासुम्‍छेन्‍बिदा माआङ, मेन आन्‍कान ऩङानुमान्‍चिन्‌ओ निम्‍पाङ झारा सामा ब़द्‍धे याङ्‌मा काप़ निनाम्‍हाङ्‌एदा मोचि सोम्‍कुवा म़मुने।

हिब्रु 11:26

मिस्र हेन्‍कोप्‌दाओ चासुम्‍छेन्‍बिदाङ्‌का ख्रिस्‍तओ निम्‍पाङ सुङ्‌लुमा मोसाआ तोक्‍पो अ़लुङ्‌ओ चासुम्‍छेन्‍बिनि मित्‍तु। देकिनालो ओ खोसाआ सिरिफादात्‍नि खा।

हिब्रु 13:13

खोन्‌ओसा आन्‍कान्‌छाङ याक्‍साओ अ़बुङ्‌खालिप्‍पा खोक्‍कोएदा खारिन्‍ने, खोन्‍कि खोक्‍कोसाआ अ़आङ्‌ताओ सुङ्‌माय़ङ आन्‍कान्‌छाङ आङ्‌तुम्‍ने।

१ पत्रुस 1:21

येसुलाम्‍पा खानानिन निनाम्‍हाङ साकोङ्‌छ़ङ त़मुम। निनाम्‍हाङ्‌आ येसु ख्रिस्‍त म़सुवादाओदाङ्‌का अ़खोन्‍तालोइसा खोन्‍कि खोक्‍को साया अ़मेत्‍ता। खोन्‌ओसा आम्‍नुओ साकोङ्‌छ़ङ खोन्‍कि सोम्‍कुवा निनाम्‍हाङ्‌एदा याक्‌याङ।

१ युहन्‍ना 2:2

खोक्‍को आन्‍हेवा लेत्‍मा निकिना हेन्‍खोक्‌वा म़लिसा, खोन्‍कि आन्‍को निम्‍पाङ ओन्‍ङा माआङ, मेन झारा हेन्‍खामादाओ म़नाचिओ निकिनाछाङ ओ।

१ युहन्‍ना 4:14

निनाम्‍हाङ पापाआ अ़चुओ छा हेन्‍खामादाओ म़नाचि लेइसि अ़य़साओ आन्‍कान्‍का खाम्‍का खोन्‍कि अ़चुसालुम्‍स़ङ प़म्‌योम्‍च़म्‍का।