१ तिमोथि 3:3 - बान्‍तावा राई

³ खाबात सेत्‍चावा खोन्‍कि ङेन कामु माआङ, मेन वाइवेत कायुङ, मान्‍खिकादा, छेन्‍बि च़क्‍ख़य़ मान्‍मुकादा मुमादोत।

१ तिमोथि 3:3 Σταυροειδείς Αναφορές

मत्‍ति 21:13

खोक्‍कोसाआ मोचि म़लोचि, “साम्‍कालिन्‌दा ओवात्‍नि छाप्‍तायुङ्‌सा, ‘अ़ङ्‌खिम यामात्‍खा खिम लि।’ मेन खानानिन्‌आ ना अ़ङ्‌खिम काङाप्‍खात्‌चिओ अ़चुबुक्‍ताङ त़मुम्‌युङ्‌सुम।”

छाम्‍माय़ङ 20:33

अ़ङ्‌का साङ्‌कोछाङ अ़हाराक्‌वा, अ़रुपा माङ्‌लो अ़तित्‌ओ च़क्‍ख़य़ मान्‍मुङा।

रोमि 16:18

देकिनालो ओवाको म़नाचिआ आन्‍हाङ्‌पा ख्रिस्‍त ऩब़रुन, मेन खोचिओ अ़चुमित्‍मावा आप्‍पि म़ब़त्‍नान्‍चिन। मोचिओ चानुओ दोलेङ्‌वा य़ङ खोन्‍कि चानुओ य़ङ्‌चिआ सोत्‍सोत्‌वाओ म़नाचि म़धान्‍तुचि।

एफिसि 5:18

अङ्‌गुरा माङ्‌वाआ त़सेरिमिन्‍ने, देकिनालो मोसाआ खानानिन त़लुक्‍तिन, मेन सेङ्‌लावाआ भेप्‍तानिन।

१ थेसलोनिकि 5:14

ब़ब़, नाना खोन्‍कि निछाचि ओ, आन्‍कान्‍काआ खानानिन यायोक प़निङ्‌नि, कासोचि चाप्‍चेत्‍तानुम्‍च़म। अ़चुराक सुवाओचि, मान्‍ऱकादाचि फासानुम्‍च़म। झाराचिएनान नुलोक चेवानिन।

१ तिमोथि 3:8

मोवात्‍निङा साम्‍भुङ काफाचिछाङ साऩङ्‌वा मेत्‍मा खान्‍तुचिओ खोन्‍कि सोत्‍सोत्‌वाओ मुमादोत। मोचि ब़द्‍धे अङ्‌गुरा माङ्‌वा कादुङ खोन्‍कि अ़त्‍लो च़याङ्‌सा छेन्‍बि कादुप लिमा अ़नुनिन।

२ तिमोथि 3:2

मनाचि आप्‍पि ओन्‍ङा सोमाकातुक्‍नान्‍चिन, फेक्‌वा च़क्‍ख़य़ कामु, ऱफोक्‌वा, राखाङ्‌थेत, कासुङ, अ़चुमापाआ लोमावा मान्‍च़कादा, मान्‌आलाङ्‌मि खोन्‍कि ऩसेङ्‌निनिन्‌ओ म़मु।

तितस 1:11

मोचिओ अ़चुदोदा मान्‍ह़माङ अ़नुनिन। देकिनालो मोचिआ ना चिन्‍माङा अ़नुनिन्‌ओ य़ङ्‌चि म़चिन्‍तुचिकि झारा खिम्‍लुम्‍पादा अ़चुताकावा च़मा अ़बान्‍खान्‌याङ। अ़धुन फेक्‌वा दुप्‍मा ओन्‍ङा मोचि ओवात्‍नि म़च़याङ्‌ओ।

तितस 1:7

धिकाखाङ्‌पा निनाम्‍हाङ्‌ओ अ़काचि कामु ओ। खोन्‌ओसा मो खोक्‍कोछाङ ह़त्‍माय़ङ मात्‍द़ङ्‌ओ म़ना लिमादोत। खोन्‍कि अ़ताकावा काच़, च़क्‍नि अ़माइसुङ्‌कात्‌ओ, खाबात सेत्‍चाले, धात्‍काधात कामु खोन्‍कि म़प्‌याङ्‌सा छेन्‍बि कादुप लिमा अ़नुनिन।

तितस 2:3

मोवात्‍निङा खोक्‍मा मेत्‍छामाचि सायाकातोक लिमा चिन्‍तुचि। म़नाचिओ अ़त्‍लो दुम लुमा अ़नुनिन्‌नि मोचि चिन्‍तुचि। मोचि हेङ्‌मावाओ अ़क़म्‍मादा मान्‍छुक्‍कादा लिमादोत, खोन्‍कि अ़नुवाक य़ङ्‌चि काचिन लिमादोत।

तितस 3:2

मोचिआ साङ्‌कोछाङ अ़देङ्‌सालाप्‍पादा सोज्‍जे ऩचेप्‍निन्‍ने, खोन्‍किना ऩखिनिन्‍ने मेन झारा म़नाचिएनान कासिम्‍नान्‍चिन खोन्‍कि कातोङ म़लिने।

हिब्रु 13:5

आम्‍नुओ ह़ङ्‌म़ङ फेक्‌वा च़क्‍ख़य़ मुमादाङ्‌का अ़थाया युङ्‌सानुम, खोन्‍कि खानानिन्‌एदा युङ्‌याङ्‌ओदाङा आम्‍नुओ सोम्‍सेत्‍तानिन्‍चिन। देकिनालो खोक्‍को आप्‍पि म़य़ङायुङ्‌सा, “अ़ङ्‌का खानानिन देम्‍खाछाङ अ़लेत्‍नानिमिन, माङ्‌लो अ़ङ्‌का खानानिन देम्‍खाछाङ अ़छित्‍नान्‍निमिन।”

याकुब 4:1

आम्‍नुओ रादा खिमा खोन्‍कि म्‍हुमा खादाङ्‌का ता? दि मो झारा आम्‍नुओ पोक्‍फुत्‍चिहुत्‌दा काम्‌युङ पोक मित्‍माचिदाङ्‌का ता ओ माआङ कि?

१ पत्रुस 5:2

आम्‍नुओ रादाओ निनाम्‍हाङ्‌ओ अ़लोकाचि नुलोक खानुम्‍च़म। राकाङ्‌थेत्‍निआ माआङ, मेन ऩङानुयाङ्‌सा, छेन्‍बिओ च़क्‍ख़य़आ माआङ, मेन राक्‌एनान फासानुम्‍च़म।

२ पत्रुस 2:3

च़क्‍ख़य़दा म़छुक्‌किना मो सोज्‍जेओ काचिन्‍पाचिआ सोज्‍जेओ य़ङ्‌चिलाम्‍पा आम्‍नुओ छेन्‍बि ऩच़न्‍तिन। मोचिओ अ़चुछ़ङ्‌छेन्‍मा निनाम्‍हाङ्‌आ अ़छ़ङ लिसायुङ्‌सा, खोन्‍कि मोचि अ़नुछ्‍याङा म़लुक।

यहुदा 1:11

मोचि दन्‍दादा म़छुक! देकिनालो मोचिआ कयिन कोलाओ लाम अ़त़ङ्‌तायुङ्‌सा, खोन्‍कि मोचिआ तोक्‍माओ निम्‍पाङ खोचि बालाम फेलाओदा म़धा, खोन्‍कि मोवात्‍नि कोरहआ निनाम्‍हाङ्‌ओ अ़चुदेङ्‌सालाप्‍पादा मुओ ङेन्‌दा म़लुक्‍खात।

खाङ्‌मुमा 1:9

अ़ङ्‌का युहन्‍ना, आम्‍नुओ बुवा, येसुएदा साकोङ्‌छ़ङ मुवाङ्‌ओसा खानानिन्‌एनान अ़क्‍नि हुङ्‌याङ्‌सा अ़चाअ़त्‍मा आङ्‌तुङ्‌योङ। मो दुखा खोक्‍कोसोओ अ़चुहाङ्‌होन्‌दा कावाङ्‌चिएदा ता। निनाम्‍हाङ्‌ओ अ़चुय़ङ खालुसुङ खोन्‍कि येसु ख्रिस्‍तओ अ़चुसालुम्‍स़ङ प़ङ्‌ओसा अ़ङ्‌का पत्‍मोस्‌निओ खाम्‍दाक्‌दा ऩखाइसाङ।