१ तिमोथि 3:15 - बान्‍तावा राई

¹⁵ मेन अ़ङ्‌का बान्‍मा छ़ङानालो निनाम्‍हाङ्‌ओ अ़चुखिम्‍लुम्‍पादा देत्‍नि तुङ्‌मादोत मो खानानिन सिन्‍मादोत। ओ खिम्‍लुम्‍पा अ़ह़ङ निनाम्‍हाङ्‌ओ अ़चुसाम्‍भुङ ओ, खोन्‍कि अ़नुछ्‍याओ अ़तोम्‍खा खोन्‍कि छ़ङ ओ।

१ तिमोथि 3:15 Σταυροειδείς Αναφορές

मत्‍ति 16:16

सिमोन पत्रुस्‌आ लासुलो, “खानानिन ख्रिस्‍त ओ, अ़ह़ङ निनाम्‍हाङ्‌ओ अ़चुछा ओ।”

मत्‍ति 18:18

अ़नुछ्‍या, अ़ङ्‌का खानानिन लोनानिन, दि खानानिन हेन्‍खामादा मुमा मान्‍प़त़युक्‍तुम्‍च़म? मो निनाम्‍मादु अ़छ़ङ अ़मुवायुङ्‌सा। दि खानानिन हेन्‍खामादा मुमा त़प़म्‌युङ्‌सुम्‍च़म, मो निनाम्‍मादु अ़छ़ङ अ़मुवायुङ्‌सा।

युहन्‍ना 1:17

मोवात्‍निङा य़ङ्‌हुप निनाम्‍हाङ्‌य़ङ खाकालु मोसालाम्‍पा म़पुवा, मेन सोमातुक्‍मा खोन्‍कि अ़छ़ङ येसु ख्रिस्‍तलाम्‍पा ता।

युहन्‍ना 14:6

येसुआ अ़लासालोवा, “लाम, अ़छ़ङ खोन्‍कि ह़ङ्‌म़ङ अ़ङ्‌काङा ओ। अ़ङ्‌काएदाङ्‌का नि साङ्‌लाम्‍पाछाङ अ़ङ्‌पापाएदु खात्‍मा अ़ऱनिन।

युहन्‍ना 18:37

पिलातस्‌आ खोक्‍को सेनु, “दि खाना हाङ्‌ङा ओ म़ल़क?” येसुआ लासुलो, “खानानिन्‌ङा खोवात्‍नि त़य़ङिन्‌युङ्‌सिन म़ल़क। ओसोओ निम्‍पाङ अ़ङ्‌का लिसाङ ओ, खोन्‍कि ओ अ़छ़ङ य़ङ्‍ओ निकिना सालुम्‍स़ङ प़सि अ़ङ्‌का ओ हेन्‍खामादा ताङ्‌ओ। झारा साङ्‌आ अ़छ़ङ य़ङ त़ङ्‌तु, मोसाआ अ़ङ्‌य़ङ एनु।”

युहन्‍ना 6:69

खोन्‍कि आन्‍कान्‍का साकोङ्‌छ़ङ मुनियुङ्‌नि खोन्‍कि सिन्‍नियुङ्‌नि, खानानिन निनाम्‍हाङ्‌ओ त़सेङिन्‌येन्‌ओ अ़चुम़ना ओ।”

छाम्‍माय़ङ 14:15

“यावाचि ओ, खानानिन देकिना ओवाको काचि त़मुन्‌येन? आन्‍काच्‍याछाङ खानानिन्‌वाको म़नाङा ओ। आन्‍काच्‍या खानानिन ओ सोज्‍जेओ य़ङ्‌चिदाङ्‌का अ़ह़ङ निनाम्‍हाङ्‌एदात्‍नि लासानिन निकि नुय़ङ्‌खान खुत्‍निकि तायुङ्‌साच्‍या। मोक्‍को निनाम्‍हाङ्‌आङा निनाम्‍मा, हेन्‍खामा, धियाङ्‌वामा खोन्‍कि मोदा म़याक्‌याङ्‌ओ झारा म़मुयुचि।

रोमि 3:2

झाराकापाराआ च़लोक अ़नुवाक मुयाङ। झारादाङ्‌का बुया निनाम्‍हाङ्‌आ अ़चुओ य़ङ्‌चि यहुदिचिओ अ़चुछुक्‌दा म़पाक्‍तुचि।

रोमि 9:26

“खोन्‍किना, खादा ‘खानानिन अ़ङ्‌म़नाचि माआङ’नि ऩलोन्‌ओ, मोदाङा मोचि ‘अ़ह़ङ निनाम्‍हाङ्‌ओ अ़चुछाचि’नि म़लोचि।”

१ कोरिन्‍थि 10:32

साङ्‌छाङ धुङ्‌खा मान्‍लिदानिन, यहुदिने, ग्रिक्‌ने माङ्‌लो निनाम्‍हाङ्‌ओ अ़चुसाम्‍भुङ्‌ङाने।

१ कोरिन्‍थि 3:16

दि खानानिन निनाम्‍हाङ्‌ओ अ़चुब़क्‍खाखिम खोन्‍कि निनाम्‍हाङ्‌ओ अ़चुलावा खानानिन्‌एदा म़याक निकिना त़सिन्‍तिमिन्‌येन?

२ कोरिन्‍थि 3:3

खानानिन ख्रिस्‍तआ आन्‍काओ काचिलाम्‍पा ऩछाप्‍तिन्‌ओ अ़चुछाप्‍लावाचिओ निओ य़ङ छेङ्‌छेङ्‌छेङ्‌वा मुयाङ। ओ छाप्‍लावा च़क्‍मावाआ माआङ, मेन अ़ह़ङ निनाम्‍हाङ्‌ओ अ़चुलावालाम्‍पा छाप्‍ताओ। लुङ्‌ओ छाप्‍खाचिदा माआङ, मेन म़नाओ अ़चुसाकोङ्‌वाचिदाओ छाप्‍खाचिदा।

२ कोरिन्‍थि 6:16

सेम्‍पोक्‌एनान निनाम्‍हाङ्‌ओ अ़चुब़क्‍खाखिम देत्‍नि तोङ्‌मा? देकिनालो आन्‍कान अ़ह़ङ निनाम्‍हाङ्‌ओ अ़चुब़क्‍खाखिम ओ। निनाम्‍हाङ ओवात्‍नि म़य़ङायुङ्‌सा, “‘अ़ङ्‌का मोचिएदा याक्‍ङा, खोन्‍कि मोचिओ अ़चुरादा कोन्‍ङा, खोन्‍कि अ़ङ्‌का मोचिओ अ़चुनिनाम्‍हाङ लिङा, खोन्‍किना मोचि अ़ङ्‌म़ना म़लि।’

२ कोरिन्‍थि 6:7

अ़छ़ङ य़ङ्‌दा, खोन्‍कि निनाम्‍हाङ्‌ओ अ़चुसावादा, चुप्‍ताङ खोन्‍कि बेङ्‌वा छुक्‌दा साम्‌योक्‍मिओ बान्‍छुबिछु खुयिन्‍का।

गलाति 2:9

साम्‍भुङ्‌दाओ सायाकातोक खाबोचिनि मित्‍माय़ङ्‌चि याकुब, केफास खोन्‍कि युहन्‍ना, म़मित्‍तुचिकिना मोचिआ अ़ङ्‌का प़माय़ङ अ़च़वाङ काचि अ़सिन्‍ताकि अ़ङ्‌का खोन्‍कि बारनाबास यावायोक्‌ओ चुप्‍ताङ्‌छुक ऩपुवाच्‍या। ओवात्‍नि आन्‍काच्‍या निरावाचिएदा खात्‍मा खोन्‍कि खोचि यहुदिचिएदा खात्‍मा म़काङ्‌सा।

गलाति 3:1

खामान्‍सिन गलातिचि ओ! साङ्‌आ खानानिन ऩधान्‍तिन? आम्‍नुओ म़क्‌ओ अ़बुदाङा येसु ख्रिस्‍त क्रुस्‌दा म़ख़न्‍ताओ छेङ्‌छेङ्‌छेङ्‌वा खालुसाओ।

एफिसि 4:21

येसुएदाओ अ़छ़ङ्‌वात्‍नि खोक्‍कोसोओ अ़चुतुक्‌वादा खानानिन्‌आ त़एनुम्‌ओ खोन्‍कि खोक्‍कोएदा ऩचिन्‍तिन्‌युङ्‌सिन्‍चिन्‌नि मिन्‍ङाङा।

कलस्‍सि 1:5

निनाम्‍हाङ्‌आ आम्‍नुओ निम्‍पाङ निनाम्‍मादु अ़युङ्‌साओ आसिखा अ़नुछ्‍याङा त़तोक्‍तुम निकिना त़मित्‍तुम्‌युङ्‌सुम्‌योम्‌ओसा खानानिन्‌आ मोवात्‍नि सोमात़तुक्‍तुम्‌युङ्‌सुम्‌योम्‌ओ। मो आसिखाओ अ़तुक्‌वादा खानानिन बुयाङा अ़छ़ङ्‌य़ङ माङ्‌लो नुय़ङ्‌खान्‌दा त़एनुम्‌युङ्‌सुम।

१ थेसलोनिकि 1:9

देकिनालो देत्‍नि आन्‍कान्‍का खानानिन तुप्‍निहिदा साऩङ्‌वा त़मेत्‍निओ, खोन्‍कि देत्‍नि सेम्‍पोक्‌चिदाङ्‌का अ़ह़ङ खोन्‍कि अ़छ़ङ निनाम्‍हाङ ब़त्‍सि त़लासिन्‌ओ, मोसोओ अ़तुक्‌वादा झारादात्‍निओ म़नाचिआ खाअ़लु।

१ तिमोथि 3:14

अ़ङ्‌का च़क्‍नि खानाएदा बान्‍माकि तुप्‍मानि मिन्‍ङाङा, खोन्‍नुछाङ अ़ङ्‌का ओ खाना छाप्‍नाङ्‌ना।

१ तिमोथि 3:16

आन्‍कान काङ्‌सिन, आन्‍साकोङ्‌छ़ङ्‌ओ अ़तुप्‍माय़ङ अ़न्‍नुनु तोक्‍पो मुयाङ: खोक्‍को पोक्‌दा खाङ्‌म़मुसान्‍चिन, सेङ्‌लावालाम्‍पा खोक्‍को साम्‌योक्‍मि अ़काइसा। निनाम्‍हाङ काफाचिआ खोक्‍को अ़खा, खोक्‍कोसोओ अ़चुतुक्‌वादा रावा-रावाचिओ अ़चुरादा खालुसा। खोक्‍को झारा हेन्‍खामादाओ म़नाचिआ साकोङ्‌छ़ङ अ़मुवा, खोन्‍कि खोक्‍को साम्‌दा निनाम्‍मादु अ़थेन्‍ताखात्‍ता।

१ तिमोथि 3:2

खोन्‌ओसा धिकाखाङ्‌पा साङ्‌आछाङ लाहि पाक्‍मा ऩऱन्‌ओ, अ़क्‍छा खिम्‍हाङ्‌माओ ओन्‍ङा अ़खिम्‍हाङ्‌पा, काक़म्‍नान्‍चिन, खारु कातोक, सायाकातोक, तावाङ साऩङ्‌वा कामेत, खोन्‍कि चिन्‍मा काऱ मुमादोत।

१ तिमोथि 3:5

अ़क्‍छा म़नाआ आप्‍पि अ़खिम्‍लुम्‍पा तोङ्‌मा अ़लेसुन्‍लो निनाम्‍हाङ्‌ओ अ़चुसाम्‍भुङ देत्‍नि खोसाआ खाङ्‌मा ऱ?

१ तिमोथि 4:10

खोत्‍निओसा आन्‍कान ओ मित्‍चिऩङ्‌आ चात्‍लो काचि खोन्‍कि दुखा मुन। देकिनालो झारा म़नाचिओ अ़चुकालेन्‍पा खोन्‍कि च़लोक्‌वा खोक्‍को साकोङ्‌छ़ङ कामुचि अ़ह़ङ निनाम्‍हाङ्‌दा आन्‍कान आन्‍सोम्‍कुवा युङ्‌सुम।

१ तिमोथि 6:16

खोक्‍को ओन्‍ङा अ़धुन काह़ङ्‌युङ म़युङ्‌याङ, खोन्‍कि खोक्‍को साम्‌दा म़याक, खोक्‍कोसोओ अ़चुसाम्‌दा साङ्‌छाङ खात्‍मा अ़ऱन्‍मिन। खोक्‍को साङ्‌आछाङ देम्‍खाछाङ मान्‍खाङ्‌युक्‍तु माङ्‌लो साङ्‌आछाङ खोक्‍को खाङ्‌मा अ़ऱन। खोक्‍कोसोओ अ़चुसाऩङ्‌वा लिने खोन्‍कि खोक्‍को अ़धुन सावापोरिओ म़मुने! मोवात्‍निङा लिने।

२ तिमोथि 2:19

मेन निनाम्‍हाङ्‌ओ अ़चुम़नाचि अ़तुङ्‌निन्‌ओ छ़ङ्‌वात्‍नि म़युङ्‌युङ, खोन्‍कि मो छ़ङ्‌दा ओ ह्‍वातात य़ङ्‌चि म़छाप्‍तायुङ्‌सा। “हाङ्‌पाआ अ़चुम़नाचि म़सिन्‍तुचि,” खोन्‍कि “साङ-साङ अ़ङ्‌का हाङ्‌पाओ अ़म़नानि य़ङ, खो अ़त्‍लो काचिदाङ्‌का अ़थाया युङ्‌ने।”

२ तिमोथि 2:20

अ़धिवा खिम्‌दा हाराक्‌वाओ खोन्‍कि रुपाओ ओन्‍ङा खाम्‍माचि ऩयुङ्‌निन, मेन स़ङ्‌ओ खोन्‍कि बाखाओछाङ म़युङ, खा-खाक्‍को साऩङ्‌वाओ मित्‍चिऩङ्‌ओ निम्‍पाङ खोन्‍कि खा-खाक्‍को साऩङ्‌वा मान्‍मेत्‌दामाओ निम्‍पाङ।

हिब्रु 10:21

खोन्‍कि निनाम्‍हाङ्‌ओ अ़चुखिम काखाङ आन्‍कान्‌एदा अ़क्‍छा मुलो काब़क्‍पा म़युङ्‌याङ।

हिब्रु 12:22

मेन खानानिन सियोन भ़ऱदा त़तान्‌युङ्‌सिन। मो अ़ह़ङ निनाम्‍हाङ्‌ओ अ़चुसहरा, खोन्‍कि निनाम्‍मादुओ यरुसलेम ओ। मोदा खिप्‌दिअ़तेत्‍निन्‌ओ निनाम्‍हाङ काफाचि ऩङानुयाङ्‌सा म़कोप्‍नान्‍चिन।

हिब्रु 3:12

ब़ब़, नाना खोन्‍कि निछाचि ओ, चाप्‍चेत्‍तानिन्‍चिन! खानानिन खा-खाक्‍कोएदा याक्‌याङ्‌ओ अ़अ़त्‍पा खोन्‍कि साकोङ्‌छ़ङ मान्‍मुदामा साकोङ्‌वाआ खानानिन अ़ह़ङ निनाम्‍हाङ्‌एदाङ्‌का अ़थाया ऩखात्‍तिमिन्‍ने।

हिब्रु 9:14

ओ अ़छ़ङ य़ङ ओनालो, ख्रिस्‍तओ अ़चुह़आ देम च़लोक आन्‍छेन्‍खाताया हेवा काचिचिदाङ्‌का सेङ, खोन्‌ओसा आन्‍कान अ़ह़ङ निनाम्‍हाङ ब़क्‍मा ऱम। देकिनालो खोक्‍कोसाआ अ़धुन्‌ओ लावाओ सावाआ आप्‍पि अ़च़क़ल़क हेन्‍खोक्‌वा म़लिसाकि निनाम्‍हाङ अ़पुवालावा।

१ पत्रुस 2:5

खोन्‍कि खानानिन्‌छाङ येसु ख्रिस्‍तलाम्‍पा निनाम्‍हाङ्‌आ लोक्‍माखान्‍तुओ लावामि हेन्‍खोक्‌वाचि काधान सेङ्‌याङ्‌ओ काब़क्‍पा लिमा निम्‍पाङ अ़ह़ङ लुङ्‌चिवात्‍नि लावामि खिम लियाङ्‌सा त़खारिन।

१ पत्रुस 4:17

देकिनालो छ़ङ्‌छेन्‍मा निनाम्‍हाङ्‌ओ अ़चुम़नाचिदाङ्‌का पुङ्‌मा ग़रि ताचिआयुङ्‌सा। खोन्‍कि ओ छ़ङ्‌छेन्‍मा आन्‍कान्‌एदाङ्‌काङा पुङ्‌नालो निनाम्‍हाङ्‌ओ अ़चुनुय़ङ्‌खान्‌दा लोमावा मान्‍च़कादाचिओ अ़चुछ़ङ्‌छेन्‍मा देत्‍नि लि?

खाङ्‌मुमा 7:2

खोन्‍कि अ़ह़ङ निनाम्‍हाङ्‌ओ अ़चुसेप्‍माएनान नि निनाम्‍हाङ काफा बुसुहोन्‌याङ्‌का बानाङाओ अ़ङ्‌का खाङ। हेन्‍खामा खोन्‍कि धियाङ्‌वामा लुक्‍मा सावा निनाम्‍हाङ्‌आ म़प़युङ्‌सुचिओ मो चारकातात निनाम्‍हाङ काफाचि अ़धिवा य़ङ्‌आ खोक्‍कोसाआ म़लोचि।