१ तिमोथि 3:13 - बान्‍तावा राई

¹³ देकिनालो साङ्‌चि साम्‍भुङ काफाचिवात्‍नि नुलोक काचि म़मु, मोचिआ आप्‍पिओ निम्‍पाङ तोक्‍पो साऩङ्‌वा खोन्‍कि ख्रिस्‍त येसुदाओ साकोङ्‌छ़ङ्‌ओ अ़तुक्‌वादा राक्‌एनान चेप्‍मा म़ऱ।

१ तिमोथि 3:13 Σταυροειδείς Αναφορές

मत्‍ति 20:28

मोवात्‍निङा म़नाओ अ़छाछाङ ब़त्‍लुसि माआङ, मेन ब़त्‍सि, खोन्‍कि ब़द्‍धेकापाङ फोङ्‌माओ अ़लुङ छोन्‍सि निकिना अ़ह़ङ्‌म़ङ प़सि ताओ।”

मत्‍ति 25:21

मोसोओ अ़हाङ्‌पाआ मो लासुलो, ‘नुलोक त़चुवा, अ़नुवाक खोन्‍कि सोम्‍कुवामुमायु हारुक। खाना उन्‍निदा सोम्‍कुवामुमायु त़लिसा, हान अ़ङ्‌का खाना ब़द्‍धे य़ङ्‌चिदा पाङ प़ना। खाना ताकि अ़ङ्‌काएनान अ़क्‍नि खाबाचादा आम्‍ऩङानुसान्‍चिन।’

लुका 19:17

खोन्‍कि हाङ्‌आ अ़हारुक लो, ‘त़छोसा, अ़नुवाक हारुक! खाना दस्‌कातात सहरादा पाङ्‌मुमा त़तोक्‍तु। देकिनालो खाना अ़चुप्‍पो काचिदा सोम्‍कुवामुमायु काचि त़मुवा।’

छाम्‍माय़ङ 21:35

रात्‍खामिचिआ पावल अ़चुलाम्‍चेक्‌दातारि अ़तारालाहिदा म़ना मुक्‍लाचिओ चाअ़त्‍लो अ़चुमाइसुङ काराओसा रात्‍खामिचिआ खो अ़खुयाखात्‍ता।

छाम्‍माय़ङ 6:15

मोन्‍ग़रि झारा धियायोक्‍खादा कायुङ्‌चिआ स्‍तिफनस्‌एह्‍यात्‍नि नुलोक अ़चोवाङा, खोन्‍कि मोचिआ खोसोओ अ़ङाइवा निनाम्‍हाङ काफाओ अ़ङाइवावाङा लिसाओ अ़खा।

छाम्‍माय़ङ 6:5

खोन्‍कि मो अ़युङ्‌साओ य़ङ रुहुप्‌दाओ झारासाआ ऩङाअ़नुसा, खोन्‍किना मोचिआ सेङ्‌लावाआ खोन्‍कि साकोङ्‌छ़ङ्‍आ भेप्‍तुचिओचि स्‍तिफनस, फिलिप, प्रखरस, निकनोर, तिमोन, पर्मिनास, खोन्‍किना एन्‍तिओखिया सहरादाओ निरावा निकोलाउस म़छेन्‍तुचि, खो बुयाङे यहुदि साम्‌योक्‌दा वाङाचिआयुङ्‌सा।

छाम्‍माय़ङ 6:8

खोन्‍कि निनाम्‍हाङ्‌आ स्‍तिफनस च़लोक आसिखा अ़पुवाकि सावाआ भेप्‍तु, खोन्‍कि म़नाचिओ अ़चुरादा अ़धिवा-अ़धिवा म़दोम्‍दाओ काचिचि खोन्‍कि बुन्‌चि मुचि।

१ कोरिन्‍थि 16:15

हान ब़ब़, नाना खोन्‍कि निछाचि ओ, खानानिन त़सिन्‍तुम्‌योम, स्‍तिफनास्‌ओ अ़खिम्‍लुम्‍पाचि अखैयादा बुयाओदु साकोङ्‌छ़ङ कामुचिओ, खोन्‍कि निनाम्‍हाङ्‌ओ अ़चुम़नाचिओ अ़चुकाचिदा खोचिङा म़वाङायुङ्‌सा।

फिलिप्‍पि 1:14

ब़द्‍धेकापाङ ब़ब़, नाना खोन्‍कि निछाचि, अ़ङ्‌छेक्‍माआ हाङ्‌पाआ राक्‌एनान्‌ओ खोन्‍कि निनाम्‍हाङ्‌ओ अ़चुय़ङ अ़चुक़मा मान्‍कात्‍माङ चेप्‍मा च़लोक अ़चुराक्‍स़रिओ म़मुयुङ्‌सुचि।

१ थेसलोनिकि 2:2

आन्‍कान्‍का बुयाङा फिलिप्‍पिदा चाअ़त्‍लो दुखा आङ्‌तुम्‍काओ खोन्‍कि आन्‍काओ साया ऩपेप्‍तिन्‍काओ य़ङ ना खानानिन त़सिन्‍तुम्‌योम। मेन अ़न्‍नुनु फित्‍चि ऩमुन्‍कानुछाङ आन्‍निनाम्‍हाङ्‌लाम्‍पा आन्‍कान्‍का राक तोक्‍तुम्‍काकिना खोक्‍कोसोओ अ़नुय़ङ्‌खान मान्‍क़माङ खानानिन खाएत्‍नि।

१ तिमोथि 3:14

अ़ङ्‌का च़क्‍नि खानाएदा बान्‍माकि तुप्‍मानि मिन्‍ङाङा, खोन्‍नुछाङ अ़ङ्‌का ओ खाना छाप्‍नाङ्‌ना।

२ तिमोथि 2:1

खोन्‌ओसा, अ़ङ्‌छा तिमोथि, ख्रिस्‍त येसुओ अ़चुसोम्‍तुक्‍मादा खाना काछो लिसा।

हिब्रु 6:10

निनाम्‍हाङ नुलोक छ़ङ्‌काछेन म़मुयाङ। खोक्‍कोसाआ आम्‍नुओ काचि खोन्‍कि निनाम्‍हाङ्‌ओ अ़चुम़नाचि ब़त्‍मा काचिलाम्‍पा खानानिन्‌आ निनाम्‍हाङ खाङ्‌त़मुसुम्‌ओ खोन्‍कि खाङ्‌त़मुसुम्‌योम्‌ओ सोम्‍तुक्‍मा ऩमान्‍तुन्‍केसुन।