१ तिमोथि 1:3 - बान्‍तावा राई

³ अ़ङ्‌का माकेदोनिया खाराङ्‌याङ्‌हिदा खाना यायोक प़नादानाओ वात्‍नि, खाना एफिसस्‌दा युङा, खोन्‍कि सोज्‍जे काचिन्‌चि देत्‍निकिछाङ मोदा मान्‍चिन्‍दानुम्‍च़म्‌नि लोचि।

१ तिमोथि 1:3 Σταυροειδείς Αναφορές

छाम्‍माय़ङ 18:19

मोचि एफिसस सहरादा म़तालाकिना पावल्‌आ प्रिस्‍किला खोन्‍कि अकिलास वाप्‍तेला नान्‍खादाङा छिरुदोचि। खोन्‍किना पावल यहुदिचिओ अ़चुयावायोक्‍खिम्‌दा वाङाकि मोचिएनान दुम्‍तुमा पुक्‍तु।

छाम्‍माय़ङ 18:21

मेन पावल मोचिएनान हासान्‌यान्‍चिन्‌हिदा, “निनाम्‍हाङ्‌ओ अ़मिन्‍मा याक्‌याङ्‌नालो अ़ङ्‌का माय़ङ लाङाताङा”नि लोचि। खोन्‍किना खो वाप्‍तेलादा वाङाकि एफिसस सहरादाङ्‌का खारा।

रोमि 15:26

देकिनालो यरुसलेम्‌दाओ निनाम्‍हाङ्‌ओ अ़चुम़नाचिओ रादा मान्‍तोक्‍कादाचिओ निम्‍पाङ माकेदोनिया खोन्‍कि अखैयादाओ साम्‍भुङ्‌चिआ अ़चिलोक छुक्‍दाम प़मा अ़छ़ङ अ़मुवायुङ्‌सा।

रोमि 16:17

ब़ब़, नाना खोन्‍कि निछाचि ओ, अ़ङ्‌का खानानिन यायोक प़नाङ्‌नानिन, खानानिन चिन्‍माय़ङ साम्‌योक्‍मि लाम्‌ओ अ़देङ्‌सालाप्‍पादा काफेक्‌चि खोन्‍कि लाम्‍काछेक्‌चिदाङ्‌का चाप्‍चेत्‍तानिन्‍चिन, खोन्‍कि मोचिदाङ्‌का अ़थाया युङानिन!

२ कोरिन्‍थि 11:4

देकिनालो अ़क्‍छा म़ना ताकि आन्‍कान्‍का खालुसुम्‍काओ येसुदाङ्‌का नि येसुओ अ़चुनुय़ङ्‌खान खालुसु माङ्‌लो खानानिन्‌आ त़तोक्‍तुम्‌ओ लावादाङ्‌का नि लावा मोचिआ खानानिन लोक्‍ऩमेत्‍तिन माङ्‌लो खानानिन्‌आ त़लोउम्‌ओ नुय़ङ्‌खान्‌दाङ्‌का नि नुय़ङ्‌खान मोचिआ खानानिन लोक्‍ऩमेत्‍निन्‌नालो खानानिन नुसुम्‍पेन्‍ताङा त़आङ्‌तुम।

एफिसि 4:14

खोन्‌ओसा आन्‍कान लोङ्‌वात्‌आ देङ्‌सा बुसा तोन्‍माय़ङ, मोचिओ झारा सोज्‍जेओ चिन्‍माय़ङ्‌ओ अ़ह़क्‌आ खोन्‍कि म़नाचिओ अ़चुथालिआ, अ़चुचाप्‍चाआ खोन्‍कि अ़चुनामान्‍ल़क्‌आ ओह्‍यात्‍नि-मोह्‍यात्‍नि मुत्‍माखात्‍माय़ङ छाचिवात्‍नि अ़लिसिमिन्‍ने।

फिलिप्‍पि 2:24

खोन्‍किना अ़ङ्‌काछाङ च़क्‍नि बान्‍मा ऱन्‍ङाने निम्‍पाङ हाङ्‌पाएदा सोम्‍कुवा मुङाङा।

१ तिमोथि 4:11

ओ य़ङ्‌चि खाना लोचि खोन्‍कि चिन्‍तुचि।

१ तिमोथि 4:6

ओ य़ङ्‌चि खाना येसु ख्रिस्‍तएदा साकोङ्‌छ़ङ कामुचि त़चिन्‍तुचिनालो खाना त़खेङ्‌सुओ साकोङ्‌छ़ङ्‌ओ अ़छ़ङ य़ङ खोन्‍कि अ़नुवाक चिन्‍माय़ङ्‌दा त़पोन्‌कि खाना नुलोक ख्रिस्‍त येसु काब़त त़लि।

१ तिमोथि 5:7

साम्‍भुङ्‌दा ओ यायोक्‌चि प़चि, खोन्‌ओसा मोचि साङ्‌छाङ लाहि पाक्‍ऩमुनिन्‍ने।

१ तिमोथि 6:10

देकिनालो याङ सोमातुक्‍माङा झारापाराओ अ़अ़त्‍पाओ अ़भेन ओ। याङ्‍ओ च़क्‍ख़य़दा म़छुक्‍ताकि खा-खाक्‍कोचि साकोङ्‌छ़ङ्‌दाङ्‌का नि लाम्‌दा म़वाङायुङ्‌सा, खोन्‍कि ब़द्‍धे दुखाचिआ मोचिओ अ़चुसाकोङ्‌वाचि धुउयुङ्‌सु।

१ तिमोथि 6:17

ओ हेन्‍खामादाओ कातोक्‌चि ऱक्‍भाक मान्‍लिदानिन्‌नि लोचि। अ़छ़ङ मात्‍द़ङ्‌ओ चासुम्‍छेन्‍बिदा माआङ, मेन आन्‍कान ऩङानुमान्‍चिन्‌ओ निम्‍पाङ झारा सामा ब़द्‍धे याङ्‌मा काप़ निनाम्‍हाङ्‌एदा मोचि सोम्‍कुवा म़मुने।

१ तिमोथि 6:3

साङ्‌आ सोज्‍जेओ य़ङ्‌चि चिन्‍तुचि खोन्‍कि आन्‍हाङ्‌पा येसु ख्रिस्‍तओ अ़छ़ङ य़ङ्‌चि खोन्‍कि साम्‌योक्‍मिवात्‍निओ चिन्‍माय़ङ्‌एनान अ़तोङ्‌निन्‌नालो,

२ तिमोथि 1:18

हाङ्‌पा येसु म़लाय़ओ लेन हाङ्‌पाआ खो सोमातुक्‍मा खाङ्‌अ़मेत्‍ने! खाना नुलोक त़सिन्‍तुङु, एफिसस्‌दा खोसाआ अ़ङ्‌का ब़द्‍धे अ़फासाङ्‌ओ।

२ युहन्‍ना 1:7

देकिनालो हेन्‍खामादा ब़द्‍धेकापाङ काधान्‌चि झारादात्‍नि म़खारायुङ्‌सा, मोचिआ येसु ख्रिस्‍त अ़चुपोक्‌दा म़ताओनि ऩय़ङ्‌निन। मोवाको म़नाङा काधान खोन्‍कि ख्रिस्‍तओ अ़चुङेङ ओ।

खाङ्‌मुमा 2:14

मेन आम्‍नुओ देङ्‌सालाप्‍पादा अ़ङ्‌काएदा दि-दि य़ङ्‌चि म़युङ्‌याङ। देकिनालो आम्‍नुओ रादा खा-खाक्‍कोचि म़युङ्‌याङ, मोचिआ बालाम्‌ओ अ़चिन्‍माय़ङ अ़त़ङ। इस्राएलिचि धुङ्‌खाओ अ़तुक्‌वा लिने निकिना सेम्‍पोक्‌चि प़माय़ङ चामायुचि चामा खोन्‍कि ताङ्‌लान मुमा बालाम्‌आ बालाक चिन्‍तु।

खाङ्‌मुमा 2:20

मेन आम्‍नुओ देङ्‌सालाप्‍पादा अ़ङ्‌काएदा ओ य़ङ य़ङ्‌मा दोत्‌याङ: खाना इजेबेल्‌निओ मेत्‍छामा त़आङ्‌तुङु। मो आप्‍पि निनाम्‍हाङ्‌य़ङ खाकालुनि लोनान्‍चिन, खोन्‍कि अ़ङ्‌का काब़त्‌चि ताङ्‌लान मुमा खोन्‍कि सेम्‍पोक्‌चि प़माय़ङ चामायुचि चामा चिन्‌याङ्‌सा थेम्‍सुङुचि।