१ तिमोथि 1:19 - बान्‍तावा राई

¹⁹ साकोङ्‌छ़ङ खोन्‍कि अ़नुवाक छेन्‍खाताया मान्‍लेत्‌दो। खा-खाक्‍को म़नाचिआ छेन्‍खाताया ऩङाअ़छिराकि अ़चुसाकोङ्‌छ़ङ अ़लुक्‍तायुङ्‌सा।

१ तिमोथि 1:19 Σταυροειδείς Αναφορές

मत्‍ति 6:27

खानानिन्‌एदाङ्‌काओ साङ मिन्‍राक मुकि अ़ह़ङ्‌म़ङ्‌दा अ़क्‍चित ग़रि तेप्‍मा ऱ?

१ कोरिन्‍थि 11:19

आम्‍नुओ रादाओ साङ सोम्‍कुवा मुमा खान्‍तुओ सिन्‍मा निम्‍पाङ खानानिन्‌एदा हामान्‍चिन्‍ङादोत।

गलाति 5:4

खानानिन य़ङ्‌हुप्‌लाम्‍पा साम्‌योक्‍मि कान्‍मा त़लामिन्‌येन्‌ओचि, ख्रिस्‍तएदाङ्‌का खानानिन त़लोइसिन्‍खाइसिन्‌युङ्‌सिन्‍चिन। खोन्‍कि खानानिन निनाम्‍हाङ्‌ओ अ़चुसोम्‍तुक्‍मादाङ्‌का त़धान्‍खारिन्‌युङ्‌सिन।

१ तिमोथि 1:5

अ़ङ्‌को ओ लोमाय़ङ्‌ओ मित्‍चिऩङ ओवाको ओ: सेङ्‌याङ्‌ओ साकोङ्‌वा, अ़नुवाक छेन्‍खाताया खोन्‍कि अ़नुछ्‍याओ साकोङ्‌छ़ङ्‌लाम्‍पा ताओ सोमातुक्‍माआ म़भेप्‍तुचिने।

१ तिमोथि 3:9

मेन मोचि साकोङ्‌छ़ङ्‌ओ अ़छ़ङ अ़तुप्‍माय़ङ अ़च़क़ल़क छेन्‍खातायादा कालाप्‌युङ मुमादोत।

१ तिमोथि 6:12

साकोङ्‌छ़ङ्‌ओ अ़नुवाक ङेन मुवा। अ़लुक्‍निन्‌ओ ह़ङ्‌म़ङ लाउयुङ्‌सु। ओ य़ङ्‌दाङा खाना निनाम्‍हाङ्‌आ ऩबुत्‍ताओ, खाना ब़द्‍धे सालुम्‍स़ङ्‌चिओ अ़चुबुदा साकोङ्‌छ़ङ्‌ओ अ़नुवाक सालुम्‍स़ङ त़प़चिओ।

१ तिमोथि 6:21

ओ खामान्‍सिन य़ङ कात़ङ देम्‍पाङ म़नाचि अ़चुसाकोङ्‌छ़ङ्‌दाङ्‌का म़थेमाखारायुङ्‌सा। खानानिन झाराएदा सोम्‍तुक्‍मा युङ्‌ने।

१ तिमोथि 6:9

मेन खाक्‍को म़नाचि कातोक लिमा म़लाम, मोचि चिन्‍माखाङ्‌मादा म़छुक, खोन्‍कि वाय़दा म़धा खोन्‍कि ब़द्‍धे खामान्‍सिन खोन्‍कि क़माकात्‍तुओ मिन्‍मादा म़वाङ। मोसाआ म़नाचि चिन्‍मा खोन्‍कि लुक्‍मादा सारुचि।

२ तिमोथि 2:18

बुया लामाखोन्‍मालोन्‍मा लिसाचिआयुङ्‌सा निकिना ओचि अ़छ़ङ्‌दाङ्‌का फेलाखारायुङ्‌साचि। देम्‍पाङ्‌सोओ अ़चुसाकोङ्‌छ़ङ मोचिआ अ़भुङ्‌चुखान्‍चुङ्‌चु।

२ तिमोथि 4:4

मोचि अ़छ़ङ य़ङ एन्‍मा ऩङाअ़छित, खोन्‍कि दोय़ङ्‌लादात्‍नि म़लाखात।

तितस 1:9

आन्‍कान्‍काआ चिन्‍तुम्‍च़म्‍काओ अ़नुछ्‍याओ तायादा युङ्‌युङ्‌ओ खोन्‍कि नि म़नाचिछाङ ओ ताया प़चिकि राक प़मा काऱ लिमादोत। ओ ताया आन्‍कान्‍काआ चिन्‍निओवात्‍नि लिमादोत। खोन्‍किना ओसोओ देङ्‌सा काच़चिओ अ़चुफिमाछाङ खाङ्‌मेत्‍मा काऱ लिमादोत।

हिब्रु 3:14

ओवात्‍नि आन्‍कान बुयाओदु अ़चुम़नाचि लिसिन्‌दाङ्‌का आन्‍सोम्‍कुवा देङ्‌दातारि नुलोक क़क्‍तुम्‌युङ्‌सुम्‌नालो आन्‍कान ख्रिस्‍तओ अ़चुयावाचि ओ।

१ युहन्‍ना 2:19

मोचि आन्‍कान्‌एदाङ्‌का म़फेआन्‍खात्‍तान्‍चिन, देकिनालो मोचि आन्‍कोचि माआङ। मोचि आन्‍कोचिओदे आन्‍कान्‌एनान अ़क्‍नि म़युङाओ, मेन मोचि झारा आन्‍कोचि माआङ्‌निओ य़ङ खाङ्‌मुमा निम्‍पाङ मोचि म़लोन्‍ताखाराओ।

खाङ्‌मुमा 3:10

हान चिन्‍माय़ङ ओ हेन्‍खामादा कायुङ म़नाचि चिन्‍खाङ्‌सि झारा हेन्‍खामादा तामा मुयाङ। खानानिन्‌आ दुखा आङ्‌तानुम्‌निओ अ़ङ्‌लोमाय़ङ्‌वा त़च़न्‌ओसा चिन्‍माखाङ्‌माओ ग़रिदाङ्‌का अ़ङ्‌का खानानिन लेन्‍नानिन।

खाङ्‌मुमा 3:3

खोन्‌ओसा खानानिन दियाको चिन्‍माय़ङ त़तोक्‍तुम खोन्‍कि त़एनुम, मो मान्‍लेत्‌दानुम खोन्‍कि हेवाचिदाङ्‌का लासानिन। खानानिन त़थिन्‍तिमिन्‌नालो अ़ङ्‌का काख़पावा ताङा, खोन्‍कि खाउग़रि ताङा ओ, मोछाङ खानानिन त़सिन्‍तिमिन।

खाङ्‌मुमा 3:8

अ़ङ्‌का आम्‍नुओ काचिचि सिन्‍तुङ्‌योङ्‌च़ङ। खानुम, अ़ङ्‌का आम्‍नुओ बुदा लाप्‍तिखोप होत्‍नाप़नायुङ्‌नानिन, मो साङ्‌आछाङ छेक्‍मा अ़ऱन। खानानिन्‌एदा उन्‍नि सावा याक्‌याङ, खोन्‍नुछाङ खानानिन अ़ङ्‌य़ङ त़काङ्‌सिन्‌युङ्‌सिन खोन्‍कि अ़ङ्‌ऩङ ऩङामान्‍छित्‍त़युक्‍तुम निकिना अ़ङ्‌का सिन्‍तुङ्‌योङ।