१ तिमोथि 1:13 - बान्‍तावा राई

¹³ बुया अ़ङ्‌का ख्रिस्‍त रुकाफोक, काल़क खोन्‍कि खोक्‍को कासुङ मुवाङ्‌याङ्‌नुछाङ अ़ङ्‌का ओ मान्‍सिन्‍ङाङा खोन्‍कि साकोङ्‌छ़ङ मान्‍मुयुक्‍तुङ्‌हिदा मुङ्‌ओसा अ़ङ्‌का निनाम्‍हाङ्‌आ सोमाऩतुक्‍ताङ।

१ तिमोथि 1:13 Σταυροειδείς Αναφορές

लुका 12:47

खोन्‍कि अ़हाङ्‌पाओ अ़मिन्‍मा सिन्‍तुकिछाङ मान्‍चुम्‍दान्‍चिन्‌ओ माङ्‌नालो अ़हाङ्‌पाओ अ़मिन्‍मावात्‍नि मान्‍च़कादा अ़हारुक्‌आ च़लोक य़हुप धिरु।

लुका 23:34

खोन्‍किना येसु म़य़ङा, “आपो, ओचि लेत्‍तापुवानुम्‍च़म। देकिनालो ओचि दे म़च़याङ, ओचिआ ऩसिन्‍तुन्‌योन।” खोन्‍कि रात्‍खामिचि होरा म़पाआ खोन्‍कि खोक्‍कोसोओ अ़चुतित्‌चि अ़हासा।

छाम्‍माय़ङ 22:4

अ़ङ्‌का येसुओ अ़लाम कात़ङ म़नाचि म़सुवालो दुखा प़ङ्‌च़ङ। अ़ङ्‌का दुवाछाचि खोन्‍कि मेत्‍छामाचि लाउङ्‌च़ङ्‌कि मोचि छेक्‍खाखिम्‌दा छेक्‍मेत्‍तुङ्‌च़ङ।

छाम्‍माय़ङ 3:17

हान, ब़ब़, नाना खोन्‍कि निछाचि ओ, अ़ङ्‌का सिन्‍तुङ्‌योङ, खानानिन खोन्‍कि आम्‍नुओ बुसुवाचिआ मान्‍सिन्‍त़दोम्‌ओसा येसु त़सेरुम्‌ओ।

छाम्‍माय़ङ 8:3

मेन सावल्‌आ साम्‍भुङ्‌चि लुक्‍मा लाप्‍तुङुचि। खोसाआ खिम-खिम्‌दा खात्‌याङ्‌सा दुवाछाचि खोन्‍कि मेत्‍छामाचि सात्‍खात्‌याङ्‌सा छेक्‍खाखिम्‌दा छेक्‍तुङुचि।

छाम्‍माय़ङ 9:1

मोन्‌हिदा हाङ्‌पाओ अ़काखेङ्‌चि सेत्‍माचि मिन्‍माआ दुङ्‌तिम मुयाङ्‌सा सावल मुलो काब़क्‍पाएदा खारा।

छाम्‍माय़ङ 9:13

मेन हननियाआ लासुलो, “हाङ्‌पो, मो म़नाआ यरुसलेम्‌दाओ आम्‍नुओ म़नाचि च़लोक अ़त्‍लो मुचिओ अ़ङ्‌का ब़द्‍धेकापाङ्‌दाङ्‌का ओसोओ अ़तुक्‌वादा एनुङ्‌युङ्‌सुङ।

छाम्‍माय़ङ 9:5

खोन्‍किना खोसाआ सेनु, “हाङ्‌पो, खानानिन साङ ओ?” खोन्‍कि खोक्‍कोसाआ ऩलोवाङ, “अ़ङ्‌का येसु ओ, खोङा खाना दुखा त़प़ङु!

१ कोरिन्‍थि 15:9

छाम्‍माय़ङ म़नाचिएदाङ्‌काओ अ़ङ्‌का अ़चुप्‍पाङ ओ। अ़ङ्‌का छाम्‍माय़ङ म़नानि लोमा अ़खान्‍ऩङ, देकिनालो अ़ङ्‌का निनाम्‍हाङ्‌ओ अ़चुसाम्‍भुङ दुखा प़ङ।

१ कोरिन्‍थि 7:25

हान वारिसाचिओ अ़चुतुक्‌वादा अ़ङ्‌का हाङ्‌पाएदाङ्‌का खाक्‍कोछाङ लोमाय़ङ मान्‍तोक्‌युक्‍तुङ। मेन हाङ्‌पाओ अ़चुसोम्‍तुक्‍मालाम्‍पा अ़क्‍छा सोम्‍कुवा मुमा खान्‍तुओ लिसाङ्‌ओसा अ़ङ्‌का खानानिन अ़ङ्‌यायोक प़नानिन।

गलाति 1:13

अ़ङ्‌का यहुदि साम्‌योक्‌दा याआङ्‌याङ्‌हिदा बुया अ़ङ्‌का द्‍याक्‍को मुवाङ्‌याङ्‌निओ य़ङ्‌ओ अ़तुक्‌वादा खानानिन्‌आ त़एनुम्‌युङ्‌सुम, देत्‍नि अ़ङ्‌का निनाम्‍हाङ्‌ओ अ़चुसाम्‍भुङ्‌चि चाअ़त्‍लो दुखा प़ङ्‌च़ङ, खोन्‍कि मोचि लुक्‍मा लाप्‍तुङ्‌च़ङ।

फिलिप्‍पि 3:6

राक्‌ओ अ़तुक्‌वादाओनालो साम्‍भुङ दुखाकाप, साम्‌योक्‍मिओ अ़तुक्‌वादाओनालो य़ङ्‌हुप्‌वात्‍नि लाहि मात्‍द़ङ्‌ओ अ़ङ्‌का मुवाङ्‌याङ।

१ तिमोथि 1:16

मेन अ़ङ्‌का निनाम्‍हाङ्‌आ सोमाऩतुक्‍ताङ, देकिनालो हेवामिचिदाङ्‌का मुलो लिसाङ्‌किछाङ येसु ख्रिस्‍तओ अ़धिवाङ अ़चुहुङ्‌माआ अ़ङ्‌का अ़मात्‍ऩङ्‌वात्‍नि खाङ्‌मुमा अ़ऱङाने। खोन्‌ओसा निचिआ अ़सिन्‌कि खोक्‍कोएदा मोचिछाङ साकोङ्‌छ़ङ म़मुने खोन्‍कि अ़धुन्‌ओ ह़ङ्‌म़ङ अ़तोक्‍ने।

हिब्रु 4:16

खोन्‌ओसा आन्‍कान राक्‌एनान सोम्‍तुक्‍माओ हाङ्‌युङ्‌खादा खारिन्‍ने। मोदा निनाम्‍हाङ्‌आ सोम्‍तुक्‍मा दोत्‌ओ ग़रिदा आन्‍कान फामा तोक्‍तुम।

१ पत्रुस 2:10

बुया खानानिन निनाम्‍हाङ्‌ओ अ़चुम़नाचि माआङ्‌ओ, मेन हान खानानिन निनाम्‍हाङ्‌ओ अ़चुम़नाचि ओ। बुया खानानिन्‌आ निनाम्‍हाङ्‌ओ अ़चुसोम्‍तुक्‍मा मान्‍तोक्‍त़दोम, मेन हान खानानिन्‌आ निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम।