१ थेसलोनिकि 5:9 - बान्‍तावा राई

⁹ देकिनालो निनाम्‍हाङ्‌आ आन्‍कान दन्‍दा प़मा निम्‍पाङ माआङ, मेन आन्‍हाङ्‌पा येसु ख्रिस्‍तलाम्‍पा लेन्‍मा तोक्‍तुम्‍ने निम्‍पाङ बुयाङा म़छेन्‍ता।

१ थेसलोनिकि 5:9 Σταυροειδείς Αναφορές

मत्‍ति 26:24

म़नाओ अ़छा ना खोक्‍कोसोओ अ़तुक्‌वादा साम्‍कालिन्‌दा छाप्‍तावात्‍नि खात। मेन अ़चाअ़त्‍मादा छुक मो म़ना, साङ्‌आ म़नाओ अ़छा धान्‍तु। मो म़ना ना मान्‍लिओदे खोसोओ निम्‍पाङ अ़नुवाक लिसाओ।”

छाम्‍माय़ङ 1:20

देकिनालो साम्‍ऱङ छाप्‍लाखादा दाउद हाङ्‌आ यहुदाओ अ़तुक्‌वादा छाप्‍तुयुङ्‌सु, ‘मोसोओ अ़खिम अ़होम्‍प़द़क लिने, मोदा साङ्‌छाङ अ़युङ्‌निन्‍ने।’ खोन्‍कि ‘मोसाआ मुमादोत्‌ओ काचिओ पाङ नितात्‍साआङा मुने।’ निकिनाछाङ छाप्‍तायुङ्‌सा।

छाम्‍माय़ङ 1:25

खोन्‍कि खोसाआ यहुदाओ अ़फान्‌दा छाम्‍माय़ङ काचि मुमा ऱने, देकिनालो यहुदाआ अ़छिरिन्‍दान्‍काकि खादा खात्‍मा खान्‍तुओ खोदाङा खारायुङ्‌सा।”

छाम्‍माय़ङ 13:48

निरावाचिआ ओ य़ङ अ़एनाकिना मोचिओ अ़चुऩङानुवा, खोन्‍कि निनाम्‍हाङ्‌ओ अ़चुय़ङ अ़चोन्‍ता, खोन्‍कि अ़लुक्‍निन्‌ओ ह़ङ्‌म़ङ्‌ओ निम्‍पाङ निनाम्‍हाङ्‌आ म़छेन्‍तुचिओचि झारा साकोङ्‌छ़ङ म़मुवा।

रोमि 11:30

खानानिन निरावाचिछाङ अ़क्‍दु निनाम्‍हाङ्‌ओ अ़चुलोमाय़ङ मान्‍काङ्‌कादा त़मुन्‌येन, मेन ओग़रि इस्राएलिचि लोमावा मान्‍च़चिओसा खानानिन्‌आ निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम।

रोमि 11:7

खोन्‍नालो दि? इस्राएल्‌आ दि नुलोक लामुङुओ, मो मान्‍तोक्‌दो। मेन छेन्‍माय़ङ्‌ओचिआ मो अ़तोक्‍ता, नि झारा ऱक्‍भाक म़लिसा।

१ थेसलोनिकि 1:10

खोन्‍कि निनाम्‍मादुङ्‌का काय़ निनाम्‍हाङ्‌ओ अ़चुछा येसु त़हुङुम्‌योम्‌निछाङ मोचि म़य़ङ्‌याङ। खोक्‍को निनाम्‍हाङ्‌आ म़सुवादाओदाङ्‌का अ़लासाखोन्‍तालोइसा, खोक्‍कोसाआङा तामा मुयाङ्‌ओ निनाम्‍हाङ्‌ओ अ़चुमाइसुङ्‌दाङ्‌का आन्‍कान म़लेन।

१ थेसलोनिकि 3:3

खोन्‌ओसा दुखाचिआ आम्‍नुओ साङ्‌कोछाङ राक अ़स़निन्‍ने। खानानिन्‌ङा त़सिन्‍तुम्‌योम, ओवाको दुखाचि ना आन्‍कान आङ्‌माङादोत।

१ तिमोथि 1:13

बुया अ़ङ्‌का ख्रिस्‍त रुकाफोक, काल़क खोन्‍कि खोक्‍को कासुङ मुवाङ्‌याङ्‌नुछाङ अ़ङ्‌का ओ मान्‍सिन्‍ङाङा खोन्‍कि साकोङ्‌छ़ङ मान्‍मुयुक्‍तुङ्‌हिदा मुङ्‌ओसा अ़ङ्‌का निनाम्‍हाङ्‌आ सोमाऩतुक्‍ताङ।

१ तिमोथि 1:16

मेन अ़ङ्‌का निनाम्‍हाङ्‌आ सोमाऩतुक्‍ताङ, देकिनालो हेवामिचिदाङ्‌का मुलो लिसाङ्‌किछाङ येसु ख्रिस्‍तओ अ़धिवाङ अ़चुहुङ्‌माआ अ़ङ्‌का अ़मात्‍ऩङ्‌वात्‍नि खाङ्‌मुमा अ़ऱङाने। खोन्‌ओसा निचिआ अ़सिन्‌कि खोक्‍कोएदा मोचिछाङ साकोङ्‌छ़ङ म़मुने खोन्‍कि अ़धुन्‌ओ ह़ङ्‌म़ङ अ़तोक्‍ने।

२ तिमोथि 2:10

खोन्‌ओसा निनाम्‍हाङ्‌आ म़छेन्‍तुचिओचिओ निम्‍पाङ झारा य़ङ अ़ङ्‌का आङ्‌तुङ, मोवात्‍नि मोचिआछाङ अ़धुन साम्‌एनान येसु ख्रिस्‍तएदा याक्‌याङ्‌ओ लेन्‍मा अ़तोक्‍ने।

१ पत्रुस 2:10

बुया खानानिन निनाम्‍हाङ्‌ओ अ़चुम़नाचि माआङ्‌ओ, मेन हान खानानिन निनाम्‍हाङ्‌ओ अ़चुम़नाचि ओ। बुया खानानिन्‌आ निनाम्‍हाङ्‌ओ अ़चुसोम्‍तुक्‍मा मान्‍तोक्‍त़दोम, मेन हान खानानिन्‌आ निनाम्‍हाङ्‌ओ अ़चुसोम्‍तुक्‍मा त़तोक्‍तुम्‌युङ्‌सुम।

१ पत्रुस 2:8

खोन्‍कि, “मोक्‍को अ़क्‍ताक लुङ्‌ताक्‌आङा म़नाचि धुङ्‌म़मेत्‍तुचि, खोन्‍कि मोक्‍को लुङ्‌छ़ङ्‌आङा म़नाचि काधाम म़मुचि।” देकिनालो मोचि निनाम्‍हाङ्‌ओ अ़चुय़ङ ऩङाअ़छित, मोचिओ निकि ओवात्‍नि लिमाङा निनाम्‍हाङ्‌ओ अ़चुमिन्‍मा याआङा।

२ पत्रुस 1:1

येसु ख्रिस्‍तओ अ़चुहारुक खोन्‍कि छाम्‍माय़ङ सिमोन पत्रुस्‌दाङ्‌का, आन्‍निनाम्‍हाङ खोन्‍कि कालेन्‍पा येसु ख्रिस्‍तओ अ़चुसाम्‌योक्‍मिदा आन्‍काओवाको अ़लुङ छुक्‌ओ अ़क्‍निवा सोम्‍कुवा कामुचिएदा ओ छाप्‍लावा छाप्‍तुङ्‌योङ।

२ पत्रुस 2:3

च़क्‍ख़य़दा म़छुक्‌किना मो सोज्‍जेओ काचिन्‍पाचिआ सोज्‍जेओ य़ङ्‌चिलाम्‍पा आम्‍नुओ छेन्‍बि ऩच़न्‍तिन। मोचिओ अ़चुछ़ङ्‌छेन्‍मा निनाम्‍हाङ्‌आ अ़छ़ङ लिसायुङ्‌सा, खोन्‍कि मोचि अ़नुछ्‍याङा म़लुक।

यहुदा 1:4

मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा। खा-खाक्‍को म़नाचि मान्‍सिन्‍मान्‍तोक आम्‍नुओ रादा म़ताचिआयुङ्‌सा। मोचि निनाम्‍हाङ मान्‍ब़क्‍कादा म़नाचि ओ, मोचिआ आन्‍निनाम्‍हाङ्‌ओ अ़चुसोमातुक्‍मा ताङ्‌लान्‌दा अ़फान्‍तायुङ्‌सा। आन्‍को अ़क्‍छा ओन्‍ङा ओ आन्‍हाङ्‌काचि कामु खोन्‍कि हाङ्‌पा येसु ख्रिस्‍त ऩङाअ़छित। मोचिआ तोक्‍मा दन्‍दाओ अ़तुक्‌वादा ना ब़द्‍धे बुयादाङ्‌काङा छाप्‍तायुङ्‌सा।