१ पत्रुस 5:2 - बान्‍तावा राई

² आम्‍नुओ रादाओ निनाम्‍हाङ्‌ओ अ़लोकाचि नुलोक खानुम्‍च़म। राकाङ्‌थेत्‍निआ माआङ, मेन ऩङानुयाङ्‌सा, छेन्‍बिओ च़क्‍ख़य़आ माआङ, मेन राक्‌एनान फासानुम्‍च़म।

१ पत्रुस 5:2 Σταυροειδείς Αναφορές

लुका 12:32

अ़चुप्‍पा रुहुप्‌चिओ, मान्‍क़दानिन! देकिनालो निनाम्‍मादुओ आम्‍नुओ पापाआ खोक्‍कोसोओ अ़चुहाङ्‌होन खानानिन प़मा अ़चुऩङानुवायुङ्‌सा।

छाम्‍माय़ङ 20:29

देकिनालो अ़ङ्‌का सिन्‍तुङ्‌योङ, अ़ङ्‌का खात्‍ङालोन्‍ङाकिना खोक्‍लि कुतिवाचिवाको क़माकात्‍तुओ म़नाचि आम्‍नुओ रादा म़ता, खोन्‍कि मोचिआ निनाम्‍हाङ्‌ओ अ़साम्‍भुङ दित्‍छाङ मान्‌युङ्‌माङ लुक्‍मा म़लाप।

छाम्‍माय़ङ 21:13

मेन पावल्‌आ, “खानानिन देकि त़खाविन्‍किना अ़ङ्‌साकोङ्‌वा चाअ़त्‍लो त़मेत्‍निप़निङ्‌नि? अ़ङ्‌का छेक्‍खादा छेक्‍मा ओन्‍ङा माआङ, मेन हाङ्‌पा येसुओ अ़चुऩङ्‌दा अ़ङ्‌का यरुसलेम्‌दा स़माछाङ चुम्‍ङान्‍च़ङ”नि लासुलोचि।

रोमि 1:15

खोन्‌ओसा खानानिन रोम्‌दा कायुङ्‌चिओ निम्‍पाङ्‌छाङ ओ नुय़ङ्‌खान खाएत्‍मा अ़ङ्‌का अ़न्‍नुनु राक मुङाङा।

१ कोरिन्‍थि 9:7

आप्‍पिओ अ़फेक्‌वाआ खाक्‍को रात्‍खामि काचि मु? अङ्‌गुरा कालित्‌आ मोसोओ अ़सिवा अ़चान कि? भेरा काखाङ्‌आ मोसोओ अ़ओम्‍पिवा अ़दुङुन कि?

१ तिमोथि 3:3

खाबात सेत्‍चावा खोन्‍कि ङेन कामु माआङ, मेन वाइवेत कायुङ, मान्‍खिकादा, छेन्‍बि च़क्‍ख़य़ मान्‍मुकादा मुमादोत।

१ तिमोथि 3:8

मोवात्‍निङा साम्‍भुङ काफाचिछाङ साऩङ्‌वा मेत्‍मा खान्‍तुचिओ खोन्‍कि सोत्‍सोत्‌वाओ मुमादोत। मोचि ब़द्‍धे अङ्‌गुरा माङ्‌वा कादुङ खोन्‍कि अ़त्‍लो च़याङ्‌सा छेन्‍बि कादुप लिमा अ़नुनिन।

तितस 1:11

मोचिओ अ़चुदोदा मान्‍ह़माङ अ़नुनिन। देकिनालो मोचिआ ना चिन्‍माङा अ़नुनिन्‌ओ य़ङ्‌चि म़चिन्‍तुचिकि झारा खिम्‍लुम्‍पादा अ़चुताकावा च़मा अ़बान्‍खान्‌याङ। अ़धुन फेक्‌वा दुप्‍मा ओन्‍ङा मोचि ओवात्‍नि म़च़याङ्‌ओ।

तितस 1:7

धिकाखाङ्‌पा निनाम्‍हाङ्‌ओ अ़काचि कामु ओ। खोन्‌ओसा मो खोक्‍कोछाङ ह़त्‍माय़ङ मात्‍द़ङ्‌ओ म़ना लिमादोत। खोन्‍कि अ़ताकावा काच़, च़क्‍नि अ़माइसुङ्‌कात्‌ओ, खाबात सेत्‍चाले, धात्‍काधात कामु खोन्‍कि म़प्‌याङ्‌सा छेन्‍बि कादुप लिमा अ़नुनिन।

तितस 2:14

झाराकापाराओ आन्‍हेवादाङ्‌का आन्‍कान फोङ्‌सि, आन्‍कान सेङ्‌सि, खोन्‍कि अ़नुवाक काचि मुमा कास़ आप्‍पिओ अ़चुम़ना मुसि येसु ख्रिस्‍तआ आन्‍को निकि अ़चुह़ङ्‌म़ङ म़पुवा।

तितस 3:1

हाङ्‌काचि कामुचि खोन्‍कि पाङ कातोक्‌चिओ अ़चुक़म्‍मादा युङ्‌मादोत निकिना मोदाओ म़नाचि मित्‍मेत्‍तुचि। मोचि लोमावा म़च़ने, खोन्‍कि झाराकापाराआ नुलोक च़सि म़चुम्‍नान्‌युङ्‌नान्‍चिन्‍ने।

फिलेमोन 1:14

मेन खाना मान्‍काङ्‌माङ ओवात्‍नि च़मा नुलोक मान्‍लुङा, देकिनालो खाना अ़नुवाक काचि मुमा राकाङ्‌थेत्‍नि अ़लिनिन्‍ने, मेन आम्‍ताकावा लिने।

हिब्रु 12:15

मिन्‍मा पाक्‍तानुम, खाक्‍कोछाङ म़ना निनाम्‍हाङ्‌ओ अ़चुसोम्‍तुक्‍मा तोक्‍मादाङ्‌का देङ्‌सा अ़लानिन्‍ने। मोवात्‍नि खाक्‍कोछाङ ख़क्‌याङ्‌ओ छ़क्‌ओ अ़ताङ लित्‌किना मोसाआ झारा खान्‌अ़त्‍लो त़मुन खोन्‍कि मोसाआ ब़द्‍धेकापाङ त़पोप्‍तिन।

२ पत्रुस 2:3

च़क्‍ख़य़दा म़छुक्‌किना मो सोज्‍जेओ काचिन्‍पाचिआ सोज्‍जेओ य़ङ्‌चिलाम्‍पा आम्‍नुओ छेन्‍बि ऩच़न्‍तिन। मोचिओ अ़चुछ़ङ्‌छेन्‍मा निनाम्‍हाङ्‌आ अ़छ़ङ लिसायुङ्‌सा, खोन्‍कि मोचि अ़नुछ्‍याङा म़लुक।