१ पत्रुस 3:4 - बान्‍तावा राई

⁴ आम्‍नुओ साकोङ्‌वा सिम्‍माय़ङ्‌आ खोन्‍कि सेवाङ्‌निओ लावाओ अ़लुक्‍निन्‌ओ चोङ्‌मायुआ चोङ्‌सानुम, मो निनाम्‍हाङ्‌ओ अ़चुबुदा अ़न्‍नुनु ब़द्‍धे अ़लुङ्‌ओ मुयाङ।

१ पत्रुस 3:4 Σταυροειδείς Αναφορές

मत्‍ति 11:29

अ़ङ्‌कोम खुयानुम, खोन्‍कि अ़ङ्‌काएदाङ्‌का चिन्‍तानिन्‍चिन, देकिनालो अ़ङ्‌मिन्‍मा नोत्‌याङ्‌ओ खोन्‍कि कासिम्‍नान्‍चिन मुङाङा। खोन्‍किना खानानिन्‌आ आम्‍नुओ ह़ङ्‌म़ङ्‌चिदा सावातोम्‍मा त़तोक्‍तुम।

मत्‍ति 21:5

“सियोन्‌दा कायुङ म़नाचि ओ, खानुम, आम्‍नुओ हाङ खानानिन्‌एदा, सिम्‍नान्‍चिन्‍सा, गधा धुङ्‌दा म़वाङ्‌कि, गधाओ अ़क्‌तात अ़छादुङ्‌दुङ्‌का म़तायाङ।”

मत्‍ति 23:26

दोप्‍म़क फरिसिचि ओ! बुया लाङ्‌चोक्‍खुङ खोन्‍कि फाङ्‌लान्‌ओ अ़कोङ्‌लिप्‍पा प़न्‍तानुम, खोन्‍किना मोसोओ अ़दुङ्‌लिप्‍पाछाङ प़न्‍ने।

मत्‍ति 5:5

कासिम्‍नान्‍चिन्‌चि आसिखा कातोक्‌चि ओ, देकिनालो मोचिआ हेन्‍खामादाओ पाङ अ़तोक।

लुका 11:40

खामान्‍सिन म़नाचि ओ! साङ्‌आ बुङ्‌खालिप्‍पा अ़मुया, खोक्‍कोसाआङा अ़कोङ्‌लिप्‍पाछाङ अ़मुयाओ माआङ कि?

लुका 16:15

खोन्‍कि येसुआ म़लोचि, “खानानिन म़नाचिओ अ़चुबुदा आप्‍पि निनाम्‍हाङ्‌ओ अ़मिन्‍मावा काच़वात्‍नि खाङ्‌त़मुसिन्‍चिन, मेन निनाम्‍हाङ्‌आ आम्‍नुओ साकोङ्‌वा अ़सिन्‌याङ। म़नाचिआ दि तोक्‍पोनि अ़मित, मो निनाम्‍हाङ्‌आ अ़चुचिप्‍मा अ़कात।

रोमि 1:23

मोचिआ स़दाओ म़ना, छोङ्‌वाचि, चारकालाङ्‍ओ साक्‍स़ङ्‌चि खोन्‍कि कासात्‍नान्‍चिन्‍चिएनान अ़लुक्‍निन्‌ओ निनाम्‍हाङ्‌ओ अ़चुऩङ्‌लोङ्‌मा अ़फान्‍ता।

रोमि 2:29

मेन साङ अ़कोङ्‌याङ्‌काओ यहुदि ओ, मोङा यहुदि ओ। खोन्‍कि साङ अ़साकोङ्‌वादा सेङ्‌लावालाम्‍पा मुवाओ सिप्‍मायाम्‍बुन्‌ङा अ़नुछ्‍याओ सिप्‍मायाम्‍बुन ओ, छाप्‍माय़ङ य़ङ्‌हुप त़ङ्‌तुम्‌कि अ़नुनिन, ओवाको म़नाओ अ़चोन्‍माय़ङ म़नाचिदाङ्‌का माआङ, मेन निनाम्‍हाङ्‌दाङ्‌का लि।

रोमि 6:6

आन्‍कान सिन्‍तुम्‌योम बुयाओ हेवामि आन्‍ह़ङ्‌म़ङ क्रुस्‌दा ख्रिस्‍तएनान ख़न्‍तायुङ्‌सा। खोन्‌ओसा आन्‍ह़ङ्‌म़ङ्‌चिदा हेवाओ अ़सावाआ अ़क़म्‍तुन्‍ने। हान्‌दाङ्‌का ह्‍यात्‍नि आन्‍कान हेवाओ अ़हारुक माआङ।

रोमि 7:22

देकिनालो अ़ङ्‌साकोङ्‌वा हुत्‌याङ्‌का निनाम्‍हाङ्‌ओ अ़चुय़ङ्‌हुप्‌दा अ़ङ्‌ऩङानु,

२ कोरिन्‍थि 10:1

खा-खाक्‍को म़नाचि म़य़ङ, अ़ङ्‌का पावल, आम्‍नुओ बुदा खोन्‍कि सिम्‍ङान्‍च़ङ, मेन अ़थाया लिङाहिदा खानानिन्‌एदा छाक्‍लो लिङा! ख्रिस्‍तओ अ़चुसिम्‍मान्‍चिन खोन्‍कि अ़चुसोम्‍तुक्‍मालाम्‍पा अ़ङ्‌का खानानिन लोनाङ्‌नानिन।

२ कोरिन्‍थि 4:16

खोन्‌ओसा देम्‍खाछाङ आन्‍काओ राक अ़स़निन। आन्‍काओ बुङ्‌खालिप्‍पाओ पोक लुक्‌याङ्‌सा खात्‌याङ, खोन्‍नुछाङ आन्‍काओ लावामि ह़ङ्‌म़ङ अ़लेन्‍खिन्‍तुम अ़ऩङ्‌वा लियाङ्‌सा खात्‌याङ।

गलाति 5:23

सिम्‍मान्‍चिन, क़म्‍मान्‍चिन ओ। ओवाको य़ङ्‌चिओ अ़चुदेङ्‌सालाप्‍पादा य़ङ्‌हुप मात्‍द़ङ।

एफिसि 4:2

अ़धुन सिम्‍नान्‍चिन्‍सा, सोत्‍सोत्‌वालिसा खोन्‍कि हुङ्‌याङ्‌सा अ़क्‍छाआ नि सोमातुक्‍मादा आङ्‌याङ्‌सा,

कलस्‍सि 3:12

ओवात्‍नि निनाम्‍हाङ्‌आ ऩछेन्‍तिन्‌ओ सेङ्‌याङ्‌ओकि सोमा ऩतुक्‍तिन्‌ओ म़नाचि त़लिसिन्‌ओसा खानानिन नोत्‍चिचिवाओ, सोमाकातुक, अ़नुवाक, कासिम्‍नान्‍चिन खोन्‍कि काहुङ लिसानिन।

कलस्‍सि 3:3

देकिनालो ख्रिस्‍त म़सुवाहिदा खानानिन अ़क्‍नि त़स़न्‌युङ्‌सिन, खोन्‍कि हान निनाम्‍हाङ्‌आ आम्‍नुओ ह़ङ्‌म़ङ ख्रिस्‍तएनान अ़रात्‍तायुङ्‌सा।

१ थेसलोनिकि 4:11

आन्‍कान्‍का खानानिन यायोक प़निवा मान्‍खिमाङ युङानिन, खोन्‍कि आम्‍नुओ काचिदा मिन्‍मा पाक्‍तानुम, खोन्‍कि आम्‍नुओ छुक्‌आ काचि मुवाचानिन।

२ थेसलोनिकि 3:12

हान आन्‍कान्‍का ओवाको म़नाचि हाङ्‌पा येसु ख्रिस्‍तओ अ़चुऩङ्‌दा लोम्‍च़म्‍का, खोन्‍कि यायोक प़म्‍च़म्‍का, मोचि चामा ह़ङ्‌माओ निम्‍पाङ वाइवेत काचि म़मुने।

१ तिमोथि 2:2

हाङ्‌चि खोन्‍कि अ़छोङ्‌छान्‌दु कायुङ हाङ्‌काचि कामुचिओ निम्‍पाङ्‌छाङ यामारानिन, खोन्‌ओसा आन्‍कान वाइवेत खोन्‍कि सेवाङ्‌निओ ह़ङ्‌म़ङ्‌आ झारा ग़रि साम्‌योक्‍मि खोन्‍कि निनाम्‍हाङ साया मेत्‍मादा ह़ङ्‌मा ऱन्‍ने।

२ तिमोथि 2:25

खोन्‍कि सिम्‍नान्‍चिन्‍सा अ़चुमिन्‍मालामाकिना फित्‍चि कामुचि यायोक काप़ लिमादोत। मोवात्‍नि निनाम्‍हाङ्‌आ मोचि अ़छ़ङ तुप्‍मा मिन्‍मा म़प़चि हे।

तितस 3:2

मोचिआ साङ्‌कोछाङ अ़देङ्‌सालाप्‍पादा सोज्‍जे ऩचेप्‍निन्‍ने, खोन्‍किना ऩखिनिन्‍ने मेन झारा म़नाचिएनान कासिम्‍नान्‍चिन खोन्‍कि कातोङ म़लिने।

याकुब 1:21

खोन्‌ओसा झारा अ़त्‍लो य़ङ खोन्‍कि झारा अ़अ़त्‍पादाङ्‌का फेआनिन्‍चिन, आम्‍नुओ साकोङ्‌वादा लित्‍ताओ निनाम्‍हाङ्‌ओ अ़चुय़ङ सिम्‍नान्‍चिन्‍सा लोआनुम। देकिनालो निनाम्‍हाङ्‌ओ अ़चुय़ङ्‌आ आम्‍नुओ ह़ङ्‌म़ङ रात्‍तु।

१ पत्रुस 1:23

निनाम्‍हाङ्‌ओ अ़ह़ङ खोन्‍कि अ़धुन युङ्‌युङ्‌ओ अ़चुय़ङ्‌लाम्‍पा, लुक्‍खात्‌ओ माआङ, मेन देम्‍खाछाङ अ़लुक्‍निन्‌ओ बिउलाम्‍पा खानानिन अ़ऩङ्‌वा त़लासिन्‍पुक्‍तिन्‌युङ्‌सिन्‍चिन।

१ पत्रुस 3:15

मेन आम्‍नुओ साकोङ्‌वादा ख्रिस्‍त हाङ्‌पा निकिना साया मेत्‍तानुम। खानानिन्‌एदा याक्‌याङ्‌ओ आम्‍नुओ सोम्‍कुवाओ अ़तुक्‌वादा नि म़नाचिआ ऩसेनिन्‌नालो मोसोओ अ़तुक्‌वादा खालुमाओ निकि अ़धुन चुम्‍सान्‌युङ्‌सानिन्‍चिन।