१ पत्रुस 2:7 - बान्‍तावा राई

⁷ खोन्‌ओसा खानानिन साकोङ्‌छ़ङ कामुचिओ निकिना खोक्‍को अ़लुङ्‌छ़ओ म़मुयाङ, मेन साकोङ्‌छ़ङ मान्‍मुकादाचिओ निकिना, “खिम कामुचिआ अ़काचि मात्‍द़ङ्‌ओ निकिना ऩङाअ़छिराओ लुङ्‌ताक मो खुचुरोङ्‌दाओ मुलो लुङ्‌ताक म़लिसायुङ्‌सा।”

१ पत्रुस 2:7 Σταυροειδείς Αναφορές

मत्‍ति 21:42

येसुआ मोचि म़सेनुचि, “साम्‍कालिन्‌दा छाप्‌याङ्‌ओ ओ य़ङ खानानिन्‌आ मान्‍खिप्‍त़युक्‍तुम? ‘खिम कामुचिआ अ़काचि मात्‍द़ङ्‌ओ निकिना ऩङाअ़छिराओ लुङ्‌ताक, मो खुचुरोङ्‌दाओ मुलो लुङ्‌ताक म़लिसायुङ्‌सा। ओ हाङ्‌पाआ अ़मुवाओ, खोन्‍कि ओ आन्‍खाङ्‌मादा म़दोम्‍दाओ मुयाङ!’

लुका 2:32

खोक्‍कोङा निरावा म़नाचिओ निकि आम्‍नुओ लाम खाङ कामेत साम म़युङ्‌याङ, खोन्‍कि खोक्‍को आम्‍नुओ रावा इस्राएलिचिओ अ़चुऩङ तोक्‍पो कामु म़लि।”

लुका 2:34

खोन्‍कि सिमियोन्‌आ खोचि आसिखा प़चिकि नुनुओ अ़मा मरियम लो, “एनु, ओक्‍को नुनुआ इस्राएल्‌दाओ ब़द्‍धे म़नाचि सिम्‍धाइसि खोन्‍कि झोन्‍लोइसि निनाम्‍हाङ्‌आ अ़छेन्‍तायुङ्‌सा। खोक्‍कोसाआ म़नाचि चाप्‍म़चेत्‍तुचि, मेन म़नाचि खोक्‍कोसोओ अ़चुय़ङ लोक्‍मा म़छुन।

लुका 20:17

मेन येसुआ मोचि म़खाचिकि म़लोचि, “खोन्‍नालो ओवात्‍नि छाप्‍ताओसो अ़तुप्‍माय़ङ दि ओ? ‘खिम कामुचिआ ऩङाअ़छिराओ लुङ्‌ताक मो खुचुरोङ्‌दाओ मुलो लुङ्‌ताक म़लिसायुङ्‌सा।’

युहन्‍ना 4:42

मोचिआ मो मेत्‍छामा अ़लोवा, “ओन्‍ग़रि खाना त़य़ङाओ य़ङ्‌आ ओन्‍ङा आन्‍कान्‍का साकोङ्‌छ़ङ मुन्‍काओ माआङ, मेन आन्‍कान्‍का आप्‍पि एनुम्‍काओसाआ अ़नुछ्‍या खोक्‍को हेन्‍खामादाओ कालेन्‍पा ओ निकिना आन्‍कान्‍काआ सिन्‍तुम्‍का।”

छाम्‍माय़ङ 26:19

खोन्‌ओसा हाङ अग्रिपा, येसुआ मुनि ऩलोवाङ्‍ओ निनाम्‍मादुओ सेन्‍चिदा अ़ङ्‌का काङ्‌साङ।

रोमि 10:21

मेन इस्राएल्‌ओ अ़तुक्‌वादा यसैया म़य़ङ्‌याङ, “नाम्‍प़क्‍लोङा नामान्‍ल़क खोन्‍कि फित्‍चि कामु म़नाचि अ़ङ्‌काएदा म़ताने निकिना अ़ङ्‌छुक फेयाङ्‌सा हुङुङ्‌युङ्‌सुङ्‌च़ङ।”

रोमि 15:31

यामारानिन खोन्‌ओसा अ़ङ्‌का यहुदियादाओ साकोङ्‌छ़ङ मान्‍मुकादाचिएदाङ्‌का रात्‍मान्‍चिन ऱङाने, खोन्‍कि यरुसलेम्‌दाओ अ़ङ्‌फामायु काचि निनाम्‍हाङ्‌ओ अ़चुम़नाचिआ लोक्‍माखान्‍तुओ लिने।

२ कोरिन्‍थि 2:16

देकिनालो साङ्‌चि म़लुक्‍खात्‌याङ, आन्‍कान ओ अ़क्‌तात क़माकात्‍तुओ नाम्‍छ़ओ सुङ ओ, मोसाआ सेरुचि, मेन साङ्‌चि म़लेत्‌याङ, मोचिओ निम्‍पाङ आन्‍कान ओ अ़क्‌तात नाम्‍नुओ सुङ ओ, मोसाआ ह़ङ्‌सुचि। ओवाको काचिचि मुमा काऱ साङ युङ्‌याङ?

कलस्‍सि 2:10

खोन्‍कि खानानिन ख्रिस्‍तआ त़भेप्‍तिन्‌युङ्‌सिन। खोक्‍कोङा झारा हाङ्‌काचि कामु अ़अ़त्‍पा लावा खोन्‍कि पाङ्‌कातोक अ़अ़त्‍पा लावाचिओ अ़चुछोङ म़युङ्‌याङ।

तितस 3:3

देकिनालो आन्‍कान आप्‍पिछाङ अ़क्‍दु खामान्‍सिन, लोमावा मान्‍च़कादा खोन्‍कि लाम मान्‍तुम्‍केसुम्‌युङ्‌सुम। आन्‍कान झाराकापाराओ राका खोन्‍कि ताकावा च़माओ अ़हारुक्‌चि मुन्‌येन। आन्‍ह़ङ्‌म़ङ अ़त्‍लो मित्‍मा खोन्‍कि छुन्‌दा खाइसुम्‌योम, चिप्‍माकात्‍लो मुन्‌येन, खोन्‍कि अ़क्‍छा निआ चिप्‍मा कात्‍काकात मुन्‌येन।

हिब्रु 11:31

काचान्‍चामा राहाब्‌ओ अ़साकोङ्‌छ़ङ्‌आङा चिवा कामुचि नुलोक साऩङ्‌वा मेत्‍तुचिओसा लोमान्‍तेत्‍चिएनान मान्‍सेत।

हिब्रु 4:11

खोन्‌ओसा मो सावातोम्‍खादा वाङ्‌मा आन्‍कान अ़न्‍नुनु लामिन्‍ने, खोन्‍कि मोवाको लोमावा मान्‍च़दामादाङ्‌का साङ्‌छाङ अ़धानिन्‍खात्‍निन्‍ने।

१ पत्रुस 1:8

खानानिन्‌आ खोक्‍को मान्‍खाङ्‌त़युक्‍तुम्‌नुछाङ सोमात़तुक्‍तुम। खोन्‍कि ओन्‍ग़रि खानानिन त़खान्‍मिन्‌नुछाङ खोक्‍कोएदा साकोङ्‌छ़ङ त़मुन, खोन्‍किना य़ङ्‌मा अ़ऱन्‍मिन्‌ओ खोन्‍कि साम्‍स़रिओ छेमाआ आम्‍नुओ ऩङानु।

१ पत्रुस 2:4

येसु ख्रिस्‍तएदा तानिन, खोक्‍को अ़ह़ङ लुङ्‌ताक म़युङ्‌याङ। म़नाचिआ ऩङाअ़छिराओ, मेन निनाम्‍हाङ्‌आ खोक्‍को अ़छेन्‍ताओ खोन्‍कि खोक्‍कोसोओ निम्‍पाङ अ़चुलुङ अ़लुङ्‌छ़ओ म़मुयाङ।

१ पत्रुस 2:8

खोन्‍कि, “मोक्‍को अ़क्‍ताक लुङ्‌ताक्‌आङा म़नाचि धुङ्‌म़मेत्‍तुचि, खोन्‍कि मोक्‍को लुङ्‌छ़ङ्‌आङा म़नाचि काधाम म़मुचि।” देकिनालो मोचि निनाम्‍हाङ्‌ओ अ़चुय़ङ ऩङाअ़छित, मोचिओ निकि ओवात्‍नि लिमाङा निनाम्‍हाङ्‌ओ अ़चुमिन्‍मा याआङा।