१ युहन्‍ना 4:20 - बान्‍तावा राई

²⁰ साङ “अ़ङ्‌का निनाम्‍हाङ सोमातुक्‍तुङ”नि य़ङ, मेन अ़निछा अ़ऩङाछिरुनालो मो काम़प ओ, देकिनालो खोसाआ खाओ अ़निछाङा सोमामान्‍तुक्‍कादाआ मान्‍खाङ्‌युक्‍तुओ निनाम्‍हाङ सोमातुक्‍मा अ़ऱन।

१ युहन्‍ना 4:20 Σταυροειδείς Αναφορές

युहन्‍ना 13:35

खानानिन्‌आ अ़क्‍छा निएदा सोमातुक्‍कातुक त़मुन्‌नालो ओवात्‍नि झारा म़नाचिआ खानानिन अ़ङ्‌काखेङ्‌पाचिओनि अ़सिन।”

१ पत्रुस 1:8

खानानिन्‌आ खोक्‍को मान्‍खाङ्‌त़युक्‍तुम्‌नुछाङ सोमात़तुक्‍तुम। खोन्‍कि ओन्‍ग़रि खानानिन त़खान्‍मिन्‌नुछाङ खोक्‍कोएदा साकोङ्‌छ़ङ त़मुन, खोन्‍किना य़ङ्‌मा अ़ऱन्‍मिन्‌ओ खोन्‍कि साम्‍स़रिओ छेमाआ आम्‍नुओ ऩङानु।

१ युहन्‍ना 1:6

आन्‍कान खोक्‍कोसोओ अ़चुयावायोक्‌दा युङिन्‌येन्‌नि य़ङिन, मेन कुन्‌यामादाङा युङिन्‌युङ्‌सिन्‌नालो ना आन्‍कान सोज्‍जेओ चेविन, खोन्‍कि अ़छ़ङ य़ङ्‌वात्‍नि अ़कोलिमिन।

१ युहन्‍ना 1:8

आन्‍कान्‌एदा हेवा मात्‍द़ङ्‌नि य़ङिन्‌नालो ना आन्‍कान आप्‍पि धान्‍तिन्‍चिन, खोन्‍कि आन्‍कान्‌एदा अ़छ़ङ अ़याक्‍निन।

१ युहन्‍ना 2:11

मेन साङ्‌आ अ़निछा ऩङाछिरु, मो कुन्‌यामादा युङ्‌याङ, खोन्‍कि कुन्‌यामादा कोन, खोन्‍कि खो खादात्‍नि खात्‌याङ मोसाआ अ़सिन्‍तुन्‌योन, देकिनालो कुन्‌यामाआ मोसोओ अ़म़क दोप्‍म़क मुयुङ्‌सु।

१ युहन्‍ना 2:4

साङ्‌आ “खोक्‍को अ़ङ्‌का सिन्‍तुङ्‌योङ”नि य़ङ, मेन खोक्‍कोसोओ अ़चुलोमाय़ङ अ़लोउन्‌नालो मो सोज्‍जे ओ, खोन्‍किना मोएदा अ़छ़ङ मात्‍द़ङ।

१ युहन्‍ना 2:9

साङ साम्‌दा युङ्‌ङाङानि य़ङ, मेन अ़द़क्‍छाबुवाचि ऩङाछिरुचिनालो हान्‍छाङ मो कुन्‌यामादाङा युङ्‌याङ।

१ युहन्‍ना 3:17

मेन हेन्‍खामादाओ चासुम्‍छेन्‍बि कातोक्‌आ साकोङ्‌छ़ङ कामु हाप्‍ताओ खाकिछाङ अ़साकोङ्‌वा खोएदा छाक्‍लो मुनालो निनाम्‍हाङ्‌ओ अ़चुसोम्‍तुक्‍मा मोएदा देत्‍नि याक?

१ युहन्‍ना 4:12

साङ्‌आछाङ निनाम्‍हाङ देम्‍खाछाङ मान्‍खाङ्‌युक्‍तु। मेन आन्‍कान अ़क्‍छा निएदा सोमातुक्‍मुन्‌नालो निनाम्‍हाङ आन्‍कान्‌एदा म़युङ, खोन्‍कि खोक्‍कोसोओ अ़चुसोम्‍तुक्‍मा आन्‍कान्‌एदा ताला।