१ कोरिन्‍थि 12:9 - बान्‍तावा राई

⁹ खा-खाक्‍को मोक्‍को सेङ्‌लावालाम्‍पाङा सोम्‍कुवा मुमा, खा-खाक्‍को अ़क्‌तात सेङ्‌लावालाम्‍पाङा नुमा सावाचि म़पुवायुङ्‌सा।

१ कोरिन्‍थि 12:9 Σταυροειδείς Αναφορές

मत्‍ति 10:8

कातुक्‌चि नुसानुम्‍च़म, म़सुवादाओचि ह़ङ्‌सालोइसानुम्‍च़म, क़माधामा सारिमाआ लाउचिओचि सेङ्‌सानुम्‍च़म, खोन्‍कि चाकावालावाचि लोइसानुम्‍च़म। खानानिन्‌आ मोहा त़तोक्‍तुम, मोहाङा पुवानुम्‍च़म।

मत्‍ति 21:21

खोन्‍कि येसुआ अ़चुकाखेङ्‌पाचि म़लोचि, “अ़नुछ्‍या, अ़ङ्‌का खानानिन लोनानिन, खानानिन्‌एदा साकोङ्‌छ़ङ याक्‌याङ खोन्‍कि मान्‍केङ त़मुन्‍मिन्‌नालो अ़ङ्‌का वासिताङ देत्‍नि मुङ मोदाङ्‌का च़लोक खानानिन मुमा त़ऱम। मोन ओन्‍ङा माआङ, मेन ‘ओ भ़ऱ आप्‍पि धेलान्‍चिन्‌कि धियाङ्‌वामादा धा’नि त़लोम्‌नालो मोवात्‍निङा लि।

मर्कुस 16:18

मोचिआ प़चि म़लाउचि, खोन्‍कि म़सेत्‌ओ छ़क म़दुङ खोन्‍नुछाङ मो छ़क्‌आ मोचि देत्‍छाङ अ़मुन्‍चिन। खोन्‍कि कातुक म़नाचिएदा अ़चुछुक्‌चि म़युङ्‌सुचि, खोन्‍कि मोचि म़नुखात।”

मर्कुस 6:13

मोचिआ ब़द्‍धे चाकावालावाचि म़लोइसुखाइसुचि, खोन्‍कि ब़द्‍धेकापाङ कातुक्‌चि आक्‌वा म़पाक्‍तुचिकि मोचि म़नुसुचि।

लुका 10:9

मोदा म़याक्‌याङ्‌ओ कातुक्‌चि नुसानुम्‍च़म, खोन्‍कि मोचि लोवानुम्‍च़म, ‘निनाम्‍हाङ्‌ओ अ़चुहाङ्‌होन आम्‍नुओ च़क्‌दाङा तायुङ्‌सा।’

लुका 9:2

खोक्‍कोसाआ मोचि निनाम्‍हाङ्‌ओ अ़चुहाङ्‌होन खालुमा खोन्‍कि कातुक्‌चि नुसि पाङ्‌एनान म़छुत्‍तुचि।

छाम्‍माय़ङ 10:38

खोन्‍कि देत्‍नि निनाम्‍हाङ्‌आ सेङ्‌लावा खोन्‍कि सावा नासरत्‌ओ येसु अ़पुवा, खोक्‍कोसोओ अ़तुक्‌वादा खानानिन्‌आ त़सिन्‍तुम्‌योम्‌ङा। खोन्‍किना खोक्‍को अ़नुवाक काचि मुयाङ्‌सा खोन्‍कि सैतानाआ क़म्‍तुङुचिओचि नुयाङ्‌सा झारादात्‍नि म़कोला, देकिनालो निनाम्‍हाङ खोक्‍कोएदा म़याआङा।

छाम्‍माय़ङ 5:15

छाम्‍माय़ङ्‌चिआ म़दोम्‍दाओ काचिचि म़मुङुचिओसा म़नाचिआ कातुक्‌चि मुलो लाम्‌चिदा म़तारुचिकि पत्रुस बान्‌याङ्‌हिदा अ़लावाछामित ओन्‍ङानुछाङ मोचिएदा छुक्‌कि म़नुने निकिना अ़चुइम्‍खाचिदा खोन्‍कि फेङ्‌लाचिदा म़युङ्‌सुदोङुचि।

१ कोरिन्‍थि 12:28

निनाम्‍हाङ्‌आ साम्‍भुङ्‌दा बुयाओ छाम्‍माय़ङ्‌चि, ह्‍वातात्‌ओतात निनाम्‍हाङ्‌य़ङ खाकालुचि, सुम्‌कातात्‌ओतात काचिन्‌चि, खोन्‍किना म़दोम्‍दाओ काचि कामुचि, खोन्‍कि नुमा सावा कातोक्‌चि, निचि काफाचि, बुसुवाओ सावा कातोक्‌चि, खोन्‍कि अ़खाला-अ़खालाओ य़ङ्‌चि काचेप्‌चि म़छेन्‍तुचि।

१ कोरिन्‍थि 12:30

दि झाराएदा नुमा सावाचि म़याक? दि झारा अ़खाला-अ़खालाओ य़ङ्‌चि म़चेप? दि झारासा य़ङ फान्‍मा अ़ऱ कि?

१ कोरिन्‍थि 13:2

अ़ङ्‌काएदा निनाम्‍हाङ्‌य़ङ खालुमा सावा याक्‌याङ खोन्‍कि झारा अ़कोङ्‌दुम्‌चि खोन्‍कि झारा ताया तुप्‍मा ऱङ्‌च़ङ, खोन्‍कि भ़ऱचि सोत्‍मातारिओ झारा सोम्‍कुवा अ़ङ्‌काएदा याक्‌याङ्‌नुछाङ अ़ङ्‌काएदा सोम्‍तुक्‍मा मात्‍द़ङ्‌नालो अ़ङ्‌का दित्‍छाङ माआङ।

२ कोरिन्‍थि 4:13

साम्‍कालिन्‌दा “अ़ङ्‌का साकोङ्‌छ़ङ मुवाङ, खोन्‌ओसा अ़ङ्‌का चेवाङ”नि काय़ङ्‌ओ अ़चुलावा आन्‍कान्‍काएदा याक्‌याङ्‌ओसा आन्‍कान्‍काछाङ साकोङ्‌छ़ङ मुन्‍का, खोन्‍कि आन्‍कान्‍का चेविन्‍का।

एफिसि 2:8

देकिनालो सोमातुक्‍मादाङ्‌का साकोङ्‌छ़ङ्‌लाम्‍पा खानानिन त़लेरिन्‌युङ्‌सिन। खोन्‍कि ओ खानानिन आप्‍पिएदाङ्‌का माआङ, ओ ना निनाम्‍हाङ्‌आ मोहा प़माय़ङ ओ।

हिब्रु 11:33

खोचिओ अ़चुसाकोङ्‌छ़ङ्‌लाम्‍पा हेन्‍कोप्‌चिदा म़छोसा, तोङालो छ़ङ म़छेन्‍ताकि म़हिप्‍तुचिओचि म़तोक्‍तुचि। मोचिआ धिनाराचिओ अ़चुदोचि म़ह़सुप़चि।