Marcos 13:5 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

⁵ Quia joꞌ to̱ꞌ Jesús tyotseineiiⁿ nda̱a̱na: —Calꞌaꞌyoꞌ cwenta na meiⁿcwii tsꞌaⁿ tinquiuꞌnnꞌaⁿ ꞌo cantyja ꞌnaaⁿꞌ ñꞌoommeiⁿꞌ.

Marcos 13:5 Σταυροειδείς Αναφορές

Marcos 13:4

—Catsuꞌ nda̱a̱yâ, ¿cwaaⁿ nncueꞌntyjo̱ na nluii nmeiⁿꞌ? Ndoꞌ ¿cwaaⁿ ꞌnaaⁿ mꞌmo̱ⁿnaꞌ na manndyooꞌ nluii nmeiⁿꞌ?

Marcos 13:6

Ee nleitquiooꞌndye nnꞌaⁿ cwii cwii ntyja na nlaꞌcajndyundyena xueya ee nluena na joona cwiluiindyena Cristo. Ndoꞌ jndye nnꞌaⁿ nñeꞌquioꞌnnꞌaⁿna na ljoꞌ nlꞌana.

Lucas 21:8

Tsoom nda̱a̱na: —Queⁿꞌyoꞌ cwenta cha tinquioꞌnnꞌaⁿ nnꞌaⁿ ꞌo. Ee jndye nnꞌaⁿ nlquieꞌcañom na nlue na joona cwiluiindyena Cristo. Nluena: “Ja cwiluiindyo̱ Cristo”, ndoꞌ nluena: “Jeꞌ jnda̱ tueꞌntyjo̱ xjeⁿ.” Sa̱a̱ ꞌo tilajomndyoꞌ ñequio naⁿꞌñeeⁿ.

1 Corintios 15:33

Tiñeꞌquiandyoꞌ na ñeꞌnquiuꞌnnꞌaⁿnaꞌ ꞌo. Waa ñꞌoom na matso tsꞌaⁿ: “Joo nnꞌaⁿ na tisꞌa laꞌxmaⁿ cwilaꞌndaaꞌna tsꞌiaaⁿ na ya na cwiluii.”

Efesios 5:6

Meiⁿcwii tsꞌaⁿ tinquioꞌnnꞌaⁿꞌyoꞌ na nnduꞌyoꞌ ñꞌoom ntjeiⁿ nnom, ee macweꞌ jnaaⁿꞌ joꞌ juu na tꞌmaⁿ nntseiwꞌii Tyꞌo̱o̱tsꞌom nntꞌuiinaꞌ nnꞌaⁿ na tilañꞌoomꞌndyena chiuu na matseicañeeⁿ joona.

Colosenses 2:8

Calꞌandyoꞌ cwenta na tiñequiandyoꞌ na nlaꞌjomndyoꞌ ñequio nnꞌaⁿ na cwinquioꞌnnꞌaⁿ ntꞌomcheⁿ ñequio ñꞌoom na mꞌaaⁿꞌ nꞌomna, ñꞌoom na matseiñꞌeeⁿꞌñenaꞌ nnꞌaⁿ ee nchii cantyja ꞌnaaⁿꞌ Cristo cwilaꞌjomndyena, macanda̱ cwiꞌoolaꞌjomndye chiuu na nquiu nquiee ndoꞌ ñequio natia najnda̱ na cwitsa̱ꞌntjom tsjoomnancuewaañe.

2 Tesalonicenses 2:3

Meiⁿcwii tiñeꞌquiandyoꞌ na nnquiuꞌnnꞌaⁿ ñꞌoomwaaꞌ ꞌo ee cwitjo̱o̱cheⁿ na nncueꞌntyjo̱ xueeꞌñeeⁿ maxjeⁿ nlaꞌwendye nnꞌaⁿ nacjooꞌ Tyꞌo̱o̱tsꞌom ndoꞌ nleitquiooꞌñe juu tsaⁿsꞌa na jeeⁿ tiaaꞌ, majndaaꞌ na nntsuuñê nntsꞌaa Tyꞌo̱o̱tsꞌom.

1 Juan 4:1

ꞌO nnꞌaⁿya na cwilayuꞌyoꞌ na jeeⁿ jnda ntyjiiya, mꞌaⁿ nnꞌaⁿ na cwiluena na maꞌmo̱ⁿ Espíritu Santo ñꞌoom na cwiñequiana, sa̱a̱ tilayuꞌyoꞌ chaꞌtso ñꞌoomꞌñeeⁿ. ꞌO queⁿꞌyayaꞌyoꞌ cwenta ñꞌoommeiⁿꞌ cha nliuꞌyoꞌ aa laxmaⁿ naⁿꞌñeeⁿ Espíritu na cwiluiiñe Tyꞌo̱o̱tsꞌom ndoꞌ aa nchii cwiicheⁿ espíritu laxmaⁿna. Ee tsjoomnancue jndyendye nnꞌaⁿ mꞌaⁿ na cweꞌ cwilueya na ñꞌoomꞌ Tyꞌo̱o̱tsꞌom cwiñequia sa̱a̱ cweꞌ cantu.