Juan 20:27 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

²⁷ Mañoomꞌ matsoom nnom Tomás: —Catyꞌiomꞌ nnomtsꞌo̱ꞌ tsꞌom tsꞌo̱o̱ya, ndoꞌ cantyꞌiaꞌ lꞌo̱o̱ya. Ndoꞌ cwjaaꞌndyuꞌ jndaꞌtsꞌo̱ꞌ tseiꞌntsquieeya. Tantsaꞌ na tiñeꞌcatseiyuꞌ.

Juan 20:27 Σταυροειδείς Αναφορές

Mateo 17:17

Tꞌo̱ Jesús, tsoom nda̱a̱yâ: —ꞌO nnꞌaⁿ na ticalayuꞌya nꞌomꞌyoꞌ, ndoꞌ jeeⁿ tixcwe cwilaꞌtiuuꞌyoꞌ, ¿cwanti yo cwii macaⁿnaꞌ na nljooꞌndyo̱ ñꞌeⁿndyoꞌ na mꞌmo̱o̱ⁿtya̱ nda̱a̱ꞌyoꞌ? ¿Cwanti xuee cwii nnda̱a̱ nntseiquii tsꞌo̱o̱ⁿya ñꞌeⁿndyoꞌ? Quioñꞌomꞌyoꞌ tiꞌchjoomꞌaaⁿꞌ ñjaaⁿñe.

Marcos 9:19

Quia joꞌ tso Jesús: —ꞌO nnꞌaⁿ na ticalaꞌyuꞌyaꞌ nꞌomꞌyoꞌ ñꞌeⁿ Tyꞌo̱o̱tsꞌom, ¿cwanti yo macaⁿnaꞌ na cwii nljooꞌndyo̱ ñꞌeⁿndyoꞌ na mꞌmo̱o̱ⁿtya̱ nda̱a̱ꞌyoꞌ? ¿Cwanti xuee cwii nnda̱a̱ nntseiquii tsꞌo̱o̱ⁿya ñꞌeⁿndyoꞌ? Quioꞌñꞌomꞌyoꞌ tyochjoomꞌaaⁿꞌ ñjaaⁿñe.

Lucas 24:39

Cantyꞌiaꞌyoꞌ lꞌo̱o̱ya ñꞌeⁿ ncꞌa̱ya na mannco̱tya̱ luaa. Ndoꞌ nquioꞌyoꞌ ja, ee ncwaaⁿꞌ tsꞌaⁿ tjaaꞌnaⁿ seiꞌ cachuunaꞌ, meiⁿ ndeiꞌ chaꞌna cwintyꞌiaꞌyoꞌ na cho̱ ja.

Lucas 24:40

Jnda̱ tsoom na luaaꞌ, tꞌmo̱o̱ⁿ lꞌo̱o̱ⁿ ndoꞌ ncꞌeeⁿ.

Lucas 9:41

Tꞌo̱ Jesús, matsoom: —ꞌO nnꞌaⁿ na tiñeꞌcalaꞌyuꞌyoꞌ ndoꞌ quieꞌ nꞌomꞌyoꞌ, hasta cwanti yo na macaⁿnaꞌ na cꞌo̱o̱ⁿya ñꞌeⁿndyoꞌ ndoꞌ na matseiquii tsꞌo̱o̱ⁿya quiondyoꞌ. Jnda̱ joꞌ tsoom nnom tsotye tyochjooꞌñeeⁿ: —Candyoꞌñꞌoomꞌ tiꞌjndaꞌ ñjaaⁿ.

Juan 20:20

Ndoꞌ jnda̱ tsoom na luaaꞌ, tꞌmo̱o̱ⁿ lꞌo̱o̱ⁿ ñequio tseiꞌntsqueeⁿꞌeⁿ nda̱a̱yâ. Ndoꞌ tquiaanaꞌ na jeeⁿ neiiⁿyâ na ntyꞌiaanndaaꞌâ jom.

Juan 20:25

Joꞌ chii ntꞌomndyô̱ jâ lꞌuuyâ nnom Tomás: —Jnda̱ ntyꞌiaayâ nquii Jesús. Sa̱a̱ tꞌo̱o̱ⁿ nda̱a̱yâ: —Ja xeⁿ ticantyꞌiano̱o̱ⁿ ꞌnaaⁿ yuu na tjaa clavos nꞌomlꞌo̱o̱ⁿ, ndoꞌ na nncwjaaꞌndyo̱ nnomtsꞌo̱o̱ yuu na jlaꞌcjoondye clavos, ndoꞌ xeⁿ ticantquieendyo̱ jndaꞌtsꞌo̱o̱ tseiꞌntsqueeⁿꞌeⁿ maxjeⁿ xocatseiyuꞌa na wandoꞌxcoom.

Juan 20:28

Tꞌo̱ Tomás nnoom, tso: —Jeeⁿ ꞌu Ta, ꞌu cwiluiindyuꞌ Tyꞌo̱o̱tsꞌomya ndoꞌ nquii na matsa̱ꞌntjom ja.

Romanos 5:20

Sa̱a̱ quia na teitquiooꞌ ljeii na tqueⁿ Moisés seicantoꞌtinaꞌ jnaaⁿ nnꞌaⁿ, ndoꞌ jnda̱ na tjawijndyeti jnaaⁿ nnꞌaⁿ, Tyꞌo̱o̱tsꞌom seicwaljooꞌtyeeⁿ na ya tsꞌaⁿñê ñequio nnꞌaⁿ.