Juan 20:15 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

¹⁵ Tso Jesús nnoom: —ꞌU yuscu, ¿chiuu na jeeⁿ matyꞌiooꞌ? ¿ꞌÑeeⁿ juu malꞌueꞌ? Ndooꞌ ntyjeeⁿ tsꞌaⁿ na machꞌee cwenta ntjomꞌñeeⁿ juu Jesús. Joꞌ chii matsoom nnom: —Aa ndiꞌ ta, xeⁿ ꞌu tjañꞌoomꞌ jom, catsuꞌ no̱o̱ⁿ yuu tjaꞌqueⁿꞌ jom, quia joꞌ nncjo̱cꞌo̱ⁿya jom.

Juan 20:15 Σταυροειδείς Αναφορές

Mateo 12:34

Chaꞌna catsuutsja jeeⁿ wjee ndaaꞌndyooyoꞌ, maluaaꞌ matseijomnaꞌ ꞌo. Chiuu nlꞌaꞌyoꞌ na nlaneiⁿꞌyoꞌ ñꞌoom ya ndoꞌ naquiiꞌ nꞌomꞌyoꞌ tooꞌcheⁿ natia. Ee cantyjati na matseitiuu tsꞌaⁿ naquiiꞌ tsꞌoom, mantyja joꞌ ñꞌoom na cwicaluiꞌ ꞌñom.

Mateo 28:5

Quia joꞌ seineiⁿ ángel nda̱a̱ yolcuꞌñeeⁿ, tsoom: —Tilacatyuendyoꞌ. Ee mantyjiiya na Jesús cwilꞌueꞌyoꞌ, nquii tsaⁿ na tyꞌioom nnꞌaⁿ tsꞌoomꞌnaaⁿ.

Marcos 16:6

Tso tsaⁿꞌñeeⁿ nda̱a̱na: —Tintyueꞌyoꞌ. ꞌO cwilꞌueꞌyoꞌ Jesús na jnaⁿ Nazaret, jom na tyꞌioom nnꞌaⁿ tsꞌoomꞌnaaⁿ. Jnda̱ tandoꞌxcoom na tueeⁿꞌeⁿ. Tacꞌoomñê ñjaaⁿ. Cantyꞌiaꞌyoꞌ yuu na tqueⁿna jom.

Lucas 2:44

Jlaꞌtiuuna na ñꞌeeⁿ quiiꞌntaaⁿ nnꞌaⁿ na macwiꞌoolcweeꞌ na tyꞌe xuee. Meiiⁿchaaꞌ xuee tyocañjomndyena nato. Jnda̱ chii to̱ꞌna, tyolꞌueena jom quiiꞌntaaⁿ nnꞌaaⁿna ñequio nnꞌaⁿ na taꞌjnaaⁿꞌna.

Lucas 24:5

Jeeⁿ ndyaꞌ tyuena, jlaꞌntyjanquioondyena nqueⁿna nomtyuaa. Jlue naⁿꞌñeeⁿ nda̱a̱na: —¿Chiuu quiiꞌntaaⁿ lꞌoo cwilꞌueꞌyoꞌ tsꞌaⁿ na wandoꞌ?

Juan 1:38

Taqueⁿ Jesús ndoꞌ ntyꞌiaaⁿꞌaⁿ na cwitsaantyjo̱o̱yâ naxeeⁿꞌeⁿ. Taxꞌeeñê nda̱a̱yâ, tsoom: —¿Aa waa na nlꞌaꞌyoꞌ ja? Ndoꞌ lꞌuuyâ nnoom: —Rabí, ¿cwaaⁿ wꞌaa nncjaꞌmeintyjeꞌ jeꞌ? Ñꞌoom rabí matsonaꞌ tsꞌaⁿ na maꞌmo̱ⁿ ñꞌoomꞌ Tyꞌo̱o̱tsꞌom.

Juan 18:4

Ndoꞌ Jesús, ncꞌe na mantyjeeⁿ chaꞌtso na mawaa xjeⁿ na nntjoom, tjacatjomñê naⁿꞌñeeⁿ. Taxꞌeeⁿ nda̱a̱na, matsoom: —¿ꞌÑeeⁿ juu cwilꞌueꞌyoꞌ?

Juan 18:7

Quia joꞌ taxꞌeeñenndaꞌ Jesús nda̱a̱na: —¿ꞌÑeeⁿ juu cwilꞌueꞌyoꞌ? Ndoꞌ joona tꞌo̱o̱nndaꞌna nnoom: —Jesús tsaⁿ na jnaⁿ Nazaret.

Juan 20:13

Ndoꞌ taꞌxꞌeena nnoom: —¿Chiuu ꞌu tsꞌaⁿ na matyꞌiooꞌ? Tsoom nda̱a̱na: —Jnda̱ tyꞌeñꞌomna nqueⁿ na cwiluiiñê na matsa̱ꞌntjoom ja, meiⁿ ticaljeiiya yuu tyꞌequeⁿna jom.