Juan 1:27 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

²⁷ Majom na nntsꞌaaⁿ tsꞌiaaⁿ ꞌnaaⁿꞌ Tyꞌo̱o̱tsꞌom quia na jnda̱ ꞌndiinaꞌ ja, ee maxjeⁿ mꞌaaⁿ cwii tjo̱o̱cheⁿ na nluiindyo̱. Ja meiⁿ cweꞌ na nndiꞌntjo̱ⁿya nnoom tilꞌuendyo̱.

Juan 1:27 Σταυροειδείς Αναφορές

Mateo 3:11

Ja mayuuꞌ matseitsꞌo̱o̱ⁿndyo̱ ꞌo ñequio ndaatioo ee na cwilcweꞌ nꞌomꞌyoꞌ. Sa̱a̱ mandyontyjo̱ nqueⁿ na nntseitsꞌoomñê ꞌo ñequio Espíritu Santo naquiiꞌ nꞌomꞌyoꞌ ndoꞌ ñequio chom. Nqueⁿ tꞌmaⁿti tseixmaaⁿ, nchiiti ja. Meiⁿ ticatseixmaⁿya na cweꞌ ja nntꞌuiya lcoomꞌm na nñequiaya joonaꞌ na nñjoom.

Marcos 1:7

Luaa ñꞌoom na tyoñequiaaⁿ nda̱a̱ nnꞌaⁿ, tyotsoom: —Mandyontyjo̱ nqueⁿ na tꞌmaⁿti tseixmaaⁿ, nchiiti ja. Ticatseixmaⁿya na cweꞌ ja nndiꞌntjo̱ⁿya nnoom na nntseicanaⁿꞌa lcoomꞌm.

Lucas 3:16

Joꞌ chii tꞌo̱o̱ⁿ nda̱a̱ chaꞌtsondyena, tsoom: —Ja matseitsꞌo̱o̱ⁿndyo̱ ꞌo ñequio ndaatioo, sa̱a̱ mandyontyjo̱ nqueⁿ na nntseitsꞌoomñê ꞌo na nñequiaaⁿ Espíritu Santo naquiiꞌ nꞌomꞌyoꞌ. Sa̱a̱ ntꞌomndyoꞌ ꞌo nntsꞌaanaꞌ chaꞌcwijom nntseitsꞌoomñê ꞌo ñequio chom ee na nntꞌuiityeⁿnaꞌ ꞌo cantyja jnaⁿꞌyoꞌ. Nqueⁿ tꞌmaⁿti cwiluiiñê nchiiti ja. Meiⁿ ticatseixmaⁿya na cweꞌ ja na nntseicanaⁿꞌa lcoomꞌm.

Juan 1:15

Juanꞌñeeⁿ tyocwjiꞌyuuꞌñê cantyja ꞌnaaⁿꞌ juu quia seiweeⁿ jñeeⁿꞌeⁿ nda̱a̱ nnꞌaⁿ. Tsoom: —Nquiuꞌyoꞌ na jnda̱ ñetsjo̱o̱ na ꞌio cha nleitquiooꞌñe cwii tsꞌaⁿ quiiꞌntaaⁿꞌyoꞌ na meiⁿchjoo ticꞌoomꞌnaꞌ ja ñꞌeⁿñê, ee maxjeⁿ mꞌaaⁿ cwii tjo̱o̱cheⁿ na nluiindyo̱. Manquii tsꞌaⁿ na mandyowindyooꞌ luaaꞌ joꞌ.

Juan 1:30

Mañejuu tsꞌaⁿ na jnda̱ ñetsjo̱o̱ya nda̱a̱ꞌyoꞌ cantyja ꞌnaaⁿꞌ na ꞌio cha nleitquiooꞌñe cwii tsꞌaⁿ quiiꞌntaaⁿꞌyoꞌ na tꞌmaⁿti cwiluiiñe, nchiiti ja. Ee mꞌaaⁿ cwii tjo̱o̱cheⁿ na nluiindyo̱.

Juan 10:41

Ndoꞌ jndye nnꞌaⁿ tquieꞌcañom na mꞌaaⁿyâ na ñeꞌcandyena ñꞌoom na tyoñequiaaⁿ. Tyoluena nda̱a̱ ncꞌiaana: —Juan meiⁿcwii tsꞌiaaⁿ tyoochꞌeeⁿ na xocanda̱a̱ nluiinaꞌ na cweꞌ tsꞌaⁿ nntsꞌaa. Sa̱a̱ chaꞌtso ñꞌoom na tyoñequiaaⁿ cantyja ꞌnaaⁿꞌ tsaⁿmꞌaaⁿꞌ, ñequiiꞌcheⁿ na mayuuꞌ joonaꞌ.

Hechos 13:25

Quia na jnda̱ majaatseicanda̱a̱ꞌñe Juan tsꞌiaaⁿ na tyotseixmaaⁿ, tsoom: “ꞌO mꞌaaⁿꞌ nꞌomꞌyoꞌ na ja tsꞌaⁿ na nndyocwjiꞌnꞌmaaⁿñe ꞌo sa̱a̱ nchii jom ja. Jom manncwjeeⁿꞌeⁿ ndoꞌ tꞌmaⁿ tseixmaaⁿ. Ja meiⁿ cweꞌ lcoomꞌm ticatseixmaⁿya na nntseicanaⁿꞌa.”

Hechos 19:4

Quia joꞌ tsoom nda̱a̱na: —Juan tyotseitsꞌoomñê nnꞌaⁿ quia na tyolcweꞌ nꞌomna. Ndoꞌ tyotsoom nda̱a̱ naⁿꞌñeeⁿ na calaꞌyuꞌna ñequio Jesús tsaⁿ na nndyontyjo̱ naxeeⁿꞌeⁿ. Juu tseixmaⁿ Cristo.