Efesios 5:16 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

¹⁶ Joꞌ chii queⁿndyoꞌ na nlꞌaꞌyoꞌ yuu na matyꞌiomyanaꞌ. Meiⁿ tilaꞌcatsuuꞌyoꞌ xuee ꞌnaⁿꞌyoꞌ na cweꞌ chutindyo, ee cwii cwii xuee jaawiwiꞌti.

Efesios 5:16 Σταυροειδείς Αναφορές

Mateo 25:17

Mati juu tsꞌaⁿ na toꞌñom we meiⁿ, tyochꞌeeⁿ tsꞌiaaⁿ ñꞌeⁿ joonaꞌ ndoꞌ tantjoom cwiicheⁿ we meiⁿ.

Juan 12:35

Quia joꞌ matso Jesús nda̱a̱na: —Ja na cwiluiindyo̱ naxuee quiiꞌntaaⁿ nnꞌaⁿ ndicwaⁿ mꞌaaⁿtya̱ya quiiꞌntaaⁿꞌyoꞌ. Joꞌ chii ñequiiꞌcheⁿ cꞌomꞌyoꞌ cantyja ꞌnaⁿya yocheⁿ na cwii mꞌaaⁿtya̱ya ñꞌeⁿndyoꞌ, cha tincwinomꞌ natia ꞌo. Ee tsꞌaⁿ na mꞌaaⁿñe nacje ꞌnaaⁿꞌ natia, ticaljeii yuu wjaañꞌoomnaꞌ juu.

Romanos 13:11

Calaꞌno̱ⁿꞌyoꞌ naljoꞌ ndoꞌ cꞌoomꞌ nꞌomꞌyoꞌ cantyja ꞌnaaⁿꞌ tiempo na mꞌaaⁿya jeꞌ. Matseijomnaꞌ cantyja ꞌnaⁿꞌyoꞌ chaꞌcwijom na cwindaꞌyoꞌ. Joꞌ chii calcwiꞌyoꞌ ee jeꞌ mandyooꞌti mꞌaaⁿnaꞌ na nluiꞌnꞌmaaⁿndyo̱, nchiiti quia jlayuuꞌjndya̱a̱ ñꞌoomꞌm.

1 Corintios 7:26

Cweꞌ ncꞌe jndye nnom quichꞌeenaꞌ tiempomeiiⁿ, joꞌ chii macwjiiꞌa cwenta na yaticheⁿ caljooꞌñe tsꞌaⁿ chaꞌxjeⁿ na jnda̱ teijnoomꞌm.

Gálatas 1:4

Nqueⁿ tquiaañe cheⁿnqueⁿ na cueeⁿꞌeⁿ cwentaa jnaaⁿya chaꞌxjeⁿ na seijndaaꞌñe nquii Tsotya̱a̱ya Tyꞌo̱o̱tsꞌom cha nndyaandyo̱ natia na tseixmaⁿ tsjoomnancuewaañe.

Gálatas 6:10

Ndoꞌ ncꞌe na ljoꞌ, cwii cwii ndiiꞌ na mañequiaanaꞌ na nnda̱a̱ nnteiꞌjndeiiya nnꞌaⁿ, calꞌaaya na ljoꞌ, majndeiiticheⁿ joo nnꞌaⁿ na cwilaꞌyuꞌya nꞌom.

Efesios 6:13

Joꞌ chii cwilꞌueeꞌndyoꞌ chaꞌtsoñꞌeⁿ lꞌo̱ tsꞌiaaⁿ cwentaa ndiaꞌ na mañequiaa Tyꞌo̱o̱tsꞌom cha quia na nncueꞌntyjo̱ xuee na wiꞌ nntjomꞌyoꞌ nnda̱a̱ nnaⁿndyoꞌ ndoꞌ na jnda̱ jnda̱a̱ jnaⁿndyoꞌ tiaꞌ, ndicwaⁿ meiⁿntyjeꞌtyeⁿꞌyoꞌ.

Efesios 6:15

Chaꞌxjeⁿ mꞌaaⁿcꞌeeñe sondaro na mañjoom lcoomꞌm na wjaⁿ tiaꞌ, mati ꞌo ñequiiꞌcheⁿ cꞌomꞌcꞌeendyoꞌ na nntsanquiaꞌyoꞌ ñꞌoom na ya na mañequiaanaꞌ na cwiljoya ntyjii Tyꞌo̱o̱tsꞌom ñꞌeⁿ nnꞌaⁿ.

Colosenses 4:5

Quia na mꞌaⁿꞌyoꞌ quiiꞌntaaⁿ nnꞌaⁿ na tyoolaꞌyuꞌ, cꞌomꞌyoꞌ na jndo̱ꞌya nꞌomꞌyoꞌ. Ticwii cwii ndiiꞌ na majuꞌnaaⁿñenaꞌ na nlaneiⁿꞌyoꞌ nda̱a̱na cantyja ꞌnaaⁿꞌ Cristo, calꞌaꞌyoꞌ na ljoꞌ.