Apocalipsis 14:7 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

⁷ Cꞌuaa ꞌñom matseineiiⁿ, tsoom: —Calcwiꞌyoꞌ Tyꞌo̱o̱tsꞌom ñequio na nquiaꞌyoꞌ jom ee na jnda̱ tueꞌntyjo̱ xjeⁿ na nncuꞌxeeⁿ nnꞌaⁿ. Calaꞌtꞌmaaⁿꞌndyoꞌ nqueⁿ na sꞌaaⁿ cañoomꞌluee ñequio tsjoomnancue, ñequio ndaaluee, ndoꞌ ñequio chaꞌtso nqueⁿljoꞌ yuu na cwinaaⁿꞌ ndaa.

Apocalipsis 14:7 Σταυροειδείς Αναφορές

Mateo 25:13

Ndoꞌ tso Jesús nda̱a̱yâ: —Calaꞌno̱ⁿꞌyoꞌ na ñꞌoommeiⁿꞌ cwitꞌmo̱o̱ⁿnaꞌ na cꞌomꞌcꞌeendyoꞌ, ee ticaliuꞌyoꞌ cwaaⁿ xuee ndoꞌ cwaaⁿ hora na ja na cwiluiindyo̱ tsꞌaⁿ na jnaⁿ cañoomꞌluee nncwja̱caño̱o̱ⁿya ꞌo.

Lucas 17:18

Macanda̱ juu tsaⁿmꞌaaⁿ na nchii tsꞌaⁿ judío, jndyotseitꞌmaaⁿꞌñê Tyꞌo̱o̱tsꞌom.

Hechos 14:15

Tyolaxuaana tyoluena: —Chiuu sa ꞌo nnꞌaⁿ na luaaꞌ ñeꞌcalꞌaꞌyoꞌ. Mannꞌaⁿ jâ chaꞌna ꞌo. Tquioñꞌo̱o̱ⁿyâ ñꞌoom naya na nndyeꞌyoꞌ cha caꞌndyeꞌyoꞌ nmeiⁿꞌ na cweꞌ tsꞌiaaⁿꞌndyo. Calatꞌmaaⁿꞌndyoꞌ nquii Tyꞌo̱o̱tsꞌom na wandoꞌ ee jom tqueeⁿ cañoomꞌluee ñequio tsjoomnancue ñequio ndaaluee ndoꞌ chaꞌtso nnom na cwilaxmaⁿnaꞌ.

1 Pedro 4:7

Jnda̱ wjaawindyooꞌ na nntycwii chaꞌtso. Ncꞌe na ljoꞌ catjeiꞌyaꞌyoꞌ cwenta chiuu cwitsamꞌaⁿꞌyoꞌ, ndoꞌ calaneiⁿꞌyoꞌ nnom Tyꞌo̱o̱tsꞌom ñequio na xcweeꞌ nꞌomꞌyoꞌ.

Apocalipsis 11:13

Ndoꞌ majoꞌto xjeⁿꞌñeeⁿ jndeii nntsꞌeii. Quiiꞌntaaⁿ qui wario na tseixmaⁿ tsjoom tꞌmaⁿꞌñeeⁿ, nntseityuiiꞌnaꞌ cwiinaꞌ. Ndoꞌ ntquieeꞌ meiⁿ nnꞌaⁿ nncwje cantyja na nntsꞌeii. Ndoꞌ nnꞌaⁿ na cwinꞌndiinaꞌ, nlaꞌcatyuendyena, nnto̱ꞌna na nlcwiiꞌna Tyꞌo̱o̱tsꞌom na mꞌaaⁿ cañoomꞌluee.

Apocalipsis 11:18

Nnꞌaⁿ tsjoomnancue cwilaꞌjndoona ꞌu, sa̱a̱ jeꞌ jnda̱ tueꞌntyjo̱ xjeⁿ na matseiꞌwꞌiiꞌ joona. Jnda̱ tueꞌntyjo̱ xjeⁿ na nncuꞌxeⁿꞌ nnꞌaⁿ na jnda̱ tja̱, ndoꞌ na nñequiaaꞌ juu na cwitaꞌntjom nnꞌaⁿ na tyondyeꞌntjom njomꞌ na tyoñequia ñꞌomꞌ. Ndoꞌ mati nñequiaaꞌ na cwitaꞌntjom chaꞌtso ntꞌomcheⁿ nnꞌaⁿ na laꞌxmaⁿ cwentaꞌ na cwilaꞌtꞌmaaⁿꞌndye xueꞌ, meiiⁿ nnꞌaⁿ na tꞌmaⁿ laꞌxmaⁿ, ndoꞌ meiiⁿ nnꞌaⁿ na titꞌmaⁿ laꞌxmaⁿ. Ndoꞌ na nntseicanduꞌ nquiee nnꞌaⁿ na cwilaꞌndaaꞌ nꞌom nnꞌaⁿ na chaꞌwaa tsjoomnancue.

Apocalipsis 15:4

ꞌU Ta, tjaaꞌnaⁿ tsꞌaⁿ cꞌoom na tinquiaaꞌ ꞌu, ndoꞌ tjaaꞌnaⁿ tsꞌaⁿ cꞌoom na xocatseitꞌmaaⁿꞌñe xueꞌ. Ee mañenncuꞌcheⁿꞌ tseixmaⁿꞌ na ljuꞌ tsꞌomꞌ. Chaꞌtso nnꞌaⁿ cwii cwii ndyuaa nñequiona na nlaꞌtꞌmaaⁿꞌndyena ꞌu, ncꞌe na jnda̱ tjantyꞌee ñꞌoom cantyja ꞌnaⁿꞌ na chaꞌtso na macheꞌ maxjeⁿ matyꞌiomyanaꞌ.

Apocalipsis 16:9

Nioom tcondye nnꞌaⁿ ncꞌe na jeeⁿ jmeiⁿꞌ ñeꞌquioomꞌ. Sa̱a̱ tîcalcweꞌ nꞌomna, meiⁿ tîcalaꞌtꞌmaaⁿꞌndyena Tyꞌo̱o̱tsꞌom. Yacheⁿ tyotjeiiꞌna ñꞌoom ntjeiⁿ na wiꞌnaꞌ nacjooꞌ xueeꞌ nqueⁿ na waa najneiⁿ na tjoomꞌm chaꞌtso nawiꞌñeeⁿ nacjoona.

Apocalipsis 18:10

Tquia nncwintyjeeꞌna na nquiaana nawiꞌ tꞌmaⁿ na cwitjoom nnꞌaⁿ. Nluena: —Wiꞌ, wiꞌ matjom tsjoom tꞌmaⁿ, juu tsjoom Babilonia na tꞌmaⁿ cwiluiiñenaꞌ. Ee ñejomto tyjeeꞌcañoom na macowiꞌnaꞌ juunaꞌ.

Apocalipsis 18:17

Sa̱a̱ ñejomto mana ntycwii cantyja na tyandye naⁿꞌñeeⁿ. Ndoꞌ chaꞌtso nnꞌaⁿ na cwileiꞌcho lꞌaandaa, ñequio nnꞌaⁿ na cwiꞌooñjomndye joonaꞌ, ñequio naⁿntjom na cwilꞌa tsꞌiaaⁿ naquiiꞌ lꞌaandaa, ñequio chaꞌtsondye nnꞌaⁿ na cwitaꞌntjom cantyja ꞌnaaⁿ joonaꞌ, tquia tyomeiꞌntyjeeꞌ naⁿꞌñeeⁿ.

Apocalipsis 18:19

Tyotioona tsꞌojnda̱a̱ nqueⁿna, tyotyueena na chjooꞌ nꞌomna. Tyolaꞌxuaana, tyoluena: —Wiꞌ, wiꞌ matjom juu tsjoom tꞌmaⁿ. Chaꞌtsondyo̱ jaa na cwitaꞌntjo̱o̱ⁿya ñequio lꞌaandaa, juu na tyañe tsjoomꞌñeeⁿ seityanaꞌ jaa. Sa̱a̱ ñejomto tyuiiꞌñꞌeⁿnaꞌ.

Apocalipsis 19:5

Quia joꞌ teicꞌuaa cwii jndye nacañoomꞌ tio, tso: Chaꞌtsondyoꞌ ꞌo na cwindyeꞌntjomꞌyoꞌ nnom Tyꞌo̱o̱tsꞌoomya, calaꞌtꞌmaaⁿꞌndyoꞌ jom. ꞌO nnꞌaⁿ na cwicatyueꞌyoꞌ jom, meiiⁿ na cje cwilꞌaꞌyoꞌ, meiiⁿ na tꞌmaⁿ cwiluiindyoꞌ, calaꞌtꞌmaaⁿꞌndyoꞌ jom.

Apocalipsis 4:11

ꞌU Ta Tyꞌo̱o̱tsꞌoomyâ na tꞌmaⁿ cwiluiindyuꞌ, jeeⁿ matsonaꞌ na cwitꞌmaaⁿꞌndyuꞌ. ꞌU tijoom cantycwii cantyja najnduꞌ. ꞌU saꞌ chaꞌtso na niom. Tuiinaꞌ ncꞌe na lꞌue tsꞌomꞌ ndoꞌ ndimꞌaⁿnaꞌ ncꞌe ꞌu.

Apocalipsis 4:9

Joo ñequiee naⁿꞌñeeⁿ na taꞌndoꞌ, cwilcwiiꞌna nquii Tyꞌo̱o̱tsꞌom na wacatyeeⁿ tio, jom na tjaa yuu cantycwii na wanoomꞌm. Cwilaꞌtꞌmaaⁿꞌndyena jom ndoꞌ cwiñeꞌquiana na quianlꞌuaaⁿꞌaⁿ.

Apocalipsis 8:10

Ángel na jnda̱ ndyee tjo̱o̱ⁿꞌo̱ⁿ ntu ꞌnaaⁿꞌaⁿ, quia joꞌ jnaⁿ cwii caxjuu tꞌmaaⁿ tsjo̱ꞌluee. Cwicoñê chaꞌcwijom chom scacatsuu ndoꞌ tiooñê nacjoo manndyooꞌ xcwe candaa ñꞌeⁿ luiꞌxo̱ꞌ.