2 Corintios 6:18 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

¹⁸ Ndoꞌ nntseixmaⁿya Tsotyeꞌyoꞌ. Ndoꞌ mati ꞌo nlaꞌxmaⁿꞌyoꞌ ntseindaaya na naⁿnom ndoꞌ naⁿlcu. Nmeiiⁿꞌ ñꞌoom na tso nqueⁿ na matseixmaaⁿ na catsa̱ꞌntjoom jaa na tjacantyja na cwiluiiñê najneiⁿ.

2 Corintios 6:18 Σταυροειδείς Αναφορές

Juan 1:12

Sa̱a̱ ntꞌomndye joona toꞌñoomna jom, ndoꞌ tyolaꞌyuꞌna ñꞌeⁿñê. Nda̱a̱ joona tquiaaⁿ na cwilaꞌxmaⁿna ntseinda Tyꞌo̱o̱tsꞌom.

Romanos 8:19

Chaꞌtso na tqueⁿ Tyꞌo̱o̱tsꞌom ñequio na ntyjaaꞌ nꞌomna meiⁿꞌndooꞌntyꞌiaandye xuee quia na mꞌmo̱o̱ⁿ ꞌñeeⁿ joo cwiluiindye na nntseinaaⁿ.

Romanos 8:29

Tyꞌo̱o̱tsꞌom ntyjeeⁿ cwaaⁿ nnꞌaⁿ nlaꞌxmaⁿ cwentaaⁿꞌaⁿ cwitjo̱o̱cheⁿ na nluiindyena. Ndoꞌ teiyo tqueeⁿ na catseijomnaꞌ joona chaꞌxjeⁿ na Jnaaⁿ Jesucristo cha na juu nluiitquieñe quiiꞌntaaⁿ chaꞌtsondye ntseinaaⁿ.

Gálatas 3:26

Jeꞌ chaꞌtsondyoꞌ cwiluiindyoꞌ ntseinda Tyꞌo̱o̱tsꞌom ncꞌe na cwilaꞌyuꞌya nꞌomꞌyoꞌ ñꞌeⁿ Cristo Jesús.

Efesios 1:5

Ee na wiꞌ tsꞌoom jaa joꞌ chii xjeⁿ na jndyeecheⁿ tjeiiꞌñê jaa na nluiindyo̱ ntseinaaⁿ ncꞌe Jesucristo, ee luaaꞌ tqueeⁿ ee na ljoꞌ lꞌue tsꞌoom na nluii.

Apocalipsis 1:8

“Ja cwiluiindyo̱ Alfa ñequio Omega. Ja maxjeⁿ mꞌaaⁿya najndyee ndoꞌ na macanda̱.” Luaaꞌ matso nqueⁿ na matsa̱ꞌntjoom chaꞌtso. Nqueⁿ na mꞌaaⁿ ndoꞌ mꞌaaⁿ ndoꞌ maxjeⁿ ñetꞌoom ndoꞌ nncueꞌntyjo̱ na nncwjeeꞌcañoom. Nqueⁿ na cwiluiiñê na chaꞌtso najndeii matseixmaaⁿ.

Apocalipsis 21:22

Ndoꞌ tjaaꞌnaⁿ watsꞌom ntyꞌiaya tsjoomꞌñeeⁿ, ee nquii Ta Tyꞌo̱o̱tsꞌom na tseixmaⁿñꞌeeⁿ chaꞌtso nnom najnda̱, ñequio nquii Catsmaⁿ, joona cwiluiindyena watsꞌom cwentaaꞌ tsjoomꞌñeeⁿ.

Apocalipsis 21:7

ꞌÑeeⁿ juu na jnda̱ jnaⁿñe nacjooꞌ natia, chaꞌtso nayameiⁿꞌ nndaaꞌ. Ndoꞌ ja nluiindyo̱ Tyꞌo̱o̱tsꞌom cwentaaⁿꞌaⁿ ndoꞌ jom nluiiñê jndaaya.