1 Juan 5:10 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

¹⁰ Ee tsꞌaⁿ na matseiyuꞌ ñequio Jnaaⁿ, mawaa ñꞌoom na macwjiꞌyuuꞌñenaꞌ quiiꞌ tsꞌom, sa̱a̱ tsꞌaⁿ na ticatseiyuꞌ ñequio Tyꞌo̱o̱tsꞌom machꞌee na cantuñê ee ticatseiyuꞌ ñꞌoom na jnda̱ tjeiꞌyuuꞌñê cantyja ꞌnaaⁿꞌ Jnaaⁿ.

1 Juan 5:10 Σταυροειδείς Αναφορές

Juan 3:16

’Ncꞌe Tyꞌo̱o̱tsꞌom tꞌmaⁿ waa na mꞌaaⁿ na candyaꞌ tsꞌoom nnꞌaⁿ tsjoomnancue, joꞌ chii Ja na ñennco̱ na cwiluiindyo̱ Jnaaⁿ tquiaaⁿ na tuiindyo̱ cha ticwii cwii tsꞌaⁿ na nntseiyuꞌ ñꞌeⁿndyo̱ tixocatsuuñe. Mꞌaaⁿ na ticantycwii na wandoꞌ.

Juan 3:18

’Meiⁿcwiꞌñeeⁿcheⁿ tsꞌaⁿ na nntseiyuꞌ ñequio ja, ticatꞌuii Tyꞌo̱o̱tsꞌom juu cantyja ꞌnaaⁿꞌ jnaaⁿꞌ. Sa̱a̱ meiⁿquia tsꞌaⁿ na tiñeꞌcatseiyuꞌ, jeꞌ mamatꞌuiinaꞌ juu cantyja jnaaⁿꞌ, ee na tiñeꞌcatseiyuꞌ ñꞌeⁿndyo̱ na macanda̱ ja cwiluiindyo̱ Jnaaⁿ.

Juan 3:33

Juu tsꞌaⁿ na macoꞌñom ñꞌoom na macwjiꞌyuuꞌñê, matseijomñe tsaⁿꞌñeeⁿ na Tyꞌo̱o̱tsꞌom cwiluiiñe na mayuuꞌ.

Juan 5:38

Meiⁿ ñꞌoomꞌm ticꞌoomnaꞌ naquiiꞌ nꞌomꞌyoꞌ, ee ꞌo tiñeꞌcalaꞌyuꞌyoꞌ ñequio ja na jñoom.

Hechos 8:37

Quia joꞌ matso Felipe nnoom: —Xeⁿ matseiꞌyuꞌ ñequio na xcweeꞌ tsꞌomꞌ nnda̱a̱ nleitsꞌoomndyuꞌ. Tꞌo̱ tsaⁿꞌñeeⁿ matsoom: —Matseiyuꞌa na Jesucristo cwiluiiñê Jnda Tyꞌo̱o̱tsꞌom.

Romanos 8:16

Manquiiti Espíritu Santo macwjiꞌyuuꞌñê nnom espíritu na laxmaaⁿya na matsoom na cwiluiindyo̱ ntseinda Tyꞌo̱o̱tsꞌom.

Gálatas 4:1

Luaa waa na ñeꞌcatsjo̱o̱ya cantyja ꞌnaaⁿꞌ ñꞌoomwaaꞌ: Cwii tyochjoo meiiⁿ na matsonaꞌ na nloꞌñom ꞌnaaⁿꞌ tsotye na jnda̱ tueꞌ, ndoꞌ na luaaꞌ tseixmaⁿ, tjaaꞌnaⁿ na cwichuiiꞌ juu ñequio cwii moso na seijnda tsotye, meiiⁿ chaꞌtso ꞌnaaⁿꞌ tsotyeeⁿ laꞌxmaⁿnaꞌ ꞌnaaⁿꞌaⁿ.

Gálatas 4:6

Ndoꞌ cha na mꞌmo̱ⁿndyeyunaꞌ na cwiluiindyoꞌ ntseinaaⁿ jñoom Espíritu na tseixmaⁿ Jnaaⁿ naquiiꞌ nꞌomꞌyoꞌ ndoꞌ nqueⁿ mañequiaaⁿ na cwinduꞌyoꞌ: “Tsotya̱ya Tyꞌo̱o̱tsꞌom.”

Colosenses 3:3

Ee laxmaⁿꞌyoꞌ lꞌoo ndoꞌ juu na cwitaꞌndoꞌyoꞌ jeꞌ, wantyꞌiuuꞌ mꞌaaⁿnaꞌ ñꞌeⁿ Cristo ncꞌe mꞌaaⁿ ñꞌeⁿ Tyꞌo̱o̱tsꞌom.

Hebreos 3:12

Joꞌ chii ꞌo nnꞌaⁿya, calꞌandyoꞌ cwenta na tjaa meiⁿ cwiindyoꞌ ꞌo na nntseixmaⁿ jnaⁿ na ticatseiyuꞌ ñꞌeⁿ nquii Tyꞌo̱o̱tsꞌom na wandoꞌ.

2 Pedro 1:19

Ndoꞌ mati waa na cwileiñꞌo̱o̱ⁿya na majndaaꞌya, juu ñꞌoom na tyolaneiⁿ profetas na tyoñequia ñꞌoomꞌ Tyꞌo̱o̱tsꞌom tandyo xuee, ꞌo jeeⁿ xcwe nlꞌaꞌyoꞌ xeⁿ cwilañꞌoomꞌndyoꞌ ñꞌoomꞌñeeⁿ na laxmaⁿnaꞌ chaꞌcwijom lámpara na matseixueeñenaꞌ yuu na jaaⁿñe, hasta nquii na cwiluiiñe caxjuuncoo matseixueeñe naquiiꞌ nꞌomꞌyoꞌ.

1 Juan 1:10

Sa̱a̱ xeⁿ cwilꞌuuya na tyoolꞌaaya jnaⁿ, cwilꞌaaya na ndooꞌ nquiuya cantuñe Tyꞌo̱o̱tsꞌom, meiⁿ tyooñequiaaya na nntsa̱ꞌntjom ñꞌoomꞌm jaa.

1 Juan 5:1

Ticwii cwii tsꞌaⁿ na matseiyuꞌya tsꞌom na Jesús cwiluiiñe Cristo, macwiluiiñê cwii jnda Tyꞌo̱o̱tsꞌom. Ndoꞌ ticwii cwii tsꞌaⁿ na candyaꞌ tsꞌom nqueⁿ na cwiluiiñê Tsotya̱a̱ya, mati matsonaꞌ na cꞌoom tsaⁿꞌñeeⁿ na jnda ntyjii nnꞌaⁿ na cwiluiindye ntseinaaⁿ.

Apocalipsis 12:17

Joꞌ chii jeeⁿ tꞌmaⁿ seiwꞌii catsoomjndii yuscuꞌñeeⁿ. Tjaaⁿ, tjacatsꞌaaⁿ tiaꞌ nacjoo chaꞌtso nnꞌaⁿ tsjaaⁿ yuscuꞌñeeⁿ na cwilaꞌcanda̱ ñꞌoom na matsa̱ꞌntjom Tyꞌo̱o̱tsꞌom ndoꞌ na ticaꞌndye na cwitjeiꞌyuuꞌndye cantyja ꞌnaaⁿꞌ Jesucristo.

Apocalipsis 2:17

ꞌÑeeⁿ ꞌo na ñeꞌcandyeꞌyoꞌ, candyeꞌyaꞌyoꞌ ñꞌoom na matseineiⁿ Espíritu Santo nda̱a̱ ntmaaⁿꞌ nnꞌaⁿ na macwjiꞌ Tyꞌo̱o̱tsꞌom cwentaaⁿꞌaⁿ. ꞌÑeeⁿ juu na jnda̱a̱ jnaⁿñe ñequio natia, nñequiaya maná na nlcwaꞌ na ticataꞌjnaaⁿꞌ nnꞌaⁿ. Ndoꞌ nñequiaya cwii tsjo̱ꞌ canchiiꞌ nnom. Nacjooꞌ juunaꞌ nntseiljeixco̱ xueya ndoꞌ meiⁿcwii tsꞌaⁿ ticaljeii ljoꞌ matso ljeiiꞌñeeⁿ, macanda̱ nquii tsꞌaⁿ na nncoꞌñom juunaꞌ ntyjii.”

Apocalipsis 2:28

Ndoꞌ nñequiaya caxjuuncoo nnom tsaⁿꞌñeeⁿ.