1 Juan 4:12 - Ñʼoom xco na tqueⁿ tyʼo̱o̱tsʼom cantxja ʼnaaʼ Jesucristo

¹² Meiⁿjom ndiiꞌ tyoontyꞌiaaꞌ nnom tsꞌaⁿ Tyꞌo̱o̱tsꞌom sa̱a̱ quia cwitꞌmo̱o̱ⁿya na wiꞌ nꞌo̱o̱ⁿya nnꞌaaⁿya, jom mꞌaaⁿ quiiꞌ nꞌo̱o̱ⁿya ndoꞌ juu na mꞌaaⁿ na candyaꞌ tsꞌoom jaa, mamatseicanda̱a̱ꞌñeñꞌeⁿnaꞌ cantyja ꞌnaaⁿya.

1 Juan 4:12 Σταυροειδείς Αναφορές

Juan 1:18

Tjaaꞌnaⁿ cwii tsꞌaⁿ na jnda̱ ntyꞌiaaꞌ Tyꞌo̱o̱tsꞌom. Macanda̱ nquii Jnaaⁿ na ñecwiiñe, juu jnda̱ tꞌmo̱ⁿ nda̱a̱ya chiuu cwiluiiñê.

1 Corintios 13:13

Niom ndyee nnom na waa ndoꞌ waanaꞌ: na matseiyuꞌya tsꞌom tsꞌaⁿ ñꞌeⁿ Tyꞌo̱o̱tsꞌom, na macantyjaaꞌ tsꞌom tsꞌaⁿ ñꞌeⁿ jom ndoꞌ na mꞌaaⁿ na jeeⁿ candyaꞌ tsꞌoom jaa, sa̱a̱ tꞌmaⁿti naquiiꞌ ntaaⁿ ndyee nmeiiⁿꞌ, juu na mꞌaaⁿ na candyaꞌ tsꞌoom nnꞌaⁿ.

1 Timoteo 1:17

Ncꞌe na luaaꞌ, chaꞌwaati xuee calaꞌtꞌmaaⁿꞌndyo̱ nqueⁿ na ticantycwii na cwiluiiñê na matsa̱ꞌntjoom, nqueⁿ na wanoomꞌm ndoꞌ na wanoomꞌm, nqueⁿ na leicanda̱a̱ ntyꞌiaa tsꞌaⁿ jom, na macanda̱ nqueⁿ cwiluiiñê Tyꞌo̱o̱tsꞌom ndoꞌ na jndo̱ꞌ tsꞌoom.

1 Timoteo 6:16

Manda̱ nqueⁿ mꞌaaⁿ ndoꞌ mꞌaaⁿ na tijoom cueeⁿꞌeⁿ. Mꞌaaⁿ yuu caxuee yuu na leicanda̱a̱ nntseindyooꞌñe tsꞌaⁿ. Tjaa ꞌñeeⁿ juu na jnda̱ ntyꞌiaaꞌ jom meiⁿ xonda̱a̱ ntyꞌiaaꞌ tsꞌaⁿ jom. Tseixmaaⁿ na ñequiiꞌcheⁿ catseitꞌmaaⁿꞌñenaꞌ jom ndoꞌ najndeii na matsa̱ꞌntjoom. Amén.

Hebreos 11:27

Ndoꞌ ncꞌe na tyotseiyuꞌya tsꞌom Moisés, jlueeⁿꞌeⁿ ndyuaa Egipto, meiⁿ tinquiaⁿꞌaⁿ na matseiwꞌii tyo na matsa̱ꞌntjom ndyuaaꞌñeeⁿ jom, tîꞌndiincꞌuaaꞌñê ee ntyꞌiaaⁿꞌaⁿ nquii na nñequiaa naya na nnaaⁿꞌaⁿ.

1 Juan 2:5

Sa̱a̱ xeⁿ matseicanda̱ tsꞌaⁿ ñꞌoomꞌm maꞌmo̱ⁿnaꞌ na juu na candyaꞌ tsꞌom Tyꞌo̱o̱tsꞌom juu, canda̱a̱ꞌ mꞌaaⁿnaꞌ naquiiꞌ tsꞌom tsaⁿꞌñeeⁿ maluaaꞌ waa na cwilaꞌno̱o̱ⁿꞌa na cwiluiindyo̱ cwentaaⁿꞌaⁿ.

1 Juan 3:24

Nnꞌaⁿ na cwilaꞌcanda̱a̱ꞌndye ñꞌoom na matsa̱ꞌntjoom, mꞌaⁿna quiiꞌ tsꞌoom ndoꞌ jom mꞌaaⁿ naquiiꞌ nꞌomna.

1 Juan 4:16

Luaa waa na cwitaꞌjnaaⁿꞌa Tyꞌo̱o̱tsꞌom ndoꞌ cwilayuuꞌa na mꞌaaⁿ na candyaꞌ tsꞌoom jaa. Cwiluiiñê Tyꞌo̱o̱tsꞌom na candyaꞌ tsꞌom nnꞌaⁿ. Juu na cwiluiiñê na candya tsꞌoom, tsꞌaⁿ na matseixmaⁿ joꞌ, wandoꞌ cantyja ꞌnaaⁿꞌaⁿ ndoꞌ mꞌaaⁿ quiiꞌ tsꞌom tsaⁿꞌñeeⁿ.

1 Juan 4:20

Xeⁿ na nntso tsꞌaⁿ: “Ja candyaꞌ tsꞌo̱o̱ⁿya Tyꞌo̱o̱tsꞌom”, sa̱a̱ mꞌaaⁿ na jnoomꞌm cwii xꞌiaaⁿꞌaⁿ na matseiyuꞌ, cweꞌ tsaⁿcantu jom. Ee xeⁿ ticꞌoom na jnda ntyjeeⁿ xꞌiaaⁿꞌa na mantyꞌiaaⁿꞌaⁿ xonda̱a̱ nncꞌoom na candyaꞌ tsꞌoom Tyꞌo̱o̱tsꞌom na tyoontyꞌiaaⁿꞌaⁿ.

1 Juan 4:6

Sa̱a̱ jâ laxmaaⁿyâ cwentaaꞌ Tyꞌo̱o̱tsꞌom. Tsꞌaⁿ na matseixmaⁿ cwentaaⁿꞌaⁿ matseiwe ñꞌoom na cwiñequiaayâ, sa̱a̱ tsꞌaⁿ na titseixmaⁿ cwentaaⁿꞌaⁿ ticatseiñꞌoomꞌñe ñꞌoom na cwiñequiaayâ.