Yoˇhaˬ 8:17 - Akha

¹⁷ Tsawˇ haˬ nyiˬ gʼaˬ tiˬ jeˬ tehꞈ-ehˇ saˇ kiˇ kamˬ naˇ, saˇ kiˇ kamˬ-euˬ kʼoeˇ tsaˬ meh lehˇ, naw maꞈ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁷ Nawmaf-euq zanrdawq-euq lafkhoer boftaq-euq, ‘Tsawrkaq nyiq ghaq sarkirkamq nar-aq, sarkir kamq-eu khoer tsaq-awr dawr-eu mae.’

Yoˇhaˬ 8:17 Σταυροειδείς Αναφορές

1 Sahˬpaˬ 21:10

Tsawˇ haˬ yaw haiˬ tiˬ gʼaˬ nyiˬ gʼaˬ-ahˇ kʼehˇ-awˇ, Miˬyehˇ hawˇ-eu sahˬ paˬ aˬ nyaꞈ-ahˇ Naˬboˆ neh yaˬ kʼehˇ yaˬ-euˬ meh lehˇ jaˬ myawꞈ bi myawꞈ-awˬ. Kʼoeˇ naˇ, aˬ yawꞈ-ahˇ meuˬ laꞈ nyiˇ sheuˬ doˆ gʼeh-awˇ, kʼaˬ lo biˬ sehꞈ-awˬ.”

Bawˇtsahˬ 35:30

“Kʼaˇ teˬ-eu myaˆ mawˇ duˬ-euˬ saˇ kiˇ nyiˬ gʼaˬ maˬ jawˇ gaˇ, aˬ cawˬ-ahˇ sehꞈ-euˬ tsawˇ haˬ-ahˇ maˬ ya sehꞈ-a. Saˇ kiˇ tiˬ gʼaˬ-ahˇ tehꞈ-ehˇ gʼoe-awˇ maˬ ya sehꞈ poˆ-a.

Maꞈtehˬ 18:16

Ehˇ kʼawꞈ, nawˬ neh ehˇ-euˬ gaˇ aˬ yawꞈ maˬ geuꞈ nehˬ laꞈ naˇ, Jaˇ liꞈ laꞈ kʼoeˇ ehˇ taˬ-euˬ loꞈ-ehˇ, kʼaˇ ngehˬ-euˬ yawˬ dawˬ na luꞈ-ahˇ gaˬ-eu tsawˇ kaˬ nyiˬ gʼaˬ smˇ gʼaˬ byah ni bi jawˇ-eu gʼaˇ duˬ, nawˬ nehˬ-ehˇ tsawˇ kaˬ tiˬ gʼaˬ nyiˬ gʼaˬ sheuˬ caw gʼeh-awˬ.

Yoˇhaˬ 10:34

Yeˬsuˇ ehˇ-eu, “Naw maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Naw maꞈ miˬyehˇ meh’ lehˇ Miˬyehˇ neh ehˇ-euˬ dawˬ tiˬ dawˬ boꞈ ahˇ taˬ-euˬ maˬ ngeuˇ-a loˇ.

Yoˇhaˬ 15:25

Aˬ yawꞈ maꞈ-euˬ Zahˇ dawˬ kʼoꞈ dawˬ laꞈ kʼoeˇ, ‘Gaˇ kawˆ tiˬ jeˬ-iˬ maˬ jaˆ gaˇ aˬ yawꞈ maꞈ ngaˬ-ahˇ muiˇ-eu meh’ lehˇ ehˇ taˬ-euˬ jaˆ-eu miˇ neh, kʼoeˇ loꞈ-ehˇ maˬ pyeuꞈ laˇ-ehˇ maˬ gʼeh nya-a.

2 Gawˇliˬtu 13:1

Nymˬ-mˇ jawˇ poˆ naw maꞈ jawˇ gaˇ ngaˇ oe-eu lehˇ gʼeh-eu heu-aˬ, smˬ poˆ tiˬ poˆ ma. “Aˬ cawˬ-ahˇ yaˇ kʼaˬ ja ngeh tsawˇ kaˬ nyiˬ gʼaˬ smˇ gʼaˬ ya bi jawˇ meh” lehˇ Jaˇliꞈ laꞈ kʼoeˇ ehˇ taˬ-euˬ jaˆ-eu meh.

Gaˬlaˬtiˆ 3:24

Jah-eu jeˬ baˬ da neh Miˬyehˇ-ahˇ aˬ dui bi tsaˬ bi dzoeˇ leˇ nya-eu gʼaˇ duˬ Ka li maˬ oe keuˆ kʼoeˇ keuˆ ni, Zahˇ dawˬ kʼoꞈ dawˬ kʼoeˇ aˬ dui-ahˇ haw piˇ tawˬ-euˬ meh.

Gaˬlaˬtiˆ 4:21

Naw maꞈ laꞈ kʼoeˇ, Zahˇ dawˬ kʼoꞈ dawˬ uˬ moˆ jawˇ mawꞈ-eu deuˬ-ahˇ ngaˇ heu loꞈ-ehˇ naˇ haˬ mawꞈ-eu ma. Zahˇ dawˬ kʼoꞈ dawˬ naw maꞈ-ahˇ aˬ joˆ-ehˇ ehˇ luꞈ-eu naw maꞈ-ahˇ gaˬ laˇ miˇ-a loˇ.

Dawˬmehˬ 17:6

Ehˇ kʼawꞈ, aˬ yawꞈ mˇ lehˬ-euˬ jeˬ-ahˇ ya mawˇ-euˬ tsawˇ kaˬ kʼaˇ teˬ-eu nyiˬ gʼaˬ maˬ jawˇ naˇ, aˬ yawꞈ-ahˇ maˬ ya sehꞈ-a. Tsawˇ kaˬ tiˬ gʼaˬ tehꞈ-ehˇ jawˇ naˇ, aˬ yawꞈ-ahˇ maˬ ya sehꞈ-a.

Dawˬmehˬ 19:15

“Tsawˇ kaˬ tiˬ gʼaˬ tehꞈ-euˬ dawˬ-ahˇ gʼoe-awˇ, tsawˇ haˬ tiˬ gʼaˬ tiˬ jeˬ paˬ mˇ bahˬ-euˬ meh lehˇ maˬ daˇ tsehˆ nya-a. Tsawˇ haˬ tiˬ gʼaˬ iˬ baˇ ahˇ meh lehˇ daˇ tsehˆ nehˬ nya-eu gʼaˇ duˬ, kʼaˇ teˬ-eu tsawˇ kaˬ nyiˬ gʼaˬ ya jawˇ meh.

HeˬByehˇ 10:28

Miˬyehˇ neh Moˇseˬ-ahˇ biꞈ-euˬ Zahˇ dawˬ kʼoꞈ dawˬ-ahˇ maˬ naˇ haˬ geuꞈ-eu tsawˇ haˬ-aˬ, aˬ yawꞈ neh mˇ lehˬ-euˬ gaˇ kawˆ saˇ kiˇ kamˬ-eu tsawˇ kaˬ nyiˬ gʼaˬ smˇ gʼaˬ jawˇ naˇ, gʼawˬ shaˬ maˬ gaˬ ni sehꞈ gaˇ ya daˬ-eu meh.

1 Yoˇhaˬ 5:9

Tsawˇ haˬ zaˬ saˇ kiˇ kamˬ gaˇ aˬ dui jah-eu-aˬ, Miˬyehˇ saˇ kiˇ kamˬ gaˇ aˇ naˆ ni paˇ jah paˬ nga. Aˬ yawꞈ-euˬ Zaˬmaˇ gaˇ kawˆ Miˬyehˇ-euˬ mawˇ do saˇ kiˇ kamˬ taˬ-euˬ meh.

Panmaeq 11:3

Guˬ daˇ pehˇ zeuˇ dm luꞈ-eu saˇ kiˇ kamˬ-eu ngaˬ-euˬ tsawˇ haˬ nyiˬ gʼaˬ-ahˇ ngaˇ pyehˬ gʼeh-awˇ, aˇ nah aˇ yamˬ kʼoeˇ tiˬ heˇ nyiˬ yaˇ koꞈ tseˇ nah laꞈ kʼoeˇ, aˬ yawꞈ nyaꞈ Miˬyehˇ dawˬ kawˬ mehˬ tehꞈ-a.”