Yeˬlaˬmiˇ 5:9 - Akha

⁹ Kʼoeˇ baˬ da neh aˬ yawꞈ maꞈ-ahˇ, ngaˇ maˬ kʼehˬ ni oˇ coeˇ nmˇ loˇ. Kʼoeˇ loꞈ-ehˇ gʼeh-eu tsawˇ jeuˬ-ahˇ, ngaˇ laꞈ poˆ maˬ poˆ ni jawˇ coeˇ nmˇ loˇ.

Yeˬlaˬmiˇ 5:9 Σταυροειδείς Αναφορές

Dawqdaq 6:29

Kʼoeˇ loꞈ-ehˇ duˇ ni aˬ cawˬ aˬ ma-ahˇ bahˬ-euˬ tsawˇ haˬ, kʼehˬ-eu kʼaˆ-eu jeˬ-ahˇ maˬ law-iˇ nya-a.

Iˇsaˬyaˇ 1:24

Kʼoeˇ miˇ neh Dawˬ tawˆ kʼoeˇ taˆ huiˬ-eu Sahˬpaˬ Miˬyehˇ, Iˇsaˬleˬlaˆ-euˬ baoˬ huiˬ-eu Miˬyehˇ, heu loꞈ-ehˇ ehˇ-eu meh. “Haw taˬ lawˬ. Ngaˬ-ahˇ muiˇ-eu deuˬ-ahˇ ngaˇ jahˇ kʼoꞈ ma. Aˬ yawꞈ maꞈ ngaˬ-ahˇ maˬ paˇ bi laˆ bahˬ ma.

Iˇsaˬyaˇ 57:6

Kʼoeˇ gaˇ jaˆ-eu kʼaˬ lo lo juˇ naw maꞈ gʼoˆ-awˇ, miˬ yehˇ bi geuꞈ-awˇ uˬ duˬ tahˬ-euˬ meh. Aˬ gaꞈ dzaˇ uiˇ hawˇ-eu dzaˬ la gʼo cehˇ lawˇ nehˬ-eu jeˬ, kʼaˬ lo kʼoeˇ deuˬ-ahˇ naw maꞈ lawˇ nehˬ-euˬ maˬ ngeuˇ te loˇ. Naw maꞈ kʼoeˇ loꞈ-ehˇ mˇ luꞈ shaˇ luꞈ gaˇ, ngaˇ nui kʼahˇ shiˇ tehꞈ-a lehˇ noeˬ te loˇ.

Yeˬlaˬmiˇ 23:2

Aˬ yawꞈ-euˬ tsawˇ haˬ deuˬ-ahˇ bi haw bi pyaˆ-euˬ aˬ yuiꞈ aˬ tsu deuˬ-ahˇ taꞈ leˇ-awˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ tsawˇ jeuˬ-ahˇ maˬ haw maˬ pyaˆ ni, aˬ yawꞈ maꞈ-ahˇ teh byaˆ nehˬ-euˬ meh. Naw maꞈ neh mˇ-euˬ yaw haiˬ jeˬ gʼaˇ duˬ nymˬ-mˇ naw maꞈ-ahˇ ngaˇ kʼehˬ nehˬ kʼaˆ nehˬ ma.

Yeˬlaˬmiˇ 32:31

Meuˬ heu meuˬ teˬ dahˬ beh ngeh neh, meuˬ laꞈ kʼoeˇ jawˇ-eu tsawˇ haˬ deuˬ ngaˇ nui ma bi pehˇ-eu jeˬ tehꞈ-ehˇ mˇ-euˬ miˇ neh, meuˬ heu meuˬ-ahˇ laˆ cawˆ nehˬ-eu gʼaˇ duˬ, ngaˇ noeˬ tsehˆ taˬ-euˬ ma.

Yeˬlaˬmiˇ 44:22

Iˬ nah naw maꞈ-euˬ miˇ kʼahˬ cawˆ-iˇ-awˇ, tsawˇ haˬ tiˬ gʼaˬ-iˬ maˬ jawˇ-ehˇ, guˆ dui dui laˇ paˬ-ehˇ pyeuꞈ-iˇ taˬ-euˬ miˇ neh, aˬ cawˬ yaˬ kʼehˇ yaˬ ngeh tsawˇ myahˇ kuˇ duˬ pyeuꞈ-iˇ-euˬ maˬ ngeuˇ-a loˇ. Naw maꞈ neh mˇ-euˬ yaw haiˬ jeˬ hawˇ-eu maˬ muiˬ maˬ jaˬ-eu jeˬ-ahˇ, Sahˬpaˬ Miˬyehˇ maˬ oˇ coeˇ laˇ-euˬ miˇ neh, kʼoeˇ loꞈ-ehˇ bi keuˆ le-euˬ maˬ ngeuˇ nga loˇ.

Yeˬlaˬmiˇ 5:10

Ngaˬ-euˬ tsawˇ haˬ deuˬ-euˬ aˬ gaꞈ baw duˆ bi tuˇ dzeh-eu gʼaˇ duˬ, muiˇ-eu deuˬ-ahˇ ngaˇ pyehˬ gʼeh ma. Ehˇ kʼawꞈ, dawˬ tawˆ luꞈ-ahˇ maˬ bi tuˇ cuˬ jiˇ ni, ngaˬ-ahˇ maˬ taꞈ-eu uˬ laꞈ deuˬ tehꞈ-ehˇ, aˬ yawꞈ maꞈ-ahˇ bi deuˆ dzeh ma.

Yeˬlaˬmiˇ 5:29

Ehˇ kʼawꞈ Sahˬpaˬ Miˬyehˇ pyeuꞈ-eu ngaˇ-aˬ, gaˇ kawˆ kʼoeˇ deuˬ baˬ da neh aˬ yawꞈ maꞈ-ahˇ kʼehˬ-awˇ, tsawˇ jeuˬ heu jeuˬ-ahˇ laꞈ poˆ poˆ nehˬ ma.

Yeˬlaˬmiˇ 6:11

Sahˬpaˬ Miˬyehˇ nawˇ aˬ yawꞈ maꞈ-ahˇ nui ma pehˇ-eu jeˬ, ngaˬ-euˬ nui ma miˬ dzaˬ doꞈ-eu loꞈ-ehˇ, ngaˬ-ahˇ maˬ dzahˬ tehˬ coeˇ nya.” Sahˬpaˬ Miˬyehˇ ngaˬ-ahˇ ehˇ-eu, “Meuˬ-euˬ lehˆ kawˆ doe ni gʼa-eu zaˬ deuˬ hawˇ-eu, zaˬ guˬ deuˬ uiˬ leˇ bymˇ leˇ taˬ-euˬ gaˇ, ngaˬ-euˬ nui pehˇ shehˆ daˆ nehˬ-awˬ. Miˬ zaˬ yo zaˬ dawˬ tawˆ bi nyehꞈ byoˆ gʼeh jiˇ-awˇ, mawˬ dui dui-eu deuˬ kʼawꞈ maˬ dzeˇ yaꞈ ni pyeuꞈ-iˇ tehꞈ-a.

Yeˬlaˬmiˇ 6:6

Baoˬ huiˬ-eu Sahˬpaˬ Miˬyehˇ-aˬ, Sahˬ paˬ kʼoeˇ deuˬ-ahˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ deuˆ-eu gʼaˇ duˬ, aˇ bawˇ tuˇ-awˇ jeh guiˇ guiˇ-awˬ. Kʼehˬ-eu kʼaˆ-eu jeˬ byah luꞈ-eu miˇ neh. meuˬ heu meuˬ-ahˇ ngaˇ kʼehˬ nehˬ ma.

Yeˬlaˬmiˇ 9:8

Aˬ yawꞈ maꞈ-euˬ mehˬ laˇ shaˆ shiˇ kaˆ myaˬ, jaˬ myawꞈ mehˇ shuiˇ mˇ-eu maˬ naˬ leˇ-a. Yawˬ gʼaˬ na luꞈ dawˬ muiˬ ngehˬ gaˇ duˇ kʼawꞈ, nui ma laꞈ kʼoeˇ lahˇ ju kʼmˇ luꞈ-eu meh.

Yeˬlaˬmiˇ 9:9

Aˬ yawꞈ maꞈ kʼoeˇ loꞈ-ehˇ dehꞈ doeˇ-eu baˬ da neh, ngaˇ maˬ kʼehˬ ni jawˇ coeˇ nmˇ loˇ. Kʼoeˇ naˆ ni doeˇ-eu tsawˇ jeuˬ-ahˇ, ngaˇ laꞈ poˆ maˬ poˆ ni dzahˬ tehˬ coeˇ nmˇ loˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Ngoeˇ dawˬ 3:42

“Nga maꞈ lehˬ-awˇ nawˬ-ahˇ puiˬ-euˬ, nawˇ iˬ baˇ maˬ pyehˬ nehˬ laꞈ-a.

Ngoeˇ dawˬ 4:22

Ziˇoˬ meuˬ-oˇ, nawˬ-ahˇ kʼehˬ-eu, gʼawˬ myahˇ ni maˬ paˇ ya daˬ meh. Aˬ cawˬ miˇ kʼahˬ laꞈ kʼoeˇ, aˬ dui, gʼawˬ myahˇ ni maˬ paˇ ya shaˬ meh. Ehˇ kʼawꞈ Eˬdoˬ meuˬ-oˇ nawˇ-aˬ, nawˬ-euˬ iˬ baˇ bi pah dzeh-awˇ, Sahˬpaˬ Miˬyehˇ neh bi kʼehˬ meh.

Yeˬsaˬgeˬlaˇ 7:9

Naw maꞈ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Ngaˇ Sahˬpaˬ Miˬyehˇ pyeuꞈ-awˇ, naw maꞈ-ahˇ kʼehˬ-eu gʼaˬ pyeuꞈ-eu naw maꞈ-ahˇ siˬ leˇ ni, naw maꞈ neh mˇ-euˬ nui daˆ daˆ laˇ paˬ-ehˇ gʼeh-eu jeˬ aˇ poeˬ naw maꞈ-ahˇ ngaˇ kʼehˬ nehˬ ma.”

Hawˇseˬ 2:13

Baˬlaˇ miˬ yehˇ-ahˇ bawˬ-iˬ gʼeh-awˇ, yaw saw jeˬ doꞈ damˬ-euˬ uˬ taꞈ, myawˬ guˇ geuꞈ-awˇ jahˇ gʼeh haw-awˇ, zaˬ kʼaˬ deuˬ nehˬ-ehˇ cah cah-ehˇ, ngaˬ-ahˇ aˬ yawꞈ ngehˇ-euˬ miˇ neh, aˬ yawꞈ-ahˇ ngaˇ kʼehˬ nehˬ ma lehˇ, Sahˬpaˬ Miˬyehˇ ehˇ taˬ-euˬ meh.

Hawˇseˬ 8:13

Lawˇ gaˇ shehˇ gaˇ gaˬ-eu laꞈ kʼoeˇ, ngaˬ-ahˇ shaˬ jiˇ lawˇ nehˬ laꞈ-awˇ, lawˇ dzaˇ aˬ yawꞈ maꞈ dzaˬ-eu meh. Sahˬpaˬ Miˬyehˇ pyeuꞈ-eu ngaˇ-aˬ, kʼoeˇ loˇ mˇ gaˇ laꞈ kʼaˬ maˬ cehˇ. Aˬ yawꞈ maꞈ neh mˇ-euˬ iˬ baˇ, ngaˇ maˬ ngehˇ ni kʼehˬ poˆ nehˬ-awˇ, Iˇjiˇtuˆ paw bi gʼoꞈ-iˇ ma.

Uˬ duˬ 18:25

Aˬ yawꞈ maꞈ kʼoeˇ loꞈ-ehˇ mˇ-eu baˬ da neh, miˇ kʼahˬ kʼoeˇ kʼahˬ jawꞈ dui dui-eu miˇ kʼahˬ pyeuꞈ laˇ taˬ-euˬ meh. Kʼoeˇ miˇ neh, miˇ kʼahˬ kʼoeˇ kʼahˬ-ahˇ Sahˬpaˬ Miˬyehˇ kʼehˬ nehˬ kʼaˆ nehˬ-awˇ, miˇ kʼahˬ kʼoeˇ kʼahˬ tsawˇ haˬ kʼoeˇ deuˬ-ahˇ uˬ pehꞈ pehꞈ doˆ dzeh tehꞈ-a.

Uˬ duˬ 26:25

Ngaˬ nehˬ-ehˇ dzaˬ taˬ-euˬ saˇ jaˇ-ahˇ naw maꞈ puiˬ-eu miˇ neh, naw maꞈ kʼoeˇ taˆ guiˇ deuˆ-eu jeˬ bi keuˆ le-awˇ, naw maꞈ-ahˇ ngaˇ kʼehˬ ma. Naw maꞈ-euˬ meuˬ deuˬ laꞈ kʼoeˇ naw maꞈ uiˬ leˇ-awˇ jawˇ ngeh, maˬ laˆ taˬ nya-eu naˇ gawˇ deuˬ naw maꞈ kʼoeˇ taˆ bi keuˆ le-awˇ, naw maꞈ-ahˇ muiˇ-eu deuˬ-euˬ laꞈ-ahˇ, naw maꞈ ya ahˇ leˇ tehꞈ-a.

Naˬhmˬ 1:2

Sahˬpaˬ Miˬyehˇ pyeuꞈ-eu Miˬyehˇ, myaˆ naˆ-eu nui ma ahˇ-eu meh. Yawꞈ-ahˇ puiˬ-eu deuˬ-ahˇ kʼehˬ-awˇ, yawꞈ-ahˇ jahˇ gʼeh haw-eu deuˬ-ahˇ, nui ma pehˇ-awˇ laꞈ poˆ poˆ meh.

Dawˬmehˬ 32:35

Aˬ yawꞈ neh laꞈ poˆ bi poˆ-awˇ, muiˇ-eu deuˬ ya coˬ dzeh-iˇ-eu, aˇ nah kʼoeˇ nah peh le luꞈ meh.

Dawˬmehˬ 32:43

“Miˇ kʼahˬ tsawˇ jeuˬ dawˬ tawˆ luꞈ-oˇ, Sahˬpaˬ Miˬyehˇ-euˬ tsawˇ haˬ-ahˇ, naw maꞈ ya ja ceuˬ gaˇ keuˆ meh. Aˬ yawꞈ maꞈ-ahˇ sehꞈ-eu deuˬ-ahˇ, aˬ yawꞈ kʼehˬ nehˬ kʼaˆ nehˬ tehꞈ-a. Muiˇ-eu deuˬ-ahˇ laꞈ poˆ poˆ-awˇ, aˬ yawꞈ-euˬ tsawˇ haˬ deuˬ-ahˇ-aˬ, aˬ yawꞈ iˬ baˇ pyehˬ nehˬ tehꞈ-a.”