Yawˇnaˆ 2:2 - Akha

² “Nui ma cawˆ dui dui-eu laꞈ kʼoeˇ, Sahˬpaˬ Miˬyehˇ-ahˇ ngaˇ kuˇ ngeh, kuˇ dawˬ naˇ haˬ nehˬ laꞈ-euˬ meh. Shiˇ-eu miˇ kʼahˬ dawˬ dah uˇ-awˇ, caw ba nehˬ laꞈ lehˇ ngaˇ shaˇ ngeh, shaˇ dawˬ naˇ haˬ nehˬ laꞈ-eu meh.

Yawˇnaˆ 2:2 Σταυροειδείς Αναφορές

2 Laˬsaˬbaˬ 33:12

Aˬ yawꞈ kʼoeˇ loꞈ-ehˇ ya daˬ ngeh, nui ma nahˬ laˇ-awˇ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ paw noeˬ pyawˇ kʼoꞈ laˇ-awˇ, caw ba nehˬ laꞈ-awˬ lehˇ shaˇ-euˬ meh.

Jaceuq 116:3

Shiˇ-eu lahˇ ju ngaˬ-euˬ tiˬ jawˬ kʼmˇ taˬ-euˬ meh. Lmˬ bymˇ-euˬ naˇ shmˇ ngaˬ-euˬ tiˬ jawˬ oe luꞈ meh. Ngaˬ-euˬ nui ma shaˬ zahˬ naꞈ dui dui nya.

Jaceuq 120:1

Shaˬ-eu zahˬ-eu jeˬ-ahˇ ngaˇ ya tahˬ puˬ-awˇ, Sahˬpaˬ Miˬyehˇ-ahˇ kuˇ ngeh, ngaˬ-euˬ kuˇ dawˬ-ahˇ aˬ yawꞈ naˇ haˬ-eu meh.

Jaceuq 16:10

Aˬjeˬmiˇneh nga lehˇehˇnaˇ, shiˇ-eu doꞈ-ahˇnawˇdehˬpiˇ-awˇ, nawˬ-euˬtsawˇmuiˬtsawˇjaˬ-ahˇnawˇ, shiˇ-eu duˬkʼahˬmaˬbi mawˇ-a.

Jaceuq 22:24

Shaˬzaˬ-ahˇyawꞈmaˬbyehˇdzeh-ehˇ, shaˬzahˬnaꞈ-euˬgaˇmaˬngehˇni, caw ba le ni shaˇ-eu dawˬ-ahˇ, maˬbyehˇni naˇhaˬnehˬ-eu meh.

Jaceuq 34:6

Iˇshaˬzaˬdeuˬkuˇ-eu teˇsaˇ, SahˬpaˬMiˬyehˇnaˇhaˬnehˬ-awˇ, shaˬzahˬlaꞈkʼoeˇka kʼoꞈ-eu meh.

Jaceuq 4:1

Ngaˬ-euˬ gʼoe duˬ Miˬyehˇ-oˇ, ngaˇguiˬlahˬshaˇ ngeh naˇhaˬlaꞈ. Shaˬzahˬ ngaˬ-ahˇ ciˬtehˬle ngeh, nawˇcaw ba dzeuˇnehˬlaꞈ-euˬmeh. Nymˬ-mˇ ngaˬ-ahˇ gʼawˬ shaˬ gaˬ-awˇ, ngaˬ-euˬshaˇdawˬ naˇhaˬnehˬlaꞈ.

Jaceuq 61:2

Ngaˇ nui ma cawˆ dui dui-eu laꞈ kʼoeˇ, mˬ dzeˇ miˇ dzeˇ jawˇ-awˇ nawˬ-ahˇ kuˇ-eu ma. Ziꞈ dah ni gʼeh-eu lo guˇ-ahˇ, ngaˬ-ahˇ sheuˬ gʼeh nehˬ laꞈ-awˬ.

Jaceuq 65:2

Aˬ jeˬ miˇ neh ehˇ naˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-eu meh. Miˇ tsaˬ zaˬ dawˬ tawˆ luꞈ nawˇ jawˇ gaˇ ya laˇ tehꞈ-a.

Jaceuq 86:13

Nawˇ ngaˬ-ahˇ maˬ tsehˆ leˇ ni gaˬ-eu jeˬ huiˬ dui dui meh. Lmˬ bymˇ laꞈ kʼoeˇ ngaˬ-ahˇ nawˇ ka kʼoꞈ doˆ nehˬ laꞈ-euˬ meh.

Iˇsaˬyaˇ 14:9

“Nawˬ-ahˇ ha laˬ laˇ-eu gʼaˇ duˬ, shiˇ-eu miˇ kʼahˬ lawꞈ gʼa luꞈ meh. Nawˬ-ahˇ bi ha geuꞈ-eu gʼaˇ duˬ, shiˇ dzeuˇ-euˬ yaw huiˬ yaw mahˇ deuˬ-eu saꞈ laˇ-ahˇ aˬ yawꞈ maꞈ laˆ noeˬ luꞈ-awˇ, miˇ kʼahˬ sahˬ paˬ deuˬ-euˬ saꞈ laˇ deuˬ-ahˇ, nuiˇ mahˬ-ahˇ nuiˇ luꞈ-eu laˆ tuˇ luꞈ meh.

Ngoeˇ dawˬ 3:55

“Duˬ kʼahˬ naꞈ-eu dawˬ dah jawˇ-awˇ, Sahˬpaˬ Miˬyehˇ-ahˇ kuˇ-euˬ ma.

Yeˬsaˬgeˬlaˇ 26:20

Aˇ hu ziˇ-ahˇ dehꞈ-euˬ tsawˇ haˬ deuˬ nehˬ-ehˇ bi jawˇ-iˇ-eu gʼaˇ duˬ, miˇ oˆ kʼahˬ-ahˇ nawˬ-ahˇ ngaˇ sheuˬ gʼeh ma. Miˇ kʼahˬ kʼoeˇ tsahˇ-ahˇ, shiˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, mˬ maˬ maˬ byaˆ zaˇ ziˇ luˬ-iˇ seˇ-iˇ-eu jeˬ laꞈ kʼoeˇ, nawˬ-ahˇ ngaˇ bi jawˇ ma. Dehꞈ luꞈ-euˬ tsawˇ haˬ deuˬ jawˇ-eu miˇ kʼahˬ-ahˇ nawˇ maˬ paˇ ya jawˇ meh.

Yeˬsaˬgeˬlaˇ 31:14

Kʼoeˇ miˇ neh, iˬ nah taꞈ naˇ, iˇ cuꞈ aˇ naˆ ni za muiˬ-eu aˇ bawˇ maˬ kaˬ, aˇ bawˇ kʼoeˇ bawˇ loꞈ-ehˇ mˬ dmˇ-ahˇ tuˆ gaˇ keuˆ ni maˬ paˇ goˇ leˇ nya meh. Dawˬ tawˆ luꞈ tsawˇ haˬ zaˬ loꞈ-ehˇ ya shiˇ-awˇ, shiˇ-eu miˇ kʼahˬ-ahˇ iˇ dzeuˇ-euˬ deuˬ nehˬ-ehˇ ya jawˇ-iˇ tehꞈ-a.”

Maꞈtehˬ 12:40

Ngaˬ shaˬ shaˬ ma-euˬ uˬ maˆ laꞈ kʼoeˇ Yawˇnaˆ smˬ nah smˬ miˇ uˇ-euˬ loꞈ-ehˇ, Tsawˇhaˬ-euˬ Zaˬmaˇ kʼawꞈ, miˇ tsaˬ dawˬ dah smˬ nah smˬ miˇ ya uˇ tehꞈ-a.

Luˇkaꞈ 11:10

Aˬ jeˬ miˇ neh ehˇ naˇ, shaˇ-eu tsawˇ haˬ yawˬ gʼaˬ na luꞈ-ahˇ Miˬyehˇ biꞈ nehˬ tehꞈ-a. Poˆ-eu tsawˇ haˬ yawˬ gʼaˬ na luꞈ kʼawꞈ, poˆ mawˇ tehꞈ-a. Laˇ gʼoˆ-ahˇ kʼoˆ-eu tsawˇ haˬ-ahˇ laˇ gʼoˆ pah nehˬ tehꞈ-a.

Luˇkaꞈ 22:44

Aˬ yawꞈ nui ma shaˬ zahˬ mˇ dui dui-eu laꞈ kʼoeˇ, yaw beh naˆ maˬ tseˇ guiˬ lahˬ paˇ shaˇ dui dui-euˬ meh. Shiˬ miˇ tsa dzaˆ ka-eu loꞈ-ehˇ, aˬ yawꞈ kuˬ pyuˇ yoeˇ le-euˬ meh.

Gʼaˬkʼehˇ 2:27

Aˬ jeˬ miˇ neh ehˇ naˇ, shiˇ-eu jeˬ-euˬ miˇ kʼahˬ laꞈ kʼoeˇ, nawˇ ngaˬ-ahˇ maˬ byehˇ dzeh yaꞈ-aˇ. Saˇ jaˇ ziꞈ-eu zaˬ kʼaˆ-ahˇ nawˇ, lmˬ bymˇ-ahˇ maˬ bi buꞈ shoˆ-aˇ.

HeˬByehˇ 5:7

Yeˬsuˇ miˇ tsaˬ kʼoeˇ taˆ dehꞈ ngeh, shiˇ-eu jeˬ laꞈ kʼoeˇ aˬ yawꞈ-ahˇ bi buˬ-iˇ nya-eu Miˬyehˇ-ahˇ, teˇ saˇ yaw kʼaˆ-ehˇ guˇ guˇ-ehˇ myaˆ biˇ doˆ-eu laꞈ kʼoeˇ guiˬ lahˬ shaˇ dui dui-euˬ meh. Aˬ yawꞈ Miˬyehˇ-ahˇ yaw zeu baw-awˇ Miˬyehˇ-euˬ nui noeˬ geuꞈ-euˬ miˇ neh, aˬ yawꞈ-euˬ shaˇ dawˬ-ahˇ Miˬyehˇ naˇ haˬ nehˬ-euˬ meh.

1 Saˬmeuˬlaˆ 1:16

Gaˇ dahˇ maˬ tsoeˬ-eu zaˬ miˬ zaˬ tiˬ gʼaˬ law hawˇ nga lehˇ ngaˬ-ahˇ taˬ noeˬ nehˬ laꞈ. Ngaˬ-euˬ nui ma shaˬ zahˬ naꞈ dui dui-eu miˇ neh, heu loꞈ-ehˇ guiˬ lahˬ shaˇ luꞈ-eu jeˬ pyeuꞈ-eu ma.”

1 Saˬmeuˬlaˆ 30:6

Kʼoeˇ ngeh jawˇ, Daˬbiˇ nui ma cawˆ dui dui-eu meh. Aˬ je ˬmiˇ neh ehˇ naˇ, aˬ yawꞈ maꞈ-euˬ miˬ sawˇ zaˬ deuˬ ya smˬ-iˇ jiˇ-euˬ baˬ da neh, aˬ yawꞈ-euˬ tsawˇ haˬ deuˬ nui ma naˇ dui dui-awˇ, aˬ yawꞈ-ahˇ kʼaˬ lo neh biˬ-eu lehˇ lmˬ luꞈ-eu meh. Ehˇ kʼawꞈ, aˬ yawꞈ-euˬ Miˬyehˇ pyeuꞈ-eu Sahˬpaˬ Miˬyehˇ aˬ yawꞈ-ahˇ gʼaˬ biꞈ-euˬ meh.