Yawˇbaˆ 14:7 - Akha

⁷ “Bi tuˇ dzeh-euˬ aˇ bawˇ noeˬ tmˬ duˬ jaˆ-a siˬ. Baw nmˬ nmˬ doˆ laˇ-awˇ bawˇ ma ma laˇ nya-a siˬ.

Yawˇbaˆ 14:7 Σταυροειδείς Αναφορές

Yawˇbaˆ 14:14

Tsawˇ haˬ zaˬ shiˇ dzeuˇ shaw naˇ paˇ dehꞈ laˇ nya ta loˇ. Ehˇ kʼawꞈ, muiˬ-eu aˇ nah aˇ yamˬ-ahˇ ngaˇ dawˬ keuˆ ma. Shaˬ-eu zahˬ-eu aˇ nah aˇ yamˬ heu deuˬ dzeuˇ-iˇ ngeh keuˆ ni dawˬ ma.

Yawˇbaˆ 14:6

Aˬ yawꞈ-ahˇ maˬ haw cawˬ ni byehˇ dzeh nehˬ-awˇ, aˬ yawꞈ kʼoeˇ taˆ keuˆ le-eu shaˬ zahˬ daˬ coeˇ naˇ bi daˬ haw-awˬ.

Yawˇbaˆ 14:8

Aˬ yawꞈ-euˬ duˬ ciˇ mawˬ laˇ-awˇ, sahˬ nyiꞈ gui-iˇ kʼawꞈ,

Yawˇbaˆ 19:10

Aˬ yawꞈ ngaˬ-ahˇ yawˬ pyawˬ na luꞈ ciˬ tahˬ laˇ-awˇ, Ngaˬ-euˬ noeˬ tmˬ duˬ gʼeu lehˆ dzeh-awˇ, nyoeˬ-iˇ koˆ-iˇ-awˇ bi shiˇ-eu lehˇ byehˇ dzeh nehˬ laꞈ-euˬ meh.

Iˇsaˬyaˇ 11:1

Yeˬshehˇ-euˬ sahˬ nyiꞈ dawˬ pehˬ-ahˇ, baw nmˬ nmˬ doˆ laˇ-awˇ, duˬ ciˇ-ahˇ uˬ laꞈ tsoꞈ doˆ laˇ-eu loꞈ-ehˇ, sahˬ paˬ yaw shuiꞈ doˆ laˇ tehꞈ-a.

Iˇsaˬyaˇ 27:6

Mehˬ hu paw le-eu aˇ yamˬ-ahˇ, Yaˬkoˆ-euˬ zaˬ Iˇsaˬleˬlaˆ tsawˇ haˬ deuˬ, duˬ ciˇ toeˬ ziꞈ leˇ-awˇ, aˇ cuˬ aˇ yehˆ yehˆ-eu laꞈ kʼoeˇ, miˇ tsaˬ kʼoeˇ taˆ aˇ siˬ siˬ byah tehꞈ-a.

Iˇsaˬyaˇ 6:13

Tseˇ pu-ahˇ tiˬ pu dzeˇ yaꞈ-euˬ kʼawꞈ, paˇ bi puiˆ byoˆ jiˇ tehꞈ-a. Ehˇ kʼawꞈ, tsuiꞈ kaˆ aˇ bawˇ bi tuˇ dzeh ngeh, tsuiꞈ kaˆ sahˬ nyiꞈ tsawˬ tuˇ-ehˇ jaˆ yaꞈ-euˬ loꞈ-ehˇ, muiˬ-eu shawˇ-eu tsawˇ haˬ aˇ yoeˬ, miˇ kʼahˬ kʼoeˇ kʼahˬ laꞈ kʼoeˇ sahˬ nyiꞈ loꞈ-ehˇ dzeˇ yaꞈ tehꞈ-a.” (Sahˬ nyiꞈ-euˬ dawˬ tsuiꞈ-aˬ, Miˬyehˇ-euˬ tsawˇ haˬ yaw shuiꞈ dehꞈ tuˇ laˇ gaˇ ehˇ mawꞈ-eu meh.)

Daˬyeˬlaˇ 4:12

Aˇ bawˇ kʼoeˇ bawˇ-euˬ aˇ paꞈ haw muiˬ dui dui-eu uˬ taꞈ, aˇ siˬ siˬ dui dui-awˇ, miˇ tsaˬ zaˬ dawˬ tawˆ luꞈ dzaˬ loꞈ-eu meh. Bawˇ tsahˬ jeˬ zaˬ deuˬ aˇ bawˇ naˇ shmˇ uˬ moˆ gʼaˬ naˬ naˬ-awˇ, aˇ jiˇ deuˬ uˬ pyaˬ uˬ laꞈ doe ni bahˬ bahˬ-eu uˬ taꞈ, kʼaˇ dehꞈ kʼaˇ jawˇ-eu jeˬ dawˬ tawˆ luꞈ, aˇ bawˇ kʼoeˇ-euˬ aˇ siˬ dzaˬ-eu meh.

Daˬyeˬlaˇ 4:15

Ehˇ kʼawꞈ, sahˬ nyiꞈ hawˇ-eu duˬ ciˇ-ahˇ shmˇ caˆ hawˇ-eu guiˬ caˆ lahˇ cuꞈ-awˇ, miˇ tsa bi pahˬ yaꞈ-awˇ, deh ga gʼahˇ ceh yaˇ moꞈ tsahˬ-ahˇ byehˇ dzeh yaꞈ-awˬ. “ ‘Aˬ yawꞈ-ahˇ ceuˬ deh deh deh-ehˇ, jeˬ zaˬ hawˇ-eu baw duˆ deuˬ nehˬ-ehˇ bi jawˇ-awˬ.