Uˬ duˬ 1:7 - Akha

⁷ Piˇ ma deuˬ-aˬ, lawˇ duˬ kʼoeˇ taˆ miˬ dzaˬ gahˬ daˆ-awˇ, miˬ dzaˬ ya baw doꞈ-eu meh.

Uˬ duˬ 1:7 Σταυροειδείς Αναφορές

Aˇ dahˬ 22:9

Miˬyehˇ neh ehˇ taˬ-euˬ jawˇ duˬ kʼoeˇ tsahˇ-ahˇ aˬ nyaꞈ da zaˬ le keuˆ ngeh, Aˬbyaˬhaˬ lawˇ guiˇ tsoˆ-awˇ, miˬ dzaˬ gahˬ daˆ-euˬ meh. Aˬ yawꞈ-euˬ aˬ li-ahˇ aˬ yawꞈ paꞈ cuꞈ-awˇ, lawˇ duˬ kʼoeˇ taˆ gahˬ daˆ taˬ-euˬ miˬ dzaˬ kʼoeˇ taˆ baꞈ daˆ-euˬ meh.

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Neˬhaˬmiˇ 13:31

Lawˇ gaˇ shehˇ gaˇ doꞈ-eu miˬ dzaˬ aˇ yamˬ tsaˬ tsaˬ ni yuˇ laꞈ-eu gʼaˇ duˬ maˬ ehˇ, keuˆ beh beh le-euˬ dzaˬ la gʼo cehˇ hawˇ-eu aˇ siˬ aˇ lu deuˬ sha laˇ-eu gʼaˇ duˬ maˬ ehˇ, ngaˇ gaˇ kawˆ laˆ saˆ nehˬ-euˬ meh. Miˬyehˇ-oˇ, kʼoeˇ deuˬ dawˬ tawˆ luꞈ-ahˇ noeˬ keuˆ-awˇ, ngaˬ-ahˇ taˬ ngehˇ nehˬ laꞈ.

2 Laˬsaˬbaˬ 7:1

Sahˬ paˬ Sawˇlaˬmoˬ guiˬ lahˬ shaˇ gʼaˬ ngeh, mˬ kʼoeˇ taˆ neh miˬ dzaˬ oe ka-awˇ, lawˇ taˬ shehˇ taˬ-euˬ jeˬ-ahˇ puiˆ-euˬ meh. Uˬ duˬ tahˬ nymˇ nymˇ ma laꞈ kʼoeˇ kʼawꞈ, Sahˬpaˬ Miˬyehˇ-euˬ yaw shehꞈ kʼahˬ sehˇ bya byah jiˇ-euˬ meh.

1 Laˬsaˬbaˬ 21:26

Kʼoeˇ gaˇ, Sahˬpaˬ Miˬyehˇ gʼaˇ duˬ lawˇ duˬ tiˬ tsahˇ aˬ yawꞈ gawˬ-awˇ, miˬ dzaˬ dzah puiˆ-awˇ lawˇ-eu jeˬ hawˇ-eu, cawˬ cawˬ taꞈ-eu lawˇ-eu jeˬ aˬ yawꞈ lawˇ-euˬ meh. Aˬ yawꞈ guiˬ lahˬ shaˇ-awˇ, aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-eu laꞈ kʼoeˇ, mˬ kʼoeˇ taˆ neh miˬ dzaˬ pyehˬ gʼeh leꞈ-awˇ, lawˇ duˬ kʼoeˇ taˆ jaˆ-eu lawˇ-eu jeˬ-ahˇ, miˬ dzaˬ bi doꞈ leˇ-euˬ meh.

Uˬ duˬ 9:24

Ja pyuˬ ni, Sahˬpaˬ Miˬyehˇ miˬ dzaˬ pyehˬ gʼeh leꞈ-awˇ, miˬ dzaˬ dzah puiˆ-awˇ lawˇ-eu jeˬ-ahˇ maˬ ehˇ, lawˇ duˬ kʼoeˇ taˆ tsiˇ kʼaˇ lehꞈ-eu tsahˇ-ahˇ maˬ ehˇ, miˬ dzaˬ doꞈ leˇ-euˬ meh. Iˇsaˬleˬlaˆ tsawˇ haˬ deuˬ kʼoeˇ gaˇ ya mawˇ ngeh, aˬ yawꞈ maꞈ dawˬ tawˆ luꞈ guˇ-awˇ, baˬ ba miˇ tsaˬ-ahˇ tuˆ ni awˆ byaˆ jiˇ-euˬ meh.

Uˬ duˬ 6:8

Moˇseˬ-ahˇ Sahˬpaˬ Miˬyehˇ heu loꞈ-ehˇ dawˬ biꞈ-euˬ meh.

1 Sahˬpaˬ 18:33

Kʼoeˇ naˇ, lawˇ duˬ kʼoeˇ taˆ aˬ yawꞈ miˬ dzaˬ baꞈ daˆ-awˇ, mawˇ neˇ mawˇ gaw kʼoeˇ mawˇ deuˆ tm deuˆ tm-ehˇ, miˬ dzaˬ kʼoeˇ taˆ baꞈ daˆ taˬ-euˬ meh. “Ciˬ cuˇ oeˬ siˬ-ahˇ iˇ cuꞈ tiˬ byah ni kʼawꞈ ahˇ-awˇ, lawˇ-eu jeˬ hawˇ-eu miˬ dzaˬ kʼoeˇ taˆ shehˆ shehˬ-awˬ” lehˇ aˬ yawꞈ ehˇ ngeh, aˬ yawꞈ maꞈ kʼoeˇ loꞈ-ehˇ jahˇ-euˬ meh.

1 Laˬsaˬbaˬ 6:34

Eˇlaˬkaˬnaˬ, Yeˬloˇhamˬ, Eˇliˇlaˆ, Toˇhaˬ,