Ngoeˇ dawˬ 1:4 - Akha

⁴ Zahˇ sahˇ kʼoꞈ bawˬ-iˬ gʼeh yamˬ tsaˬ kʼawꞈ, tiˬ gʼaˬ-iˬ maˬ laˇ-eu miˇ neh, Ziˇoˬ gaˇ ma ngoeˇ luꞈ-eu meh. Yawꞈ-euˬ lahˇ kʼehˬ ciˬ cuˇ jaˆ-awˇ, piˇ ma deuˬ noeˬ shaˬ-eu toˇ-awˇ, dawˬ caˇ zaˬ miˬ nui noeˬ shaˬ-awˇ, shaˬ zahˬ naꞈ dui dui luꞈ-eu meh.

Ngoeˇ dawˬ 1:4 Σταυροειδείς Αναφορές

Iˇsaˬyaˇ 3:26

Meuˬ meuˬ lahˇ tsawˇ ngoeˇ ngoeˇ-awˇ, meuˬ-euˬ jawˬ gʼehˇ dzawˇ ngeh, neˇ myawˆ ni miˇ tsa nuiˇ-eu zaˬ miˬ zaˬ-ahˇ duˇ tehꞈ-a.

Yeˬlaˬmiˇ 10:22

Naˇ haˬ sheˇ. Gaˇ kawˆ gaˬ keuˆ le miˇ-a. Laꞈ taˆ paw jaˆ-eu miˇ kʼahˬ tiˬ kʼahˬ-ahˇ, yaw kʼaˆ-ehˇ luiˬ gʼa luꞈ miˇ-a. Aˬ yawꞈ maꞈ-euˬ guiˇ maꞈ deuˬ-aˬ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ, bawˇ tsahˬ aˬ kuiˬ jawˇ zaˇ loꞈ-ehˇ, kʼaˇ shuiꞈ shuiꞈ yaˇ laˆ pyeuꞈ tehꞈ-a.”

Yeˬlaˬmiˇ 14:2

“Yuˇdaˆ miˇ kʼahˬ tsawˇ ngoeˇ ngoeˇ-awˇ, aˬ yawꞈ-euˬ meuˬ deuˬ shiˇ tsehˆ leˇ luꞈ meh. Aˬ yawꞈ-euˬ tsawˇ haˬ deuˬ shaˬ zahˬ maˬ mˇ coeˇ-ehˇ miˇ tsa yuꞈ-awˇ, Yeˬluˇsaˬlehˬ meuˬ kʼawꞈ caw ba nehˬ laꞈ lehˇ shaˇ luꞈ meh.

Yeˬlaˬmiˇ 9:11

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Ngoeˇ dawˬ 1:21

“Ngaˇ mahˇ luꞈ gaˇ naˇ haˬ le sheˇ. Haw cawˬ nehˬ le-eu maˬ jawˇ-a. Nawˬ neh ngaˬ-ahˇ bi shaˬ-euˬ gaˇ, muiˇ-eu deuˬ laˬ kʼaˬ cehˇ luꞈ meh. Nawˬ neh saˇ jaˇ dzaˬ-euˬ aˇ nah, yaw kawˇ ma-ehˇ bi keuˆ le-awˇ, Nymˬ-mˇ ngaˇ ya daˬ-eu loꞈ-ehˇ, muiˇ-eu deuˬ-ahˇ paˇ bi daˬ-awˬ.

Ngoeˇ dawˬ 5:13

Zaˬ guˬ deuˬ lo lehˬ bi ngawˬ-awˇ, aˬ li deuˬ miˬ dzaˬ bi kʼehꞈ-euˬ, maˬ behˇ coeˇ-ehˇ coˬ dzeh luꞈ meh.

Ngoeˇ dawˬ 5:14

Meuˬ-euˬ lahˇ kʼehˬ laˇ gʼoˆ dawˬ peh, tsawˇ mawˬ jawˇ zaˇ maˬ paˇ mawˇ-ehˇ, zaˬ guˬ dawˬ caˇ maˬ ya gaˬ-a.

Hawˇseˬ 2:13

Baˬlaˇ miˬ yehˇ-ahˇ bawˬ-iˬ gʼeh-awˇ, yaw saw jeˬ doꞈ damˬ-euˬ uˬ taꞈ, myawˬ guˇ geuꞈ-awˇ jahˇ gʼeh haw-awˇ, zaˬ kʼaˬ deuˬ nehˬ-ehˇ cah cah-ehˇ, ngaˬ-ahˇ aˬ yawꞈ ngehˇ-euˬ miˇ neh, aˬ yawꞈ-ahˇ ngaˇ kʼehˬ nehˬ ma lehˇ, Sahˬpaˬ Miˬyehˇ ehˇ taˬ-euˬ meh.

Uˬ duˬ 26:22

Jeˬ zaˬ yaw haiˬ deuˬ naw maꞈ jawˇ gaˇ ngaˇ pyehˬ gʼeh leꞈ-awˇ, naw maꞈ-euˬ zaˬ deuˬ-ahˇ kawꞈ sehꞈ-awˇ, naw maꞈ-euˬ jeˬ zaˬ deuˬ-ahˇ laˆ piˬ laˆ byoˆ nehˬ tehꞈ-a. Naw maꞈ tsawˇ haˬ ui cuiˆ tehꞈ-ehˇ dzeˇ-eu miˇ neh, naw maꞈ iˇ-eu gaˇ ma ciˬ cuˇ ni jaˆ tehꞈ-a.

Miˇkaˬ 3:12

Naw maꞈ baˬ da neh Yeˬluˇsaˬlehˬ meuˬ-ahˇ deh yaˇ tsehˬ-eu loꞈ-ehˇ bi tsehˬ-awˇ, kʼaˬ lo tsaˬ byaˆ yaw cawˆ deuˬ baꞈ bymˇ taˬ-euˬ loꞈ-ehˇ jaˆ tehꞈ-a. Uˬ duˬ tahˬ nymˇ nymˇ ma jaˆ-eu gawˬ duˇ kʼoeˇ duˇ kʼawꞈ, yaˇ saˬ kʼehˬ ma loꞈ-ehˇ pyeuꞈ-iˇ tehꞈ-a.