Ngoeˇ dawˬ 1:3 - Akha

³ Aˬ cawˬ kʼehˬ-eu kʼaˆ-eu uˬ moˆ, Yuˇdaˆ tsawˇ haˬ bi nyehꞈ byoˆ-awˇ, aˬ cawˬ miˇ kʼahˬ doe ni jawˇ-awˇ, gʼaˬ naˬ naˬ dah kʼaˇ maˬ za-ehˇ, muiˇ-eu deuˬ neh loꞈ jawˬ taˬ-euˬ, cehˆ dzeuˇ-eu gaˇ ma maˬ dahˇ-a.

Ngoeˇ dawˬ 1:3 Σταυροειδείς Αναφορές

2 Sahˬpaˬ 25:11

Meuˬ laꞈ kʼoeˇ dzeˇ yaꞈ-euˬ tsawˇ haˬ deuˬ hawˇ-eu laꞈ myawˬ laꞈ sawˆ nya-eu deuˬ-ahˇ, Baˬbuˇloˬ sahˬ paˬ jawˇ gaˇ cehˆ jawˇ leˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ miˇ kʼahˬ-ahˇ Neˬbuˬzaˬlaˬdaˬ neh sheuˬ gʼeh-euˬ meh.

2 Sahˬpaˬ 25:21

Haˬmaˆ miˇ kʼahˬ Yiˇbaˬlahˬ meuˬ laꞈ kʼoeˇ, Baˬbuˇloˬ sahˬ paˬ neh aˬ yawꞈ maꞈ-ahˇ sehꞈ-euˬ meh. Yuˇdaˆ tsawˇ haˬ deuˬ-aˬ, aˬ yawꞈ maꞈ-euˬ miˇ kʼahˬ laꞈ kʼoeˇ neh, aˬ cawˬ neh kʼoeˇ loꞈ-ehˇ bi nyehꞈ byoˆ gʼeh jiˇ-euˬ meh.

2 Sahˬpaˬ 25:4

Meuˬ meuˬ lahˇ laˆ pehꞈ-awˇ, Baˬbuˇloˬ tsawˇ haˬ deuˬ loꞈ jawˬ taˬ-euˬ kʼawꞈ, yehˇ dawˬ tawˆ luꞈ uˬ ciꞈ paw cehˆ kʼoeˬ doˆ jiˇ-euˬ meh. Sahˬpaˬ-euˬ yaˇ kmˇ paw aˬ yawꞈ maꞈ iˇ-awˇ, meuˬ meuˬ lahˇ nyiˬ pyawˬ dzoeˇ le-euˬ laꞈ coeˇ-ahˇ jaˆ-eu lahˇ kʼehˬ-ahˇ neh cehˆ doˆ-awˇ, Yawˇdaˬ lawˇ baˬ deh kʼawꞈ paw cehˆ-euˬ meh.

2 Sahˬpaˬ 25:5

Ehˇ kʼawꞈ, Baˬbuˇloˬ guiˇ maꞈ deuˬ sahˬ paˬ Zeˬdaˬkiˇ-euˬ mehˬ nah teh-awˇ, Yeˬliˇkoˇ meuˬ dawˬ peh jaˆ-eu deh ga-ahˇ, aˬ yawꞈ-ahˇ nyehꞈ mi-euˬ meh. Aˬ yawꞈ-euˬ yehˇ dawˬ tawˆ luꞈ aˬ yawꞈ-ahˇ byehˇ dzeh-awˇ cehˆ-euˬ meh.

Yeˬlaˬmiˇ 13:19

Yuˇdaˆ miˇ kʼahˬ laꞈ oˆ dzaˬ-ahˇ jaˆ-eu meuˬ deuˬ, aˬ cawˬ loꞈ jawˬ jiˇ-euˬ miˇ neh, tiˬ gʼaˬ-iˬ maˬ uˇ leˇ nya-a. Yuˇdaˆ miˇ kʼahˬ-ahˇ kʼaˇ jawˇ-eu deuˬ dawˬ tawˆ luꞈ, aˬ cawˬ neh bi nyehꞈ byoˆ jiˇ gʼeh tehꞈ-a.”

Yeˬlaˬmiˇ 16:16

Sahˬpaˬ Miˬyehˇ ehˇ-eu, “Ngaˬ shaˬ nyehꞈ-eu tsawˇ haˬ gʼawˬ mya ni ngaˇ pyehˬ gʼeh leꞈ-awˇ, tsawˇ haˬ heu deuˬ-ahˇ ngaˇ bi nyehꞈ ma. Kʼoeˇ naˇ, shaˬ teh teh-eu tsawˇ haˬ gʼawˬ mya ni paˇ pyehˬ gʼeh leꞈ-awˇ, gawˬ jawˬ gawˬ duˇ lo kʼahˬ lo guˇ doe ni aˬ yawꞈ maꞈ-ahˇ ngaˇ bi teh ma.

Yeˬlaˬmiˇ 24:9

Guˆ dui dui laˇ paˬ-ehˇ gʼeh-eu shaˬ-eu zahˬ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-iˇ tehꞈ-a. Aˬ yawꞈ maꞈ-ahˇ aˬ cawˬ ja bu ja doeˇ-awˇ, kʼaˇ ehˇ mawꞈ-eu jeˬ ehˇ niˇ gʼa-eu uˬ taꞈ, ngaˬ neh aˬ yawꞈ maꞈ-ahˇ kʼaˇ teh byaˆ-euˬ jawˇ duˬ laꞈ kʼoeˇ, aˬ cawˬ yaˬ kʼehˇ yaˬ ngeh, aˬ yawꞈ maꞈ-euˬ tsawˇ myahˇ-ahˇ dawˬ daˬ daˬ-awˇ yaˬ tehꞈ-a.

Yeˬlaˬmiˇ 39:9

Aˇ saˬ saˬ laˇ jawˬ-ehˇ, Baˬbuˇloˬ guiˇ maꞈ deuˬ kʼoeˇ taˆ uˆ lahˇ-eu Neˬbuˬzaˬlaˬdaˬ-aˬ, meuˬ laꞈ kʼoeˇ kʼaˇ dzeˇ-eu tsawˇ haˬ deuˬ hawˇ-eu, aˬ yawꞈ jawˇ paw kʼaˇ cehˆ uˇ leˇ-euˬ tsawˇ haˬ deuˬ-ahˇ Baˬbuˇloˬ miˇ kʼahˬ-ahˇ nyehꞈ daˆ leꞈ-euˬ meh.

Yeˬlaˬmiˇ 52:15

Kʼoeˇ naˇ, meuˬ laꞈ kʼoeˇ kʼaˇ jawˇ luꞈ-eu deuˬ-ahˇ Neˬbuˬzaˬlaˬdaˬ neh Baˬbuˇloˬ miˇ kʼahˬ-ahˇ sheuˬ daˆ gʼeh-euˬ meh. Myawˬ mˇ-eu yaw nya deuˬ hawˇ-eu, Baˬbuˇloˬ tsawˇ haˬ jawˇ paw cehˆ uˇ laˇ-euˬ deuˬ-ahˇ aˬ yawꞈ sheuˬ daˆ gʼeh-euˬ meh.

Yeˬlaˬmiˇ 52:8

Ehˇ kʼawꞈ, Baˬbuˇloˬ guiˇ maꞈ sahˬ paˬ Zeˬdaˬkiˇ-euˬ mehˬ nah teh-awˇ, Yeˬliˇkoˇ meuˬ dawˬ peh jaˆ-eu deh ga-ahˇ nyehꞈ mi-euˬ meh. Kʼoeˇ ngeh, aˬ yawꞈ-euˬ yehˇ dawˬ tawˆ luꞈ, aˬ yawꞈ-ahˇ byehˇ dzeh-awˇ cehˆ-euˬ meh.

Ngoeˇ dawˬ 2:9

Lahˇ kʼehˬ laˇ gʼoˆ miˇ tsa pahˬ-awˇ, gʼoˆ bahˬ dawˬ tawˆ kʼehꞈ jiˇ-euˬ meh. Sahˬ paˬ sahˬ ma deuˬ dawˬ tawˆ luꞈ, aˬ cawˬ neh nyehꞈ byoˆ jiˇ-euˬ meh. Zahˇ dawˬ kʼoꞈ dawˬ maˬ paˇ baw-ehˇ, Miˬyehˇ dawˬ ngehˬ dah-eu deuˬ kʼawꞈ, Sahˬpaˬ Miˬyehˇ maˬ pah mehˬ-ehˇ, Miˬyehˇ-euˬ dawˬ maˬ ngehˬ nya-a.

Ngoeˇ dawˬ 4:15

“Maˬ shawˇ-eu deuˬ heu gaˇ taˬ laˇ. Maˬ tahˬ ciˆ laˇ ni cehˆ-awˬ” lehˇ, aˬ cawˬ neh bi teh dzeh-euˬ meh. Aˬ cawˬ miˇ kʼahˬ doe ni iˇ kʼawꞈ, tiˬ gʼaˬ-iˬ maˬ ha geuꞈ nehˬ-a.

Ngoeˇ dawˬ 5:5

Nga maꞈ-ahˇ kʼaˆ daˬ baꞈ daˆ-awˇ, maˬ naˬ ni teh nehˬ laꞈ-eu meh.

Yeˬsaˬgeˬlaˇ 5:12

Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Dawˬmehˬ 28:48

Kʼoeˇ miˇ neh, Sahˬpaˬ Miˬyehˇ neh nawˇ jawˇ gaˇ pyehˬ gʼeh leꞈ-euˬ muiˇ-eu deuˬ-ahˇ nawˇ gaˇ ya mˇ nehˬ tehꞈ-a. Nawˇ-aˬ, hawˬ hawˇ-eu iˇ cuꞈ ya dzahˬ-awˇ, mehˬ tsoeˬ maˬ ya dm-ehˇ neˇ nyawˆ ni ya jawˇ-eu uˬ taꞈ, maˬ loˬ-eu tiˬ jeˬ-iˬ maˬ baw ni ya dehꞈ tehꞈ-a. Nawˇ ya luˬ ya seˇ-iˇ ngeh keuˆ ni, Sahˬpaˬ Miˬyehˇ nawˬ-ahˇ yaw kʼaˆ kʼaˆ-ehˇ kʼehˬ nehˬ laꞈ tehꞈ-a.