Ngoeˇ dawˬ 1:21 - Akha

²¹ “Ngaˇ mahˇ luꞈ gaˇ naˇ haˬ le sheˇ. Haw cawˬ nehˬ le-eu maˬ jawˇ-a. Nawˬ neh ngaˬ-ahˇ bi shaˬ-euˬ gaˇ, muiˇ-eu deuˬ laˬ kʼaˬ cehˇ luꞈ meh. Nawˬ neh saˇ jaˇ dzaˬ-euˬ aˇ nah, yaw kawˇ ma-ehˇ bi keuˆ le-awˇ, Nymˬ-mˇ ngaˇ ya daˬ-eu loꞈ-ehˇ, muiˇ-eu deuˬ-ahˇ paˇ bi daˬ-awˬ.

Ngoeˇ dawˬ 1:21 Σταυροειδείς Αναφορές

Jaceuq 35:15

Ehˇkʼawꞈngaˇsahˬtiꞈtiꞈngeh nah, yawꞈmaꞈlaˬkʼaˬcehˇ-eu laꞈkʼoeˇ, ngaˬ-euˬtiˬjawˬga bymˇle-awˇ, ngaˬ-ahˇaˬjaꞈjaꞈhaw-eu meh. Maˬsiˬmaˬsuˇ-eu deuˬ oe-awˇ, maˬnaˬleˇni tehˆlaˇ-eu meh.

Jaceuq 37:13

Ehˇkʼawꞈhaiˬ-eu tsawˇhaˬdeuˬ-ahˇ, SahˬpaˬMiˬyehˇuiˇhaw-eu meh. Aˬyawꞈmaꞈcawˆ-iˇ-eu aˇ nah, keuˆle-eu aˬyawꞈsiˬnya meh.

Jaceuq 38:16

Ngaˇsahˬtiꞈtiꞈ-awˇcoˬ-iˇngeh, kʼahˬsehˇjehˆhaw le-eu kʼoeˇdeuˬ, ngaˇshaˬluꞈgaˇtaˬbi uiˇlaꞈ.

Iˇsaˬyaˇ 14:5

Yaw haiˬ-euˬ daˇ cuiˇ dzoeˬ dzaˬ gawˬ yoeˬ, Sahˬpaˬ Miˬyehˇ neh bi ngawˬ kʼehꞈ-euˬ meh.

Iˇsaˬyaˇ 14:6

Miˇ kʼahˬ zaˬ-ahˇ maˬ naˬ leˇ ni diˬ-awˇ, miˇ kʼahˬ tsawˇ jeuˬ-ahˇ maˬ tsehˆ leˇ ni zuiˆ-euˬ, gʼawˬ shaˬ gaˬ-eu maˬ siˬ nya-eu dzoeˬ dzaˬ gawˬ yoeˬ kʼoeˇ meh.

Yeˬlaˬmiˇ 30:16

Ehˇ kʼawꞈ, naw maꞈ-ahˇ kawꞈ dzaˬ-euˬ tsawˇ haˬ kʼoeˇ deuˬ, aˬ cawˬ neh kawꞈ dzaˬ gaˇ paˇ ya daˬ-awˇ, naw maꞈ-ahˇ muiˇ-eu tsawˇ haˬ dawˬ tawˆ luꞈ, aˬ cawˬ miˇ kʼahˬ-ahˇ bi nyehꞈ gʼeh tehꞈ-a. Naw maꞈ-ahˇ kʼaˇ kʼaˆ dzaˬ-euˬ tsawˇ haˬ, aˬ cawˬ neh kʼaˆ dzaˬ gaˇ ya daˬ-awˇ, naw maꞈ-euˬ mˇ myawˬ-ahˇ ceh geuꞈ-euˬ deuˬ, aˬ cawˬ neh mˇ myawˬ bi ceh geuꞈ tehꞈ-a.

Yeˬlaˬmiˇ 48:27

Mawˇbaˆ-oˇ, Iˇsaˬleˬlaˆ tsawˇ haˬ deuˬ-ahˇ nawˬ neh aˬ jaꞈ jaꞈ niˇ gʼa-euˬ ngehˇ-euˬ te loˇ. Tahˇ joe aˇ muˇ nehˬ-ehˇ tiˬ kawˆ loꞈ-ehˇ bi nyehꞈ mi-euˬ tsawˇ haˬ loꞈ-ehˇ, aˬ yawꞈ maꞈ-ahˇ nawˇ noeˬ doeˇ dui dui-euˬ meh.

Yeˬlaˬmiˇ 50:11

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ tsawˇ haˬ deuˬ-oˇ, ngaˬ-euˬ tsawˇ jeuˬ-euˬ myawˬ gahˬ naw maꞈ ceh geuꞈ-euˬ meh. Cehˇ nawˬ-eu mawˇ neˇ mawˇ ma hawˇ-eu, hiˇ hiˇ-ehˇ cah-eu mahˬ mahˬ paˬ-ahˇ nawˇ duˇ-eu meh.

Yeˬlaˬmiˇ 50:15

Meuˬ-euˬ tiˬ jawˬ guˇ guˇ-ehˇ guiˇ deuˆ-awˬ. Nymˬ-mˇ poˆ jawˇ Baˬbuˇloˬ meuˬ guiˇ deuˆ sm-awˇ aˬ cawˬ laꞈ oꞈ awꞈ-euˬ meh. Meuˬ lahˇ bi deuˆ pehꞈ-awˇ byaˆ-iˇ-euˬ meh. Baˬbuˇloˬ tsawˇ haˬ deuˬ-ahˇ ngaˇ laꞈ poˆ poˆ nehˬ luꞈ-eu ma. Kʼoeˇ miˇ neh, naw maꞈ Baˬbuˇloˬ tsawˇ haˬ deuˬ-ahˇ laꞈ poˆ poˆ kʼoꞈ nehˬ-awˇ, aˬ yawꞈ maꞈ aˬ cawˬ-ahˇ jahˇ nehˬ taˬ-euˬ loꞈ-ehˇ, aˬ yawꞈ maꞈ-ahˇ paˇ jahˇ kʼoꞈ nehˬ-awˬ.

Yeˬlaˬmiˇ 50:29

“Kaˆ baꞈ-awˇ guiˇ deuˆ-eu deuˬ-ahˇ Baˬbuˇloˬ meuˬ-ahˇ deuˆ-awˬ lehˇ ehˇ nehˬ-awˬ. Kaˆ kʼaˇ beuˆ nya-eu deuˬ bi iˇ-awˬ. Tiˬ gʼaˬ-iˬ maˬ bi dzeuˇ-iˇ ni meuˬ-ahˇ loꞈ jawˬ-awˬ. Aˬ yawꞈ neh aˬ cawˬ-ahˇ kʼaˇ jahˇ nehˬ-euˬ jeˬ, aˬ yawꞈ-ahˇ paˇ jahˇ kʼoꞈ nehˬ-awˬ. Aˬ jeˬ miˇ neh ehˇ naˇ, aˬ yawꞈ nui ma huiˬ-eu laꞈ kʼoeˇ, Iˇsaˬleˬlaˆ-euˬ Muiˬ dui shawˇ dui dui-eu Gʼaˬ pyeuꞈ-eu ngaˬ-ahˇ jahˇ gʼeh haw-euˬ meh.

Yeˬlaˬmiˇ 50:31

“Baˬbuˇloˬ miˇ kʼahˬ-oˇ, nawˇ-aˬ, nui ma huiˬ dui mahˇ dui dui-eu meh. Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu ngaˇ, Baoˬ huiˬ-eu Sahˬpaˬ Miˬyehˇ-aˬ, nawˬ-ahˇ muiˇ-eu ma. Ngaˇ nawˬ-ahˇ kʼehˬ nehˬ kʼaˆ nehˬ-eu aˇ nah keuˆ le-euˬ meh.

Yeˬlaˬmiˇ 51:24

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ kʼoeˇ taˆ yaw haiˬ jeˬ mˇ taˬ-euˬ aˇ poeˬ, Baˬbuˇloˬ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ gaˇ naw maꞈ ya mawˇ tehꞈ-a.

Yeˬlaˬmiˇ 51:49

Baˬbuˇloˬ baˬ da neh, miˇ tsaˬ doe ni jawˇ-eu tsawˇ haˬ deuˬ shiˇ-euˬ meh. Nymˬ-mˇ poˆ jawˇ-aˬ, Iˇsaˬleˬlaˆ tsawˇ haˬ deuˬ ya shiˇ myaˬ-euˬ baˬ da neh, Baˬbuˇloˬ miˇ kʼahˬ ya cawˆ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.

Ngoeˇ dawˬ 1:16

“Kʼoeˇ miˇ neh ngaˇ tsawˇ ngoeˇ ngoeˇ-awˇ, myaˆ biˇ yoeˇ kʼaˇ doˆ le miˇ-a. Haw cawˬ le-eu gʼaˬ maˬ jawˇ-ehˇ, gʼaˬ biꞈ nehˬ laꞈ-eu maˬ jawˇ-a. Muiˇ-eu deuˬ ngaˬ-ahˇ deuˆ gʼaˬ-awˇ, zaˬ deuˬ myawˬ gahˬ smˬ jiˇ-euˬ meh.”

Ngoeˇ dawˬ 1:2

Uˬ ciꞈ miˇ lah-ehˇ ngoeˇ bya-awˇ, baˬ ba myaˆ biˇ lawˇ gawˆ yoeˇ kʼawꞈ, aˬ yawꞈ-ahˇ gaˬ-euˬ tsawˇ haˬ deuˬ, haw cawˬ le-eu gʼaˬ maˬ jawˇ-a. Cawˬ deuˬ yawꞈ-ahˇ saˇ jaˇ puiˬ-awˇ, muiˇ-eu tsawˇ haˬ pyeuꞈ jiˇ-euˬ meh.

Ngoeˇ dawˬ 1:22

“Aˬ yawꞈ maꞈ-euˬ yaw lehˬ dawˬ tawˆ, nawˬ-euˬ mehˬ shi bi keuˆ le-awˇ, ngaˬ neh mˇ-euˬ iˬ baˇ baˬ da, nawˬ neh ngaˬ-ahˇ kʼehˬ-euˬ loꞈ-ehˇ, aˬ yawꞈ maꞈ-ahˇ kʼawꞈ kʼehˬ nehˬ-awˬ. Shaˬ zahˬ naꞈ-awˇ mahˇ luꞈ-eu heu, nui ma shiˇ tsehˆ shaw-iˬ miˇ-a.”

Ngoeˇ dawˬ 1:4

Zahˇ sahˇ kʼoꞈ bawˬ-iˬ gʼeh yamˬ tsaˬ kʼawꞈ, tiˬ gʼaˬ-iˬ maˬ laˇ-eu miˇ neh, Ziˇoˬ gaˇ ma ngoeˇ luꞈ-eu meh. Yawꞈ-euˬ lahˇ kʼehˬ ciˬ cuˇ jaˆ-awˇ, piˇ ma deuˬ noeˬ shaˬ-eu toˇ-awˇ, dawˬ caˇ zaˬ miˬ nui noeˬ shaˬ-awˇ, shaˬ zahˬ naꞈ dui dui luꞈ-eu meh.

Ngoeˇ dawˬ 1:8

Yeˬluˇsaˬlehˬ iˬ baˇ mˇ-eu, aˇ dzehˬ dzeuˇ-awˇ jawꞈ dui dui meh. Yawꞈ-ahˇ taˬ huiˬ taˬ mahˇ-euˬ deuˬ, yawꞈ-ahˇ neˇ myawˆ ni haw mawˇ-awˇ, yawꞈ-ahˇ haw bye dui dui-euˬ meh. Yawˬ haˇ yawˬ ha paˇ noeˬ shaˬ-awˇ, myaˆ pyawˬ dehˬ kaˬ-awˇ toˇ-eu meh.

Ngoeˇ dawˬ 2:15

Iˇ tsehˆ laˇ tsehˆ-eu tsawˇ haˬ deuˬ, nawˬ-ahˇ mawˇ ngeh laꞈ kʼawˆ tehˆ meh. Yeˬluˇsaˬlehˬ meuˬ-ahˇ haw-awˇ, uˬ duˬ juiꞈ juiꞈ-ehˇ uiˇ-eu meh. “Aˇ gʼehˇ muiˬ dui byah dui dui-eu, miˇ kʼahˬ dawˬ tawˆ laˬ kʼaˬ cehˇ duˬ, meuˬ muiˬ ehˇ-eu heu meuˬ meh loˇ.

Ngoeˇ dawˬ 2:16

Nawˬ-ahˇ kʼaˇ muiˇ-eu deuˬ dawˬ tawˆ, nawˬ-ahˇ bye-awˇ naˬ gʼa luꞈ meh. Aˬ yawꞈ maꞈ seuˬ tsehꞈ tehˬ taˬ-awˇ, nawˬ-ahˇ lmˬ lmˬ-ehˇ ehˇ luꞈ-eu, “Aˬ yawꞈ-ahˇ laˆ cawˆ gʼaˬ-euˬ ma. Aˇ nah heu nah bi yehꞈ laˇ ni, nga maꞈ dawˬ luꞈ-eu dza laˇ-euˬ, nymˬ-mˇ myaˆ ya mawˇ duˬ miˇ-a.”

Yeˬsaˬgeˬlaˇ 26:2

“Tsawˇ haˬ zaˬ-oˇ, Duˇlu meuˬ-ahˇ jawˇ-eu tsawˇ haˬ deuˬ laˬ kʼaˬ cehˇ-awˇ, heu loꞈ-ehˇ guˇ luꞈ meh. ‘Yeˬluˇsaˬlehˬ meuˬ pyaˆ-iˇ gʼaˬ meh. Aˬ yawꞈ jeˬ gaꞈ jeˬ ka maˬ paˇ gʼeh nya ehˇ, aˬ dui tehꞈ-ehˇ nui kʼahˇ tiˬ shiˇ ya gaꞈ ya ka-eu ngaˇ’ lehˇ guˇ luꞈ meh.

Yawˇlaˆ 3:14

Yaˇ kʼaˬ daˇ-eu Deh kʼawꞈ laꞈ kʼoeˇ tsawˇ haˬ baˬ maꞈ, tsawˇ haˬ baꞈ muˇ, uiˬ leˇ bymˇ leˇ-awˇ jawˇ luꞈ meh. Yaˇ kʼaˬ daˇ-eu Deh kʼawꞈ laꞈ kʼoeˇ, Sahˬpaˬ Miˬyehˇ-euˬ Aˇ nah kʼoeˇ, gʼawˬ myahˇ maˬ gʼeh-ehˇ keuˆ le meh.

Panmaeq 18:6

Yawꞈ neh yaw doeˇ kʼaˇ mˇ-euˬ jeˬ, yawꞈ-ahˇ paˇ mˇ poˆ kʼoꞈ nehˬ-awˬ. Yawꞈ neh mˇ taˬ-euˬ naˆ maˬ tseˇ, nyiˬ bymˇ dzehˬ ni mˇ kʼoꞈ nehˬ-awˬ. Yawꞈ neh bi dawˇ laꞈ-euˬ kʼmˬ maˬ, nyiˬ bymˇ taˆ-eu ciˬ kʼoꞈ nehˬ-awˬ.