Ngoeˇ dawˬ 1:19 - Akha

¹⁹ “Nui ma gm-euˬ deuˬ-ahˇ kuˇ kʼawꞈ, ngaˬ-ahˇ byehˇ dzeh nehˬ laꞈ-euˬ meh. Piˇ ma deuˬ hawˇ-eu aˬ yuiꞈ deuˬ, yawˬ ha maˬ shiˇ tiˬ pyaˬ jeuˬ-awˇ, dzaˬ-eu dawˇ-eu jeˬ poˆ poˆ-ehˇ, meuˬ-euˬ laꞈ kʼoeˇ shiˇ jiˇ-euˬ meh.

Ngoeˇ dawˬ 1:19 Σταυροειδείς Αναφορές

Yeˬlaˬmiˇ 2:28

Naw maꞈ neh yawˬ ha gʼaˇ duˬ tehˆ taˬ-euˬ miˬ yehˇ kʼoeˇ deuˬ aˬ lehˬ. Naw maꞈ kʼoeˇ taˆ shaˬ-eu zahˬ-eu jeˬ keuˆ le ngeh, aˬ yawꞈ maꞈ ka kʼoꞈ nya naˇ bi ka kʼoꞈ le-awˬ. Yuˇdaˆ miˇ kʼahˬ-oˇ, nawˇ meuˬ jaˆ myaˬ-eu loꞈ-ehˇ, miˬ yehˇ kʼawꞈ myaˬ dui dui-eu meh.

Yeˬlaˬmiˇ 30:14

Yaw beh naw maꞈ-ahˇ gaˬ-euˬ tsawˇ haˬ deuˬ, naw maꞈ-ahˇ ngehˇ tsehˆ jiˇ-awˇ, naw maꞈ gaˇ kawˆ maˬ shaˇ noeˬ-a. Naw maꞈ iˬ baˇ myaˬ dui dui-awˇ, lehˬ-eu ca-eu aˇ dzehˬ dzeuˇ-eu miˇ neh, naw maꞈ-ahˇ ngaˇ muiˇ-eu laꞈ kʼoeˇ, yaw kʼaˆ-ehˇ kʼehˬ-euˬ ma.

Yeˬlaˬmiˇ 4:30

Yeˬluˇsaˬlehˬ meuˬ-oˇ, nawˬ-euˬ kʼoeˇ taˆ dawˇ keuˆ le luꞈ-eu meh. Aˬ jeˬ miˇ neh aˇ poeˬ kʼaˆ-eu myawˬ guˇ geuꞈ-awˇ, myaˆ nuiˆ-ahˇ naˬ ba lehꞈ muiˬ te. Aˇ gʼehˇ laˆ muiˬ-eu yawˬ ngehꞈ meh. Zaˬ kʼaˆ deuˬ nawˬ-ahˇ byehˇ dzeh-awˇ, nawˬ-ahˇ sehꞈ-eu lehˇ gʼeh-eu meh.

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Ngoeˇ dawˬ 1:11

Yawꞈ-euˬ tsawˇ haˬ deuˬ mahˇ mahˇ-ehˇ, kʼaˬ meh-ahˇ dzaˬ-eu poˆ luꞈ meh. Aˬ yawꞈ maꞈ maˬ ya shiˇ tsehˆ ni, pyuˇ shuiˇ neh hawˬ paˇ dzaˬ-eu meh. “Ngaˬ-euˬ shaˬ zahˬ naꞈ dui dui gaˇ, Sahˬpaˬ Miˬyehˇ haw nehˬ laꞈ sheˇ.

Ngoeˇ dawˬ 1:2

Uˬ ciꞈ miˇ lah-ehˇ ngoeˇ bya-awˇ, baˬ ba myaˆ biˇ lawˇ gawˆ yoeˇ kʼawꞈ, aˬ yawꞈ-ahˇ gaˬ-euˬ tsawˇ haˬ deuˬ, haw cawˬ le-eu gʼaˬ maˬ jawˇ-a. Cawˬ deuˬ yawꞈ-ahˇ saˇ jaˇ puiˬ-awˇ, muiˇ-eu tsawˇ haˬ pyeuꞈ jiˇ-euˬ meh.

Ngoeˇ dawˬ 2:20

Sahˬpaˬ Miˬyehˇ-oˇ haw leꞈ sheˇ. Nawˬ neh kʼehˬ-euˬ tsawˇ haˬ deuˬ-ahˇ, haw gʼeh leꞈ-awˇ shaˇ noeˬ haw sheˇ. Yawˬ ha gaˬ-eu zaˬ-euˬ shaˬ jiˇ, aˬ ma deuˬ dzaˬ kʼmˬ tehꞈ-a loˇ. Piˇ ma hawˇ-eu bawˇ lawˇ peh deuˬ, Sahˬpaˬ Miˬyehˇ-euˬ nymˇ laꞈ kʼoeˇ, bi sehꞈ ahˇ taˬ-euˬ tsaˬ meh loˇ.

Ngoeˇ dawˬ 4:17

Myaˆ nuiˆ haw doˆ-eu keuˆ laˇ kʼawꞈ, caw ba le-eu gʼaˬ maˬ jawˇ-a. Kawˬ lahˇ loꞈ kʼehꞈ-eu keuˆ laˇ kʼawꞈ, ngehˬ gʼeh le-eu gʼaˬ maˬ jawˇ-a.

Ngoeˇ dawˬ 5:12

Sahˬ paˬ sahˬ ma-ahˇ paꞈ gʼeu-awˇ, tsawˇ mawˬ tsawˇ kʼaˆ-ahˇ maˬ zeu-a.