Miˇkaˬ 7:8 - Akha

⁸ Muiˇ-eu deuˬ aˬ dui-ahˇ aˬ jaꞈ maˬ paˇ jaꞈ nya meh. Aˬ dui coˬ-iˇ gʼaˬ-euˬ kʼawꞈ tiˬ poˆ paˇ tuˇ laˇ tehꞈ-a. Nymˬ-mˇ aˬ dui yaw zahˇ laꞈ kʼoeˇ ya jawˇ kʼawꞈ, Sahˬpaˬ Miˬyehˇ aˬ dui-ahˇ yaw shehꞈ biꞈ laꞈ tehꞈ-a.

Miˇkaˬ 7:8 Σταυροειδείς Αναφορές

Yawˇbaˆ 31:29

Ngaˬ-ahˇ muiˇ-eu deuˬ shaˬ zahˬ naꞈ gaˇ ngaˇ laˬ kʼaˬ maˬ cehˇ-ehˇ, luˬ-iˇ seˇ-iˇ-eu jeˬ-ahˇ aˬ yawꞈ maꞈ tahˬ puˬ ngeh ngaˇ nui kʼahˇ maˬ shiˇ-aˬ.

Jaceuq 112:4

Gʼawˬ shaˬ gaˬ nya-awˇ yaw tsaˬ yaw dawˇ jeˬ-ahˇ gaˬ-eu muiˬ-eu jaˬ-eu tsawˇ haˬ deuˬ kʼoeˇ taˆ, yaw zahˇ laꞈ kʼoeˇ yaw shehꞈ bya-eu meh.

Jaceuq 143:3

Ngaˬ-ahˇ muiˇ-eu gʼaˬ ngaˬ-ahˇ teh-awˇ, dawꞈ lah nehˬ laꞈ-euˬ meh. Zahˇ tsui ni gʼeh-eu paˬ kuˆ laꞈ kʼoeˇ paꞈ ahˇ nehˬ laꞈ-awˇ, aˇ hu ba neh shiˇ taˬ-euˬ tsawˇ haˬ-ahˇ duˇ miˇ-a.

Jaceuq 20:8

Yawꞈmaˬya coˬdzeh jiˇkʼawꞈni, aˬdui ziꞈdah ni yawꞈ-eu ma.

Jaceuq 27:1

SahˬpaˬMiˬyehˇngaˬ-euˬyaw shehꞈ, ngaˬ-ahˇka kʼoꞈ-eu yaw sahˇmeh. Aˬsuˇgʼaˬ-ahˇngaˇpaˇguˆnmˇ. SahˬpaˬMiˬyehˇngaˬ-euˬgʼaˇduˬ, ziꞈdui dui-eu taˆpyeuꞈ-eu meh. Aˬgeu jeˬ-ahˇngaˇpaˇguˆnmˇ.

Jaceuq 35:19

Ngaˬ-ahˇmuiˇ-eu mehˇshuiˇkʼoeˇdeuˬ ngaˇshaˬgaˇlaˬkʼaˬtaˬbi cehˇ. Diˇdaˬ-ehˇngaˬ-ahˇbye-eu deuˬ, myaˆtehˆtehˆ-awˇtaˬbi uiˇlaꞈ.

Jaceuq 37:21

Haiˬ-eu deuˬshaˇngaˬshaˇpaˇngeh, biꞈkʼoꞈtsoeˬkʼoꞈ-eu maˬbaw-a. Ehˇkʼawꞈmuiˬ-eu tsawˇhaˬdeuˬ-aˬ, nui ma keuˆ-awˇ biꞈnehˬ-eu meh.

Jaceuq 37:24

Aˬyawꞈya coˬ-iˇ-eu baw kʼawꞈ, moꞈjaˆ-ehˇmaˬya ga-iˇni, SahˬpaˬMiˬyehˇtsahˇtuˇtehꞈ-a.

Jaceuq 38:16

Ngaˇsahˬtiꞈtiꞈ-awˇcoˬ-iˇngeh, kʼahˬsehˇjehˆhaw le-eu kʼoeˇdeuˬ, ngaˇshaˬluꞈgaˇtaˬbi uiˇlaꞈ.

Jaceuq 84:11

Sahˬpaˬ Miˬyehˇ-aˬ, nga maꞈ-ahˇ haw piˇ-eu yaw shehꞈ kʼahˬ sehˇ muiˬ-eu sahˬ paˬ meh. Nga maꞈ-ahˇ gʼawˬ shaˬ gaˬ-awˇ ciˬ huiˬ ciˬ mahˇ nehˬ laꞈ-eu meh. Yaw tsaˬ yaw dawˇ jeˬ mˇ-eu tsawˇ haˬ deuˬ kʼoeˇ taˆ, muiˬ-eu guiˬ lahˬ tiˬ hmˬ-iˬ maˬ bi dzeuˇ-iˇ ni bi keuˆ le-eu meh.

Jaceuq 97:11

Yaw tsaˬ yaw dawˇ tsawˇ haˬ kʼoeˇ taˆ yaw shehꞈ bya-awˇ, muiˬ-eu jaˬ-eu tsawˇ haˬ deuˬ laˬ kʼaˬ ya cehˇ-eu meh.

Iˇsaˬyaˇ 2:5

Yaˬkoˆ-euˬ zaˬ deuˬ uˆ deuˬ-oˇ, Sahˬpaˬ Miˬyehˇ-euˬ yaw shehꞈ laꞈ kʼoeˇ, aˬ dui cah gʼeh kaˇ-euˇ.

Iˇsaˬyaˇ 49:9

Paꞈ kuˆ laꞈ kʼoeˇ uˇ-eu tsawˇ haˬ deuˬ-ahˇ, ‘Doˆ-iˇ-awˬ’ lehˇ ngaˇ ehˇ nehˬ-awˇ, yaw zahˇ laꞈ kʼoeˇ jawˇ-eu tsawˇ haˬ deuˬ-ahˇ, yaw shehꞈ bya gaˇ doˆ le-awˬ lehˇ ngaˇ ehˇ nehˬ ma. Gaˇ ma gaˇ dzeˇ gaˆ dzaˬ-eu yawˇ hawˇ-eu, gawˬ duˇ-ahˇ gaˆ dzaˬ-eu yawˇ-ahˇ duˇ tehꞈ-a.

Iˇsaˬyaˇ 50:10

Naw maꞈ laꞈ kʼoeˇ Sahˬpaˬ Miˬyehˇ-ahˇ guˆ-eu siˬ nya-awˇ, aˬ yawꞈ-euˬ zaˬ kʼaˆ ehˇ dawˬ naˇ haˬ-eu deuˬ dawˬ tawˆ luꞈ, naw maꞈ cah-eu gaˇ ma zahˇ dui dui meh. Ehˇ kʼawꞈ Sahˬpaˬ Miˬyehˇ-ahˇ naw maꞈ jah-awˇ, Miˬyehˇ-ahˇ gʼoe-eu jeˬ-ahˇ taˬ ngehˇ.

Iˇsaˬyaˇ 9:2

Yaw zahˇ laꞈ kʼoeˇ cah-euˬ tsawˇ haˬ deuˬ, huiˬ-eu yaw shehꞈ-ahˇ ya mawˇ-euˬ meh. Zahˇ tsui ni gʼeh-eu shiˇ-eu lawˇ kʼmˬ lawˇ gawˆ-ahˇ jawˇ-euˬ deuˬ kʼoeˇ taˆ, nymˬ-mˇ yaw shehꞈ bya luꞈ-eu meh.

Yeˬlaˬmiˇ 48:27

Mawˇbaˆ-oˇ, Iˇsaˬleˬlaˆ tsawˇ haˬ deuˬ-ahˇ nawˬ neh aˬ jaꞈ jaꞈ niˇ gʼa-euˬ ngehˇ-euˬ te loˇ. Tahˇ joe aˇ muˇ nehˬ-ehˇ tiˬ kawˆ loꞈ-ehˇ bi nyehꞈ mi-euˬ tsawˇ haˬ loꞈ-ehˇ, aˬ yawꞈ maꞈ-ahˇ nawˇ noeˬ doeˇ dui dui-euˬ meh.

Yeˬlaˬmiˇ 50:11

Sahˬpaˬ Miˬyehˇ heu loꞈ-ehˇ ehˇ-eu meh. “Baˬbuˇloˬ tsawˇ haˬ deuˬ-oˇ, ngaˬ-euˬ tsawˇ jeuˬ-euˬ myawˬ gahˬ naw maꞈ ceh geuꞈ-euˬ meh. Cehˇ nawˬ-eu mawˇ neˇ mawˇ ma hawˇ-eu, hiˇ hiˇ-ehˇ cah-eu mahˬ mahˬ paˬ-ahˇ nawˇ duˇ-eu meh.

Yeˬlaˬmiˇ 8:4

Sahˬpaˬ Miˬyehˇ ngaˬ-ahˇ kʼehˇ-awˇ, aˬ yawꞈ maꞈ-euˬ tsawˇ haˬ-ahˇ heu loꞈ-ehˇ bi ehˇ nehˬ laꞈ-euˬ meh. “Tsawˇ haˬ zaˬ coˬ-iˇ ngeh, maˬ tuˇ laˇ kʼmˬ ta loˇ. Tsawˇ haˬ tiˬ gʼaˬ mehˬ shiˬ ciˬ pyawˇ-awˇ doˆ-iˇ ngeh, maˬ paˇ gʼoꞈ kʼoꞈ laˇ kʼmˬ ta loˇ.

Yeˬsaˬgeˬlaˇ 25:6

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. Naw maꞈ laˬ kʼaˬ cehˇ-eu miˇ neh, laꞈ kʼawˆ tehˆ tehˆ-ehˇ tsawˬ-euˬ meh. Iˇsaˬleˬlaˆ miˇ kʼahˬ-ahˇ naw maꞈ yehˬ bawˬ-ehˇ naꞈ gʼa nehˬ-euˬ meh.

Yeˬsaˬgeˬlaˇ 35:15

Ngaˬ-euˬ Iˇsaˬleˬlaˆ miˇ kʼahˬ luˬ-iˇ seˇ-iˇ-euˬ gaˇ nawˇ laˬ kʼaˬ cehˇ-euˬ loꞈ-ehˇ, nawˬ-ahˇ ngaˇ jahˇ poˆ nehˬ ma. Siˇyaˆ gawˬ jawˬ deuˬ hawˇ-euˬ, Eˬdoˬ miˇ kʼahˬ kʼahˬ lah ni ciˬ cuˇ ni gʼeh-eu bawˇ tsahˬ bawˇ dahˇ pyeuꞈ-iˇ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ, tsawˇ haˬ yawˬ gʼaˬ na luꞈ ya siˬ duˬ tehꞈ-a.”

Yeˬsaˬgeˬlaˇ 36:5

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ nui ma pehˇ dui dui-eu laꞈ kʼoeˇ, dawˬ peh jawˇ-eu tsawˇ jeuˬ deuˬ-ahˇ heu loꞈ-ehˇ ehˇ-eu ma. Eˬdoˬ miˇ kʼahˬ-ahˇ ngaˇ kʼaˆ kʼaˆ ni ehˇ mawꞈ-eu ma. Aˬ yawꞈ maꞈ myaˆ naˆ-eu laꞈ kʼoeˇ, ngaˬ-euˬ miˇ kʼahˬ deuˆ geuꞈ-awˇ, jeˬ zaˬ gaˆ kʼahˬ yuˇ geuꞈ-euˬ meh.

Aˬmoˆ 9:11

Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma.

Aaˇbaˬdiˇ 1:12

Nawˬ-euˬ aˬ yuiꞈ aˬ nyiˇ pyeuꞈ-eu, Yuˇdaˆ miˇ kʼahˬ shaˬ zahˬ mˇ gaˇ, nawˇ nui kʼahˇ shiˇ-eu maˬ tsaˬ-a. Aˬ yawꞈ maꞈ luˬ-iˇ seˇ-iˇ ngeh, nawˇ laˬ kʼaˬ cehˇ-eu maˬ tsaˬ-a. Aˬ yawꞈ maꞈ noeˬ dui noeˬ duiˇ ngeh, nawˇ uiˇ haw nehˬ-eu maˬ tsaˬ-a.

Miˇkaˬ 4:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, zaˬ baw-eu shaˬ luꞈ-eu zaˬ miˬ zaˬ tiˬ gʼaˬ loꞈ-ehˇ teuˆ teuˆ-ehˇ ngoeˇ-awˬ. Aˬ jeˬ miˇ neh ehˇ naˇ, nymˬ-mˇ neh naw maꞈ meuˬ laꞈ nyiˇ ya doˆ-iˇ-awˇ, deh ga buˇ deˬ-ahˇ ya jawˇ-iˇ tehꞈ-a. Baˬbuˇloˬ miˇ kʼahˬ-ahˇ naw maꞈ ya jawˇ-iˇ tehꞈ-a. Ehˇ kʼawꞈ, muiˇ-eu deuˬ-euˬ laꞈ-ahˇ neh, kʼoeˇ gaˇ Sahˬpaˬ Miˬyehˇ naw maꞈ-ahˇ ka kʼoꞈ tehꞈ-a.

Miˇkaˬ 7:10

Aˬ dui-ahˇ Sahˬpaˬ Miˬyehˇ ka kʼoꞈ nehˬ laꞈ gaˇ ya mawˇ ngeh, “Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ kʼoeˇ gʼaˬ aˬ lehˬ” lehˇ ehˇ ehˇ-ehˇ naˬ gʼa-eu aˬ dui-ahˇ muiˇ-eu tsawˇ haˬ kʼoeˇ deuˬ, ya shaꞈ dawˇ tehꞈ-a. Aˬ yawꞈ maꞈ-ahˇ aˬ cawˬ neh guiˇ bi deuˆ gʼaˬ-awˇ, gaˇ ma-ahˇ jaˆ-eu shaˬ jehˆ loꞈ-ehˇ bi nawˬ pyehˆ gaˇ aˬ dui ya mawˇ tehꞈ-a.

Zaˬkaˬliˇ 12:8

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ haw piˇ-awˇ, gʼaˬ baˬ dui dui-eu tsawˇ haˬ tiˬ gʼaˬ-ahˇ keuˆ ni, Daˬbiˇ naˆ ni gʼaˬ ahˇ tehꞈ-a. Daˬbiˇ-euˬ zaˬ deuˬ uˆ deuˬ, Sahˬpaˬ Miˬyehˇ-euˬ gʼaˬ kʼehˇ loꞈ-ehˇ maˬ ehˇ, Miˬyehˇ-euˬ mawˇ do loꞈ-ehˇ maˬ ehˇ, aˬ yawꞈ maꞈ-ahˇ sheuˬ gʼeh tehꞈ-a.

Maˬlaˬkiˇ 4:2

Ehˇ kʼawꞈ, ngaˬ-euˬ ehˇ dawˬ naˇ haˬ-eu deuˬ pyeuꞈ-eu naw maꞈ kʼoeˇ taˆ, ngaˬ-euˬ ka kʼoꞈ-eu jeˬ nahˇ ma loꞈ-ehˇ doˆ laˇ-awˇ, naˇ gawˇ laˆ taˬ-eu jeˬ nahˇ ma yaw shehꞈ loꞈ-ehˇ keuˆ le tehꞈ-a. Kuˆ-ahˇ neh pyehˬ doˆ nehˬ-euˬ mawˇ neˇ mawˇ zaˬ loꞈ-ehˇ, naw maꞈ laˬ kʼaˬ ya cehˇ dui dui tehꞈ-a.

Maꞈtehˬ 4:16

Yaw zahˇ laꞈ kʼoeˇ jawˇ luꞈ-eu deuˬ, yaw shehꞈ ya mawˇ-euˬ meh. Shiˇ-eu miˇ kʼahˬ yaw zahˇ laꞈ kʼoeˇ, kʼaˇ jawˇ-eu tsawˇ haˬ deuˬ kʼoeˇ taˆ, yaw shehꞈ bya keuˆ le gʼaˬ-euˬ meh.”

Yoˇhaˬ 16:20

Ngaˇ naw maꞈ-ahˇ dawˇ coe ni ehˇ-eu ma. Naw maꞈ myaˆ biˇ doˆ le-eu uˬ taꞈ, tsawˇ ngoeˇ kʼawꞈ ya ngoeˇ tehꞈ-a. Ehˇ kʼawꞈ, miˇ kʼahˬ zaˬ deuˬ laˬ kʼaˬ cehˇ tehꞈ-a. Naw maꞈ nui ma shaˬ zahˬ ya mˇ tehꞈ-a. Ehˇ kʼawꞈ, naw maꞈ neh noeˬ shaˬ-euˬ jeˬ kʼoeˇ, laˬ kʼaˬ cehˇ-eu jeˬ paˇ pyeuꞈ laˇ tehꞈ-a.

Yoˇhaˬ 8:12

Kʼoeˇ naˇ, Paˬliˬsehˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ-aˬ, miˇ tsaˬ-euˬ yaw shehꞈ ma. Ngaˬ-euˬ mehˬ nah kʼaˇ caw teh-eu tsawˇ haˬ-aˬ, dehꞈ-eu saꞈ laˇ yaw shehꞈ za-awˇ, yaw zahˇ laꞈ kʼoeˇ maˬ paˇ cah-aˇ.”

Gʼaˬkʼehˇ 26:18

Aˬ yawꞈ maꞈ jah-eu laꞈ kʼoeˇ iˬ baˇ pyehˬ nehˬ-euˬ jeˬ-ahˇ za-awˇ, Miˬyehˇ neh tseˇ doˆ-euˬ tsawˇ haˬ deuˬ nehˬ-ehˇ jawˇ duˬ za nya ni aˬ yawꞈ maꞈ-euˬ myaˆ nuiˆ nawˇ pah nehˬ-awˇ, yaw zahˇ laꞈ kʼoeˇ neh yaw shehꞈ-ahˇ ya sheuˬ kʼoꞈ laꞈ nehˬ-awˇ, Saˬdaˬ-euˬ baoˬ uˬ moˆ jawˇ luꞈ-eu deuˬ-ahˇ Miˬyehˇ jawˇ paw ya sheuˬ kʼoꞈ laꞈ nehˬ meh’ lehˇ ehˇ-eu meh.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

2 Gawˇliˬtu 4:9

Kʼehˬ-eu kʼaˆ-eu jeˬ-ahˇ ya daˬ-euˬ ma. Ehˇ kʼawꞈ, cawˬ tiˬ gʼaˬ-iˬ maˬ baw ni bi byehˇ dzeh gaˇ maˬ keuˆ-aˬ siˬ. Diˬ lah nehˬ laꞈ gaˇ ya daˬ-euˬ ma. Ehˇ kʼawꞈ, shiˇ tsehˆ gaˇ maˬ keuˆ-aˬ siˬ.

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.

Panmaeq 22:5

Kʼoeˇ gaˇ uˬ ciꞈ ciꞈ le-eu maˬ paˇ baw-ehˇ, tsiˇ kʼmˬ hawˇ-eu nahˇ ma yaw shehꞈ maˬ paˇ loˬ meh. Aˬ jeˬ miˇ neh ehˇ naˇ, Sahˬpaˬ Miˬyehˇ-aˬ, aˬ yawꞈ maꞈ-euˬ yaw shehꞈ pyeuꞈ-awˇ, aˬ yawꞈ maꞈ sahˬ paˬ geuꞈ-awˇ mˬ maˬ maˬ byaˆ zaˇ ziˇ ya uˆ lahˇ tehꞈ-a.