Miˇkaˬ 7:7 - Akha

⁷ Ehˇ kʼawꞈ, Sahˬpaˬ Miˬyehˇ-ahˇ ngaˇ loꞈ luꞈ ma. Ngaˬ-ahˇ ka kʼoꞈ-eu gʼaˬ pyeuꞈ-eu Miˬyehˇ-ahˇ ngaˇ ziꞈ dah ni dawˬ luꞈ ma. Ngaˬ-euˬ Miˬyehˇ ngaˬ-ahˇ ngehˬ gʼeh laꞈ tehꞈ-a.

Miˇkaˬ 7:7 Σταυροειδείς Αναφορές

Aˇ dahˬ 49:18

Sahˬpaˬ Miˬyehˇ-oˇ, nawˇ ka kʼoꞈ nehˬ laꞈ gaˇ ngaˇ loꞈ luꞈ-eu ma.

Jaceuq 109:4

Ngaˇ aˬ yawꞈ maꞈ-ahˇ gaˬ-awˇ guiˬ lahˬ shaˇ nehˬ luꞈ kʼawꞈ, aˬ yawꞈ maꞈ ngaˬ-ahˇ muiˇ-eu meh.

Jaceuq 130:5

Sahˬpaˬ Miˬyehˇ ngehˬ gʼeh nehˬ laꞈ gaˇ ngaˇ noeˬ tsoˆ taˬ-awˇ, aˬ yawꞈ-euˬ dawˬ-ahˇ ngaˇ gʼoe-eu ma.

Jaceuq 25:5

Yaw tsaˬyaw dawˇmehˬnah iˇni, ngaˬ-ahˇmehˬnehˬtsoˆnehˬlaꞈ-awˬ. Ngaˬ-ahˇka kʼoꞈnehˬ-eu yaw sahˇ, ngaˬ-euˬMiˬyehˇpyeuꞈ-eu nawˬ-ahˇ, aˬmyah luꞈngaˇgʼoe luꞈ-eu ma.

Jaceuq 37:7

Nawˇnui ma gʼawˬmahˇni taˬ-awˇ, SahˬpaˬMiˬyehˇ-ahˇdawˬtawˬ-awˬ. Aˬcawˬdehꞈdzaˬgaˇtaˬnoeˬshaˬ. Yaw haiˬjeˬmˇgaˇmyaˆtaˬnaˆ.

Jaceuq 38:15

EhˇkʼawꞈSahˬpaˬMiˬyehˇ-oˇ, ngaˬ-euˬMiˬyehˇpyeuꞈ-eu nawˇ-aˬ, ngaˬ-ahˇngehˬcawˬkʼoꞈle meh lehˇ, ngaˇnoeˬtmˬ-awˇdawˬluꞈ-eu ma.

Jaceuq 50:15

Shaˬ-eu zahˬ-eu jeˬ keuˆ le ngeh ngaˬ-ahˇ kuˇ-awˬ. Ngaˇ naw maꞈ-ahˇ ka kʼoꞈ nehˬ-awˇ, naw maꞈ ngaˬ-ahˇ ja ceuˬ tehꞈ-a.”

Jaceuq 65:2

Aˬ jeˬ miˇ neh ehˇ naˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-eu meh. Miˇ tsaˬ zaˬ dawˬ tawˆ luꞈ nawˇ jawˇ gaˇ ya laˇ tehꞈ-a.

Jaceuq 85:5

Nawˇ nga maꞈ-ahˇ aˬ myah luꞈ nui ma pehˇ-eu gʼeh te loˇ. Nawˬ-euˬ nui pehˇ maˬ paˇ shuꞈ-iˇ nya meh loˇ.

Iˇsaˬyaˇ 12:2

Miˬyehˇ-aˬ, ngaˬ-ahˇ ka kʼoꞈ-eu gʼaˬ meh. Aˬ yawꞈ-ahˇ ngaˇ gʼoe-eu laꞈ kʼoeˇ, guˆ-eu nui ma maˬ ahˇ ni dehꞈ ma. Sahˬpaˬ Miˬyehˇ ngaˬ-ahˇ baoˬ hawˇ-eu gʼaˬ biꞈ laꞈ-euˬ meh. Aˬ yawꞈ-aˬ, ngaˬ-ahˇ ka kʼoꞈ-eu gʼaˬ meh.

Iˇsaˬyaˇ 17:7

Aˇ nah aˇ yamˬ kʼoeˇ keuˆ le ngeh, Beh-euˬ yaw sahˇ Iˇsaˬleˬlaˆ-euˬ muiˬ-eu shawˇ-eu Miˬyehˇ-ahˇ,

Iˇsaˬyaˇ 25:9

Kʼoeˇ loꞈ-ehˇ pyeuꞈ laˇ ngeh, tsawˇ haˬ yawˬ gʼaˬ na luꞈ heu loꞈ-ehˇ ehˇ tehꞈ-a. “Aˬ yawꞈ-aˬ, aˬ dui-euˬ Miˬyehˇ ma. Aˬ yawꞈ-ahˇ aˬ dui gʼoe-euˬ loꞈ-ehˇ, aˬ dui-ahˇ aˬ yawꞈ ka kʼoꞈ nehˬ laꞈ-euˬ meh. Aˬ yawꞈ-aˬ, aˬ dui-euˬ Sahˬpaˬ Miˬyehˇ meh. Aˬ yawꞈ-ahˇ aˬ dui gʼoe-euˬ loꞈ-ehˇ, nymˬ-mˇ aˬ dui laˬ kʼaˬ cehˇ nui saˇ za-eu ma. Aˬ jeˬ miˇ neh ehˇ naˇ, aˬ dui-ahˇ aˬ yawꞈ neh ka kʼoꞈ nehˬ laꞈ-euˬ meh.”

Iˇsaˬyaˇ 45:22

“Miˇ tsaˬ tsawˇ haˬ dawˬ tawˆ luꞈ-oˇ, Nymˬ-mˇ ngaˇ jawˇ gaˇ gʼoꞈ laˇ-awˬ. Naw maꞈ-ahˇ ngaˇ ka kʼoꞈ nehˬ ma. Miˬyehˇ ngaˇ tiˬ gʼaˬ jawˇ-eu tehꞈ ma.

Iˇsaˬyaˇ 8:17

Sahˬpaˬ Miˬyehˇ-aˬ, aˬ yawꞈ-euˬ tsawˇ haˬ deuˬ maˬ bi mawˇ-eu gʼaˇ duˬ, jawˇ zaꞈ luꞈ-eu meh. Ehˇ kʼawꞈ, aˬ yawꞈ-ahˇ ngaˇ gʼoe-awˇ, noeˬ tmˬ-eu laꞈ kʼoeˇ loꞈ luꞈ-eu ma.

Ngoeˇ dawˬ 3:24

Ngaˬ neh za taˬ-euˬ pyuˇ pahˬ-aˬ, Sahˬpaˬ Miˬyehˇ pyeuꞈ-eu miˇ neh, aˬ yawꞈ-ahˇ ngaˇ noeˬ tmˬ luꞈ ma.

Daˬyeˬlaˇ 3:17

Doꞈ luꞈ-eu miˬ dzaˬ tsawˬ bu hawˇ-eu nawˬ-euˬ baoˬ laꞈ kʼoeˇ, nga maꞈ uˬ duˬ tahˬ-eu Miˬyehˇ ngaˬ ha smˇ gʼaˬ-ahˇ ka kʼoꞈ nehˬ laꞈ nya naˇ ka kʼoꞈ nehˬ laꞈ luꞈ-uˇ.

Hawˇseˬ 12:6

Yaˬkoˆ-euˬ zaˬ deuˬ uˆ deuˬ-oˇ, kʼoeˇ baˬ da neh nymˬ-mˇ naw maꞈ, naw maꞈ-euˬ Miˬyehˇ-ahˇ jah-awˇ, aˬ yawꞈ jawˇ paw gʼoꞈ laˇ jiˇ-awˬ. Gʼoeˇ-eu gaˬ-eu jeˬ-ahˇ hawˇ-eu, yaw tsaˬ yaw dawˇ jeˬ-ahˇ naw maꞈ, ziꞈ dah ni tsuˆ tehꞈ-eu laꞈ kʼoeˇ, naw maꞈ-euˬ Miˬyehˇ luˆ le gaˇ, nui ma oˇ oꞈ-awˇ dawˬ tawˬ-awˬ.

Yawˇlaˆ 1:19

Jeˬ zaˬ gaˆ kʼahˬ, aˇ bawˇ sahˬ kʼaˆ, miˬ dzaˬ neh bi puiˆ-euˬ loꞈ-ehˇ, nyoeˬ jiˇ kʼoˆ jiˇ-euˬ baˬ da neh, Sahˬpaˬ Miˬyehˇ-oˇ nawˬ-ahˇ ngaˇ, gaˇ kawˆ heu guˇ gaˬ luꞈ-eu ma.

Haˬbaˬkuˆ 2:1

Ngaˬ neh ehˇ-euˬ dawˬ kʼoeˇ deuˬ-ahˇ, Sahˬpaˬ Miˬyehˇ ehˇ kʼoꞈ leꞈ gaˇ, nymˇ goˇ uˬ du ngaˇ loꞈ leˇ-awˇ, dawˬ tmˇ mˇ-eu shaˇ sawˇ leˇ ma.

Haˬbaˬkuˆ 2:3

Ngaˇ pah mehˬ-eu jeˬ keuˆ le-eu, aˇ yamˬ maˬ tsaˬ laˇ-euˬ miˇ neh, boꞈ doˆ-awˇ tiˬ kʼehˬ dawˬ tawˬ siˬ. Ngaˇ pah mehˬ-eu jeˬ keuˆ le-eu, aˇ yamˬ dawˬ peh peh laˇ-euˬ meh. Yaw kawˇ maˬ keuˆ le gaˇ duˇ kʼawꞈ, tiˬ kʼehˬ dawˬ-awˇ haw tsoˆ taˬ yawˬ. Gʼawˬ myahˇ ni maˬ paˇ nyi naˬ ni, keuˆ le luꞈ-eu yaw duˬ baw meh.

Bawˇtsahˬ 5:28

Ehˇ kʼawꞈ, aˬ yawꞈ iˬ baˇ maˬ ahˇ naˇ, aˬ yawꞈ kʼoeˇ taˆ tiˬ jeˬ-iˬ maˬ keuˆ le ni, zaˬ ciˬ zaˬ cu baw tehꞈ-a.