Miˇkaˬ 7:5 - Akha

⁵ Yawˬ ha-euˬ cawˬ deuˬ-ahˇ taˬ jah. Yawˬ ha-ahˇ gʼoeˇ dui dui-eu deuˬ-ahˇ gʼaˬ taˬ huiˬ. Yawˬ ha-euˬ miˬ zaˬ-ahˇ dawˬ ngehˬ cawˬ ngeh kʼawꞈ, yaw kʼaˆ kʼaˆ-ehˇ yahˇ-awˇ ngehˬ cawˬ-awˬ.

Miˇkaˬ 7:5 Σταυροειδείς Αναφορές

Jaceuq 141:3

Sahˬpaˬ Miˬyehˇ-oˇ, ngaˬ-euˬ kʼaˬ meh-ahˇ haw piˇ nehˬ laꞈ-awˇ, ngaˬ-euˬ mehˬ luˬ-ahˇ haw piˇ nehˬ laꞈ.

Jaceuq 38:14

Naˬbawˇmaˬgaˬnya-eu miˇneh, dawˬpoˆmaˬpoˆnya gaˇduˇma.

Jaceuq 41:9

Ngaˬnehˬ-ehˇdzaˬtaꞈdawˇtaꞈ-euˬ, gʼoeˇdui dui-eu cawˬ-ahˇkeuˆni, ngaˬ-ahˇjahˇgʼeh haw luꞈ-eu meh.

Yeˬlaˬmiˇ 9:3

Aˬ yawꞈ maꞈ aˬ myah luꞈ jaˬ myawꞈ myawꞈ-awˇ, yaw sui yaw dawˇ jeˬ uˆ lahˇ-eu dah zaˇ, maˬ sui maˬ dawˇ-eu jeˬ miˇ kʼahˬ heu-ahˇ uˆ lahˇ luꞈ meh. Sahˬpaˬ Miˬyehˇ ehˇ-eu, “Ngaˬ-euˬ tsawˇ haˬ heu deuˬ yaw haiˬ kʼoeˇ taˆ yaw haiˬ jeˬ mˇ daˆ-awˇ, ngaˬ-ahˇ aˬ yawꞈ maꞈ-euˬ Miˬyehˇ lehˇ maˬ sawˇ-a.”

Yeˬlaˬmiˇ 9:4

Mehˇ nmˇ kʼaˇ ngeuˇ-eu deuˬ Yaˬkoˆ loꞈ-ehˇ tsawˇ gahˇ gahˇ-awˇ, cawˬ kʼaˇ ngeuˇ-eu jaˬ myawꞈ mehˇ shuiˇ myaˬ-eu miˇ neh, yawˬ ha-euˬ cawˬ-ahˇ ya yahˇ-awˇ, mehˇ nmˇ yaw kaˬ maˬ jah coeˇ-a.

Ngoeˇ dawˬ 1:2

Uˬ ciꞈ miˇ lah-ehˇ ngoeˇ bya-awˇ, baˬ ba myaˆ biˇ lawˇ gawˆ yoeˇ kʼawꞈ, aˬ yawꞈ-ahˇ gaˬ-euˬ tsawˇ haˬ deuˬ, haw cawˬ le-eu gʼaˬ maˬ jawˇ-a. Cawˬ deuˬ yawꞈ-ahˇ saˇ jaˇ puiˬ-awˇ, muiˇ-eu tsawˇ haˬ pyeuꞈ jiˇ-euˬ meh.

Maꞈtehˬ 10:16

“Naˇ haˬ sheˇ. Kʼaˬ yehˇ yehˇ maꞈ jawˇ gaˇ yawˇ-ahˇ pyehˬ uˇ gʼeh-eu loꞈ-ehˇ, naw maꞈ-ahˇ ngaˇ pyehˬ gʼeh-eu ma. Aˇ lawˇ loꞈ-ehˇ yaw gahˇ gahˇ-ehˇ dehꞈ-awˇ, kʼaˬ kʼoeˬ loꞈ-ehˇ aˬ cawˬ-ahˇ maˬ coeˬ maˬ ciˆ ni yahˇ yahˇ-ehˇ jawˇ-awˬ.

Yaˇ kʼaˬ daˇ 14:17

Aˬ yawꞈ miˬ zaˬ-aˬ, bawˬ-iˬ gʼeh luꞈ-eu kʼoeˇ shiꞈ nah laꞈ kʼoeˇ, maˬ tsehˆ leˇ ni ngoeˇ ngoeˇ-ehˇ jawˇ-euˬ meh. Maˬ gaˬ nahˇ-ehˇ pyeuꞈ laˇ ngeh keuˆ ni, naˇ haˬ nawˆ nawˆ-eu miˇ neh, shiꞈ nah tiˬ nah keuˆ laˇ ngeh, dawˬ kʼoeˇ dawˬ-euˬ dawˬ tsuiꞈ, aˬ yawꞈ-euˬ miˬ zaˬ-ahˇ Saˬsoˬ ehˇ mehˬ nehˬ-euˬ meh. Kʼoeˇ naˇ, aˬ yawꞈ-euˬ miˬ zaˬ gʼaˬ Piˇliˇtiˆ tsawˇ haˬ deuˬ-ahˇ, dawˬ kʼoeˇ dawˬ-euˬ dawˬ tsuiꞈ dzawˇ nehˬ-iˇ-euˬ meh.