Miˇkaˬ 7:2 - Akha

² Miˇ kʼahˬ kʼahˬ lah-ehˇ yaw sui yaw dawˇ tiˬ gʼaˬ-iˬ maˬ jawˇ-ehˇ, Miˬyehˇ -ahˇ saˇ jaˇ ziꞈ-eu tiˬ gʼaˬ-iˬ maˬ jawˇ-a. Tsawˇ haˬ yawˬ gʼaˬ na luꞈ aˬ cawˬ-ahˇ sehꞈ-eu lehˇ nawˬ jawˬ luꞈ meh. Yawˬ gʼaˬ na luꞈ yawˬ ha-euˬ miˇ kʼahˬ laꞈ kʼoeˇ tiˬ kawˆ loꞈ-ehˇ jawˇ-eu tsawˇ haˬ-ahˇ lahˇ ju kʼmˇ-eu meh.

Miˇkaˬ 7:2 Σταυροειδείς Αναφορές

Jaceuq 10:9

Byoe-ahˇdzuˇzaꞈ-awˇloꞈluꞈ-eu, aˇlaˬjaˬshiˇtiˬmawˇloꞈ-ehˇ, iˇshaˬzaˬdeuˬ-ahˇ loꞈluꞈ-awˇ, tsawˬkawꞈ-awˇ baꞈahˇdzaˬ-eu meh.

Jaceuq 12:1

Sahˬpaˬ Miˬyehˇ caw ba le-awˬ. Tsawˇmuiˬtiˬ gʼaˬ-iˬ maˬjawˇ-ehˇ, tsawˇjaˬ maˬpaˇpoˆmawˇnya meh.

Jaceuq 12:2

tiˬgʼaˬtiˇgʼaˬ jaˬmyawꞈmyawꞈ-awˇ, nui ma nyiˬjeˬnoeˬ-eu laꞈkʼoeˇ, mehˇshuiˇshuiˇdzaˬ-eu toˆ-eu meh.

Jaceuq 57:6

Muiˇ-eu deuˬ ngaˬ-ahˇ baw gʼaꞈ kʼmˇ-eu miˇ neh, ngaˇ noeˬ zahˬ dui dui-eu ma. Ngaˬ-euˬ gaˇ ma-ahˇ aˬ yawꞈ maꞈ shaˬ duˬ duˬ-eu meh. Ehˇ kʼawꞈ, aˬ yawꞈ maꞈ yawˬ haˇ yawˬ ha ga ahˇ-eu meh.

Dawqdaq 1:11

“Oe-awˬ, tsawˇ haˬ sehꞈ kaˇ-euˇ. Iˬ baˇ maˬ ahˇ-eu deuˬ-ahˇ sehꞈ niˇ gʼa kaˇ-euˇ.

Dawqdaq 12:6

Haiˬ-eu tsawˇ haˬ-euˬ dawˬ aˬ cawˬ-ahˇ shiˬ laˆ doˆ-awˇ, yaw tsaˬ yaw dawˇ deuˬ-euˬ kʼaˬ meh aˬ cawˬ-ahˇ ka kʼoꞈ-eu meh.

Iˇsaˬyaˇ 3:5

Miˇ kʼahˬ zaˬ tiˬ gʼaˬ tiˇ gʼaˬ kʼehˬ tehꞈ-a. Yawˬ ha-euˬ cawˬ-ahˇ yawˬ ha nawˬ dzaˬ-awˇ, yawˬ ha nehˬ-ehˇ jawˇ-eu deuˬ-ahˇ yawˬ ha kʼaˆ dzaˬ tehꞈ-a. Zaˬ guˬ deuˬ tsawˇ mawˬ tsawˇ kʼaˆ-ahˇ yaw zeu maˬ baw-ehˇ, zaˬ coeˬ zaˬ, yaw huiˬ yaw mahˇ-ahˇ yehˬ bawˬ-ehˇ gʼeh tehꞈ-a.

Iˇsaˬyaˇ 57:1

Tsawˇ muiˬ deuˬ shiˇ-euˬ gaˇ, noeˬ keuˆ-eu tsawˇ haˬ maˬ jawˇ-a. Ehˇ kʼawꞈ, aˬ yawꞈ maꞈ shiˇ ngeh jawˇ, guˆ-eu gaˆ-eu jeˬ maˬ laˆ tsoeˬ nya-a.

Iˇsaˬyaˇ 59:7

Aˬ myah luꞈ yaw haiˬ jeˬ-ahˇ naw maꞈ shaˇ noeˬ-awˇ, yaw doeˇ maˬ mˇ-ehˇ yawˬ jawˇ maˬ saˇ-a. Tsawˇ muiˬ-ahˇ sehꞈ-eu maˬ nyi naˬ coeˇ-ehˇ, naw maꞈ kʼaˇ iˇ gaˇ yaw cawˆ jeˬ doˆ laˇ-eu meh.

Iˇsaˬyaˇ 9:19

Baoˬ huiˬ-eu Sahˬpaˬ Miˬyehˇ-euˬ nui pehˇ baˬ da neh, miˇ kʼahˬ kʼahˬ lah-ehˇ miˬ dzaˬ doꞈ laˇ tehꞈ-a. tsawˇ haˬ zaˬ miˬ dzaˬ miˬ doꞈ loꞈ-ehˇ bi puiˆ dzaˬ-awˇ, mehˇ nmˇ yaw kaˬ gʼawˬ shaˬ maˬ gaˬ nya-aˇ.

Yeˬlaˬmiˇ 16:16

Sahˬpaˬ Miˬyehˇ ehˇ-eu, “Ngaˬ shaˬ nyehꞈ-eu tsawˇ haˬ gʼawˬ mya ni ngaˇ pyehˬ gʼeh leꞈ-awˇ, tsawˇ haˬ heu deuˬ-ahˇ ngaˇ bi nyehꞈ ma. Kʼoeˇ naˇ, shaˬ teh teh-eu tsawˇ haˬ gʼawˬ mya ni paˇ pyehˬ gʼeh leꞈ-awˇ, gawˬ jawˬ gawˬ duˇ lo kʼahˬ lo guˇ doe ni aˬ yawꞈ maꞈ-ahˇ ngaˇ bi teh ma.

Yeˬlaˬmiˇ 5:16

Kaˆ beuˆ-eu aˬ yawꞈ maꞈ-euˬ yehˇ deuˬ kʼaˬ dui dui-awˇ, kʼaˇ mawˇ le-eu deuˬ-ahˇ gʼawˬ shaˬ maˬ gaˬ ni sehꞈ-eu meh.

Yeˬlaˬmiˇ 5:26

Ngaˬ-euˬ tsawˇ haˬ laꞈ kʼoeˇ haiˬ-eu deuˬ kʼawꞈ keuˬ-awˇ, aˇ jiˇ lahˇ ju kʼmˇ-awˇ loꞈ-eu loꞈ-ehˇ, tsawˇ haˬ-ahˇ nyehꞈ-eu gʼaˇ duˬ loꞈ-eu meh.

Yeˬlaˬmiˇ 8:6

Ngaˇ yaw muiˬ-ehˇ naˇ haˬ duˬ ngeh, naw maꞈ ngehˬ-eu tmˇ-eu laꞈ kʼoeˇ, yaw tsaˬ yaw dawˇ jeˬ maˬ ahˇ nya. Yawˬ ha mˇ-euˬ yaw haiˬ jeˬ-ahˇ, nui ma laꞈ kʼoeˇ maˬ noeˬ shaˬ-ehˇ, yawˬ ha mˇ-euˬ lehˬ nga loˇ lehˇ, naˇ haˬ-eu tsawˇ haˬ maˬ jawˇ-a. Guiˇ deuˆ gaˇ coeˬ gʼeh-eu dziˬ mahˬ loꞈ-ehˇ, yawˬ gʼaˬ na luꞈ yawˬ ha nui kʼahˇ-ahˇ poˆ-eu meh.

Ngoeˇ dawˬ 4:18

Muiˇ-eu deuˬ neh bi haw tsoˆ-awˇ, kmˇ cehˇ laꞈ nyiˇ maˬ iˇ peuˬ nya. Nga maꞈ-euˬ aˇ nah jiˇ le-awˇ, aˇ saˬ saˬ-eu keuˆ le miˇ-a.

Yeˬsaˬgeˬlaˇ 22:12

Nawˬ-euˬ tsawˇ haˬ tiˬ paˆ na deuˬ pyuˇ za laˇ ni tsawˇ haˬ sehꞈ-eu meh. Tiˬ paˆ na deuˬ yawˬ ha tsawˇ jeuˬ Iˇsaˬleˬlaˆ tsawˇ haˬ-ahˇ pyuˇ paˇ nehˬ-awˇ, jiˇ jeuˬ gʼawˬ mya ni yuˇ dzaˬ-eu laꞈ kʼoeˇ, aˬ cawˬ-euˬ uˬ duˬ-ahˇ teuꞈ-awˇ smˇ muiˬ laˆ muiˬ-euˬ meh. Aˬ yawꞈ maꞈ ngaˬ-ahˇ ngehˇ jiˇ-euˬ meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 24:6

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ-ahˇ sehꞈ-euˬ meuˬ kʼoeˇ taˆ noeˬ shaˬ noeˬ zahˬ-eu jeˬ keuˆ le luꞈ-uˇ. Meuˬ kʼoeˇ-aˬ, tiˬ jawˇ-iˬ maˬ joˆ shawˇ-ehˇ shmˇ kaw kaw leˇ taˬ-euˬ oeˬ lahˬ-ahˇ duˇ-eu meh. Shaˬ jiˇ tiˬ jehꞈ saˇ-iˬ tiˬ jehꞈ tsi doˆ jiˇ-awˇ, tiˬ jehꞈ iˬ maˬ dzeˇ-a.

Hawˇseˬ 5:1

Piˇ ma deuˬ-oˇ, naˬ bawˇ gaˬ-awˬ. Iˇsaˬleˬlaˆ tsawˇ haˬ deuˬ-oˇ, naˬ bawˇ ciˬ kʼmˇ-awˇ naˇ haˬ-awˬ. Sahˬpaˬ-euˬ nymˇ kʼahˬ zaˬ deuˬ-oˇ, yaw muiˬ paˬ-ehˇ naˇ haˬ taˬ-awˬ. Naw maꞈ-ahˇ yaˇ kʼaˬ daˇ-eu dawˬ, keuˆ le luꞈ gaˇ naˇ haˬ taˬ-awˬ. Naw maꞈ dehꞈ leꞈ jawˇ leꞈ-euˬ-aˬ, Miˇ zaˬ paˬ-ahˇ jeˬ beuˆ tahˇ-awˇ, Taˬbawˬ meuˬ-ahˇ baw gʼaꞈ kʼmˇ-awˇ,

Hawˇseˬ 6:9

Tahˇ joe baˬ maꞈ loꞈ-eu loꞈ-ehˇ, piˇ ma baˬ maꞈ gm-awˇ loꞈ meh. Muiˬ-eu shawˇ-eu Sheˬkmˬ meuˬ-ahˇ, le-eu gaˇ pehˇ tsawˇ haˬ sehꞈ-awˇ, maˇ maˇ ni yaw haiˬ mˇ-eu meh.

Miˇkaˬ 2:8

Sahˬpaˬ Miˬyehˇ ehˇ-eu, “Muiˇ-eu tsawˇ haˬ deuˬ-ahˇ jahˇ nehˬ-eu loꞈ-ehˇ ngaˬ-euˬ tsawˇ haˬ deuˬ-ahˇ naw maꞈ jahˇ nehˬ-eu meh. Guiˇ deuˆ-iˇ-awˇ gʼoꞈ laˇ-euˬ tsawˇ haˬ deuˬ, iˇ kahˇ gʼoꞈ keuˆ laˇ-euˬ miˇ neh kʼahˬ lahˇ kʼaˇ maˬ paˇ za ma lehˇ noeˬ-eu meh. Ehˇ kʼawꞈ, dziˇ dzoˆ dzoˆ nehˬ-euˬ aˇ poeˬ, aˬ yawꞈ maꞈ dm luꞈ-eu pehˇ kʼahˬ lehˆ-awˇ bi biꞈ daˇ taˬ-eu lehˇ naw maꞈ loꞈ luꞈ meh.

Miˇkaˬ 3:10

Tsawˇ haˬ sehꞈ-eu jeˬ hawˇ-eu maˬ tsaˬ maˬ dawˇ-eu jeˬ-ahˇ dawˬ pehˬ taˬ-awˇ, Miˬyehˇ-euˬ meuˬ pyeuꞈ-eu Yeˬluˇsaˬlehˬ meuˬ-ahˇ naw maꞈ tsoˆ luꞈ meh.

Miˇkaˬ 3:2

Ehˇ kʼawꞈ, yaw muiˬ yaw jaˬ jeˬ-ahˇ naw maꞈ bye-awˇ, maˬ muiˬ maˬ jaˬ-eu jeˬ-ahˇ naw maꞈ gaˬ-eu meh. Ngaˬ-euˬ tsawˇ haˬ deuˬ-ahˇ naw maꞈ yaw dehꞈ-ehˇ baˆ kʼoˆ gʼeu yawˆ nehˬ-awˇ, aˬ yawꞈ maꞈ-euˬ shaˬ yoeˬ-ahˇ shaˬ jiˇ kaˇ doˆ-euˬ meh.

Zaˬkaˬliˇ 11:6

Miˇ tsaˬ zaˬ tiˬ gʼaˬ-ahˇ-iˬ ngaˇ gʼawˬ shaˬ maˬ paˇ gaˬ ma. Tsawˇ haˬ dawˬ tawˆ luꞈ, uˆ lahˇ-eu sahˬ paˬ sahˬ ma deuˬ-euˬ laꞈ-ahˇ ngaˇ a nehˬ ma. Sahˬpaˬ sahˬ ma kʼoeˇ deuˬ miˇ tsaˬ tahˬ kʼawˇ heu-ahˇ kʼaˇ kʼehˬ mawꞈ-eu kʼehˬ ngeh, tiˬ gʼaˬ-ahˇ-iˬ ngaˇ maˬ ka kʼoꞈ nehˬ.”

Gʼaˬkʼehˇ 24:9

Kʼoeˇ loꞈ-ehˇ ehˇ gaˇ Yuˇdaˆ tsawˇ haˬ dawˬ tawˆ luꞈ tsaˬ meh lehˇ ehˇ-eu meh.

1 Saˬmeuˬlaˆ 24:11

Ngaˬ-euˬ aˬ da-oˇ, heu gaˇ haw sheˇ. Ngaˇ tuˆ tehˬ luꞈ-eu nawˬ-euˬ pehˇ kʼahˬ pehˇ dahˬ-ahˇ haw sheˇ. Nawˬ-ahˇ ngaˇ sehꞈ-eu yehꞈ laˇ-euˬ kʼawꞈ maˬ sehꞈ ni, pehˇ kʼahˬ pehˇ dahˬ tehꞈ-ehˇ yehˬ tsehˆ-euˬ ma. Heu gaˇ haw-awˇ, ngaˬ-euˬ nui ma laꞈ kʼoeˇ, nawˬ-ahˇ puiˬ mawꞈ-eu jeˬ hawˇ-eu laˆ tahˬ laˆ naˇ nehˬ mawꞈ-eu jeˬ tiˬ pawꞈ-iˬ maˬ ahˇ nga lehˇ, nawˇ siˬ duˬ-awˬ. Ngaˬ neh nawˬ-ahˇ mˇ lehˬ taˬ-euˬ tiˬ jeˬ-iˬ maˬ jaˆ kʼawꞈ, ngaˬ-ahˇ sehꞈ-eu lehˇ nawˇ poˆ luꞈ meh.

1 Saˬmeuˬlaˆ 26:20

Sahˬpaˬ Miˬyehˇ nehˬ-ehˇ gaˇ mahˇ kaˬ gaˇ, boeˇ miˬ siˬ kʼaˬ-euˬ miˇ tsaˬ-ahˇ, aˬ cawˬ neh ngaˬ-ahˇ taˬ bi sehꞈ nehˬ laꞈ. Iˇsaˬleˬlaˆ miˇ kʼahˬ-euˬ sahˬ paˬ-aˬ, ngaˇ loꞈ-ehˇ gʼeh-eu kuiˬ shehˇ tiˬ mawˇ maˬ tawˬ-eu tsawˇ haˬ-ahˇ aˬ jeˬ miˇ neh ya sehꞈ ta. Bawˇ tsahˬ-ahˇ jawˇ-eu aˇ jiˇ-ahˇ teh-eu loꞈ-ehˇ, aˬ jeˬ miˇ neh aˬ yawꞈ ngaˬ-ahˇ ya teh ta.”