Miˇkaˬ 7:16 - Akha

¹⁶ Aˬ cawˬ tsawˇ jeuˬ deuˬ gʼaˬ kʼaˆ dui dui kʼawꞈ, kʼoeˇ loꞈ-ehˇ mˇ mehˬ nehˬ ngeh nui ma gʼaˬ baˬ dui dui-iˇ tehꞈ-a. Aˬ yawꞈ maꞈ zahˬ leˇ jiˇ-awˇ, kʼaˬ meh hawˇ-eu naˬ bawˇ dehˬ kaˬ tehꞈ-a.

Miˇkaˬ 7:16 Σταυροειδείς Αναφορές

Yawˇbaˆ 21:5

Ngaˬ-ahˇ haw sheˇ. Naw maꞈ dawˬ maˬ ngehˬ doˆ nya ni tsoˆ leˇ jiˇ paˬ-ehˇ maˬ gʼeh nya loˇ.

Yawˇbaˆ 40:4

“Sahˬpaˬ Miˬyehˇ-oˇ, ngaˇ siˬ-eu nya-eu tsawˇ haˬ maˬ ngeuˇ. Ngaˇ nawˬ-ahˇ aˬ jeˬ paˇ ehˇ kʼoꞈ nya nmˇ. Ngaˇ tiˬ jeˬ-iˬ leh jeh-awˇ maˬ paˇ ehˇ ma.

Jaceuq 126:2

Aˬ dui laˬ kʼaˬ cehˇ dui dui-awˇ uiˇ-euˬ laꞈ kʼoeˇ, laˬ kʼaˬ cehˇ-eu caˇ dawˬ caˇ dui dui-euˬ ma. Kʼoeˇ ngeh, aˬ dui gʼaˇ duˬ Sahˬpaˬ Miˬyehˇ, huiˬ-eu jeˬ mˇ-euˬ gaˇ kawˆ-ahˇ, miˇ kʼahˬ tsawˇ jeuˬ deu ja-eu meh.

Dawqdaq 30:32

Nawˇ aˬ dzawˬ aˇ gah gah-awˇ nui ma huiˬ-eu laꞈ kʼoeˇ yaw haiˬ jeˬ mˇ luꞈ naˇ, gʼaˬ naˬ naˬ-awˇ shaˇ noeˬ-awˬ.

Iˇsaˬyaˇ 26:11

Nawˇ kʼehˬ-eu kʼaˆ-eu lehˇ gʼeh-eu gaˇ kawˆ-ahˇ, nawˬ-ahˇ muiˇ-eu kʼoeˇ deuˬ maˬ siˬ nya-a. Sahˬpaˬ Miˬyehˇ-oˇ, aˬ yawꞈ maꞈ-ahˇ bi shaꞈ dawˇ-awˇ, shaˬ zahˬ bi mˇ-awˬ. Nawˬ neh lehˬ hmˬ taˬ-euˬ kʼehˬ-eu kʼaˆ-eu jeˬ, aˬ yawꞈ maꞈ kʼoeˇ taˆ bi keuˆ le-awˇ, nawˬ-euˬ tsawˇ jeuˬ-ahˇ nawˇ aˇ naˆ ni gaˬ-eu gaˇ kawˆ, aˬ yawꞈ maꞈ bi siˬ bi mawˇ-awˬ.

Iˇsaˬyaˇ 52:15

Ehˇ kʼawꞈ, nymˬ-mˇ miˇ kʼahˬ tsawˇ jeuˬ dawˬ tawˆ, aˬ yawꞈ-ahˇ zahˬ leˇ-awˇ, sahˬ paˬ deuˬ dawˬ maˬ ngehˬ nya ni tsoˆ leˇ tehꞈ-a. Aˇ hu ba neh maˬ siˬ maˬ mawˇ haw-euˬ jeˬ-ahˇ, aˬ yawꞈ maꞈ ya siˬ ya mawˇ duˬ tehꞈ-a.”

Iˇsaˬyaˇ 66:18

Aˬ yawꞈ maꞈ-euˬ nui noeˬ hawˇ-eu aˬ yawꞈ maꞈ neh mˇ-euˬ gaˇ deuˬ ngaˇ siˬ luꞈ mawˇ luꞈ ma. Miˇ kʼahˬ tsawˇ jeuˬ dawˬ tawˆ luꞈ kuˇ uiˬ-eu gʼaˇ duˬ ngaˇ oe-eu ma. Aˬ yawꞈ maꞈ tiˬ gaˇ uiˬ laˇ jiˇ ngeh, ngaˬ-euˬ baoˬ-ahˇ gʼoe-awˇ mˇ nya-eu gaˇ deuˬ-ahˇ aˬ yawꞈ maꞈ ya mawˇ tehꞈ-a.

Yeˬsaˬgeˬlaˇ 38:23

Ngaˇ huiˬ dui mahˇ dui dui-awˇ muiˬ-eu shawˇ-eu gʼaˬ pyeuꞈ-eu gaˇ kawˆ, tsawˇ jeuˬ dawˬ tawˆ luꞈ-ahˇ kʼoeˇ ngeh nah bi siˬ duˬ ma. Ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ-ahˇ siˬ duˬ leˇ tehꞈ-a.”

Miˇkaˬ 3:7

Mehˬ hu paw pyeuꞈ laˇ-eu gaˇ kawˆ kʼaˇ mehˬ kʼaˇ tsoˆ luꞈ-eu tsawˇ haˬ deuˬ aˬ yawꞈ maꞈ neh ehˇ taˬ-eu loꞈ-ehˇ maˬ pyeuꞈ laˇ-eu miˇ neh ya shaꞈ dawˇ tehꞈ-a. Aˬ yawꞈ maꞈ-ahˇ Miˬyehˇ dawˬ maˬ ngehˬ cawˬ-eu miˇ neh, aˬ yawꞈ maꞈ daˬ ga dui dui tehꞈ-a.

Miˇkaˬ 5:8

Aˬ cawˬ tsawˇ jeuˬ yaw kaˬ-ahˇ jawˇ tehˬ yaꞈ-euˬ deuˬ-aˬ, aˇ bawˇ sahˬ kʼaˆ hawˇ-eu gaˆ dzaˬ duˬ-ahˇ smˇ dzaˬ luꞈ-eu aˇ laˬ jaˬ shiˇ-ahˇ duˇ tehꞈ-a. Yawˇ yawˇ maꞈ laꞈ kʼoeˇ aˬ yawꞈ uˇ-iˇ-awˇ, yawˇ-ahˇ baꞈ dawꞈ gʼeh-awˇ, gʼeu pyaˬ gʼeu shaˇ nehˬ-eu miˇ neh, bi ka kʼoꞈ-eu gʼaˇ duˬ noeˬ tmˬ kʼaˇ maˬ paˇ za ni jahˇ nehˬ-eu meh.

Haˬgaiˇ 2:22

Miˇ kʼahˬ deuˬ bi ga ka jiˇ-awˇ, baoˬ bi byoˆ-iˇ jiˇ-eu lehˇ gʼeh-eu ma. Mahˬ laˆ lawˬ deuˬ hawˇ-eu laˆ lawˬ teh-eu deuˬ-ahˇ ngaˇ ngawˬ pyaˆ dzeh ma. Mahˬ deuˬ shiˇ-awˇ, mahˬ laˆ lawˬ teh-eu deuˬ tiˬ gʼaˬ tiˇ gʼaˬ sehꞈ tehꞈ-a.

Zaˬkaˬliˇ 12:9

Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ guiˇ deuˆ-eu lehˇ kʼaˇ leh jeh-eu miˇ kʼahˬ yawˬ kʼahˬ na luꞈ ngaˇ laˆ cawˆ ma.

Lormav 3:19

Zahˇ dawˬ kʼoꞈ dawˬ laꞈ kʼoeˇ kʼaˇ boꞈ taˬ-euˬ jeˬ-aˬ, Zahˇ dawˬ kʼoꞈ dawˬ mehˬ nah kʼaˇ caw teh-eu tsawˇ haˬ deuˬ-ahˇ taꞈ-eu dawˬ meh lehˇ aˬ dui siˬ nya-eu ma. Tsawˇ haˬ zaˬ dawˬ tawˆ luꞈ dehˬ lehꞈ kʼaˇ maˬ bi za ni Miˬyehˇ yaˇ kʼaˬ daˇ gaˇ bi keuˆ leˇ-eu gʼaˇ duˬ boꞈ taˬ-euˬ jeˬ pyeuꞈ-eu meh.

Panmaeq 11:18

Nawˬ-euˬ nui pehˇ keuˆ le luꞈ-awˇ, shiˇ-eu deuˬ-ahˇ yaˇ kʼaˬ daˇ-eu aˇ yamˬ keuˆ le taˬ-euˬ miˇ neh, aˬ cawˬ tsawˇ jeuˬ tsawˇ ca kʼoeˇ deuˬ, nui ma pehˇ dui dui luꞈ-eu meh. Miˬyehˇ gʼaˇ duˬ ngehˬ dah nehˬ-euˬ, nawˬ-ahˇ yaw zeu baw-awˇ dehꞈ-eu, nawˬ-euˬ tsawˇ haˬ dawˬ tawˆ luꞈ-ahˇ, huiˬ zaˬ nyiˇ zaˬ maˬ tseˇ paˆ ni, guiˬ lahˬ biꞈ yamˬ keuˆ le-euˬ meh. Miˇ tsaˬ-ahˇ laˆ cawˆ-euˬ deuˬ-ahˇ, laˆ cawˆ kʼoꞈ yamˬ keuˆ le-euˬ meh.”