Miˇkaˬ 3:2 - Akha

² Ehˇ kʼawꞈ, yaw muiˬ yaw jaˬ jeˬ-ahˇ naw maꞈ bye-awˇ, maˬ muiˬ maˬ jaˬ-eu jeˬ-ahˇ naw maꞈ gaˬ-eu meh. Ngaˬ-euˬ tsawˇ haˬ deuˬ-ahˇ naw maꞈ yaw dehꞈ-ehˇ baˆ kʼoˆ gʼeu yawˆ nehˬ-awˇ, aˬ yawꞈ maꞈ-euˬ shaˬ yoeˬ-ahˇ shaˬ jiˇ kaˇ doˆ-euˬ meh.

Miˇkaˬ 3:2 Σταυροειδείς Αναφορές

1 Sahˬpaˬ 21:20

Eˇliˇyaˆ-ahˇ Aˬhaˆ mawˇ ngeh, “Ngaˬ-ahˇ muiˇ-eu gʼaˬ-oˇ, nawˇ ngaˬ-ahˇ poˆ mawˇ le-euˬ nga laˬ” lehˇ ehˇ nehˬ-euˬ meh. Eˇliˇyaˆ ehˇ-eu, “Ngeuˇ ma. Ngaˇ nawˬ-ahˇ poˆ mawˇ le-euˬ ma. Sahˬpaˬ Miˬyehˇ mehˬ shi yaw lehˬ jeˬ mˇ-eu gʼaˇ duˬ nawˇ maˇ maˇ ni noeˬ tsehˆ taˬ-euˬ meh.

2 Laˬsaˬbaˬ 19:2

Haˬnaˬniˇ-euˬ aˬ li Yeˬhuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nui ma maˬ dawˇ-eu tsawˇ haˬ-ahˇ caw ba-awˇ, Sahˬpaˬ Miˬyehˇ-ahˇ bye-eu tsawˇ haˬ nehˬ-ehˇ mˇ taꞈ shaˇ taꞈ-eu tsaˬ meh lehˇ nawˇ noeˬ te loˇ. Nawˬ neh mˇ-euˬ gaˇ baˬ da neh Sahˬpaˬ Miˬyehˇ nui ma pehˇ-eu jeˬ nawˬ-euˬ kʼoeˇ taˆ keuˆ le luꞈ meh.

Jaceuq 15:4

Miˬyehˇneh byehˇdzeh-euˬdeuˬ-ahˇ, yahˇpawˇ-awˇdehꞈgʼeh-eu tsawˇhaˬ, Miˬyehˇ-ahˇguˆ-eu tsawˇhaˬ-ahˇ, taˬhuiˬtaˬmahˇnehˬ-eu tsawˇhaˬ, yawˬha saˇjaˇdzaˬ-euˬjeˬ-ahˇ, shaˬkʼawꞈsaˇkʼawꞈziꞈ-eu tsawˇhaˬ,

Jaceuq 53:4

Ngaˬ-euˬ tsawˇ haˬ deuˬ-ahˇ deh dzaˬ nawˬ dzaˬ-awˇ, ngaˬ-ahˇ guiˬ lahˬ maˬ shaˇ ni dehꞈ luꞈ-eu, haiˬ-eu tsawˇ haˬ teu deuˬ noeˬ siˬ noeˬ mawˇ nya-eu nui ma maˬ ahˇ ta loˇ lehˇ, Miˬyehˇ naˇ haˬ luꞈ meh.

Dawqdaq 28:4

Zahˇ sahˇ kʼoꞈ-ahˇ nawˇ yaw zeu maˬ baw naˇ, haiˬ-eu tsawˇ haˬ deuˬ-ahˇ gʼaˬ baꞈ baꞈ gaˇ duˇ-awˇ, zahˇ sahˇ kʼoꞈ-ahˇ nawˇ yaw zeu baw ngeh, aˬ yawꞈ maꞈ jawˇ paw maˬ pyawˬ gaˇ duˇ-eu meh.

Iˇsaˬyaˇ 3:15

Ngaˬ-euˬ tsawˇ haˬ deuˬ-ahˇ naw maꞈ nawˬ pahˬ-awˇ, iˇ shaˬ zaˬ deuˬ-euˬ baˬ ba miˇ tsa ciˬ jeˬ nehˬ-eu teu, aˬ jeˬ dawˬ tsuiꞈ jahˇ te lehˇ, Dawˬ tawˆ kʼoeˇ taˆ uˆ lahˇ-eu gʼaˬ pyeuꞈ-eu, Baoˬ huiˬ-eu Sahˬpaˬ Miˬyehˇ ehˇ-eu ma.”

Iˇsaˬyaˇ 5:20

Yaw doeˇ-ahˇ yaw muiˬ no-awˇ, yaw muiˬ-ahˇ yaw doeˇ no-eu deuˬ, yaw zahˇ-ahˇ yaw shehꞈ ciˬ paˇ-awˇ, yaw shehꞈ-ahˇ yaw zahˇ ciˬ paˇ-eu deuˬ, yaw kʼaˬ-ahˇ laˆ coeˇ-awˇ, yaw coeˇ-ahˇ laˆ kʼaˬ-eu deuˬ, ya noeˬ shaˬ dui dui tehꞈ-a.

Iˇsaˬyaˇ 57:12

Naw maꞈ yawˬ ha neh mˇ-euˬ tsaˬ ma lehˇ noeˬ meh. Ehˇ kʼawꞈ, naw maꞈ-euˬ gaˆ kawˆ ngaˇ pah doˆ jiˇ ngeh, naw maꞈ uˬ duˬ tahˬ-eu tahˬ pahˬ aˬ ma mawˇ kawˇ kʼoeˇ deuˬ, naw maꞈ-ahˇ maˬ caw ba nya-aˬ.

Yeˬsaˬgeˬlaˇ 11:7

“Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ-eu ma. Meuˬ heu meuˬ-aˬ, gʼawˬ nyoeˇ oeˬ lahˬ-ahˇ duˇ-eu ngeuˇ meh. Ehˇ kʼawꞈ, shaˬ jiˇ aˬ geu-a. Naw maꞈ neh sehꞈ dzeh taˬ-euˬ tsawˇ haˬ kʼoeˇ deuˬ-a loˇ. Naw maꞈ heu gaˇ maˬ ya jawˇ-a. Meuˬ-euˬ laꞈ nyiˇ paw naw maꞈ-ahˇ ngaˇ biˬ doˆ ma.

Yeˬsaˬgeˬlaˇ 22:27

Sahˬpaˬ sahˬ ma geuꞈ-eu deuˬ-aˬ, jeˬ zaˬ kawꞈ sehꞈ-awˇ, pyaˆ dzaˬ luꞈ-eu kʼaˬ yehˇ-ahˇ duˇ-eu meh. Aˬ yawꞈ maꞈ smˇ muiˬ muiˬ laˇ ni tsawˇ haˬ sehꞈ-eu meh.

Yeˬsaˬgeˬlaˇ 24:4

Muiˬ dui dui-eu shaˬ jiˇ pyeuꞈ-eu, laꞈ byaˆ hawˇ-eu shaˬ pyaˬ shaˬ jiˇ, oeˬ lahˬ-ahˇ jehˆ ahˇ-awˇ puꞈ-awˇ, shaˬ yoeˬ yoeˬ nahˬ deuˬ dawˆ puꞈ-awˬ.

Yeˬsaˬgeˬlaˇ 34:3

Naw maꞈ yawˇ-euˬ aˬ coeˇ dawˇ-awˇ, yawˇ caꞈ hm neh zaꞈ-euˬ mehˬ tsoeˬ dm-awˇ, muiˬ dui dui-eu yawˇ deuˬ sehꞈ dzaˬ-eu meh. Ehˇ kʼawꞈ, yawˇ deuˬ-ahˇ yaw muiˬ-ehˇ maˬ haw-aˬ.

Aˬmoˆ 4:1

Dzaˇ yaw muiˬ ya dzaˬ-eu miˇ neh tsuˇ dui dui-eu Baˬshaˬ meuˬ-ahˇ jawˇ-eu mawˇ neˇ mawˇ ma-ahˇ duˇ-eu Saˬmaˬliˆ meuˬ-ahˇ jawˇ-eu zaˬ miˬ zaˬ deuˬ-oˇ, naˇ haˬ sheˇ. Gʼaˬ baˬ-eu deuˬ-ahˇ naw maꞈ yehˬ bawˬ-ehˇ jahˇ nehˬ-awˇ, yaw shaˬ zaˬ deuˬ kʼoeˇ taˆ naw maꞈ kʼaˆ dzaˬ-euˬ meh. Naw maꞈ-euˬ kʼaˬ dzeˇ zaˬ deuˬ-ahˇ, jiˇ baˬ ciˬ laꞈ sheˇ lehˇ naw maꞈ kʼehˇ-eu meh.

Aˬmoˆ 5:15

Yaw haiˬ jeˬ-ahˇ bye-awˇ, yaw muiˬ jeˬ-ahˇ gaˬ-eu laꞈ kʼoeˇ, yaˇ kʼaˬ daˇ-eu saˇ naˇ-ahˇ yaw tsaˬ yaw dawˇ jeˬ bi doˆ laˇ-awˬ. Miˇ kʼahˬ heu kʼahˬ laꞈ kʼoeˇ maˬ shiˇ-ehˇ kʼaˇ dzeˇ yaꞈ-euˬ deuˬ-ahˇ Sahˬpaˬ Miˬyehˇ gʼawˬ shaˬ gaˬ nehˬ laꞈ-eu duˇ.

Miˇkaˬ 2:8

Sahˬpaˬ Miˬyehˇ ehˇ-eu, “Muiˇ-eu tsawˇ haˬ deuˬ-ahˇ jahˇ nehˬ-eu loꞈ-ehˇ ngaˬ-euˬ tsawˇ haˬ deuˬ-ahˇ naw maꞈ jahˇ nehˬ-eu meh. Guiˇ deuˆ-iˇ-awˇ gʼoꞈ laˇ-euˬ tsawˇ haˬ deuˬ, iˇ kahˇ gʼoꞈ keuˆ laˇ-euˬ miˇ neh kʼahˬ lahˇ kʼaˇ maˬ paˇ za ma lehˇ noeˬ-eu meh. Ehˇ kʼawꞈ, dziˇ dzoˆ dzoˆ nehˬ-euˬ aˇ poeˬ, aˬ yawꞈ maꞈ dm luꞈ-eu pehˇ kʼahˬ lehˆ-awˇ bi biꞈ daˇ taˬ-eu lehˇ naw maꞈ loꞈ luꞈ meh.

Miˇkaˬ 7:2

Miˇ kʼahˬ kʼahˬ lah-ehˇ yaw sui yaw dawˇ tiˬ gʼaˬ-iˬ maˬ jawˇ-ehˇ, Miˬyehˇ -ahˇ saˇ jaˇ ziꞈ-eu tiˬ gʼaˬ-iˬ maˬ jawˇ-a. Tsawˇ haˬ yawˬ gʼaˬ na luꞈ aˬ cawˬ-ahˇ sehꞈ-eu lehˇ nawˬ jawˬ luꞈ meh. Yawˬ gʼaˬ na luꞈ yawˬ ha-euˬ miˇ kʼahˬ laꞈ kʼoeˇ tiˬ kawˆ loꞈ-ehˇ jawˇ-eu tsawˇ haˬ-ahˇ lahˇ ju kʼmˇ-eu meh.

Miˇkaˬ 7:3

Aˬ yawꞈ maꞈ dawˬ tawˆ luꞈ yaw haiˬ jeˬ mˇ-eu nya dui dui meh. Yaw huiˬ yaw mahˇ deuˬ hawˇ-eu yaˇ kʼaˬ daˇ-eu deuˬ laꞈ nmꞈ nmꞈ laˇ-awˬ lehˇ ehˇ-eu meh. Myaˆ pyawˬ naˇ mehˇ jaˆ-eu tsawˇ haˬ-aˬ, yawˬ ha kʼaˇ geuꞈ mawꞈ-eu jeˬ yaw huiˬ yaw mahˇ deuˬ-ahˇ ehˇ nehˬ-awˇ tiˬ kawˆ loꞈ-ehˇ laˆ dzaˬ-eu meh.

Zeˬpaˬniˇ 3:3

Aˬ yawꞈ-euˬ aˬ yuiꞈ aˬ tsu deuˬ, aˇ laˬ jaˬ shiˇ loꞈ-ehˇ lmˬ-awˇ, aˬ yawꞈ-euˬ yaˇ kʼaˬ daˇ-eu deuˬ, shaˬyoeˬ mˬ maˬ bi jaˆ bya-eu, uˬ ciꞈ kʼaˬ yehˇ-ahˇ duˇ-eu meh.

Luˇkaꞈ 19:14

Ehˇ kʼawꞈ, aˬ yawꞈ-euˬ miˇ kʼahˬ zaˬ deuˬ aˬ yawꞈ-ahˇ bye-awˇ, aˬ yawꞈ-euˬ mehˬ nah tsawˇ haˬ pyehˬ gʼeh-awˇ heu loꞈ-ehˇ bi tsaꞈ gaꞈ-iˇ-euˬ meh. ‘Tsawˇ haˬ heu gʼaˬ-ahˇ nga maꞈ kʼoeˇ taˆ sahˬ paˬ geuꞈ-awˇ maˬ bi uˆ lahˇ mawꞈ nya.’

Yoˇhaˬ 18:40

Aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Aˬ yawꞈ-ahˇ taˬ pyehˬ. Baˬlaˬbaˇ-ahˇ pyehˬ-awˬ.” Baˬlaˬbaˇ-aˬ, Loˇmaˆ sahˬ paˬ-ahˇ puiˬ-euˬ tsawˇ haˬ tiˬ gʼaˬ pyeuꞈ-eu meh.

Yoˇhaˬ 7:7

Miˇ tsaˬ zaˬ deuˬ nawˬ ha mehˇ nmˇ-ahˇ muiˇ-eu gaˇ kawˆ maˬ jaˆ-a. Ehˇ kʼawꞈ, ngaˬ-ahˇ muiˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ dehꞈ jeˬ dehꞈ kawˆ maˬ muiˬ gaˇ ngaˇ maˬ tsehˆ leˇ ni ehˇ luꞈ-eu miˇ neh meh.

Lormav 1:32

Kʼoeˇ loꞈ-ehˇ dehꞈ-eu tsawˇ haˬ deuˬ shiˇ-eu geuˇ meh lehˇ, Miˬyehˇ-euˬ zahˇ dawˬ kʼoꞈ dawˬ laꞈ kʼoeˇ ehˇ tsehˆ taˬ-euˬ aˬ yawꞈ maꞈ siˬ nya meh. Ehˇ kʼawꞈ, aˬ yawꞈ maꞈ kʼoeˇ loꞈ-ehˇ mˇ-eu maˬ byehˇ-eu uˬ taꞈ, kʼoeˇ loꞈ-ehˇ mˇ caw-eu tsawˇ haˬ deuˬ-ahˇ nui ma tsaˬ-eu meh.

Lormav 12:9

Gʼoeˇ-eu gaˬ-eu jeˬ-aˬ, maˇ maˇ ni gaˬ-eu jeˬ ya bi pyeuꞈ meh. Maˬ muiˬ maˬ jaˬ-eu jeˬ-ahˇ muiˇ-awˇ, muiˬ-eu jaˬ-eu jeˬ-ahˇ ziꞈ dah ni tuˆ tehˬ taˬ-awˬ.

2 Tiˆmoˇseˬ 3:3

gʼawˬ shaˬ gaˬ-eu maˬ siˬ nya-eu, aˬ cawˬ-ahˇ maˬ dehꞈ tsaˬ-eu, ja bu ja doeˇ-eu, dawꞈ-eu ceh-eu, guˆ laˇ paˬ-ehˇ zuiˆ-eu, yaw muiˬ jeˬ-ahˇ muiˇ-eu,