Miˇkaˬ 3:12 - Akha

¹² Naw maꞈ baˬ da neh Yeˬluˇsaˬlehˬ meuˬ-ahˇ deh yaˇ tsehˬ-eu loꞈ-ehˇ bi tsehˬ-awˇ, kʼaˬ lo tsaˬ byaˆ yaw cawˆ deuˬ baꞈ bymˇ taˬ-euˬ loꞈ-ehˇ jaˆ tehꞈ-a. Uˬ duˬ tahˬ nymˇ nymˇ ma jaˆ-eu gawˬ duˇ kʼoeˇ duˇ kʼawꞈ, yaˇ saˬ kʼehˬ ma loꞈ-ehˇ pyeuꞈ-iˇ tehꞈ-a.

Miˇkaˬ 3:12 Σταυροειδείς Αναφορές

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Jaceuq 79:1

Miˬyehˇ-oˇ, aˬ cawˬ tsawˇ jeuˬ nawˬ-euˬ miˇ kʼahˬ-ahˇ uˇ le-euˬ meh. Muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-awˇ, Yeˬluˇsaˬlehˬ meuˬ-ahˇ laˆ cawˆ yaꞈ-euˬ meh.

Iˇsaˬyaˇ 32:14

Sahˬ paˬ-euˬ nymˇ ya byehˇ dzeh gaˇ keuˆ-awˇ, meuˬ meuˬ ma kʼoeˇ ciˬ cuˇ ni jaˆ tehꞈ-a. Meuˬ laꞈ kʼoeˇ jaˆ-eu nymˇ hawˇ-eu, meuˬ-ahˇ loꞈ piˇ-euˬ taˆ kʼoeˇ deuˬ, mˬ maˬ maˬ byaˆ zaˇ ziˇ cawˆ jiˇ tehꞈ-a. Bawˇ tsahˬ mahˬ tahˬ laˆ deuˬ kʼoeˇ gaˇ jawˇ-awˇ, yawˇ deuˬ kʼoeˇ gaˇ gaˆ dzaˬ tehꞈ-a.

Yeˬlaˬmiˇ 17:3

deh ga-ahˇ jaˆ-eu gawˬ jawˬ deuˬ kʼoeˇ taˆ maˬ ehˇ, ka tuˇ gahˬ taˬ-euˬ meh. Naw maꞈ-euˬ miˇ kʼahˬ doe ni naw maꞈ neh mˇ byah taˬ-euˬ iˬ baˇ baˬ da neh, naw maꞈ-ahˇ muiˇ-eu deuˬ neh naw maꞈ-euˬ pyuˇ shuiˇ myawˬ gahˬ bi yuˇ geuꞈ jiˇ ma.

Yeˬlaˬmiˇ 22:5

Ehˇ kʼawꞈ, ngaˬ neh dawˬ biꞈ-euˬ gaˇ naw maꞈ maˬ naˇ haˬ ni dehꞈ naˇ, sahˬ paˬ-euˬ hawˇ nymˇ heu ya cawˆ-iˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ kamˬ-eu ma.

Yeˬlaˬmiˇ 22:6

“Yuˇdaˆ sahˬ paˬ-euˬ hawˇ nymˇ heu-aˬ, ngaˬ-euˬ gʼaˇ duˬ Giˇlaˆ miˇ kʼahˬ hawˇ-eu Leˬbaˬnoˬ gawˬ jawˬ deuˬ loꞈ-ehˇ haw muiˬ-eu kʼawꞈ, tsawˇ haˬ tiˬ gʼaˬ-iˬ maˬ jawˇ-eu bawˇ tsahˬ bawˇ dahˇ loꞈ-ehˇ, coꞈ gaˆ ni ngaˇ bi pyeuꞈ-iˇ ma.

Yeˬlaˬmiˇ 26:18

“Heˬsaˬgiˇ Yuˇdaˆ sahˬ paˬ geuꞈ ngeh, Miˇkaˬ lehˇ myahˇ-euˬ Mawˇleˇshehˆ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ, Yuˇdaˆ miˇ kʼahˬ zaˬ dawˬ tawˆ luꞈ-ahˇ, Sahˬpaˬ Miˬyehˇ neh ehˇ-euˬ dawˬ heu loꞈ-ehˇ dzawˇ nehˬ-euˬ meh. Ziˇoˬ gawˬ jawˬ-ahˇ deh yaˇ loꞈ-ehˇ bi tsehˬ-awˇ, Yeˬluˇsaˬlehˬ meuˬ yaw cawˆ jeˬ pu cu pu lu lu-awˇ, Uˬ duˬ tahˬ nymˇ nymˇ ma jaˆ-euˬ gawˬ duˇ kʼoeˇ aˇ bawˇ sahˬ kʼaˆ pyeuꞈ-iˇ tehꞈ-a. lehˇ dzawˇ nehˬ-euˬ meh.

Yeˬlaˬmiˇ 35:17

Kʼoeˇ miˇ neh, Iˇsaˬleˬlaˆ-euˬ Miˬyehˇ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ neh, naw maꞈ kʼoeˇ taˆ bi keuˆ le ma lehˇ saˇ jaˇ dzaˬ taˬ-euˬ luˬ-iˇ seˇ-iˇ-eu jeˬ, nymˬ-mˇ bi keuˆ le ma. Ngaˇ naw maꞈ-ahˇ dawˬ ngehˬ cawˬ ngeh naw maꞈ maˬ naˇ haˬ-ehˇ, ngaˇ kuˇ ngeh naw maꞈ oˬ maˬ toˬ-eu miˇ neh, ngaˇ kʼoeˇ loꞈ-ehˇ jahˇ ma.”

Yeˬlaˬmiˇ 44:2

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ kʼoeˇ taˆ, ngaˬ neh bi keuˆ le-euˬ luˬ-iˇ seˇ-iˇ-eu jeˬ-ahˇ naw maꞈ ya mawˇ gʼaˬ-euˬ meh. Nymˬ-mˇ keuˆ ni meuˬ kʼoeˇ deuˬ yaw cawˆ-ehˇ jaˆ-awˇ, tsawˇ haˬ tiˬ gʼaˬ-iˬ maˬ jawˇ-a.

Yeˬlaˬmiˇ 52:13

Uˬ duˬ tahˬ nymˇ nymˇ ma maˬ ehˇ, sahˬ paˬ-euˬ hawˇ nymˇ maˬ ehˇ, nymˇ yaw muiˬ dawˬ tawˆ luꞈ-ahˇ maˬ ehˇ, aˬ yawꞈ miˬ dzaˬ keuˬ dzeh-euˬ meh.

Yeˬlaˬmiˇ 9:10

Ngaˇ heu loꞈ-ehˇ ehˇ-euˬ ma. “Gawˬ jawˬ hawˇ-eu jeˬ zaˬ gaˆ kʼahˬ deuˬ-euˬ gʼaˇ duˬ, ngaˇ tsawˇ ngoeˇ ngoeˇ-eu ma. Gawˬ jawˬ hawˇ-eu jeˬ zaˬ gaˆ kʼahˬ deuˬ koˆ jiˇ-awˇ, tsawˇ haˬ maˬ iˇ maˬ laˇ tsehˆ-a. Jeˬ zaˬ teˇ saˇ maˬ ya gaˬ ni ciˬ cuˇ ni pyeuꞈ-iˇ-awˇ, bawˇ tsahˬ jeˬ zaˬ aˇ jiˇ deuˬ pawˇ byoˆ jiˇ-euˬ meh.”

Yeˬlaˬmiˇ 9:11

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Ngoeˇ dawˬ 5:18

Ziˇoˬ gawˬ jawˬ ciˬ cuˇ jaˆ-awˇ, bawˇ tsahˬ kʼaˬ yehˇ gaˆ dzaˬ luꞈ meh.

Miˇkaˬ 1:6

Yeˬluˇsaˬlehˬ meuˬ baˬ da neh maˬ ngeuˇ-a loˇ. Kʼoeˇ miˇ neh, Sahˬpaˬ Miˬyehˇ ehˇ-eu, “Saˬmaˬliˆ meuˬ-euˬ deh ga-ahˇ nymˇ nymˇ cehˇ baꞈ bymˇ taˬ-euˬ loꞈ-ehˇ ngaˇ laˆ pyeuꞈ-awˇ, aˬ gaꞈ aˇ bawˬ ka-eu jawˇ duˬ bi pyeuꞈ-iˇ ma. Meuˬ gawˬ-euˬ kʼaˬ lo tsaˬ byaˆ deuˬ gʼaˬ lawˬ-ahˇ ngaˇ shehˆ dzeh-awˇ, meuˬ-euˬ dawˬ pehˬ neˇ myawˆ ni bi jaˆ ma.

Maꞈtehˬ 24:2

Aˬ yawꞈ maꞈ-ahˇ Yeˬsuˇ ehˇ nehˬ-eu, “Nymˇ heu deuˬ-ahˇ naw maꞈ mawˇ luꞈ meh. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Nymˇ kʼaˇ gawˬ taˬ-euˬ kʼaˬ lo heu deuˬ tiˬ siˬ kʼoeˇ taˆ tiˬ siˬ maˬ jaˆ ziꞈ nya ni byaˆ-iˇ jiˇ gaˇ keuˆ tehꞈ-a.”