Miˇkaˬ 2:6 - Akha

⁶ Ngaˬ neh ehˇ-euˬ dawˬ-ahˇ gaˬ-euˬ deuˬ ngaˬ-ahˇ dawˬ mehˬ mehˬ laˇ-awˇ ehˇ-eu, “Nga maꞈ-ahˇ dawˬ mehˬ taˬ mehˬ. Gaˇ kawˆ heu deuˬ maˬ mehˬ ni jawˇ-awˬ. Nga maꞈ daˬ ga ni Miˬyehˇ maˬ mˇ-aˇ.

Miˇkaˬ 2:6 Σταυροειδείς Αναφορές

Jaceuq 74:9

Nga maꞈ-euˬ muiˬ-eu shawˇ-eu mˇ myawˬ keu ka dawˬ tawˆ luꞈ bi laˆ byoˆ jiˇ-awˇ, Miˬyehˇ gʼaˇ duˬ ngehˬ dah-eu tsawˇ haˬ kʼawꞈ, tiˬ gʼaˬ-iˬ maˬ dzeˇ-a. Aˇ myah keuˆ ni heu loꞈ-ehˇ ya shaˬ-eu tiˬ gʼa-iˬ maˬ siˬ nya-a.

Iˇsaˬyaˇ 29:10

Naw maꞈ yuꞈ kʼaˆ byoˆ ni, Sahˬpaˬ Miˬyehˇ jahˇ-euˬ meh. Miˬyehˇ gʼaˇ duˬ ngehˬ dah-eu deuˬ myaˆ nuiˆ bi dehˬ kaˬ-awˇ, nyiˇ paˬ shaˆ ma deuˬ myaˆ maˬ mawˇ nya-a.

Iˇsaˬyaˇ 30:10

Miˬyehˇ gʼaˇ duˬ ngehˬ dah luꞈ-eu deuˬ-ahˇ, aˬ yawꞈ maꞈ kʼaˬ meh paꞈ tsoeˬ tsoeˬ nehˬ-awˇ, “Yaw tsaˬ yaw dawˇ jeˬ gaˇ kawˆ maˬ mehˬ ni, nga maꞈ naˇ haˬ mawꞈ-eu dawˬ deuˬ hawˇ-eu, gaˇ jaw jaw-eu dawˬ mehˬ le-awˬ” lehˇ ehˇ-eu meh.

Yeˬsaˬgeˬlaˇ 20:46

“Tsawˇ haˬ zaˬ-oˇ, laꞈ oˆ paw kʼahˬ-ahˇ haw gʼeh-iˬ sheˇ. Laꞈ oˆ paw kʼahˬ-ahˇ zaw leˇ-eu dawˬ ngehˬ-awˇ, laꞈ oˆ paw kʼahˬ-euˬ aˇ bawˇ sahˬ kʼaˆ-ahˇ ngaˬ-euˬ gʼaˇ duˬ ngehˬ dah nehˬ sheˇ.

Yeˬsaˬgeˬlaˇ 21:2

“Tsawˇ haˬ zaˬ-oˇ, Yeˬluˇsaˬlehˬ meuˬ paw ciˬ pyawˇ-awˇ, aˬ yawꞈ-ahˇ zaw leˇ-eu dawˬ ngehˬ nehˬ-awˬ. Meuˬ-ahˇ jawˇ-eu deuˬ uˬ duˬ tahˬ-eu jawˇ duˬ deuˬ-ahˇ zaw leˇ ni dawˬ mehˬ mehˬ-awˬ. Iˇsaˬleˬlaˆ miˇ kʼahˬ-ahˇ yaw kʼaˆ kʼaˆ-ehˇ ehˇ nehˬ-awˬ.

Yeˬsaˬgeˬlaˇ 3:26

Ngaˬ-ahˇ puiˬ-eu tsawˇ haˬ heu deuˬ-ahˇ nawˇ maˬ mehˬ maˬ tsoˆ nya-ehˇ pyeuꞈ-iˇ ni, nawˬ-euˬ mehˬ laˇ ngaˇ bi kʼaˆ-iˇ ma.

Aˬmoˆ 2:12

Ehˇ kʼawꞈ, Naˬzaˬliˇ tsawˇ haˬ deuˬ jiˇ baˬ dawˇ ni naw maꞈ jahˇ-awˇ, Miˬyehˇ gʼaˇ duˬ ngehˬ dah-eu deuˬ ngaˬ neh bi ngehˬ-euˬ dawˬ maˬ ya ngehˬ ni naw maꞈ laˆ tsoeˬ-euˬ meh.

Aˬmoˆ 7:13

Heu gaˇ Beˬdeˬlaˇ meuˬ-ahˇ Miˬyehˇ gʼaˇ duˬ ngehˬ dah ngehˬ dah-ehˇ taˬ paˇ jawˇ. Heu-aˬ, sahˬ paˬ uˬ duˬ tahˬ-eu jawˇ duˬ hawˇ-eu miˇ kʼahˬ zaˬ-euˬ uˬ duˬ tahˬ nymˇ jaˆ-eu jawˇ duˬ pyeuꞈ-eu meh.”

Aˬmoˆ 7:16

Nymˬ-mˇ Sahˬpaˬ Miˬyehˇ ehˇ gaˇ naˇ haˬ sheˇ. Miˬyehˇ gʼaˇ duˬ ngehˬ dah ngehˬ dah-ehˇ Iˇsaˬleˬlaˆ tsawˇ haˬ deuˬ-ahˇ bi coeˬ leˇ-eu dawˬ taˬ paˇ ngehˬ lehˇ nawˇ ngaˬ-ahˇ ehˇ-eu meh.

Miˇkaˬ 3:6

“Miˬyehˇ gʼaˇ duˬ ngehˬ dah-eu tsawˇ haˬ deuˬ-oˇ, naw maꞈ-euˬ aˇ nah aˇ yamˬ jiˇ le luꞈ meh. Naw maꞈ gʼaˇ duˬ nahˇ ma ga ahˇ shaw-iˬ meh. Ngaˬ-euˬ tsawˇ haˬ deuˬ-ahˇ naw maꞈ gaˇ ma sheuˬ bahˬ-euˬ miˇ neh, Miˬyehˇ gʼaˇ duˬ ngehˬ dah-eu jeˬ-ahˇ naw maꞈ maˬ paˇ mˇ nya-ehˇ, mehˬ hu paw pyeuꞈ laˇ-eu gaˇ kawˆ deuˬ-ahˇ naw maꞈ maˬ paˇ ehˇ nya meh.”

Miˇkaˬ 6:16

Sahˬ paˬ Awˇmaˬliˇ hawˇ-eu aˬ yawꞈ-euˬ aˬ li sahˬ paˬ Aˬhaˆ aˬ nyaꞈ maˬ tsaˬ maˬ dawˇ-eu jeˬ mˇ gaˇ naw maꞈ caw teh-euˬ miˇ neh, naw maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a. Aˬ yawꞈ nyaꞈ kʼaˇ dehꞈ yaꞈ-euˬ loꞈ-ehˇ naw maꞈ caw teh-awˇ dehꞈ-eu miˇ neh, luˬ-iˇ seˇ-iˇ-eu jeˬ naw maꞈ kʼoeˇ taˆ ngaˇ bi keuˆ le-awˇ, yawˬ gʼaˬ na luꞈ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa tehꞈ-a. Aˬ cawˬ tsawˇ jeuˬ deuˬ naw maꞈ-ahˇ ja bu ja doeˇ tehꞈ-a.”

Gʼaˬkʼehˇ 4:17

Ehˇ kʼawꞈ, nui gaˇ jawˇ-eu miˇ kʼahˬ zaˬ deuˬ jawˇ gaˇ maˬ bi gaˬ keuˆ-iˇ-eu gʼaˇ duˬ, Yeˬsuˇ-euˬ tsawˇ myahˇ uˬ moˆ aˬ cawˬ-ahˇ dawˬ tiˬ jawˇ-iˬ taˬ paˇ ngehˬ cawˬ lehˇ, aˬ yawꞈ nyaꞈ-ahˇ yaw kʼaˆ kʼaˆ-ehˇ mehˬ nehˬ kaˇ-euˇ.”

Gʼaˬkʼehˇ 5:28

“Tsawˇ haˬ kʼoeˇ gʼaˬ-euˬ tsawˇ myahˇ uˬ moˆ mehˬ-eu tsoˆ-eu jeˬ taˬ mˇ lehˇ, nga maꞈ neh naw maꞈ-ahˇ yaw kʼaˆ kʼaˆ-ehˇ ehˇ taˬ-euˬ jaˆ-eu maˬ ngeuˇ-a loˇ. Ehˇ kʼawꞈ, Yeˬluˇsaˬlehˬ meuˬ meuˬ lah-ehˇ gaˬ byah jiˇ ni naw maꞈ mehˬ-awˇ tsoˆ-awˇ, tsawˇ haˬ kʼoeˇ gʼaˬ shiˇ-euˬ gaˇ kawˆ nga maꞈ kʼoeˇ taˆ keuˆ le ni naw maꞈ jahˇ-euˬ meh.”

Gʼaˬkʼehˇ 5:40

Gʼaˬ kʼehˇ deuˬ-ahˇ laꞈ kʼoeˇ paˇ kuˇ ahˇ-awˇ, yahˬ caˆ neh juiꞈ-awˇ, Yeˬsuˇ-euˬ tsawˇ myahˇ uˬ moˆ maˬ ngehˬ maˬ tmˇ-eu gʼaˇ duˬ yaw kʼaˆ kʼaˆ-ehˇ mehˬ-awˇ pyehˬ nehˬ-euˬ meh.

Gʼaˬkʼehˇ 7:51

Naw maꞈ nui ma aˇ naˆ naˆ-ehˇ gʼahˇ te. Naˬ bawˇ aˇ naˆ naˆ-ehˇ tuˇ te. Miˬyehˇ-ahˇ maˬ siˬ nya-eu tsawˇ haˬ deuˬ loꞈ-ehˇ aˇ naˆ naˆ-ehˇ dzawˬ te. Naw maꞈ-aˬ, naw maꞈ-euˬ aˬ poeˬ aˬ bawˇ deuˬ-ahˇ duˇ-awˇ, Muiˬ-eu shawˇ-eu Yaw sahˇ Miˬyehˇ-euˬ dawˬ-ahˇ tiˬ jawˇ-iˬ maˬ naˇ haˬ geuꞈ-a.