Miˇkaˬ 1:8 - Akha

⁸ Kʼoeˇ naˇ, Miˇkaˬ ehˇ-eu, “Teu baˬ da neh ngaˇ noeˬ shaˬ-awˇ tsawˇ ngoeˇ ngoeˇ ma. Ngaˇ noeˬ shaˬ-eu gaˇ kawˆ bi mawˇ-eu gʼaˇ duˬ sehˬ nawˆ maˬ nawˬ-ehˇ, mehˬ tsoeˬ maˬ ahˇ ni laꞈ di laꞈ cuˬ tehꞈ-ehˇ dm-awˇ ngaˇ cah ma. Bawˇ tsahˬ aˬ kuiˬ loꞈ-ehˇ mahˇ-awˇ, law taw aˇ jiˇ loꞈ-ehˇ guˇ guˇ-ehˇ cah ma.

Miˇkaˬ 1:8 Σταυροειδείς Αναφορές

2 Sahˬpaˬ 18:13

Sahˬ paˬ Heˬsaˬgiˇ Yuˇdaˆ miˇ kʼahˬ-ahˇ uˆ lahˇ-euˬ tseˇ oeˬ kʼoꞈ tiˬ kʼoꞈ-ahˇ, Aˬshuˇliˆ sahˬ paˬ Saˬneˬkaˬliˇ-aˬ, Yuˇdaˆ miˇ kʼahˬ laꞈ kʼoeˇ jaˆ-eu ziꞈ dah ni gʼeh-eu meuˬ deuˬ-ahˇ guiˇ deuˆ le-awˇ, deuˆ gʼaˬ-euˬ meh.

Iˇsaˬtaˆ 4:1

Pyeuꞈ laˇ-euˬ gaˇ kawˆ kʼoeˇ deuˬ dawˬ tawˆ luꞈ-ahˇ Mawˬdaˬkehˇ ya siˬ ngeh, noeˬ shaˬ noeˬ zahˬ-eu laꞈ kʼoeˇ aˬ yawꞈ dm luꞈ-eu mehˬ tsoeˬ cehˬ pyaˬ-euˬ meh. Kʼoeˇ naˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ-awˇ, meuˬ gʼahˇ lahˇ ceh ngoeˇ ngoeˇ-ahˇ cah-euˬ meh.

Yawˇbaˆ 30:29

Ngaˬ-euˬ teˇ saˇ-aˬ, cawˬ maˬ baw-ehˇ mahˇ-eu bawˇ tsahˬ aˬ kuiˬ teˇ saˇ hawˇ-eu, bo-mˬ bo lo teˇ saˇ-ahˇ duˇ miˇ-a.

Jaceuq 102:6

Bawˇ tsahˬ-ahˇ dzuˇ luꞈ-eu jeˬ shiˇ kʼaˬ dzeˇ hawˇ-eu, cawˆ-iˇ-euˬ pu-ahˇ dzuˇ luꞈ-eu bo-mˬ bo lo-ahˇ duˇ miˇ-a.

Iˇsaˬyaˇ 13:21

Bawˇ tsahˬ jeˬ zaˬ yuꞈ duˬ pyeuꞈ-iˇ-awˇ, bawˇ tsahˬ aˬ kuiˬ bahˬ sheu-awˇ jawˇ tehꞈ-a. Dzeˇ ngawˇ deuˬ kʼoeˇ gaˇ uiˬ leˇ-awˇ, bawˇ tsahˬ ciꞈ myehꞈ deuˬ tsawˬ niˇ gʼa duˬ pyeuꞈ-iˇ tehꞈ-a.

Iˇsaˬyaˇ 13:22

Loꞈ-eu nymˇ goˇ hawˇ-eu sahˬ paˬ-euˬ nymˇ laꞈ kʼoeˇ, kʼaˬ yehˇ hawˇ-eu bawˇ tsahˬ aˬ kuiˬ deuˬ lawꞈ gʼa tehꞈ-a. Baˬbuˇloˬ meuˬ-euˬ aˇ nah aˇ yamˬ keuˆ le luꞈ meh. Gʼawˬ myahˇ ni maˬ paˇ ca meh.”

Iˇsaˬyaˇ 16:9

Yaˬzeuˬ meuˬ gʼaˇ duˬ ngaˇ tsawˇ ngoeˇ ngoeˇ-euˬ loꞈ-ehˇ, nymˬ-mˇ Siˇbaˬmaˬ meuˬ-euˬ aˬ gaꞈ baw duˆ gʼaˇ duˬ, ngaˇ tsawˇ ngoeˇ ngoeˇ-eu ma. Miˇ kʼahˬ zaˬ noeˬ tmˬ-awˇ laˬ kʼaˬ cehˇ duˬ pyeuꞈ-eu, cehˇ yehˬ cehˇ diˬ-eu maˬ paˇ baw-euˬ miˇ neh, Heˬshaˬboˬ meuˬ hawˇ-eu Eˇlaˬleˬ meuˬ gʼaˇ duˬ, ngaˬ-euˬ myaˆ biˇ yoeˇ le miˇ-a.

Iˇsaˬyaˇ 21:3

Kʼoeˇ baˬ da neh ngaˬ-euˬ gʼawˇ mawˇ laꞈ kʼoeˇ, zaˬ baw doˆ-eu shaˬ-eu loꞈ-ehˇ, naˇ dui gawˇ dui dui nya.

Iˇsaˬyaˇ 22:4

Kʼoeˇ miˇ neh ngaˬ-ahˇ maˬ haw cawˬ laˇ ni, tiˬ gʼaˬ tehꞈ-ehˇ bi ngoeˇ nehˬ laꞈ. Shiˇ dzeuˇ-euˬ ngaˬ-euˬ tsawˇ haˬ deuˬ gʼaˇ duˬ, ngaˇ shaˬ zahˬ mˇ-awˇ ngoeˇ luꞈ ngeh, ngaˬ-ahˇ muˇ taˬ-eu lehˇ taˬ gʼeh.

Iˇsaˬyaˇ 32:11

Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Yeˬlaˬmiˇ 4:19

Shaˬ zahˬ naꞈ-eu shaˬ zahˬ, shaˬ zahˬ maˬ daˬ coeˇ nya. Nui ma cehˇ tahˬ, nui ma cehˇ tahˬ, ciˬ cuˇ ni maˬ dzahˬ tehˬ coeˇ nya. Daˇ heh teˇ saˇ hawˇ-eu, guiˇ deuˆ-eu teˇ saˇ gaˬ laˇ nya.

Yeˬlaˬmiˇ 9:1

Aˬ cawˬ neh bi sehꞈ-euˬ ngaˬ-euˬ tsawˇ jeuˬ gʼaˇ duˬ, uˬ ciꞈ nah gʼahˇ ngaˇ ngoeˇ coeˇ ni, uˬ duˬ iˇ cuꞈ lah duˬ pyeuꞈ-awˇ, myaˆ biˇ iˇ beuˆ yoeˇ nmˇ duˇ nya.

Yeˬlaˬmiˇ 9:10

Ngaˇ heu loꞈ-ehˇ ehˇ-euˬ ma. “Gawˬ jawˬ hawˇ-eu jeˬ zaˬ gaˆ kʼahˬ deuˬ-euˬ gʼaˇ duˬ, ngaˇ tsawˇ ngoeˇ ngoeˇ-eu ma. Gawˬ jawˬ hawˇ-eu jeˬ zaˬ gaˆ kʼahˬ deuˬ koˆ jiˇ-awˇ, tsawˇ haˬ maˬ iˇ maˬ laˇ tsehˆ-a. Jeˬ zaˬ teˇ saˇ maˬ ya gaˬ ni ciˬ cuˇ ni pyeuꞈ-iˇ-awˇ, bawˇ tsahˬ jeˬ zaˬ aˇ jiˇ deuˬ pawˇ byoˆ jiˇ-euˬ meh.”

Yeˬlaˬmiˇ 9:19

Ziˇoˬ meuˬ-ahˇ tsawˇ ngoeˇ ngoeˇ luꞈ gaˇ naˇ haˬ sheˇ. “Nga maꞈ cawˆ-iˇ jiˇ-euˬ miˇ-a. Myaˆ pyawˬ maˬ ciˬ diˇ coeˇ miˇ-a. Nga maꞈ-euˬ nymˇ jiˇ bi laˆ byoˆ jiˇ-awˇ, yawˬ ha miˇ kʼahˬ-ahˇ ya byehˇ dzeh gaˇ keuˆ miˇ-a” lehˇ ngoeˇ luꞈ meh.

Yeˬsaˬgeˬlaˇ 32:18

“Tsawˇ haˬ zaˬ-oˇ, Iˇjiˇtuˆ tsawˇ haˬ deuˬ gʼaˇ duˬ tsawˇ ngoeˇ ngoeˇ-awˬ. Baoˬ huiˬ-eu tsawˇ jeuˬ nui deuˬ nehˬ-ehˇ tiˬ kʼawˆ loꞈ-ehˇ, aˬ yawꞈ maꞈ-ahˇ shiˇ-eu miˇ kʼahˬ-ahˇ bi keuˆ-iˇ-awˬ.

Miˇkaˬ 2:4

Aˇ nah kʼoeˇ nah-ahˇ naw maꞈ-ahˇ naˬ gʼa-eu caˇ dawˬ aˬ cawˬ caˇ-eu laꞈ kʼoeˇ, naw maꞈ neh ya daˬ-euˬ jeˬ gʼaˇ duˬ noeˬ shaˬ-eu gaˇ kawˆ heu loꞈ-ehˇ dawˬ kawˬ kawˬ-awˇ caˇ tehꞈ-a. ‘Nga maꞈ bi laˆ deuˬ dui dui-awˇ, geuꞈ-eu jeˬ maˬ paˇ ahˇ miˇ-a. Nga maꞈ-euˬ miˇ tsaˬ kʼawꞈ, Sahˬpaˬ Miˬyehˇ neh yuˇ doˆ-awˇ, nga maꞈ-ahˇ nyehꞈ gʼeh-euˬ deuˬ-ahˇ, aˬ yawꞈ neh biꞈ ahˇ nehˬ-euˬ meh.’ lehˇ caˇ tehꞈ-a.”

1 Saˬmeuˬlaˆ 19:24

Saˬmeuˬlaˆ mehˬ shi aˬ yawꞈ mehˬ tsoeˬ lehˆ dzeh-awˇ, gaˇ nyeh nyeh nyeh-ehˇ guˇ-eu laꞈ kʼoeˇ, tiˬ nah tiˬ miˇ neˇ myawˆ ni ga-euˬ meh. Kʼoeˇ ngeh neh naˇ, “Sawˇluˆ gʼeh Miˬyehˇ gʼaˇ duˬ ngehˬ dah-eu tsawˇ haˬ pyeuꞈ tsehˆ shaw taˬ loˇ” lehˇ ehˇ-eu dawˬ daˬ jaˆ laˇ-euˬ meh.